بروقة أعطي بروقة منقوع تمر لما يصير عندها امساك وايد زين ويمشي بطنها حرام ما يتحملون
وعلى ريلي لو أقوله بطلع يما حطي بالج على نفسج وما يصير تطلعين وأخاف يحوشج فايروس ولا تمرضين ولا تستبردين
ويحطلي كل العوائق جدامي وما أطلع الا للضرورة القصوى من جذي حتى أغراض الجمعيه يبتهم قبل لا أولد
والخضار والفواكه لما أرد بيتي أبوي ايبلي لأنه زوجي عليمي ما يعرف
أم نيرمانيا شخبارك وأخبار اليهال ان شاء الله تمام
جرجر المهم تكون كولت الكهربا وتكونون استانستو عند أهلج![]()
على سالفة الكهربا جوجو كله يقولي يبي عيد هلوين ويبينا نسكر الكهربا ونلبس شي يخرع ونسوي حفله
وكله أقوله احنا عندنا بس عيدين الفطر والأضحى ما يرضى
ذاك اليوم يحن يبي هلوين جان تقطع الكهربا عند أهلي ولا أقوله هذا هلوين جان يبجي يقول مابي هلوين أبي بس عيد أضحى وفطر
أهلي ماتو من الضحك عليه ثاني يوم يقول حق أبوه ىحنا عندنا بس عيدين فطر وأضحى وقلتله السالفة غشى من الضحك
ويييييييييييييييي بروقه لي هذا يومج وانا ادور شقه لا تقولين عني دعله بس ابي شي مريح واحنا حدنا 350 اجار مانقدر
اكثر طافج ذاك اليوم لقيت بغرب الجليب شقه لقيتها بالجريده شنو مواصفاتها؟ دوانيه خارجيه و3 غرف نوم و3 حمامات
ومطبخ مجهز والسعر ؟ موكاتبين عاد ريلي مع بروده عصبت ذاك اليوم اقوله يعني انت بالله عليج ليش ماتخليني
انا ادق على البيوت اسالج شنو بياكلوني قال اففففففف دقي يالله فكيني بس قعدي يمي دقيت على هالشقه قالي ريلي
انا اقولج من الحين غرب الجليب ماني رايح قلت اصبر يمكن حلوه وهم فيها دوانيه عشان اتيمع ربعك دقيت الريال يمايرد
صكيته رد دق الريال علينا شاله ريلي يكلم الريال بنفس ساله قاله شنو مواصفات ريلي من كلامه تشوق على الشقه
قام لبس قال اروح اشوفها اول راح ياني طاير يقول الريال خوووووووووش ريال وعنده دوانيه كبيره وبيعطينا شهر
فري وبينزل الاجار من 300 لي 280 والبيت فيه صبي قاله الريال يساعدكم بالشيل وهم اذا تبون اطرشونه اي مكان ماعندي
مانع ريلي قاله انا اقول لك من الحين عندي 5 عيال قاله الريال افاعلييييييييييييييك هذول عيالنا شتقول انت وريلي يبي
يغريني يعني يقول قبال البيت مسيد موانتي تبين بيت يم المسيد عشان تسمعين الاذان هذا قبال المسيد
والمدرسه ابد اتقطين اليهال مشي خلى عيني تلمع من هالمواصفات قمت لبست ورحنا بنشوفها ولا الشقه الدور الثاني مافيها
اصنصير والدوانيه بالشقه مسويها نظام سعودي والصاله ماكو صاله ممر ماينحط فيه شي والطبخ يكفي بس جوله
ريلي يقول سوي الدوانيه صاله قلت زين بس صغيره يعني لو اقعد بهالشقه اليهال بتصير حوستهم بدراي من الضيج
وضاق خلقه الا يبي الشقه يوم رديت البيت اشوف شقتي فيلا من كبرها اقرنها بهذيج الشقه:dddds:
وامس رحنا سلوى اندور شقيق ماعجبتني ولا شقه رفيجتي تقول احسن بعد عشان كل يوم انا وعيالي عندكم
اقولها خوش انا بعد ناقصه طق براسيعشان اتحول مجرمه مع مرتبة شرف :dddds:
استبرق حرام تكسر الخاطر بروقه انزين اشتري لها من الصيدليه شي مثل رعاص فازلين يسهل الخروج ومايخليها اتعور
عطيها منقوع التمر بدال الحليب وعلى الريج وكليها عرموط او عصير برتقال وخريها الحين عن النشويات خليها تاكل رقي وايد
كله سوائل ماتشوف شر حبيبتي الف سلامه عليها
السلام عليكم
اشلونكم شاخباركم
رحت الخبر يومين ورديت