تجمع امهات 2008 حياكم

[al_gardenia]

انا ما اعرف اعبر ههههههه
انا مع الشهاده بس قصدي انها تسايسه بدون ما تعانده لانه الريال ما يحب المرا الي تعانده ممكن تخرب بيتها وعشها
والله العظيم وحده معانا بالدوام اشتغلت وعمرها 33 وعندها ثالثه ثانوي
وشوي شوي كملت الثانوي وكملت جامعه مصر درست حقوق
ولما سألناها ليش توها تكمل
كانت مثلج تزوجت صغيره وطلعت من الثانوي وريلها ما رضى تدرس ولا تكمل
تقول كبرت عيالي شويه وساحلته وقمت ادخل ناس بطريقه غير مباشره علشان اكمل واخذ شهاده
والحمدالله اقتنع
والحين مشالله بقى لها سنه وتخلص حقوق وتصير محاميه عندنا وقبل كانت اداريه على درجه السادسه

ادري فيج دردر ياقلبي فهمت قصدج

صح الريال يبيله مسايس بس ساعات لي شافج رخيه بالمناقشه اهو يشد لازم ابين له اني مصره وصارمه ومومتهاونه

على الاقل يفكر بينه وبين نفسه ان هالشي بخاطري يمكن يرضخ

والله ان شاءالله يكتب لي مثل ماكتب مع زميلتج ادعي لي

 

[al_gardenia]

صحيح بنات كلكم كلم عطوني رايكم الله يخليكم

شوفو شنو المشروع اللي الحين درسته وخلاص ببدا تنفيذه قريب بس أبي رايكم وقاعده آخذ راي الناس علشان أشوف زين ويمشي ولا لاء

تعرفون ديكورات الكيك والكوكيز وعجينه الفوندو والشكولاه اللي تيي ملونه لتزيين الكب كيك وألوان الأكل بس مو مالت الجعيه لا كولتي و الأشياء هذي اللي ما نحصلها بالكويت
شوفو مشروعي اني أييب هذي الأشياء بطلب طلبيه كبيره شوي واتفقت مع واحد عنده مطحنه رفيج ريلي بأجر منه جم رف بالمطحنه والثلاجه وأحط أغراضي وبعد بشترك بالمنتدى تاجرة
بس ما أعرف هل هالشي يمشي وممكن يكون عليه طلب يعني انتو شرايكم هل ممكن هالأشياء تجذبكم
وهل ممكن ياخذون منها البنات اللي يسسون بوفيهات وحلويات ؟؟
يلا لا تبخلون أبي رايكم كلكم

ام جوجو خل اعطيج راي بالاول ليش ماطلبتي كميه صغيره وشفتي ردة فعل البنات بالمنتدى

او كبدايه تشهرين نفسج بالمنتديات والمعارض

ويعرفون عن مكانج ورقمج وطريقتج

وبجذيه تضمنين ربح بالمشروع

مثل بنت اختي ماشاءالله بنت بالمنتدى وانتهت بانها اكتفت وتركت لقب سيدة اعمال بالمنتدى

وكله يعتمد على دراستج للمشروع هم انتي لج نظرتج الخاصه

عموما تجارة الاكل مربحه ماراح تخسرين بس لازم يكون شغلج مميز مو وارد

وعسى الله يوفقج مقدما وماتشوفين الخساره

 

[al_gardenia]

لوول رقي اي بدعتي بالمسجات اليوم

ام وجيه خوش مشروع والله انا جني بعد شفت بتروفاليو بس انا نصيحتي لا تشترين كميه وايد جربي اول بكميه شويه عقب ان شاء الله لي مشو اشتري بعد

القاردينيا مادري لا تساليني عن هالسوالف انا ابيت التمويل ونظامهم غير عن الوطني ونو وي يعطون فيزا حق مو موظف

سوسو الفيزا اتوقع يعطونها لغير الموظف بشرط ضمان او مبلغ مجمد عندهم اذا مادفعتي لهم ياخذون حقهم من المبلغ

وانا اصلا عندي حساب جاري الى ماله حد هذا مسيف عندهم بالسستم جذيه يضمنون حقهم

 

[al_gardenia]

وي الله يعينكم على التدريس اشوف اختي بعد هالسنه حولت بناتها حكومه ومايعرفون عربي عدل فبعد مدخلتهم العصاري معهد ومن يردون واهي تدرس
وامين يارب ويشافيج ويشافي مرضى المسلمين تعالي شنو صار على علاجج ان شاءالله صرتي احسن

اهليييييييييييييين استبرق والله ولهت عليج وعلى سوالفج شخبارج وشمسويه ان شاءالله مرتاجه

والله يعين الكل

الحمدالله على كل حال انا اليوم كنت بالمستشفى وطلعت حدي مغلقه بس نمت وقعت تناسيت الموضوع

مادري يعني صار حجي وايد والدكتور تكلم وايد احس راسي بينفجر من كلامه كان الدكتور والدكتوره نفس الكلام

دخل العلاج بالكروسترول وكريات الدم البيضاء والكبد بلشو معاي علاج بالحبوب ووقفو الابر اسبوعين

ولازم ما اتعرض لاي مرض مهما كان بسيط هذا كل الموضوع ببساطه انا بعد امي ماقلت لها مابي اتحاتيني

انا معتبر هالشي اجر لي في ميزان حسناتي

انتي شسويتي على العلاج وقفتي الكورتيزون وشقال لج الدكتور طمنيني عنج

 

[داريني]

صباح الخييييير يا حلوين

 

[داريني]

قاردينا
هونيها وتهون ومن تابع الناس مات هما
حبيبتي خلي عندج ثقه بنفسج ولا تستحين من عيالج لي اسالوج عن شهادتج
خو نسيتي اول يداتنا لا يقرون ولا يكتبون وعيالهم تعلمو والحمدالله ما عايرناهم
لانه كل زمن ومكان ظروف والانسان قدرات مو كل يقدر يوصل لي اكبر شهاده
والحمدالله انتي امبين عليج ذكيه ومثقفه وحرجه والدليل ماشاء الله بناتج متوفقين
وهذا اكيد منج
يااما حريم عندهم اعلى شهادات واخلاقهم زفت وتربيه لي عيالهم ازفت
اهم شي الاخلاق
وادعي ربج كل يوم انه يسخر عقل ريلج
واكيد الله ما راح يرد دعائج


استبرق
شعور بناتي لما رديت
توقعت انهم يركضون علي ويقطون روحهم خخخخخخ
بس ادقروني
بالمطار انا ركضت لهم وفاتحه ايدي عبالي بييون لي ركض
خخخخ افلااااااام صارت
وقفوو يطالعون وماسكين ايد امي واختي
وانا اسحبهم واهم يضحكون بس ماسكين امي حييييل
لووووول شرهانين علي
جان اسحبهم والمهم واحبهم
بعدين طاح الحطب قامو يلموني خخخخ

صرت طماشه بالمطار فلم هندي
قعدت ابجي ليش ما ادري خخخخ

 

[داريني]

علومه
عندنا وعندج خيييير هالنفوس الخايسه
وحركتهم صج مو حلوه
بس انتي وااايد طيبه معاهم
هذول مو مال احد يعطيهم ويه ولا يطق الصدر عشانهم


عيل انا امس ما داومت كنت تعبانه حدي
حتى خدمي وصيتهم من بالليل اني بنام وما راح اروح الدوام
واي احد يدق لو شنو لا تقعدوني
لاني صج فيني فقره نوم وهالشي ماثر على نفسيتي

المهم نمت وانا حاطه تليفوني سايلنت
بس لما يرن فيه ليت يشب ويطفي
وانا نايمه احس فيه و نرفزني واطل ولا الدوام داقين
حقرتهم
بس تموو يدقون والله العظيم حتى على البيت دقو
واسمع صوت التليفون من الصاله
تنرفزت زياده
يا ربي اشيبووووووون
عيب والله عيب ماني راده غصب

ولا خدامتي تطق الباب واهيه خايفه
رحت بطلته ولا تقول في وحده تبيني ضروري
وقامت الخدامه تعتذر بس تقول انه التليفون مو راضي يسكت

رحت قلت خل اقولهم اني ماني يايه معني امبلغتهم اني احتمال ما ايي

وطارت النومه من عيني
دقيت ولا وحده كبر يدتي معانا بالدوام هذي اسميها خالتي ام ريلي من كثر ما اهيه تتدخل بكل شي فيني

الو نعم
اهيه وينج قاعده احاتيج
قلت لها انا تعبانه شوي خير فيه شي
قالت ماا ادري بس قلت يمكن راحت عليج نومه وقلت خل اقعدج
بنات انا بالدوام عمري ما نفست على احد لوو شنوو ما انفس وكله اضحك ما ابين اني مضايقه لو شنو

عاد اهني خرتها
قلت لها ام فلان انتي مكسره التليفون علي علشان جذي
؟
انا مو طلعت من قسمكم ؟
انتي مسئوله عني وانا ما ادري ؟
انا موصيتج تقعديني ؟
الله يخليج مره ثانيه اذا فيه شي يسوى ولا حرب العالميه الثالثه قامت
قومي كسري علي التليفون جذي

قامت تضحك
تقول ويييييه انتي عياره يالله تعالي

بنات بغيت اموت ودي اطلع من التليفون واكفخهاااااا واطقها بالسماعه حيييل على راسها
قلت لها والله العظيم وكانت فيني بجوه
انا تعبانه وما صدقت على الله انام حتى بالعطله ما انام عدل
جان تقول بكل برود يالله مع السلامه

وطارت النومه وانا اغلي وساعه كانت 8 ونص

صج صج ما تستحي يعني حتى ما نطرت ساعه عشر

ورديت بحاول انام مو قادره ولا هم ادق
امبييييه فيه ناس جذي دعله جان زين يعني وحده تعز علي
علاقتي فيها عادي وزماله بس
بس اهيه تبي تقتحم حياتي ولا انا كبر عيالها مفروض ما تحط عقلها بعقلي

 

[love love]

اي داريني خل اقولج شنو صار امس بكتب كوبي من تجمع ثاني

المكان زفت زفت زففففففففففففت

التكدش علي امسكيني اكبر الكليات

والمراجعيين بس يتهاوشوووون لا ويحاسبون انييلج ومانلقاج اندق تلفون ماتشيليينه ليش اشقاااااالو بداله انا؟؟؟؟؟؟؟؟؟؟

ويقولون انا اخر الشغل

والله العظييييييييييييم شغلي كاااااااااااااااامل واخلصه اسرع وحده اصلا الي كان ماسك شغلي يقولي انتي اندلعتهم بس شسوي اذا اوراقهم مو كامله؟؟؟؟؟؟؟؟؟ موذنبي ذنبهم اهم امقصريين
يابوولي اعصاااااااااااااب المحترم احترمه والي يبي يبهذلني ارد علييه بس بروود مهما يكون انا بنت

والبنات زفتتتتتتتت تخيلو ابي اورقه حق ريلي وعادي هالشغله تتصور عاااااااااااااااااااااااادي بس درت انه حق ريلي تقولي لالالالالالالالالا مااقدر جذاابه كل هذا علشان الثانيه وريل اختها
الورقه ماتضرها بشي احنا نعطييه للمراجعيين انا ماتعطيني شنو نحاااسه؟؟؟؟؟؟؟؟


اوووووووووووووووووووووووووووووووف حدي متنرفزه لانه عيوني بدمع وانا اكاابر مالت علييييييييهم انزييين

 

[داريني]

قاردينا
الفيزا قراده
انا اول شي استانست بعدين اكل تب----- خخخخ
تنفع اذا انتي شريتها يعني حلوه طريقتج عطيهم 400 واخذي الفيزا 500 ويخصون بس الاميه الزياده منهم
انا اسوي جذي
بس ماستر لك تيتانيوم ما استفدت منه وايد على عروض الي مسوينها انا قلت الحين كلش
بدش كل محل وبيعطوني خصم
كل ما اروح المحلات الي عليها عروض وخصم
قالو خلص من شهر والي يقول لازم تشترين فوق هالمبلغ وتاخذين خصم

صج انقهرت عيل على شنو مسوين عليها هالخبه
حتى امس رحت انا وريلي اتش اند ام تجيل حق اليهال حق الشتا
واتذكر العام شرينا منهم وعطونا خصم حلو بالماستر لك وجنه هالمره الوحيده الي استفدت منها

وطلعت علينا فوق الا 100 وقلت لهم عندي لك وحسبوو قالو عقب الخصم 85 استانست
ولا ما ادري من وين طلع لنا واحد منهم قال لا خلص عرض لك من اقل من شهر وماكو خصم

وقمت اخزه اقوله ميخالف طوف هالمره
قام يضحك يقول مو كيفي خخخخ

هالبنوك يقصون علينا واحنا نصدق على طول

 

[أم وجيه]

السلام عليكم

صبح صبح

جرجر أجر وعافيه ن شاء الله وان شاء الله يكون كله أجر لج والله يعافيج قريب عاد الحين ديري بالج لا يحوشج شي الجو متقلب حاولي تحبسين عمرج هالجم يوم وان شاء الله عقبها ما فيج الا العافيه
وما قالولج متى تخلصين ولا شي ؟؟

دردر واااااااااااااااااااااااي صج مو طبيعيه هذي اللي تبي تقعدج صج اتغث آنا انقهرت منها شلون انتي
آنا بعد لما أغيب مديري يغثني بالاتصالات بس ما أرد وأحقره بس ما يسوي جذي

علومه الله يعينج الظاهر دوامج كله نفسيات شلون الحمال وبأي شهر الحين ؟؟

كويتية1 وينها غطت الظاهر الحمال متعبها الله يعينها

 

[love love]

حمدالله بس اتعب من حوراء يمكن الثاني ومافيني حيل هههههه

 

[أم وجيه]

آنا والله الفيزا أحسها تخرب عليج وايد وبالآخر بتلقين الخصم مو ببالج اللي يطلع على الراتب
الحين آنا سويت بطاقة تمويل نت علشان أطلب فيها بس المشكله يبيلها خمس أيام علشان تطلع شكلي بطلب بالفيزا وعقب أعدل وأحط بدال الفلوس اللي بسحبها لأني خلاص عزمت ان شاء الله على المشروع بس بخلي الطلبيه مو كبيره وبشترك بالمنتدى تاجره والله يسهل ان شاء الله

 

[داريني]

اي داريني خل اقولج شنو صار امس بكتب كوبي من تجمع ثاني

المكان زفت زفت زففففففففففففت

التكدش علي امسكيني اكبر الكليات

والمراجعيين بس يتهاوشوووون لا ويحاسبون انييلج ومانلقاج اندق تلفون ماتشيليينه ليش اشقاااااالو بداله انا؟؟؟؟؟؟؟؟؟؟

ويقولون انا اخر الشغل

والله العظييييييييييييم شغلي كاااااااااااااااامل واخلصه اسرع وحده اصلا الي كان ماسك شغلي يقولي انتي اندلعتهم بس شسوي اذا اوراقهم مو كامله؟؟؟؟؟؟؟؟؟ موذنبي ذنبهم اهم امقصريين
يابوولي اعصاااااااااااااب المحترم احترمه والي يبي يبهذلني ارد علييه بس بروود مهما يكون انا بنت

والبنات زفتتتتتتتت تخيلو ابي اورقه حق ريلي وعادي هالشغله تتصور عاااااااااااااااااااااااادي بس درت انه حق ريلي تقولي لالالالالالالالالا مااقدر جذاابه كل هذا علشان الثانيه وريل اختها
الورقه ماتضرها بشي احنا نعطييه للمراجعيين انا ماتعطيني شنو نحاااسه؟؟؟؟؟؟؟؟


اوووووووووووووووووووووووووووووووف حدي متنرفزه لانه عيوني بدمع وانا اكاابر مالت علييييييييهم انزييين

وي ليش حاره عمرج حبيبتي
سمعي مني وطلعي من الاذن الثانيه
و مكان فيه مراجعين بتشوفين بلاوي وطولي بالج
و سعي صدرج
وانا اقولج احسن شي غيري قسمج دام فيه هالاشكال
وما فيه احد مرتاح :flower:

 

[أم وجيه]

لووووووووووول علومه عاد من الثاني مافيج حيل نطري نطري الطريج طويل للحين
بس غير يمكن لأنه بحوراء توج ما كان عندج أحد ومسئولية الحين أكو حوراء الله يخليها لج يعني في شوي مسئولية ودوام
الله يعينج ويهونها عليج ما قلتيلي أي شهر الحين ؟؟

 

[love love]

انا بالسابع الحين

بقولكم شغله دام انتو اخبر مني احس حوراء خايفه من شي فيها شي
مستغربه اهي تفضل ابوها اكثر مني الحين لا انا ولزقه حتى لما اوديها حضانه تبيهم ونفس الوقت تبيني ادش وياها تبجييي بس اطلع بسرعه ولما اطل بعدين من الدريشه ساكته عادي
امس بالسوق ثواني ماتشوفني تبجيييييييييي وتصرخ حتى بيت امي تتيبس وتناديني مامااااااا تحسسني جني بهدها خلاص وضعها موطبيعي كلللللللللللش والله
اوكي من تسنيين بس انه خايفه اهدها شي غريب منها وبهالطريقه

حتى يدزونها بعربانتها بس تبي تمسك ايدي تخيلي طول ما احنا نمشي!!!! واهي ماتحب احد يمسك ايدها

حتى اول لما تبجي ادق على ابوها تضحك وتسكت الحين تقط التلفون وتهز راسها ماتبي

 

[love love]

درر قاعده افكر انقل من المكان يمكن اروح الجامعه

 

[داريني]

علومه
وضع بنتج طبيعي
وياهل يحس اذا فيه احد بياخذ مكانه
انا كنت مثلج لما حملت فيه بناتي ولدي كان صغير ولزق فيني وكله يبيني
تخيلي بطني شكبره كنت اشيل واي احد يشوفني يقولون لي حرام عليج نزليه شكلج يكسر الخاطر

وفي مجال تنقلين نقلي احسن لج لازم تكونين مرتاحه نفسيا والله شالفايده الدوام وتعب

ام وجيه
موفقه انشالله في تجارته الاولى ولا تنسين تطلعين من مبلغ الربح صدقه علشان الله يبارك لج

 

[أم وجيه]

علومه عادي البنات جذي يتلصقون بأمهم بالذات انها بدت تبعد شوي بروحتها للحضانه تفتقدك من جذي تلصق فيج
بس ابوها عادي اهي تكون متعودة انه مو دام معاها
الله يخليها لكم ويخليكم لها

آنا طمطم حتى ببيت أهلي لاصقه فيني مع انه يكونون وايد يهال يلعبون بس اهي لاصقه فيني واذا تلفتت وما شافتني تبجي

 

[أم وجيه]

أكيد دردر وجزاج الله خير انج ذكرتيني

 

[love love]

اها مشكوورين