**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[تمر حنا]

هلا ام عزوز طالعه من الشر وانا بعد طلعت بس للاسف نزلت علي الدوره من اليوم 35 ولي الحين مستمره وبالنسبه للحبوب انا بعد 28 حبه هذي مالت الرضاعه جذي وماتوقفينها وقت الدوره تاكلينها باستمرار

 

[om_3azoz]

انزين شنو هذاا الدم ؟ معقوله الدوره ؟؟ انا كليت الحبوب من يوم 35 لي .. لان رحت الطبيب وقالتلي جم لج قتلها 35 قالتلي من اليوم تاكلينهاا وماتوقف الحليب وخفيفه ..
لان امي تقول حبوب منع الحمل ماتنزل الدوره الحين الا اذا خلصت الحبوب بعدين تنزل ؟؟ تتوقعين هذي الحبوب تنزل الدوره يعني عادي
والله مادري

 

[استبرق أم علاوي]

قوة شلزنكم
ام عزوز وتمر طالعين من الشر

ام عزوز انا سمعت اللي ما ترضع او ما ترضع عدل تنزل عليها الدوره

 

[om_3azoz]

ام علاوي انا بخير الحمدالله انتي شلوونج ؟؟

انا ارضع واشفط له .. يعني مااعطيه صناعي كلش بس اللهم امس لان رحت الصالون ابوي شراله نان .. ولان حليبي يسويله غازات قلت اشربه صناعي يمكن ينفع معاه ,, لان امي على اخوي الكبير حلييبهاا مااطاح عليهاا وعطته صناعي

وبعدين هذي حبوبي 28 حبه يعني اخذهم حتى لمن تكون علي الدوره
بس الحين ماينزل دم وايد يعني اشويه لمن امسح بكلينكس بس يطلع مثل خيوط دم على دم فااتح مادري شلون صااير
لان بعرف اذا هذي الدوره لي يوم الخامس بغير حبوبي بااخذ اللي يقطع الحليب اضمن لان 21 حبه وهذي وايد خفيفه
اخاف احمل عليهاا يمعوده

 

[استبرق أم علاوي]

شوفي اذا ستمر عليج الدم 3 ايام هذي دوره اقل استحاضه
وروحي حق الدكتوره سأليها احسن
لانه يمكن اتزيد عدد الحبات
يعني اذا حبه باليوم اتسويها 2
يمكن

 

[om_3azoz]

الحين يعني انا مومتأكده هذاا دوره ولا استحااضه يصير ريلي يجامعني ؟؟
انا امس كان ينزل اشويه وسالت امي قالت اول شي غسلي بعدين عادي لان على بنه اخذ حبوب ومااتنزل الدوره الا بعد ماتخلص الحبوب عرفتي ..بس قبلهاا غسلت وجذي وقف الدم ونزل افرازات شفاشفه قلت يمكن هذاا كان وصخ اول شي .. عقب الاجماع نزل مره ثاانيه دم

الحين شلون اعرف هذي دوره ولا لا .. اذا لي باجر كان ينزل دم يعني دوره ؟؟

 

[تمر حنا]

الله يسلمج ام علاوي..
ام عزوز انا كنت نفسج جم يوم بس بالكلينكس بعدين نزلت عدل والحين صارلي فوق الاسبوع ولي الحين قويه الله يستر زوجي حده محبط يقول صارت 50 يوم مو 40 وبالنسبه للحبوب عادي جذي حبوب الرضاعه سالي اي دكتور وراح يقولج 28 حبه ومنو قال الي تاكل حبوب ماتزل الدوره؟؟ انا سالت دكتوري قال تختلف من جسم لي جسم.. واذا بتاخذين الحبوب العاديه بيوفق حليبج

 

[om_3azoz]

تمر حنا
انا صايرلي 3 ايام ينزل خفيف بس اليوم أخف واايد .. الحين الحبوب 28 اخذهم حتى لمن اتيلي الدوره
ايي امي تقول الحبوب مدام خذيتيهم من قبل الاربعين ماتنزل الدوره الا بعد ماتخلص الحبوب ..

الله يعين ريلج والله .. وحتى ريلي لووول

 

[سراج الليل]

مررررررررررررررررررررحبا

 

[بحر الغموض]

ام عزوز لا يجامعج زوجج هافتره حبيتي مو زين لج ولا له

ولا زين كلش الله لايقوله لوحصل حمل انتبهي الله يرضى عليج

واضمن شي لج روحي للطبيبه راح تقولج هذه دورة او عادي

انا طبعا ما خذ حبوب مانع ولا شي
والدم وقف وانا بالنفاس وصار بس افرازات يادوب صفرا وماكنت اصلي لاني اخاف للحين نفاس
بس
طلعت من النفاس اغتسلت وصليت عادي قلت يمكن افرازات عاديه

وللحين بس من كم يوم نزل معاي دم خفيف واعتبرتها دوره خمس ايام بس اول يومين دم ملحوظ بس قليل جدا جدا جدا وبعدين افراز لونه بني على اصفر وبالخامس قلت الظاهر خلصت
بس مستغرربه هالدوره يادوب باليوم اغير مره وحده لان تكون نظيفه
سالت امي قالت يمكن هذه دورتج تتلخبط بعد الولاده وهذه انا الحين اترقب الوضع

حبيبي ولدي منشول وحرارته ترتفع كل اشوي واعطيه ادول وامس كان طهارته وعطاني له علاجات بس خفت من حرارته وصار يشرب حليب اشويه لان خشمه يصكر عليه حبيبي حتى لو حطيت له القطره يرحع يصكر خشمه
واتصلت على دكتور طهارته د.عادل معرفي بالمواساة قالي اذا استمرت الين باجر هاتيه لي
ومادري خايفه عليه حبيبي

يارب تشفيه وتشفي كل مريض يالله ياالعظيم

 

[استبرق أم علاوي]

قوة شلونكم

ام عزوز
لا تجامعين زوجج لمن تتأكدين

بحر
الله يشافي ولدج
دير بالج لا ترتفع حرارته وايد
عشان لا ينومونه بالطبيب تره يغززونه ابر يعور قلبج
سويله كمادات اذا ارتفعت


انا المفروض اليوم يطهرون ولدي بس ما نمنا باليل الا الساعه 5 الفير
ومارحنه اليوم

 

[بحر الغموض]

نصيحه ام علاوي
ماسمعت هالنصيحه وامس ندمت
طهري ولدج صغير بعدين يعور قلبج مثل ماسوى فيني امس
حطوله التحميله وبجى وعصبت عالسستر
ولما خذوه للغرفه ماعرفت اقعد على حيلي وقعدت احاتي وسمعته يصرخ قمت ابجي طبعا كنت منخشه عن امي
ويابوه لي حبيبي يبجي وعطيته صدري على طووووووول

 

[om_3azoz]

بحر الغموض
ايي ادري مايجامعني ... ايي حتى انا مااغير الا مره وحده لان مايكون في شي فيهاا .. قلت اذا مانزل وايد لي باجر بروح الطبيب اشوووف دكتورتي
الله يشفي ولدج ياارب انشاءالله مافيه شي يارب

ام علاوي
ايي حتى اهوو يقولي ماااجامعج الا لمن تتأكدين لان بالله طلعت الدوره يامعوده ...
شلوون ولدج ام علاووي ؟؟


انا عزوز فيه امسااااك من امس لي الحين مو مخرج بس يفلت لوول .. وامس بليل من الساعه 2 لي 5ونص يبجي مادري شفيه
يالله ناام امس طلعت روحي لين سكت

 

[om_3azoz]

بحر شلون سمعتي صوته
انا ولدي يوم طهرووو ودووه داخل كلش يعني كلش ماتسمعين صووته ويوم طلعووو كان سااكت مخدرينه بس رحنا السياره بدى يبجي
بس الحمدالله ماكان يعوره واايد لان يكون ساكت وفجأه يبجي لمن تكرمون يبول ..

ام علاوي
نفس الحاله لي الساعه 5 ونص قاعدين >>> هذي الامومه

 

[سراج الليل]

مراااااااااحب

 

[بحر الغموض]

سمعته والله

انا كنت واقفه يم الباب اللي ممنوع تدخلين داخل كله غرف والظاهر دخلوه الغرفه اللي يم الباب

هلا سراج اشلونج؟؟

 

[تمر حنا]

مرحبااااااا شخباركم بنات
انا تعبت لانوم نفس الاودام ولا راحه استغفر الله
وكله يبجي ويصرخ من الغازات وجربت 4 انواع نقط وماي غريب ولا شي نفع
شسووووووووووووووووووي

 

[تمر حنا]

بحر مبرووووووك طهارة وليدج والمواساه تهبل طهارتهم وانا بعد نفسج سمعت صوته وقمت ابجي معاه بس ديري بالج من الحراره وكل شوي قيسيها بالجهاز...
سرووووووووج شخبارج يا القاطعه

 

[daloola]

ياحلووووووووووووووووووكم
ولهت عليكم
شلونكم كللللللللللكم
ام عزوز - بحر - استبرق - تمر حنا
وباجي البنات كلكم عساكم بخير

امبيه جذيه الولد؟ اشوة احنا بنات ماكو تطهر ولا شي ...حدنا تراجي وخايفه اقظ اذونها تو الناس

شخباركم؟ وشلون البيبيات كلكم اجازات؟

 

[بحر الغموض]

توني عطيته نفس الادول صناعه امريكيه وايد زين
قالي اعطيه كل 8 ساعات

بس حبيبي تعب من تصكر خشمه يختنق مسكين واذا شلته قام بفرك ويهه بجتفي او ايدي مسكين متضايق
تعبت وانا اعيطه بخاخ الانف مانفع الين الحين يالله تعب وتبطل ونايم