تجمع امهات 2008 حياكم

[Om eLkakawiya]

كويتيه وافتخر
هلا فيج حبيبتي .. انا جربت غيرة اخوي الصغير من دانو بس هم يحن عليها شوي والله مو يايبينهم بالساهل..

 

[الاستاذة]

صباح الخير بنات شلونكم
مس شوقر اي هذا شعر بطن انا زيونه اول مايبتها كثيف بس كل ماله ويطيح مخدتها متروسه شعر

ام جوجو انا ضعفت ورديت اضعف من اول رحت دكتور تغذيه والحمدلله ضعفت 13 كيلو واي اهني بالدوام اول ماييت يقولولي اول مره انشوف وحده توها والده ضعيفه عسى مايصكوني عين شوفي انا شريت جهاز مشي بالبيت لاني مايمديني امشي ومابي اهد زيونه وانتي عارفه الجو مو شي وصكيت حلجي عدل عدل تبين تضعفين خففي وشربي سوائل وايد انا قالولي عقب 6 اشهر من الولاده نضعف بس ماتحملت شكلي واول ماطلعت من 40 رحت دكتور

احلى كويتيه اشلونج؟ تعالي انتي وام وجيه تقريبا معاي ولدتوا متى نمدي نوكلهم انا دكتورها يقولي بعد 6 اشهر مو وايد؟ابي نومتها تعدل

مس شوقر انتي نفس دكتوري سليمان السعد قالج نفس هالكلام بعد 6 اشهر ليش؟انا بدت اتسعبل وايد قالولي يمكن اتسنن مبجر حتى اذا سننت ما اوكلها؟ ومتى يبدي الياهل يسنن؟انا باجر عندي موعد معاه وبساله عالاقل اقدر احطلها بسكوت

في بنات يوكلونهم بعد 4 اشهر وهذا الاكثر انا الدكتور قالي مالج شغل فيهم لا تسمعين كلام احد

 

[احلى كويتيه]

صباااااااااااااااااااح الخير

شخباركم ​

 

[احلى كويتيه]

صباح الخير بنات شلونكم
مس شوقر اي هذا شعر بطن انا زيونه اول مايبتها كثيف بس كل ماله ويطيح مخدتها متروسه شعر

ام جوجو انا ضعفت ورديت اضعف من اول رحت دكتور تغذيه والحمدلله ضعفت 13 كيلو واي اهني بالدوام اول ماييت يقولولي اول مره انشوف وحده توها والده ضعيفه عسى مايصكوني عين شوفي انا شريت جهاز مشي بالبيت لاني مايمديني امشي ومابي اهد زيونه وانتي عارفه الجو مو شي وصكيت حلجي عدل عدل تبين تضعفين خففي وشربي سوائل وايد انا قالولي عقب 6 اشهر من الولاده نضعف بس ماتحملت شكلي واول ماطلعت من 40 رحت دكتور

احلى كويتيه اشلونج؟ تعالي انتي وام وجيه تقريبا معاي ولدتوا متى نمدي نوكلهم انا دكتورها يقولي بعد 6 اشهر مو وايد؟ابي نومتها تعدل

مس شوقر انتي نفس دكتوري سليمان السعد قالج نفس هالكلام بعد 6 اشهر ليش؟انا بدت اتسعبل وايد قالولي يمكن اتسنن مبجر حتى اذا سننت ما اوكلها؟ ومتى يبدي الياهل يسنن؟انا باجر عندي موعد معاه وبساله عالاقل اقدر احطلها بسكوت

في بنات يوكلونهم بعد 4 اشهر وهذا الاكثر انا الدكتور قالي مالج شغل فيهم لا تسمعين كلام احد

ماعليج من من كلامهم ان شاء الله اذا تمت 4 شهور وكليها على الخفيف ابدي بالخضار وبعدين الفواكه​

 

[أم وجيه]

صباح الخير أحلى أمهات

شلونكم وشخباركم

الأستاذه وأحلى صباحوووو

استاذه مثل ما قالت لج أحلى متى ما تمت 4 شهور وكليها يعني قربو ياكلو آنا بودي أوكلها من الحين بس حرام مو باقي جم يوم وأبدي

أمس قريت في الصفحة الصحية في جريدة ما أدري الرأي العام أو الأنباء انه عصير البرتقال يأثر على انزيمات الطفل ومعدته لازم ما ياخذه قبل 9 أشهر تخيلو ما أدري والله آنا وجيه كنت أعطيه على 6 شهور عصير البرتقال بس شكلي بأخره على فطوم

الدكاتره كل مالهم ويعقدونا زيادة صح شقورة ​

 

[الاستاذة]

اي والله انزين شنو الخضار الصحيه؟ يعني علموني الصبح شعطيها اعيطيها عيش؟مال اليهال عالغدى ولا تو الناس وبديتوا تحطون بسكوت بالحليب؟

والفواكه شنو تخلطون؟ابي خبرتكم بليز
السيريلاك صج مو زين؟يقولون اسوي حساسيه؟

 

[أم وجيه]

اي والله انزين شنو الخضار الصحيه؟ يعني علموني الصبح شعطيها اعيطيها عيش؟مال اليهال عالغدى ولا تو الناس وبديتوا تحطون بسكوت بالحليب؟

والفواكه شنو تخلطون؟ابي خبرتكم بليز
السيريلاك صج مو زين؟يقولون اسوي حساسيه؟

الأستاذه آنا فطومه للحين حليب وبس

لما تكمل 4 شهور ببدي أول شي بالبسكوت أحط لها بالحليب ربع بسكوته مره باليوم وعقب اسبوع ازيدها تصير نص إذا حسيتها ناسبتها
والأكل ببتدي خضار نوع واحد بالأول مهروس طبعا بطاطا - جزر - كوسا - رز

وبعدين تقدرين تخلطين أكثر من نوع بس عقب فترة من التعود على الأكل وعقبها الفواكه

وطبعا لا تكرهين البيبي بالأكل يعني لو بالبدايه كلت ملعقتين كافي وشوي شوي تتعود ةتحسين الوجبه بدال الرضعه​

 

[أم وجيه]

السيريلاك ما أدري أول مره أسمع انه يسبب حساسيه بس صبري عليه شوي يعني لما تصير بنهاية الرابع أو نصه تبدين سيريلاك مال ال 4 شهور

 

[أم وجيه]

الأستاذه أهم شي لا تحطين على أكل البيبي لا سكر ولا ملح ولا بهار

 

[الاستاذة]

مشكوره ام وجيه ماقصرتي يعني اذا اكملت 4 انشالله اعطيها ربع بسكوته باليوم انا بخليها الرضعه مالت الليل واعطيها بعد وجبه خضار؟يعني الاثنين ولا اول اسبوع بس بسكوت وعقب الخضار؟

 

[احلى كويتيه]

شوفوا ابدوا الوجبه الظهر وخلوها خفيفه

اخذي شويه عيش مصري ومع ماي حار خليه يستوي شوي وحطي معاه قرع او بطاط اخذي نوع واحد من الخضره ولما يستوي خليه يبرد شوي وخلطيه بالخلاط وذوقيها بس ليش ما نضيف بهار او ملح ​

 

[أم وجيه]

والله ما أدري بس كل ما قريت موضوع عن تغذية الطفل ألاقيهم كاتبين لا ملح ولا سكر ولا بهار والوالدة بعد كانت تقولي هالكلام بس ليش لا أدرييييييييييي

 

[mrs_sugar]

صباحوووووووووووووووووووو

شخباركم المداومين و النايمين

اول شي الامور تتعقد خخخخخخخخخخخخخ لان العلم يتطور و الاطباء كل مرة يكتشفون مسببات يديدة للأمراض و يكتشفون شغلات يديدة لتحسين صحة الياهل

و علشان جذيه التوصيات قامت تختلف

و التوصيات هذي تكون حسب توصيات منظمة الصحة العالمية مو من كيفهم

بالنسبة للأكل بعد 6 شهور مثل ما قالت الاستاذة صح كلامه هذي توصيات منظمة الصحة العالمية بس المشكلة ان اذا بديتي متأخر ما يتقبل الطفل الأكل و يفضل الحليب

علشان جذيه نبدى بعمر 4 شهور


السيريلاك قبل 6 شهور نو ليش؟
لان فيه قمح و القمح اهو اللي يسوي حساسية باليهال اصغر من 6 شهور
على فكرة الكلام هذا ينطبق على الفارليز بعد

الملح و السكر و البهار نو ليش؟
قبل عمر السنة الكليتين عند البيبي ما يكونون شغالين 100%
يا دوب يصرفون الحليب و الأكل الماصخ
فإضافة ملح او سكر على الأكل يزيد المجهود على الكليتين

و البهار مو زين على معدة البيبي

اوكي امهات؟

و الأكل البداية مثل ما قالت أحلى

تمام التمام يا أحلى

 

[أم وجيه]

و تمام التمام يا شقورتنا

 

[al_gardenia]

سلالالالالالالالالالالالالالالالالالالالالالالالام شلونكم

انا مابقى شي وتخل بنتي الشهر الرابع ببدي اعطيها عيش مهروس
وانشالله تتقبلهولا سبوع الياي هم عندها تتطعيم


والي قاهرني اني زايده اربع كيلوات اففففففففففففففف منقهره حدي برومح اكرف زياده خل اطير هالجم كيلو

 

[كويتية1]

هاي امهات اشلونكم
شقوره ظحكتيني على فطوم ياحلوها

وعلى الاكل انه بفهود بدعت فيه من انولد عطيته تمر وحلبه وعقبها برتقال صج بدعت

هالمره ما عطيت ريون شي غير الطبيعي وساعات صناعي وبنطر لي 6 شهور حتى الاعشاب ما عطيتها

اليوم رحت الافينيوز مشيت مشي وما رديت البيت الا انه كلش ظهري وريولي خدرانين عبالي حامل ويوم حللت طلع اشوه ماكو شي الظاهر قعدت البيت كسرتني ماكو لياقه مع اني مو متينه

امونه حياج معانا وياحلو الصبيان يهبلون والله

 

[Om eLkakawiya]

شلونكم امهات؟

امبيه كويتيه 1 حرااام عليييج تمر مسكييين ولدج حراااام .. انا للحين الدكتور يقولي اكلي بنتج لما تصير 6 اشهر .. وانا حدي خاايفه ..

بنااات ديروا بالكم ترى معدة الياهل ما تتحمل اي شي .. جربوا اول العصيرات بعدين ابدو بالاكل .. الله يحفظ بيبياتنا

 

[الاستاذة]

صباح الخير شلونكم بنات؟
مشكوره شقوره عالنصايح الله لا يحرمنا منج
يعني خلاص اعطيها عقب الاربع اشهر مثل ماقلتي واتهقين يعني ماحطلها بسكوت الا بعد 6 اشهر؟

 

[الاستاذة]

ام وحيه واحلى وينكم شكلكم مو مداومين

 

[امون حبيبة الكل]

السلاااام شلوونكم بناات شخباركم كلكم كلكم

ولا ناويه اسلم على اسم اسم بس خرعتوووني يوم قلتو الشكر موزين ياثر على المعده

انا ولدي شهرين بالظبط مع رضعة الاعشاااب لازم احطله شكر وشكرنا العادي اذوبه الدكتور قايل حق عمتي حطي شكر عادي

وبالنسبه للاكل شلون اولكه ام وجيه ياقلبي شلون احطله ربع بسكوته على قولتج

يعني اذوب البسكوته بالحليب واخليه يشربهم بالمميه؟؟

انا اعطي ولدي تمر انقعه بماااي حار واشخله يقولون ممتاز للجاهل

واعطي نعناع مرات مرات ينسون وحبه حلوه

وكل ساعتين ونص اعطيه رضعه حليب 4 ارقام

شرايكم في شي غلط

الرضعه واجد اعطيه ولا شويه؟؟

ومرات اعطي ماي بقفشه اغسل حلجه من داخل

فيديوني شنو الغلط ببرنامجي بليز