تجمع امهات 2008 حياكم

[love love]

ام نيرمانا ماشر بس مااقدرت اكتبه بالعام

شوفي الخاص

 

[حمرة الورد]

علومه رديت عليج

 

[حمرة الورد]

مابين شى بالسونار

 

[حمرة الورد]

ابروح النادي سلام بشريني علومه اذا الله سهل وشفتي السونار

 

[أم وجيه]

علومه رديت عليج

ام نيرمانا هلا فيج للحين صامده شفتي مو شكلي بولد الظاهر بخلل هالمره

 

[love love]

ان شاءالله بس سوناري يبيله وقت بعد اسبوعيين تقريبا وان شاءالله يبين

ومشكورين على الردووود

 

[الاستاذة]

الحمدالله على سلامة اخوج ام وجيه وماتشوفون شر مسكينه امج من الخرعه ماقدرت يالله انشالله مايتكرر الي صار والله يشافيه يارب ومبروك عليكم تفوقه والله انا احاتي اخوي تخرج وبليل تطلع نتايجهم يارب اييب معدل زين يارب

عللومه اشفيج عسى مشار قوليلي انا بعد عالخاص

 

[أم وجيه]

الله يسلمج الاستاذه الشر ما ييج ان شاء الله
وان شاء الله أخوج اييب نتيجة زينه والله لا يضيعه تعب ان شاء الله

 

[mrs_sugar]

شقورة والله منوره الديوانية
تدرين أفقدج أحسج انتي أمنا بالديوانية .. مو قصدي أكبرج لا بس انتي اللي تلمينا بالعادة

حبيبتي ما تفقدين غالي

 

[mrs_sugar]

سلالالالالالالالالالالالالالالالالالالالالام

واي بنات باجر خدامتي بتسافر

اهم شي ان اليوم فتشتها طبعا كنت مخليتها بيت خالتي مع اليهال

ولا شنو القى القى ماخذه جم شي من مكياجي وجم عطر والعاب اليهال

طبعا ماحست اني مفتشتها اتهوقون افتشها مره ثانيه قبل لاتسافر

فتشيها مرة ثانية بس بدون ما تدري

هذولة لا تأمنين غدرهم لي اخر لحظة

ديري بالج

 

[mrs_sugar]

بنات عندي اسئله كيره
اولها
شفت برده اتقشي من حلاتها ب ميداس الوحده ب 45
يقولون خواتي ماتسوا وتطلع اغلا
لاني راح اييب ريال واخليه يسوي حق البرده وعقب
اروح اشتريها
بس انا عاجبتني
شرايكم بييب مال الستاير يحط لي الستاره الرول
وعقب يركب لي عامود حق الستاره

والله اذا عاجبتج اخذيها

اشوف سعرها مو وايد

معقول حيل

بالعافية مقدما

 

[mrs_sugar]

بنات
شورو علي
صبغت الصاله كلها اوف وايت وطوفه عنابي
القعده محتاره فيها
اخليها بيجي وذهبي ولا بيجي وعنابي

لا تحطين اثاث عنابي

خلى الاكسسوارات فيها عنابي

 

[mrs_sugar]

السلام بنات حدي متنرفزة
امس وانه بالبيت احوس واليهال قاعدين بليل ولا اتفاجا ابجي ريونه بدار الخدم عاد رحت اتسحب ولا الخدامه القديمه طايحلته طق بريون تبي اتنومها وانه ما قلت لها نوميها ولا شي احتريت وانصدمت وقعدت اصارخ عليها واهيا حدها مستقويه وتقولي خلاص سوري اقولها تبين اوديج بوليس تقولي ليش انه سوي موت بيبي!!!! خفت الصراحه ودقيت على ريلي قلتله تعال طقها حرتني ويوم ياها ولا اتبجبج زفها وراح عاد اليوم الفير طيارتها بس اهيا ما تدري حدي محتره احي اني ما طلعت حرتي

عما بقلبها مصيبة

لو انا جان كفختها قبل ما ادق على ريلي

اول ابرد جبدي فيها بعدين اسفرها

و اسفرها بالهدوم اللي عليها بدون ما تاخذ شي كلش

 

[mrs_sugar]

أمس كنت عند رفيجتي أمي دقت علي تقولي شخبارك وأخبار اليهال ولدتي ولا بعد أقولها لو بولد انتي أول وحده بتعرف
جان تبجي تقولي كل شي آنا أول وحده بس خفت يكون صار فيج شي وما حد قالي
أقولها شفيج قولي حسيت فيها شي حبيبتي ومحرورة تقولي خلاص لما تردين البيت قلت لها لاء الحين تقولين شصاير
تقولي أخوج أحمد ( هذا اللي عنده سكري أطفال عمره 16 سنة ) أمس بالليل كنا بره آنا وأبوج ردينا البيت كله مافيه ليت
دشيت أقوله يما خالد ليش نايم هالحزه لما أبوج شغل الليت ولا اهو أحمد وكله جسمه ماي وأكلمه ما يرد علي وأقعده ما يقعد
شلته وديته المطبخ ووكلته تمر وعسل ولا صحى كان عنده غيبوبة سكر أول مره تصيبه ويقعدونه ما يقعد وأبوج من الخرعه مو قادر يشيله للسيارة
دق أخيو الصغير على الاسعاف قالهم أخوي لحقو علينا وعقبها دق على أخوي الكبير قالة أحمد تعبان وايد تقول أمي دقيقتين كانو أخوانج واصلين قبل الاسعاف وما يدرون شي بس يركضون ويهدون بأمي ودقو على الاسعاف قالولهم خلاص لا تيون احنا بنوديه جان يقعد
الحمد لله ويقولهم ليش تبجون شفيكم كلكم فوق راسي يا عمري مو صاحي مو عارف اللي صارله
وودوه والحمد لله عدت على خير عاد تقولي توه ياب الشهادة أمس ومجموعه 91 ماشاء الله عليه وهذا واهو ما يدرس وايد
بس أمي مسكينه مرضت وطاحت بالفراش أمس كله ما قعدت وكل ما قامت يصيبها هبوط وتكرمون ترجع وجسمها كله منمل وتقولي اهو بس قاعد عند ريولها يسويلها مساج ويستسمح منها يقولها سامحيني على الخرعه
أثاريه شنو اللي صاير اهو لعب كوره أمس ورد البيت قال حق أخوي الصغير ييب لي عشا وأخذ ابرة الانسولين ونام قبل لا يرد أخوي الصغير
الصغير ما يعرف ما قعده ومن الرياضة والابره صار عنده غيبوبة سكر
وأمي قطعت قلبي حبيبتي شكثر تحاتيه وتحبه وآنا قمت أبجي عند رفيجتي وروحي طلعت
يلا بس كنت بفضفض لكم ادعوله الله يخليكم الله يشافيه ويخليه لها ولنا يا رب

ام جوجو

الف سلامة على اخوج و ما يشوف شر

و مبروك النسبة الله لا يخسر تعبه و يبعد عنه العين و الحسد

 

[mrs_sugar]

الله يوفق اخوج استاذتنا

انا اخوي بعد ننطر النتيجة باجر ثانوية عامة

الله يوفقهم و لا يخسر تعبهم

 

[إستبرق]

مساء الخير ياحلوين
شخباركم وشمسويين

بروقة يا حلات حفلات نجاح الأطفال صج يتونسون ويتشجعون وان شاء الله زوجك دايم بصحة وعافية

اهلين ام الجوج الحامل الصامده :dddds:
وضحكتيني هم مو اطفال اسم الله عليهم :dddds: اخوي بثالثه ثانوي وولد اخوي بثانيه ثانوي واختي بثامن وامين يارب واجمعين

بروقة هذا البيبي الظاهر شايف طمطم شنو تسوي بوجيه وخايف يطلع يقول هذا الكبير وتسوي فيه جذي آنا اللي ما بايدي حيله شنو بتسوي فيني خلني قاعد أضمنلي

لوووووووووول اسم الله عليها العياره الله يعينه والله اكيد راح تسويه عصير

سلالالالالالالالالالالالالالالالالالالالالام

واي بنات باجر خدامتي بتسافر

اهم شي ان اليوم فتشتها طبعا كنت مخليتها بيت خالتي مع اليهال

ولا شنو القى القى ماخذه جم شي من مكياجي وجم عطر والعاب اليهال

طبعا ماحست اني مفتشتها اتهوقون افتشها مره ثانيه قبل لاتسافر

ابيه قطيعه تقطعهم البوق شنو تذكره ثانيه لديرتهم ولا شنو

 

[إستبرق]

الله شوقتيني على الغرفه
انشالله بقنع ريلي
ومبروك نجاح الحلوين انشالله الفال حق بروقه


ذكرتيني بخدامتي الي يات وراحت

عندي غرفه حاطه فيها كبات حق ملابس الزياده وملابس اليهال الصغيره
وبين فتره وفتره اشيل منهم و وازوعه على خدم ولا اتصدق فيه

المهم خدامتي قبل لا تسافر جان تيي وتقولي ماما اذا فيه ملابس حق بيبي وانتي ما تبينه انا باخذه

جان اقوله اوكي روحي كبت الابيض الرف الثاني بس اخذيهم

لاحظو قلت الرف الثاني
وخذت وانا غلطتي انا ما رحت معاها لاني واثقه فيها

لما سافرت ومعاها جنطتين كبار استغربت شنو ماخذه ؟

بس ما فقدت شي قلت ماكو
داعي افتشها ؟

المهم مره رحت ونزلت بشوف الكبت

واقسم بالله امفضيته !!!!!!!!!!!!!!!!!!!!

عندي ملابس مالوت بناتي على لبسه ولبستين
خاشتهم لانهم كانو غاليين وكنت بعطيهم حق بنت اخوي الصغيره

اهوه ماركه كلوي وكشاريل وديور وبربريز
بدلللللللللللللللل رسبشن من الحج اخذته من محل كله بضاعه ايطاليه

كله خذتهم:0bee2e8d89:

الله يكتب لج الي فيه الخير ويبارك بحياتج وامين يارب والفال لعيالج بعد
والخدم وي وي اذا قدروا يقشون خلاص انسي من فتره خدامه اختي قاشه كل لبس اختي مال الشتا لا والمسكينه اختي كانت نصهم مو لابستهم ولا خدامه اهلي بايقه نفانيف اعراس مالات اختي

السلام بنات حدي متنرفزة
امس وانه بالبيت احوس واليهال قاعدين بليل ولا اتفاجا ابجي ريونه بدار الخدم عاد رحت اتسحب ولا الخدامه القديمه طايحلته طق بريون تبي اتنومها وانه ما قلت لها نوميها ولا شي احتريت وانصدمت وقعدت اصارخ عليها واهيا حدها مستقويه وتقولي خلاص سوري اقولها تبين اوديج بوليس تقولي ليش انه سوي موت بيبي!!!! خفت الصراحه ودقيت على ريلي قلتله تعال طقها حرتني ويوم ياها ولا اتبجبج زفها وراح عاد اليوم الفير طيارتها بس اهيا ما تدري حدي محتره احي اني ما طلعت حرتي

واااااااااااااااي جان فرمتها والله ابيه ابيه شلون مسكتي نفسج والله جان سويتها عصير جان كفختها تكفخ الخايسه جليله الحيا اقهرتني بعرف شلون استحملتي انتي وزوجج ما كفختوها الخايسه هذا وانتي موجوده عيل اخاف كانت تستفرد فيها وانتي مو معاها كسرت خاطري ريونه

أمس كنت عند رفيجتي أمي دقت علي تقولي شخبارك وأخبار اليهال ولدتي ولا بعد أقولها لو بولد انتي أول وحده بتعرف
جان تبجي تقولي كل شي آنا أول وحده بس خفت يكون صار فيج شي وما حد قالي
أقولها شفيج قولي حسيت فيها شي حبيبتي ومحرورة تقولي خلاص لما تردين البيت قلت لها لاء الحين تقولين شصاير
تقولي أخوج أحمد ( هذا اللي عنده سكري أطفال عمره 16 سنة ) أمس بالليل كنا بره آنا وأبوج ردينا البيت كله مافيه ليت
دشيت أقوله يما خالد ليش نايم هالحزه لما أبوج شغل الليت ولا اهو أحمد وكله جسمه ماي وأكلمه ما يرد علي وأقعده ما يقعد
شلته وديته المطبخ ووكلته تمر وعسل ولا صحى كان عنده غيبوبة سكر أول مره تصيبه ويقعدونه ما يقعد وأبوج من الخرعه مو قادر يشيله للسيارة
دق أخيو الصغير على الاسعاف قالهم أخوي لحقو علينا وعقبها دق على أخوي الكبير قالة أحمد تعبان وايد تقول أمي دقيقتين كانو أخوانج واصلين قبل الاسعاف وما يدرون شي بس يركضون ويهدون بأمي ودقو على الاسعاف قالولهم خلاص لا تيون احنا بنوديه جان يقعد
الحمد لله ويقولهم ليش تبجون شفيكم كلكم فوق راسي يا عمري مو صاحي مو عارف اللي صارله
وودوه والحمد لله عدت على خير عاد تقولي توه ياب الشهادة أمس ومجموعه 91 ماشاء الله عليه وهذا واهو ما يدرس وايد
بس أمي مسكينه مرضت وطاحت بالفراش أمس كله ما قعدت وكل ما قامت يصيبها هبوط وتكرمون ترجع وجسمها كله منمل وتقولي اهو بس قاعد عند ريولها يسويلها مساج ويستسمح منها يقولها سامحيني على الخرعه
أثاريه شنو اللي صاير اهو لعب كوره أمس ورد البيت قال حق أخوي الصغير ييب لي عشا وأخذ ابرة الانسولين ونام قبل لا يرد أخوي الصغير
الصغير ما يعرف ما قعده ومن الرياضة والابره صار عنده غيبوبة سكر
وأمي قطعت قلبي حبيبتي شكثر تحاتيه وتحبه وآنا قمت أبجي عند رفيجتي وروحي طلعت
يلا بس كنت بفضفض لكم ادعوله الله يخليكم الله يشافيه ويخليه لها ولنا يا رب

ابيه ام وجيه مت من البجي كلكم عورتوا قلبي الله يشافيه يارب ويعافيه يارب ياكريم ويصبر قلب امج ويخليه لها يارب ياكريم

 

[إستبرق]

الاستاذه وشوقر
الله يوفق اخوانكم يارب وييبون المعدل الحلو يارب ومايضيع تعبهم يارب

 

[love love]

اتعشا واقوولكم شنو صار اليوم ههههههههههه

 

[love love]

رقي حطي عناابي بس كرسي ولا شغله وحده ولا ثنتيين من كراسي بونفر اثنين بس وكثري الاثاث لون بييج الي مايل على ذهبي او اصفر ماادري شسسم اللون بس مو ياي على رمادي لالا

وخلي اكسسوارات عنااابي