تجمع امهات 2008 حياكم

[كيت كات]

سلااااااااااام
والله فقدكم
مبروك القاردينيا طلعتج
بنات انا حليبي نشف كلللللللش
يقولون من النفسية والشكوى لله غصبن علي
وعلاوي طلع من العنايه وراح الجناح وعقبال مايطلع لي حضنيي ياارب
قاردينيا تخافين على النونو من الابرة
انا شقول يوميا يغزونه للدرب وهو يفحط من البجي
لان جسمه مايتحمل ابرة الدرب ماتظل يوم الا وطلعت
ياقلبي جسمه كله نقط زرق
بس الحمدلله على كل حال
اليوم قاصين عليه ومعطينه مصاصه هههههه
شكله مزعجهم من البجي
انا مو قادرة افكر بطلعتي من الاربعين توني اسبوعين ومو مركزة
بس رحت تشريت ميك اب ورغوة للبانيو وحركات
وقمصان نوم حراير روووعه

 

[احلى كويتيه]

خخخخخخخ ام وجيه لا والله مارحتلها كان ودي لوووووووووووول


مس شوقر فصلتلي بدله لطلعت الاربعين واخذت من لاسنزا قميصين وكم بجامه نوعت بشكالهم واخذت من انور قميص احمر عشان فلناين لووووووول انا ان شاء الله اطلع يوم 11-2 يعني مابقى شي على فلنتاين ورحت الدوا اخذت جنطتين وتكرمون جوتي ورحت فيث اخذت صندل مع بدلتي

بنات بدلتي لون بيدياني مع سلفر بس مو ديسكو ذبحوني خواتي كل ما اقولهم عن اللون يقولون وع ديسكو اقولهم سلفر مطفي مودسكو تهقون حلوه ماطلعت ليما الحين واخذت عطرين وحمرتين وعدسات ملونه ريلي يقول مصدقه نفسج عروس خخخخخ قمت التحطيم

 

[احلى كويتيه]

الجاردينا طالعه من الشر وبشرينا عن بنتج

بنات الي يرضعون طبيعي يشفطون حق رضعتين ويروحون يتمشون ويجهزون عادي

 

[بنت بنوت]

كيت كات الله يطلع ولدج بالسلامه انشالله ما عليه شر انشالله

يامعوده الحمدلله يعني انتي سويتي شي

انا كلش .. وانا قاعده اقول يعني حق الايام اليايه الله يعين ماني عارفه شلون راح اطلع ؟؟ قولولي شلون ؟

 

[mrs_sugar]

بنات اللي يرضعون

قولولي شلون تنسقون وقتكم وتطلعون حق تجهيزات طلعتكم من الاربعين ؟؟؟ لأن انا الحمدلله ارضعها طبيعي وماعطيتها صناعي للحين وخايفه ارتبط بهالموضوع حييل خاصة انها تبي ترضع اسم الله عليها كل ساعتين ؟؟ قولولي شلون متى اجهز ؟؟

هلا بنوتة

شخبارج

اذا على الطلعة لازم تشفطين و تحطينه بالثلاجة و وقت الطلعة ترضعينها عدل و تطلعين و يفضل تكون حزة نومتها و اذا قعدت يصخنون الرضعة و يعطونها علما ترجعين


هذي فيها 4 او 5 ساعات حلوين​

 

[mrs_sugar]

خخخخخخخ ام وجيه لا والله مارحتلها كان ودي لوووووووووووول


مس شوقر فصلتلي بدله لطلعت الاربعين واخذت من لاسنزا قميصين وكم بجامه نوعت بشكالهم واخذت من انور قميص احمر عشان فلناين لووووووول انا ان شاء الله اطلع يوم 11-2 يعني مابقى شي على فلنتاين ورحت الدوا اخذت جنطتين وتكرمون جوتي ورحت فيث اخذت صندل مع بدلتي

بنات بدلتي لون بيدياني مع سلفر بس مو ديسكو ذبحوني خواتي كل ما اقولهم عن اللون يقولون وع ديسكو اقولهم سلفر مطفي مودسكو تهقون حلوه ماطلعت ليما الحين واخذت عطرين وحمرتين وعدسات ملونه ريلي يقول مصدقه نفسج عروس خخخخخ قمت التحطيم

انا راح ابدا المشاور ان شاء الله من باجر الصبح

الصالون اللي قلت لكم عنا اسمه كاريزما احد سامع عنه او مجربه ؟​

 

[بنت بنوت]

اي والله احلى كويتيه ومس شوقر ماكو الا اشفط بس انا للحين ما شريت الشفاطه شنو احسن شي ومن وين ؟؟؟؟


ولا شرايكم لما ابدي اجهز اعطيها مره صناعي ومره طبيعي ؟؟؟

ابي رايكم

 

[mrs_sugar]

انا استعمل شفاطة ميدلا

تقريبا احس نوع

يستعملونها المستشفيات للأمهات اللي يشفطون حليبهم لبيبياتهم

مريحة و ما تعور

شريتها من صيدلية الكندي بالجابرية

تحصلينها بعد بمذركير و بروي

تقدرين اذا تبين تعطينها صناعي اذا طلعتي

لا تأزمين الأمور

انا كنت ببنتي اللي قبلها اووووووووووووو اتأزم اذا عطيتها صناعي احس اني ام شريرة و الله العظيم

فما كنت اعطيها كلش صناعي و اخذها معاي كل مكان بالعربانة ووقت الرضعة ادخل معاها المصلى ارضعها

يعني باختصار حوسة و لوية

مرة من المرات كان عمرها 4 اشهر و صار عندنا عزا ما قدرت ارضعها فعطوها صناعيو تمت ترجع و تأذت و اذتني وايد

هالمرة قلت لا

اذا بطلع و ما يمديني اشفط لها او ماكو حليب كافي باعطيها صناعي عادي

خذيت لها ابتاميل كومفورت 1

يقولون ما يسوي غازات و لا امساك​

 

[بنت بنوت]

اي والله شوقر انا هذا اللي احسه احس اني ام شريره اذا بعطيها صناعي

بس الحين انتي عادة شكثر ترضعين جم شهر ؟؟

وهل بالرضاعه الطبيعيه تمنع الحمل ؟؟

 

[mrs_sugar]

اي والله شوقر انا هذا اللي احسه احس اني ام شريره اذا بعطيها صناعي

بس الحين انتي عادة شكثر ترضعين جم شهر ؟؟

وهل بالرضاعه الطبيعيه تمنع الحمل ؟؟

انا عادة ارضع لي 6 شهور و بعدين مع الدوام ابدا احول صناعي

و الرضاعة الطبيعية ممكن تمنع الحمل 4 شهور بس و اذا ترضعين كل ساعتين بانتظام حتى بالليل

يعني اذا الياهل ينام 6 ساعات متواصلة بالليل بدون رضاعة ماكو فايدة احتمال الحمل وارد

انا اخاف بصراحة ما اعتمد بس عالرضاعة

استخدم حبوب الرضاعة سيرازيت

تبدين باليوم 35 و ما توقفين ولا يوم يخلص قوطي و تفتحين الثاني

و الخيار الثاني هو اللولب

و الثالث العازل انا هالمرة حملت عالعازل خخخخخخخخخخخخخخخ​

 

[MaYoOoma]

اللولب شنو مضاره ؟ انا مفكره احط اللولب ان شاء الله بس جني خايفه :|

 

[عاشقة_الجمال]

هاي بنات شلوونكم شخباركم

انا الليل اسهره مع ولدي ما ينام الا الساعه ثلاث الفير او اربع ونص الفير طبعا اكون باجيه لين قلت بس ومت خلاص
والحين جنه الشي هذا ما يكفي ريلي مره ثانيه نام بالمستشفى والحين يقوولون يبون يسوون له عمليه وتخيلواالتعب اللي انا فيه
فتره الظهر كلها والعصر اكون عند زوجي بالمستشفى وعيالي اثنينهم عند الخدامه وارجع المغرب اجابل معاها ومافي نوم عدل ولا راحه الله يعين

كويتيه وافتخر

الله يعينج يا قلبي ويشافي ولدج وولدج بأي مستشفى الحين الي جذي تعبثو بالياهل

احلى

ايوا ايوا يا القز بالمطار بس غريبه زحمه ومو حزه صيف !! والتوقيع ما ادري عنه اشوفه ثابت على ثلاث شهور

شوقر

انا عليميه بالمكياج ابيج تدلين على احسن كريم اساس استعمله وماسكرا واذا في احد بعد ممكن يساعدني بليززززز

ومن ناحيه الشدو والسوالف هذه تخيلوا انا عندي مجموعه وحده استعملها من يوم ما تزوجت وللحين ما غيرتها فأبي اغيررررررر

لووووووووول شوقر تخيلي انا بأربعيني كنت معزومه على عرس ولد خاله ريلي وتخيلي خليت كشختي كلها حق العرس ليش ان الحموله كلهم بيشووفوني
وصبغت شعري وسويت ميك اب عجيبببببببببببببببب وتسرريحه حلووه ورحت حق العرس وكان عرسنا بالرايه ويايبين الجسمي ونوال والقصار وبجذي ضربت عصفورين بحجر
كشخت للعرس وبنفس الوقت حق طلعه الاربعين

كيت كات

الله يعينج ويصبرج ويشافي وليدج يا رب

شوقر

اي ياهل هذا اللي ينام 6 ساعات متواصله ؟؟؟ قوليلي شلوون الطريقه ابي اتهنى بالنوومه تخيلي انا الساعه ثلاث ونص او اربع ونص ويقعد خمس ونص او ست يبي رضعه

 

[احلى كويتيه]

عبقريه كويتيه انا اشوف التوقيع 3 شهور واسبوع وهذا اوكي والله القزا حلوه خاصه بدون يهال من غير شر اتذكر ايام الغزل والدلع

اغلب الي اعرفهم ومركبين لولب يشتكون من كثر ايام الدوره الى درجه توصل 10 ايام وزود وبصراحه مالي خلق انا اخذ حبوب ياسمين وماشيه معاي واليوم ناويه اخذهم بس اخاف تنزل علي

عبقريه اليهال اغلبهم جذي ومع الايام تبدا هالعاده تقل عندهم انتي لهيه شوي عن النوم من الساعه 9 لا ينام ومع الايام بتتعدل النومه وخلي رضعه الليل فيها بسكوت

 

[MaYoOoma]

احلى كويتيه : اذا على طول الدوره مو مشكله انا مشكلتي ما اكل حبوب ^_^ ادويتي كلها شراب ادوية يهال ههههههه ماعرف ابلع الحبه

 

[بنت بنوت]

اي والله جان زين ينامون 6 ساعات الله كريم

بنات ابي اعرف اخت النفاس ( الدوره ) متى عادة تنزل ؟؟ وهل نفس الحاله بالنسبه للي والده طبيعي او قيصريه ؟؟

 

[بنت بنوت]

بنات شلون اغير توقيعي ؟؟ ابي اسوي توقيع حق عمر بنتي

 

[رقي]

هلو بنت بنوت
اخت الدورة تيي بعد الدورة بيوم
وهذا معناه تنفستي عدل
الله يعينكم علي التجهيز
انا عطيت خواتي شرولي
وحماتي كانت بلندن وصيتها ويابت لي
وقمصان نوم خذين من لاسنزا ومارك سبنسر
وخذيت كنبا اينن وشراشف يديده من الجوهرة
وخذيت توبات وشورتات وحركات ارعه من سيرز
وشريت عطورات بس مو وايد يمكن 4 طلعو غاليين حيل
ويوني هدايا عطورات وايد
ودراريع اختي هادتني ثنتين وبس
وانا لما طلع كان عيد
فشريت حق العيد
بنات عندي عباة كشششششششششششششخه
خدامتي حرقتها ولا يمكن تترقع
احس حرقت قلبي معاها
خخخخخخخخخ



القاردينيا طلعتي من الشر حبيبتي مس يوو

شوقر رفيجه المساء والسهره

ام وجيه شلونج الله يعينج علي الاكتئاب
تدرين انا ماحاشني لاني جلابته من قبل
علي طول اقرا الاذكار وكنت 24 ساعه علي قناة العفاسي
وبيت ابوي يضيق الخلق يعني ابو الكابه لانه فاضي
بس والله ماحسي بشي الحمدلله
الباقي كيفكم


كت كات طمنينه عن علاوي
كويتيهه ها طلعو عيالج وشلون اللي بالعنايه
احلي ياحلا اخاف رايحه فندق سفير المطار

 

[الاستاذة]

شلونكم بنات شخباركم؟
مس شوقر انا هوتميل ماقدر اضيفج
والقاردينا مبروك طلوعج من النفاس الفال لنا انشالله وطمنينا على تحاليل بنيتج
ام وجيه اي انا استخدمت هالكريم وايد زين امي تقول من السفوف ليش حاره نفرت بنتج تعالي استخدمتي الغسول شلونه
؟
احلى تسلمين حبيبتي انشاءالله بسويه والله يحليلج تطلعين انا امي ماترضى احس سخافه الدكتوره يوم رحلتها وانا بثاني اسبوع اتقول طلعي امي تقول لا
وعلى طاري الصالونات ذاك اليوم قريت اعلان لافندر الي بالمهلب اجبال اسبا مسوي تنزيلات 50 بالميه حق الحمام المغربي ودي اجربه وبروح اسوي مساج تخسيس وبروح حق دكتور رجيم جسمي ارف ارف ارف بالحمال كنت اضعف عاد يقولون الرضاعه اضعف اشك بهالموضوع
بنات كل جم يوم اتسبحون اعيالكم بعد عمري زيونه تكسر خاطري اذا سبحناها ترجف وايد معني احط دفايتين

 

[رقي]

السلام عليكم

الحمدلله الحمدلله على كل حال

بنات ولدي اللي بالعنايه قاعدين يتعبثوون فيه الدكاتره وزوجي ساكت قاعده احن وده برا مو راضي وطنيته الزايده واصله لي الطب يقول ما في احسن من علاج الكويت

الحين هم مسوين له عمليه براسه ومدخلين الواير من راسه لي المعده على اساس طول العمر
اليوم شيقولون بيردون يغيروونه لانه ملتهب عنده ؟؟؟؟؟ هذا مو اهمال

اذا تعرفووون دكتور استشاري اقدر ارووح له اودي له تقرير ولدي ويساعدنا على اتخاذ القرار لاني مقتنعه اوديه يعالج برا بامريكا وزوجي لا فابي دكتور شاطر يحكم علينا ويا يقنعني يا يقنعه

كويتيه قلبي
الله يعينج وياجرج ولا يحرمكم الاجر
لاانتي ولا ابوه
بس ماعتقد يخلونج تودي طفل خديج بره
وعندج مازن العيسي بالشفا فظييييييييييع
او دقي علي فوزيه القطان قوليلها لها السالفه
وترشحلج كم دكتور

وعندج مس شوقر سعليهها

 

[كيت كات]

كويتيه وافتخر
الله يشفيلج اياه يارب
بس اتذكر اختي من 11 سنه نفسج بالضبط
يابت 3 توائم والثالثه طولت وايد بالعناية وصار
فيها فايرس براسها وحسنوها
وكل هالامور عادي ان شاء الله مافي الا كل خير
صدقيني بالكويت خصوصا للمواليد وايد عنايتهم زينه