تجمع امهات 2008 حياكم

[love love]

راسيي تعبت

اشتغل اشوي واحاول افرفش بالمنتدى لانه شغلي بالكمبيوتر بس تعبببببببت ودي ارجع البيت انام بس مااقدر قعدتي اليوم لي 3 ونص بالدوام

 

[الاستاذة]

شلونكم بنات شخباركم؟؟؟

من زمان عنكم توني قريت الي فاتني كله

استبرق ماسشوف شر ريلج والله يعينه ان شاء الله اقرى على ظهره وايد والله يشافيه

داريني مبروك تخرج علاوي عقبال الجامعه يارب وتبلغين فيه معرس

ام وجيه ها اشوف صرتي من ربع التزرق من الدوام والله شوقتيني على الكلف عاد تحتنا بالضبط بس حر ومالي خلق

عالم لا ما اتوقع كلش رفيج ريلج ياي يشوفج ماكو شغل واسمحيلي بنات الدوام الي يقولج طلعي تراجيج مستواهم كلش ملش لا ترافجينهم شالهلاقه؟

بطوطه شلون بناتج؟؟؟

القاردينيا خلج قويه بالتجاريه وعلى قولتهم التجارة شطاره وتوج بالبدايه انشاله انشوفج سيدة اعمال ناجحه

داريني صاجين دواميج ماي فير ليدي ارخيص اوله شنو 20 انا اشتريهم ابمكه 75 ريال

بنات انشالله الاربعا بروح دبي ماتعرفون مجمعات يديده حلوه غير دبي مول وامارتس مول وبرجمان؟

 

[أم وجيه]

علومه الله يعينج

الاستاذه خخخخخخخخخخخخخخ شفتي خربت وصرت أزرق بس الجو ما يساعد كلش حر مووووت والله

وتروحين وتردين بالسلامة ان شاء الله بتروحين على الويك اند بس ؟؟

وشخبار زيونه ما قلتيلنا ؟؟
شوفي البلوكات وايد عندهم أشياء تشوق وحلوه بس ما أنصح تروحين الصبح صج الجو اللهم عافينا

 

[أم وجيه]

صحيح رحت أولت أمس ديسكفري خذيت توته وجوجو يلعبون
دش جوجو الألعاب اللي فوق وقعد ساعه وشوي ولما مل خلاص طلع ويقولي ماما يوعان قلتله زين عيل كل يوم تيي هني
يقول لاء حلو بس مو كل يوم كل يوم مكان وطلعنا تعشينا برا لأنه ماكو ولا مطعم داخل يشجع
أما توته الدلوعه ما رضت تدش من دشت بدت تبجي ما تبي وطلعتها قعدت وياها نفتر ورحت صليت
تركض وتناقز على الأرض بس ما تبي ألعاب بس استانست وناستها تضحك

المكان حلو وأحلى شي انه الألعاب أمان ماكو شي يخوف يطيحون منه اليهال أو يتأذون وألعابهم أحلى من بروي

 

[الاستاذة]

والل زيونه بخير الحمدالله اذبحتنا باغنية ياطيبة ماتبي غيرها اول ماتقوم من النوم اتقولي ماما يا غيهحبيبتي والله راح افقدها والله وايد ماراح اخذها

اي بس بالويك اند ان شاء الله

وصاجه الحر يانا مبجر

 

[الاستاذة]

بنات امس بديت اكل حبوب الي ترفع الدوره ليش والحين احس بدوخه ولوعه مو طبيعيه اتهقون عادي واي جني بطيح؟اهيا اتسوي جذي:0bee2e8d89:

 

[al_gardenia]

سلالالالالالالالالالالالالالالام

شلونكم شلونج الاستاذه شخبارج الله يسمع منج وان شاءالله اتوظف بعد وافتك من قعدة البيت ريلي يقول شوفي مو احسنلج نايمه على كيفج

وتقعدين على كيفج والشغل على كيفج اقول لا انا ابي اكرف مشتهيه اكرف ابي اتافف من التعب يضحك علي خخخخ

ام جوجو زين سويتي وعليهم بالعافيه اليهال

 

[al_gardenia]

بنات امس بديت اكل حبوب الي ترفع الدوره ليش والحين احس بدوخه ولوعه مو طبيعيه اتهقون عادي واي جني بطيح؟اهيا اتسوي جذي:0bee2e8d89:

الاستاذه ليش تاكلين حبوب الي اترفع الدوره ؟

اتوقع من الحبوب هالاعراض عادي

 

[داريني]

شلوووونكم
وحشتوني
مريت بظرووف اتعس ويك اند بحياتي
ادعو لي الله ياخذ حقي من كل ظلمني

 

[love love]

داريني قولي الي مكتوب بتوقيعي دايما والله ياخذ حقج ان شاءالله ويهدي الناس لانهم ينو واقعدووو


بنات من التعب تونييييييييييي قاعده من النوم تخيلو من 3ونص لي 7 ونص وبالغصب تحركت احس ريلي اثقييله ماادري اشلون خليت الخدامه تاخذ حوراء وانا كملتها

استغفرالله ماصلييييييييت ولا شي من \ظهر لييييييييي العشاا

 

[love love]

حمدالله صليييييييييت



بنات ابي طريقه تتبيلت الدياي ابي اشوييه عندكم الطرييقه؟؟؟؟؟؟؟؟؟

 

[الاستاذة]

القاردينيا اي والله ليش ماتوظفين؟؟احسلج وانا ماخذة الحبوب ليش اني بسافر دبي الاربعا انشالله وحاجزين عشان نسبح بالبحر وهذ

 

[الاستاذة]

واي بكمل جان اسوي انتر

داريني عسى ماشر شفيج والله ينصرج عالظالمين لايضيقين خلقج بس انا ملاحظه انه في اشخاص بحياتج مضايقينج صح الله يكون بالعون

عالم نوم العوافي جان صليتي العصر قبل لا تنامين والعشا ياذن متاخر فوق 8

 

[mrs_sugar]

السلام عليكم

شخباركم

مادري شنو طافني

بس اللي لقطته

القاردينيا : معوضة ان شاء الله

داريني : الله ياخذ حقج من اللي ظلمج

و انا مر على أعجب اسبوع في حياتي
جربت فيه كل انواع المشاعر

اول شي اختي الصغيرة ملجت :eh_s(6):
ثاني يوم عادي :eh_s(1):
ثالث يوم صارت هوشة كبيييييييييييرة بيني و بين زوجي و صلت الى ابعد الحدود :eh_s(14):
مر باقي الاسبوع نكد و هواش :0bee2e8d89:
الخميس ولدت اختي :eh_s(6):
الجمعة توفت عمة امي و خالة ابوي :0bee2e8d89:
السبت تصالحنا انا و زوجي :eh_s(6):

اليوم مادري لي الحين ماكو شي

الله كريم

ان شاء الله خبر سعيد :eh_s(6):​

 

[al_gardenia]

back

 

[الاستاذة]

ولكم القاردينيا

 

[al_gardenia]

شقوووووووووووووووووووووووووووووور حبيبتي ولهت عليج حدي

لا اله الا الله مشالله صج كل انواع المشاعر مريتي فيها

اولهم الف الف مبروك حق اختج وعسى الله يتمم عليها يارب ويبعد عنها عيالالحرام

وثاني شي الحمدالله الي عدة المشكله وردت الاوضاع طبيعيه بس اتنهزي الفرصه وصيري عروسه كتغير

وثالث شي الف مبروك المولود اليديد ويتربى بعزكم يارب وتفرحون فيه معرس ان شاءالله

ورابع شي عظم الله اجرج والله يرحمهم برحمته يارب ويسكنهم فسيح جناته

 

[al_gardenia]

القاردينيا اي والله ليش ماتوظفين؟؟احسلج وانا ماخذة الحبوب ليش اني بسافر دبي الاربعا انشالله وحاجزين عشان نسبح بالبحر وهذ

واااااااااااااااااااااااي الاستاذه :krkrkr: انا بيدي ودي بس الهوا ضدي :dddds:

ريلي مايرضى :0bee2e8d89: اتوظف يبيني اقعد بالبيت

ماشفتي يوم رحت المعرض قاعد ضايق خلقه اقوله اشفيك يقول مقهور ضحكتي والله

اقوله شفيك مافي ريايل بالمعرض بس حريم يقول ادري بس ماحب مره رايحه راده وتكثر مشاويرها

عسى الله يهديه يارب

 

[al_gardenia]

شلوووونكم
وحشتوني
مريت بظرووف اتعس ويك اند بحياتي
ادعو لي الله ياخذ حقي من كل ظلمني

بعد عمري والله دردر فديت قلبج يالغاليه حبيبتي انتي

عسى الله ياخذ حقج يارب ويبعد عنج الضيقه والظالمين يارب

 

[al_gardenia]

حمدالله صليييييييييت



بنات ابي طريقه تتبيلت الدياي ابي اشوييه عندكم الطرييقه؟؟؟؟؟؟؟؟؟

ثوم وزنجبيل وملج وليمون واورغانو وشوية وروب زيت زيتون