**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

السلام عليكم شخباركم

لووول امس نمت الساعه 3 الفير قعدت الصبح سويت حق بوعزوز ريووق ولا يقولي احنا جناا متهاوشين ويضحك لوول حمدالله وشكر

 

[.Rotana.]

اهلين هلا الكويت وام جنى
شلون ببياتكم

 

[om__jana]

روتانا تماااااااااااااام بنتي نايمه حق بالليل تسهرنا

 

[om_3azoz]

ام جنى بنوتج جم عمرها ؟

 

[om__jana]

6 تياااااااام

 

[om_7san]

على طاري السهر احس البيبيات يشمون ريحة الام بس تبين تحطين راسج على المخده تنامين تصير الحفله
بس بسالكم بنات شنو مميات دكتور بروان
شنو تفرق عن المميات العاديه ( بيجون )

 

[أم الصبيان الثلاثة]

سلام يا امهات
شخباركم
ام عزوز شلونج عمري وشلون عزوز انشالله احسن الحين
وصح شخبار الوالدة انشالله اخبارها تبشر بالخير ؟
وعلى طاري الهوشة عادي لمن كنا نتهاوش كانت اتصك فيني الدنيا وباجرها عادي انسى انه انا زعلانه لووووول يقولي ماتعرفين تزعلين
بس صج الدنيا اتصير لوعه اذا ريلي زعلان يبا روحي صالحيه وونسي نفسج بلا هالغلقة

 

[أم الصبيان الثلاثة]

يحليلج ام جنا توج والده ومجابلة النت وين امج عنج مخليتج اكيد مزرقه اللاب توب
موزين وايد توج نفاس ارتاحي عدل لاحقه عالنت

 

[بحر الغموض]

هلا كويت انا بجريه حالي من حالكم

بس اتعلم

 

[أم الصبيان الثلاثة]

مشالله عليج بحر مع انج بجرية بس اسمالله عليج حرجه عرفتي كل شي
شكلج ذكية بالمدرسة لانج فطيينه لا اله الا الله وانا خلف الله علي المخ صفر يايه بستفيد منكم عشان
باجر لي ولدت عندي مرجع اللي هم انتو احلى امهات والله يبلغكم في عيالكم اتشوفونهم في اعلى المراتب

 

[om_3azoz]

ام جنى
مبروك ياقلبي وتتربى بعزج انشاءالله وتشوفينهاا عروس يااارب

ام الصبيان
هلا حياتي شخباارج ياقلبي ,, الحمدالله انا بخير وعزوز الحمدالله زين نايم الحين
والله امي بخير كان عندها 2/7 موعد مع الدكتور وقالها انه كل شي طبيعي اللي كان فيهاا ليلحين موجود صغير يعني نقطه على العظم
بس خاامد يعني موصاحي لان تاخذ امي بعد حبوب كيمااوي عشان جذي ,, وقالهاا وايد احسن من قبل
وسالته عن الجهاز اللي حاطينه حقهاا قالها مااشيله لج لان مايأثر ناس يحطونه 10 سنين وعطهاا مراجعه بعد 4 شهور
ومع المرض صار فيهااا جلطه عاد قالها خلاص لاتاخذين الحبوب الحمدالله صرتي زينه

انشااءالله سبوع الياي بترد

انا وريلي هوشتناا خمس دقاايق لووول حتى انا ريلي يقولي انتي ماتعرفين تزعلين اقوله شنو اسوي بالله مااحبه يزعل
والله ذيج المره تهااوشت معاه هوشه موطبيعيه لوووووول صج صج خلاص كله بسبت عزوز لوووول
كان شاايله وطاحت مصاصته يوم بيشيل مصاصته ولا يطق براس عزوز لوول يبجي قتله خلاص عطني اياه انا اسكته موراضي يحقرني جنه بس ولده والله نرفزني
اقوله عطني اسكته موراضي ,, عصبت عليه لووول بعدين خذيته مادري شنو قالي جان اقوله لاوالله هاك ولدك لوووووول وسكين كان نايم عزوز حطيته على الفراش وقتله يالله اخذه لووول حقك مابيه طبعاا من ورى قلبي

عاد عصب وصرخ وعفيسه لووول
بعدين طلع من البيت وانا مليت منج ومادري شنوو انا ساكته عاد بعدينرد البيت وراضيته لوووووول

افلام هنديه بو خمس دقاايق وخلااص
حلاته هواش عشان لاتصير الحياه بس حلوه لازم مر شويه بعد
لان بعض المرات انا ازهق ابي اتهااوش كيفي لوووول

 

[om__jana]

ام عزووووووووز مشكوره

ام الصبيان الثلاثه والله فتره النفاس ملل بس تنامين وتقومين ترضعين وتردين تنامين وترضعين راح تشتاقين تسولفين مع احد شوي وانا ولهت على البنات

 

[أم الصبيان الثلاثة]

هههههههههههههههههههههه الله يخليكم حق بعض قولي امين
بس ترى الهوشة اللي من غير داعي تقلل احترام الريال حق مرته ديري بالج ترى الريال يمل وصبره يخلص بسرعه
الله يرد الوالدة بالسلامة ونذرولها انشالله تتشافى
عاد كلش ولا مرض الشين اعوذ بالله الله يجيرنه منه

 

[al7noona]

اهلين شلووونكم كلكم كلكم:>:>:>

ام عزوز لووووووووووووول لازم هالافلام الهنديه نسويها على قولتج مرات من الفضاوه اقعد ادور اي شي علشان اتهاوش
ولا الحين قاعده بطاليه بالبيت توني متخرجه من المعهد وماكو شي اسويه وقاعده كل يوم اتحلطم ريلي يقولي انتي صج فاضيه وماتدرين شتسوين بس قاعده وتتحلطمين صايره عيوز لوووووووووول

 

[أم الصبيان الثلاثة]

حمدلله على سلامتج ومبروك ماياج ديري بالج على عمرج تدفي عدل لايدش فيج هوا
وهتمي باكلج عدل ووخري عن كل شي بارد
ماقلتي لنا ولادتج شلون كانت انشالله سهالات

 

[أم الصبيان الثلاثة]

اهليين بالحنونه امبين حدج فاضيه شفت امس موضوع غرفة اخوج امبين ماكو شغل خخخخخخخخخخخ
بس ترى عجيبه انا مسويه نفس الطريقة بس الوان غير هاديه برتقالي هادي مع ازرق ووردي وبنفسجي يايين كلهم نفس الدرجه عجييب

 

[om_3azoz]

ام الصبيان
امييييين ياقلبي ,, ايي امي ناذره جم نذر والله الله يشافيها ويبعد عن كل مرض الشين

حنونه
ايي والله نغير الروتين لووول ,, اليوم اخواني بيسافرون عاد ريلي ماراح يروح المطار بيروح يسوي سيارته وبعدين عنده لعب كره قتله انا ماراح اروح اذا انت ماتيي ,, عاد مادري اروح ولا لا عيزانه

توه يقولي تعالي صج جنه انا الصبح قتلج جنج كنتي زعلانه قتله ايي ,, عاد بعدين قتله وييب انا جني متهااوشه معاك شتبي تكلمني لووول
قعد يضحك


بنااات في عمركم سمعتو في وحده تقول حق ريلها ياتشتريلي تلفون يااروح بيت اهلي لووووووووول
موصج والله وتوهم متزوجين ,, انا كل يوم اقول حق ريلي على طناازه ياا تشتريلي نظاره ياتروح بيت اهلك لووول

 

[بحر الغموض]

يحليلكم ماكو شغل الظاهر بيبياتكم نايمين وانتو لاعبين لعب .... وانا بعد وياكم هههههههههههههههه

كنت اقرا كتاب اللي عن تنميه الثقه بالنفس للطفل يقولج خلي طفلج يلعب بملابسج القديمه عاد ضحكت وقلت لاختي يعني اعطي ولدي تنورتي؟ واخليه يلعب؟!!
اكيد كانوا يقصدون الاب بالنسبه للولد بس عسى ربي يكبر حظ اوليدي ويصلح حاله ويعقل ابوه عليه
قاعده افكر بطريقه اخليه يشوف ابوه
بس للاسف ابوه واهله مقفلين كل درب علينا حسبي الله عليهم

ماعلينا

قاعده معاكم قبل لا يقعد ولدي ابي سوالف
اي منو راحت حق مجع دسكفري اللي يم صاله التزلج؟ بخاطري اروح له اليوم

 

[بحر الغموض]

ام عزوز حبيبتي حاسبي اشوي على كلامج

وبعدين لاتكثرين من هالسوالف وايد ترى الشيطان شاطر

 

[أمونة الحلوة]

شلونكم يااحلى امهات واشلون بيبياتكم عساهم بخير