تجمع امهات 2008 حياكم

[كويتيه وافتخر]

جنه معتفس المنتدى
كل ماكتبت شغله رد على الصفحات الاوليه

 

[LUXURY]

السلام عليكم

انا اول امس يتني رداده طقطقت عظامي ورفعت الرحم
قالتلي واااااايد نازل لاني كله اقعد
اخترعت ابي علطول انسدح بس بنتي تبي تتمسك بهدومي واقعد فيها
وريلي لا يه احاول انسدح ارد اقوم عشان شي والا شغله واظل قاعده
اففففف تعبت ارضي منو والا اسوي شنو
واليوم بايون حمولتي الله يستر لا يبسطون لل 11 بليل انا تعبانه مالي خلق
امس صج مانمت والله حطيت راسي عالمخده فوق ال3 الفجر وايدي بكرفاية بنتي تبي تمسكها يعني ما ارتحت وقمت الصبح اتريق مبجر
الله المعين


بنات اشلون السوق؟؟
شنو سويتو وشريتو حق طلعتكم من النفاس؟
وهدوم البيبي اشكثر شريتوا؟؟
لان عقب اسبوعين ان شاء الله ببدي اجهز حق طلعتي من الاربعين
وابي اشيل ليزر قبل استقبالي باسبوع
من زماااان ما شفت السوق وشنو الهدوم اللي فيه وشنو اخر الموضه
بنات بجم هذي العربانه اللي حطيتوها؟
انا مع اني مو مفكره اخذ خصوصا الحين لان مابي اطلع بنتي معاي كلللللللش اخاف عليها من العين
بس بشوفها يمكن احتاجها
يالله بروح اتغدى واجابل الشوط الثاني لمباراة الصراع مع تعسر بنتي

 

[mrs_sugar]

الي قلتلكم عنها فيها 3 مستويات للقعده ومتوسطه ونايمه يعني بالنسبه لي مريحه

احلى ممكن تحطين لنا صورتها الله يعافيج خل نشوف قصدج اي وحدة​

 

[mrs_sugar]

السلام عليكم
اشلونكم


للحين ماجتني اخبار عن اللجنه
وقاعدين تسولفون عن العربانات انا هم باروح اشتري لي عربانه من سنتر بوينت ابي حق توينز ثنائي زوجي يقول في ثلاثي شايف قلت مافي وحتى لو في ما ابي

و عليكم السلام و الرحمة

اي كلنا ناطرين اخبار زينة من اللجنة

بشرينا

و العربانة من صجج ريلج بياخذ ام 3

حتى لو فيه

الله يكافيكم شر العين و الحسد

الثنائي و الناس يخزونهم

تدرين انا بناتي بينهم سنتين قاعدة افكر اخذ مالت التوينز حقهم احسن

بس اشرايكم اخذ اللي ورا بعض و الا اللي يم بعض​

 

[mrs_sugar]

السلام عليكم

وعليكم السلام و الرحمة​

بنات اشلون السوق؟؟

السوق ماشي حاله و في محلات عندهم سيل​

شنو سويتو وشريتو حق طلعتكم من النفاس؟

ردي بدايات الموضوع تلاقين استعداداتنا للأربعين من كل شي​

وهدوم البيبي اشكثر شريتوا؟؟

انا ما شريت هدوم للبيبي ما يبين عليها اللبس بعد​

بنات بجم هذي العربانه اللي حطيتوها؟

العربانة هذي انا شفتها بسنتر بوينت على 120 تقريبا ياتني هدية انا​

انا مع اني مو مفكره اخذ خصوصا الحين لان مابي اطلع بنتي معاي كلللللللش اخاف عليها من العين
بس بشوفها يمكن احتاجها

ليش عادي طلعيها بس بعد الأربعين انا اوديها كل مكان وياي بالعربانة عادي​

يالله بروح اتغدى واجابل الشوط الثاني لمباراة الصراع مع تعسر بنتي

الله يعينج على العسارة عاد​

​

 

[داريني]

قوة بناااااات شلووونكم

وانا عبالي كله انتوو في قسم الحمل اقعد وادوركم ههههههههههه

حبيت اطل عليكم واسلم عليكم
وشلونكم ويا الواق والويق

طبعا انا حدث بلا حرج من ارجع من الدوام تبتدي عندي الدعاله
وحده من بناتي كله تبيني اشيلهاا والله هدت حيليييييي وكاهي للحين مجلبه فيني وقاعده بحضني

شسوي فيها؟؟؟؟؟؟؟

 

[كويتيه وافتخر]

بعد شتسوين رصيها على قلبج مو بنتج وحياتج واحنا اللي بغيناهم والله احطها وجنه العيد

انا ماعلمتهم على الحضن بس لي بجت على طول اشيلها بعد عمري عمرهم

 

[كويتيه وافتخر]

و عليكم السلام و الرحمة

اي كلنا ناطرين اخبار زينة من اللجنة

بشرينا

و العربانة من صجج ريلج بياخذ ام 3

حتى لو فيه

الله يكافيكم شر العين و الحسد

الثنائي و الناس يخزونهم

تدرين انا بناتي بينهم سنتين قاعدة افكر اخذ مالت التوينز حقهم احسن

بس اشرايكم اخذ اللي ورا بعض و الا اللي يم بعض​

ايه زوجي على نياته وشكثر خلافات صايره على ها الشيء

بس ماكو ماراح اسمع كلامه باشتري اثنينه بس
وانصحج اللي يم بعض

 

[mrs_sugar]

السلام عليكم

داريني
ولكم باك
وينج كنتي ضايعة؟
الله يعينج على دلع البنات عادي

كويتية و افتخر
ترى الرياييل ما يصدقون بسوالف العين و الحسد
ما يعترفون بهالشي

عيل تنصحيني باللي يم بعض؟
خل اروح اشوف بجم

بقول لكم شي

















صار لي كم يوم تعورني ركبتي لما اقوم من الصلاة و لما اركب السلم

بعد قولوا عيزتي

اذبحكم :tomato2:

المهم سويت تحاليل و لقيت بالتحليل

















انه الدهون مرتفعة حييييييييييييييييييييييييييييييييييييل

بس الكوليستيرول طبيعي الحمدلله

المهم قال لي الطبيب انه العوار غالبا من الوزن الزايد

فلازم تنزلين الوزن الزايد علشان ريولج و ظهرج و علشان تنزل نسبة الدهون العالية

قام و عطاني نظام ريجيم ما فيه نتفة خبزة ولا عيشة و لا توستة

راح اتحول نسر خخخخخخخخخخخخ

كله لحم و دجاج و خضار و حليب و روب

و لترين ماي عالأقل كل يوم

على قولته

هذا راح ينزل الوزن و ما يقلل الحليب

يقول لي فيه حق بنتج حليب بديل عن حليبج

بس انتي من وين لج بديل عن صحتج

عاد انا بشوف اذا حسيت انه الحليب بدا يقل بوقف ​

 

[كويتية1]

هاي امهات اشلونكم:tek:

على طاري الغربانه انه عندي عربانه بس ما ادري شنو ماركتها من ايام ولدي للحين زينه بس عيبها انها ما فيها سله حق الاغراض وكانت يايتني هديه

سؤال بنات انتوا اطلعون عيالكم معاكم؟؟ ما تخافون عليهم من الامراض والعدوى؟؟؟؟؟


شقوره صاج الدكتور حليب الام له بديل بس صحتج مالها بديل ديري بالج على روحج ترا الثقل شين يا وخيتي:tek:

 

[malgoofah]

بنااات اشلونكم انا ولدت من 14 يوم و يبت جود الله يحفظها و عندي استفسار اول شي صدري للحين ما فيه حليب و حييييييييييل ودي ارضع بنتي بس كلش ما فيه اخذت كل شي رهش حلبه سوائل بس ماكو فايده و ما راح ايئس اتعرفون شي يدر الحليب و بسأل عن ربط البطن ناس اتقول مو زين للرحم و ناس اتقول ربطو شنو الصح؟ و شنو احسن مشد انا الرداده قالتلي مو زين تربطين بس بتأكد منكو ناطره ردودكم

 

[mrs_sugar]

هاي امهات اشلونكم:tek:

على طاري الغربانه انه عندي عربانه بس ما ادري شنو ماركتها من ايام ولدي للحين زينه بس عيبها انها ما فيها سله حق الاغراض وكانت يايتني هديه

سؤال بنات انتوا اطلعون عيالكم معاكم؟؟ ما تخافون عليهم من الامراض والعدوى؟؟؟؟؟


شقوره صاج الدكتور حليب الام له بديل بس صحتج مالها بديل ديري بالج على روحج ترا الثقل شين يا وخيتي:tek:

هلا والله

شخبارج

عاد بالعربانة وايد مهمة السلة تنفع بصراحة

و بنتي انا اطلعها معاي عادي كل مكان

و العدوى اذا الله كاتب بتييها ما راح ننحاش منها

بالعكس

انا احس تغير جو و تتنفس هوا نظيف بدال حكرة البيت و التكييف

تدرين البارحة عقب العشا حطيتها بالعربانة و تمشينا فيها لي الجمعية شرينا اغراضنا و ردينا مشي و كودنا الأغراض بالعريانة و مشينا خفاف

و بالنسبة للريجيم ببلش اليوم ان شاء الله

بنات ادعولي اكمل و انزل و تتحسن صحتي و تنزل نسبة الدهون و ما يقل الحليب عن بنتي

تدرون ان الدهون عندي بالتحليل ضعف الطبيعي

مت من الخوف يوم دريت قلت : ما بدهاش بأة يا قدعان العمر مش بعزأة

تصدقون قبل ما اولد كنت اقول هالمرة ما راح احبك موضوع الرضاعة عادي اكو حليب عطيتها

ماكو حليب صناعي عادي

بس لما بديت ارضعها لا صرت اسوي المستحيل علشان يصير لها حليب

و اتحاشى اني اعطيها صناعي الا للحالات الضرورية وايد وايد

الله كريم​

 

[mrs_sugar]

بنااات اشلونكم انا ولدت من 14 يوم و يبت جود الله يحفظها و عندي استفسار اول شي صدري للحين ما فيه حليب و حييييييييييل ودي ارضع بنتي بس كلش ما فيه اخذت كل شي رهش حلبه سوائل بس ماكو فايده و ما راح ايئس اتعرفون شي يدر الحليب و بسأل عن ربط البطن ناس اتقول مو زين للرحم و ناس اتقول ربطو شنو الصح؟ و شنو احسن مشد انا الرداده قالتلي مو زين تربطين بس بتأكد منكو ناطره ردودكم

الله يخليلج جود و يحفظها يا رب

شوفي الأكل بروحه ما راح يزيد الحليب اذا البيبي ما يمص من الصدر

فاللي تاكلينه تمام يدر الحليب بس اهم شي انه تخلين البنية على صدرج اكثر وقت ممكن

حتى لو ماكو حليب ترى البيبي يعرف يطلع الحليب

بالنسبة لربط البطن

انا ما اربط فما اقدر افيدج

لاني عندي الرحم مقلوب لي ورا قلبتين

مسوي شقلبة خخخخخخخخخخخخخخخخ

اهو خلقة جذي فاخاف اربط بطني يطلع غلط انيل الدنيا زود​

 

[أم وجيه]

صباحكم سكرررر

شلونكم أمهات كويتية1 وين تغطين ؟؟

أحلى وينك اليوم صباحووو

شقورة ليش الاهمال بالصحة والله ألزم ما عليج صحتك يعني شبتفيدين بناتك لو لا سمح الله تدهور

والله آنا أعتقد كل مشكلتي الخبز لأني أحبه وايد لو أمتنع عنه بصير عصله لأني ما آكل وايد أشياء بس المشكله الثانية ان يما آكل لحم ولا دجاج بعد وأحب بعد المعكرونه وايد
خلها على الله ان شاء الله ينزل الوزن بروحهم لأني باقيلي 4 كيلو وأرد للوضع الطبيعي
بس المشكله انه كل وزني متكدس في مكان واحد واااااااااااااااع اذبحتني

ريلي يقولي لا تمشين عني وتعطيني ظهرك امشي بويهك كخكخكخكخ أقوله انت اصلا مقهووور
وآنا أكون بموت من القهر من كلامه
ما يشوفون كروشهم

 

[mrs_sugar]

صباحوووووووووو ام جوجو

شخبارج

انا اليوم عواشة مو تمام شكلها تعبانة و كسلانة

تبجى من الصبح و ما تبي ترضع

قلت بنطر عليها لي العصر اذا نفس الشي بوديها الطبيب

دعواتكم بنات انه ما يكون شي جايد

 

[أم وجيه]

صباحوووووووووو ام جوجو

شخبارج

انا اليوم عواشة مو تمام شكلها تعبانة و كسلانة

تبجى من الصبح و ما تبي ترضع

قلت بنطر عليها لي العصر اذا نفس الشي بوديها الطبيب

دعواتكم بنات انه ما يكون شي جايد

هلا شقورة

سلامااااات عواشه ان شاء الله مافيها الا الخير

وان شاء الله بعد شوي يرد الوضع طبيعي وترضع ويكون دلع بنات

 

[mrs_sugar]

انا اللي مخرعني انه مو راضية تفتح عيونها

تصيح و هي مغمضة و ما تبي ترضع

 

[كويتيه وافتخر]

سلامات لعواشه


بنات للاسف اللجنه ما وافقت بس الحين ابي اي وحده تساعدني وين اقدر اشتكي ؟؟؟

 

[mrs_sugar]

حتى سبحنها قلت يمكن تصحصح شوي بس ماكو فايدة

 

[mrs_sugar]

كويتية و افتخر

مو خوش خبر

روحي حق مدير المستشفى و هو يشوف الموضوع