تجمع امهات 2008 حياكم

[كويتية1]

صباح الخير بنات اشلونكم؟؟؟

ريونه كان المفروض تطعيمها اليوم بس تكيسلت اقعد الصبح
انشالله باجر اوديها والله يعين على الصخونه
حبيبتي الكحه ماذيتها وقاعده اعطيها بروسبان وجنه نافع معاها بس مع الغبار ماكو شي ينفع
لورانس هذا شي حده طبيعي الريال اذا جابل اهني يصير مو طبعي والله يعين

 

[mrs_sugar]

هلا بطوطة ولكم باك

 

[أم وجيه]

كويتية الله يعنج على التطعيم يوم طعمت فطوم آنا اللي مرضت لما أبدل لها تصارخ حبيبتي فخودها تعورها

الجاردينيا الله يجيبكم بالسلامة

الستيال آنا استخدمه ومثل ما قلتي مو دايما وايد زين بس من فترة شريت نوع ثاني من الصيدلية بعد غسول مثل السيتيال بس ريحته على بابونج وايد حلووو وزين حسيته أحسن من السيتيال بس نسيت اسمه

الله يعينج على الترتيب والتقفل والعزال

شقورة لا تحاتين الدوام الحين تمتعي ولما يجي وقته الله يسهلها

أحلى وينها كانت تعبانه وعقب صارلها يومين مختفيه ان شاء الله تكون صارت أحسن

 

[mrs_sugar]

صباحكم ورد

شخباركم

ام جوجو شمسوية مع الدوام و اليهال

تدرين انا ليش ضايق خلقي

لانه مرت اجازتي و ما انجزت فيها شي

مقزرة الوقت اغلبه بالنوم

بالليل سهر مع عواشة و النهار اعوض انام و من يردون اليهال من المدارس حوسة وياهم

ابي افضى حق نفسي شوية

ابي اسنع و اعدل البيت

يعني هذا و انا بإجازة ما سويت هذا كله لي داومت بسويه

 

[al_gardenia]

ام وجيه قصدي ان السيتيال ينفع حق الجسم اذا كثرتي من شرب الحلبه وطلع الجسم ريحه

لورانس تقبلي بروح رياضيه خل الامور تمشي وحاولي اتحلين الخلاف الي بين ريلج وبين اهلج عشان لاتكبر الحالفه وتم معاهم طول العمرانا اعرف وحده جذي كله كحتاره بين ريلها وبيت واهلها
ومبروك طلعتج من الاربعين طلعتي من الشر

 

[كويتيه وافتخر]

السلام
اشلونكم كلكم

ادعوا لولدي موعد لجنته للسفر للخارج بعد باجر الله يكتب له اللي فيه الخير

لورانس الله يعينج حبيبتي بس نصيحه حاولي تخلين اهلج وزوجج يتصالحون اهم شيء

 

[al_gardenia]

انشالله يارب يكويتيه ماتردين الا وياج خبر القبول
ويسافر ويردج متعافي يارب

 

[ملح الدنيا]

السلااااااااااااام عليـــــــــــــــــــكم
ماعندي سوالف بس تطمنت عليكم وبطلع

 

[mrs_sugar]

السلام عليكم

شخباركم بنات

كويتية و افتخر
الله يكتب لكم اللي فيه الخير و الصالح
و يشافي وليدج و يعافيه

القاردينيا
ناطرينج لا تطولين علينا

ملوحة
تسلمين يا قلبي
بشرينا عنج و عن عزيزاين شيخ الشباب

 

[][^lorans^][]

مشكوورين بناااات ماقصرتووو خواتي
سمعتو عن تطعيمة مواليد 2006 من شهر 1 لين شهر 7
انا بنتي الكبيرة مواليد 2006 فلها تطعيمة كاتبين عنها بالجرايد فالي عندها لاتنساها وبسأل شنو الفرق بين الجرعه والطعم ؟؟ ايهو الي يقصدون فيه الابره ؟؟؟و ودي ادش معاكم المسنجر شلووووووون ؟؟؟؟اذا ماعندكم مانع

 

[كويتية1]

قوه بنات

كويتية انشااله يقبلون اللجنه فيه والله يكتبله الشفا انشاالله

شوقر عادي ترا قعدت البيت اهي الي ما تنظم الوقت انه جذي طول النهار يا نايمه يامجابله اليهال وما عندي وقت حق روحي حتى قلت ودي ادش نادي بس ماكو وقت

مع الدوامات يتنظم اليوم والله المستعان

 

[al_gardenia]

هاي امهات شلونكم اورينس حياج الله معانا بالماسنجر

كويتيه شلونج مع لوية اليهال لازم اتنضمين نومهم وانشالله يريحونج


ملوحه بعد شلونج شخبارج شمسويه مع الوضع اليديد

 

[froha83]

السلام عليكم
حابه انظم معاكم
انا توني والدة صارلي اسبوعين
تاريخ ولادتي 4-3 - 2008 يبت بنوته حلوة الله يحفظها وسميتها ساره
بغيت شي زين للامساك
سمعت ان زيت الحلبة زين يدر الحليب من وين نحصلة؟؟؟

 

[al_gardenia]

حياج الله فروحه بين خواتج
عندج حبوب فيتو ليت فيهم حلبه تلقينهم بالصيدليه وايد زينين يدر الحليب
وكثري سوائل وحليب وماي بعدي عن اللبن موزين

 

[malgoofah]

اشلوونكم بنااات انا بعد توني والده يوم 11/3 يبت بنوته سميتها جود و سدري مااااااااا فيه ولا نقطة حليب للحين ما رضعتها من سدري شسوييييي اتهقون فيه امل يدر حليبي والا لا؟ واااااااي قلبي يعورني ابي ارضعها احطها على سدري بس ماااكو شي ابد خذيت حلبه و رهش هم ماكو فايده غريبه مادري ليش الحمدالله على كل حال عفيه قولولي شسوي و بسأل متى اقدر اربط بطني؟

 

[احلى كويتيه]

صباااااااااااااااااااحكم سكر

شخبااااااااااااااااااااااركم


تسجيل حـــــــــــظــــــــــــور

 

[احلى كويتيه]

حياكم الله فروحه83 ومبروك ما جبتي وماعندي فكره عن الزيت بس اتوقع تلاقينه العطار

حياج الله ملقوفه ومبروك ماجبتي نطري كم يوم يمكن مع الاكل الي يدر الحليب وحطي بنتج على صدرج وان شاء الله بيدر

 

[أم وجيه]

صباح الخير

أحلى صباحووو على اللي مداومين ونشيطين

فروحه وملقوفه حياكم الله ومبروك ما ياكم لا تيأسون ان شاء الله الحليب يجي بس شدو حيلكم بالحلبه والرهش والحليب

أحلى شلون الدوام مع العيال آنا انطر يوم العطله بناااام بنااااااااااام ولما تيجي العطله من صباح الله خير قاعده ولا أقدر أنام إلا آخر الليل لا وبعد سهر زيادة عن يوم الدوام

باقي البنات شخباركم

شقورة أبشرك الحمد لله الحمد لله رد الحليب مثل قبل وقدرت أخلي حق فطومه حليب ارتاح قلبي كنت أحاتيها هاليومين اللي طافو

بس تدرين الحلبه والحليب لهم فعايل مع الحليب أشرب الخلطة اللي قلت عنها قبل مع الحلبه وأشرب حليب

الجاردينيا شلون البيبي وشلون نفسيتك مع الاستعداد للرحيل

كويتية 1 طعمتي البيبي ولا بعدج متكاسله لا تتأخرين مو زين

كويتية وأفتخر بشري ان شاء الله خير لجنة ولدج ؟؟؟؟؟؟؟

 

[mrs_sugar]

السلام عليكم
حابه انظم معاكم
انا توني والدة صارلي اسبوعين
تاريخ ولادتي 4-3 - 2008 يبت بنوته حلوة الله يحفظها وسميتها ساره
بغيت شي زين للامساك
سمعت ان زيت الحلبة زين يدر الحليب من وين نحصلة؟؟؟

حياج الله فروحة

و الحمدلله على سلامتج و مبروك عليكم البنوتة

بالنسبة للإمساك ما قلتيلنا لج ولا لبنتج

في كلا الحالتين انصحج بحليب نسفيتا العلبة الكرتون

لانه في نوعين علبة كرتون و علبة حديد

اخذي الكرتون في 10 اكياس صغار حليب تشربين منهم 2 باليوم

طعمه يهبل و ما يسمن و يدر الحليب و يمشي بطنج و بطن بنتج

انا لما يمسك بطني يمسك بطن بنتي على طول اشرب منه يمشي بطننا انا وياها بس مو اسهال لا عادي

و هذي صورته

انا حصلته بمركز سلطان و سيتي سنتر و جمعية الدعية و العديلية

الرميثية و مشرف و بيان ما كان فيهم من فترة مادري الحين

و هذي صورته

و الحلبة صح تدر الحليب تحصلينها بالجمعية حبوب صفرا صوب البهارات

او ممكن تحصلينها اكياس شاي صوب شاي الأعشاب

بس تطلع ريحة بالجسم

ردي جم صفحة بالموضوع و شوفي شلون تروح هالريحة

او جيكي موضوعي بقسم الخبرات و التجارب عن نفس الموضوع

اذا مو حابة الحلبة امو شاي اعشاب بالصيدليات اسمهmother milk هم زين و يدر الحليب و ما يطلع ريحة​

 

[mrs_sugar]

اشلوونكم بنااات انا بعد توني والده يوم 11/3 يبت بنوته سميتها جود و سدري مااااااااا فيه ولا نقطة حليب للحين ما رضعتها من سدري شسوييييي اتهقون فيه امل يدر حليبي والا لا؟ واااااااي قلبي يعورني ابي ارضعها احطها على سدري بس ماااكو شي ابد خذيت حلبه و رهش هم ماكو فايده غريبه مادري ليش الحمدالله على كل حال عفيه قولولي شسوي و بسأل متى اقدر اربط بطني؟

هلا ملقوفة

الحمدلله على السلامة

لزم تخلين بنتج على صدرج كثر ما تقدرين حتى لو ما يطلع لها شي

مع المص راح يدر بس اذا خليتي روحج تنطرين الحليب يجي بروحه ماكو فايدة

الحلبة و الرهش و هالسوالف اذا البيبي ما يرضع من صدر امه ما منها فايدة

و بطنج اذا والدة طبيعي تقدرين من الحين تربطينه عادي

انا دكتورتي من ثاني يوم بالمستشفى قالت لي تقدرين تربطين بطنج

بس ما تحملت و ما ربطته​