**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[أمونة الحلوة]

منو موجود من الامهات

 

[om_3azoz]

الحنونه انا نفسج ساكنه في بيت اهلي لووول ,, انا اذا زعلت مع ريلي لوول اقوله على غشمره روح بيت اهلك لووول

جم عمرج الحنونه ؟؟ زين يعني خلصتي ,, انا بسجل بس حدي مأيسه قاعده اقول حق ريلي ماابي خلااص يقول ليش اقوله شنو نسبتي زفت وانا غبيه مااشدريت على نفسي على الاقل ايب نسبه زينه شويه ادش تربيه على الاقل يعني ,,

متحسفه حدي والله يقولي ريلي تبين تعيدين الثانويه لوول اقوله يالله
الحين اذا بسجل بسجل دورات خااصه ,, او ودي تفتيس جمركي لوول اشتغل بالمطار
والله مادري شنو اسوي بعمري لووول ضاايعه اناا

ام الصبيان والله ادري ,, بس حتى اهو يقول فشله وبعدين احنا قاعدين مؤقت لان اذا اخوي بيتزوج بيقعد فيها لان اساسا ابوي بانيه حقه
واخوي قبل لايسافر مع امي قال دورولي مره بتزوج وانا قلت لازم نطلع ماايصير ..

ريلي يقول فشله ساكين في بيت اهلج ,, ايي حتى امي قالت انه لمن اروح المعهد يكون عندهاا بس اهيا اساسا ماتقدر اتشيله
ايام النفااس مااكانت تشيله وايد ,, لان ايدها تعورهاا مو سوت عمليه شالت صدرهاا وحاطيلها جهاز فماتقدر تحركهاا وايد ,,

غرفتين وحمامين وصاله ومطبخ ,, بس المطبخ واايد صغير مااكو مكان لوول وليلحين موحاطين كبتات ولاشي
وتدرين من يوم شرينا الجوله والغساله ليلحين ماابطلنااهم تخيلي هذي حاله والله

انا متضاايقه لان ماقدر اطبخ حقه واهو يبي بس مايقولي يعني لمن اقوله بطبخلك تحت يقولي لا مابي اتعبج بس ادري انه اهو يبي اطبخله

قتلج اساسا راح نطلع لمن اخوي يتزوج ,, عشان جذي انا من الحين قاعده ادور شقه ماتكون غاليه
وانا قايله حق ريلي لمن انشاءالله اشتغل انا ادفع نص واهو نص عشان لايصير عليه كله حرام
واهو معاشه زين يعني يوووصل 900 بس قرض امصخرنا والله
الحمدالله على كل حال والله كريم >>> ماكو كويتي ماعنده قرض

ام الصبيان جم عمرج حبيبتي ؟؟

 

[بحر الغموض]

انا امهات موجوده

بس بنوم ولدي

 

[أمونة الحلوة]

حياتي بحر نوم العوافي

 

[om_3azoz]

هلا امونه انا موجوده اكيد لووووووووووووول

 

[أم الصبيان الثلاثة]

انا توني زعنطووطه لووووووووووووووووول
لا عمري 27 سنه ماما عوده لووووووووووول قطيعه ماودي الزمن يتحرك خلاص ابي يوقف عالهعمر بس ترى حدي فصله لاتشوفيني
ريلي يقولي متى تعقلين ياخي احب الوناسة والفصلة شنو اسوي

 

[أم الصبيان الثلاثة]

النت حده تعبان اليوم

 

[أم الصبيان الثلاثة]

انا والله اشوف كا خواتنا البدو مشالله عليهم مليون جنه ساكنين مع بعض وغرف اصغر المهم رياييلهم يقعدون مع اهلهم لين عيالهم يصيرون كبار
خوو ام عزوز قصي على امج خو تمونين عليها قوليلها ريلي ماعنده وجذي ظبطي امورج معاها واخوج اكيد ابوج ما راح يقصر عليه

 

[بحر الغموض]

ماضى ينام ولدي وانا قلت للخدامه من باجر لازم ابدا اعدل نومته

فيمكن اطلعه باجر علشان ينام لما نرجع

قاعد بحضني ويطالع الشاشه

 

[أم الصبيان الثلاثة]

بحر
يعمري تونا الناس عالشبك من الحين بتعلمينه

 

[بحر الغموض]

مابغى ينام ولا شكله نايم عالخفيف كيفه انا بعد اشوي بحط راسي واهو خل يسهر بروحه

ام الصبيان ولدي لو مخليته على راحته جان حتى التلفزيون يبيه

لانه من يشوف التلفزيون يقعد يطالع بس مابيه يتعود من الحين

قلت خل اقراله قصه قام يتنهوص ولا يسمعني قلت انا غلطانه اصلا

اشوي جان اطلع له بطاقات فيها صور اليوم اشتريتها من بروي قام يطالع اشوي كانه يجاملني بس

لازم بنات من الحين نبدا نهتم بتنميه قدراتهم قاعده ادور على كتب بهالمجال بس ماحصلت

 

[al7noona]

واااي انا اليوم صار فيني موقفين من بناتي
اول موقف مع بنتي الكبيره صارلها هالفتره كارهه الطلعه من نطلع تقعد تصارخ وماتبي تطلع و3 مرات تسويها فيني لما نوصل عند باب المجمع ننزل اهيا ماتنزل وتقعد تبجي وتصرخ واحاول فيها ماكو فايده راكب براسها ونرد البيت
اليوم زادت زادت بشكل مو طبيعي وهستيري
طلعنا ورحنا الافنيوز السايق وقف عند الباب امي انزلت وانا بنزل ولا اهيا تقول لا ماااااااابي مابي مابي وتصرخ وتبجي حاولت حاولت فيها ماكو فايده طقيتها ماكو فايده يعني اتيينها بالطيب ماكو فايده اتيينها بالشر هم ماكو فايده ياربي ماتدرين شتسوين معاها وشلون تتعاملين معاها والطامه الكبرى لما وصلنا البيت
ماانزلت من السياره وبالغصب نزلناها قامت تصرخ وتبجي وتركض بشكل ينوني صارت والله مثل المينونه سمالله عليها انا لما شفتها جذي قعدت اصرخ وابجي حدي خفت لان شكلها مو طبيعي انا قلت اكيد سمالله عليها فيها يني لان الي يشوفها شلون تركض وتصرخ مثل المينونه مايصدق وامي تبجي ياربي سوتلنا فلم بعدين امي اقعدت معاها بالحوش هدتها ولما وصل ابوي سكتت وقامت تتدلع وبعدين ردت على طبيعتها مافيها ولا شي جنها جذابه لوووووووول بس قلت حق ابوي باجر نوديها حق واحد يقرى عليها لان الي قاعد يصير فيها مو شويه
واهلي كله مخوفيني يقولون اكيد الخدامه الي سافرت مسويتلكم سحر ولا الي توها يايه اهيا مسويه وانا اوسوس استغفرالله

بس كل الناس يابت عيال وناس تييبهم ورا بعض ماصار فيهم جذي من الغيره كنت اقول يمكن تغار من اختها بس هالاشياء الي تسويها بشكل مو طبيعي وجنوني مو معقوله من الغيره جان كل عيال الناس صاروا جذي وترى بين بناتي فرق 3 سنين يعني مو ورا بعض واهيا ماخذه حقها بالدلع وبكل شي وزووود بعد بس مااقول الا الله يهديها شنو تنصحوني اسوي معااهاا ترى انا مااطقها ولا اجيسها كله مدلعتها بس اطقها لما تعاند وتسوي فيني هالحركات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله قلبي متقطع

 

[al7noona]

والموقف الثاني من بنتي الثانيه اليوم ماادري شفيها تخيلوا من الساعه 12 ليما الساعه 2ونص يلا بالغصب نامت بس تبجي تبجي تبجي حتى قلت حق ريلي قوم خل نسبحها يمكن تدوخ وتنام ماكو فايده سمالله عليها بس اشوه الحين نامت اليوم كله صراخ بصراخ وبجي لوول




ام عزوز انا عمري 21 وانتي؟؟؟
ام الصبيان العمر كله يارب

 

[أم الصبيان الثلاثة]

العمر كله حنونه بس ترى صج
جنه بنتج احد ميننها في ياهل يخاف من الطلعه احد مخرعها شي ولا الخدامه استغفر الله بس اقري عليها انتي
ولا تكشخينها وايد جدام الناس ولمن اتنام خلج يمها لين تغفي عدل يعني لاتهدينها
اما البيبية الحلوه يمكن غازات ولا شي يعورها عرفي الياهل يرتاح متى ماكل +نظيف +ماكو غازات هني يكون طبيعي اذا كل شي مسويته
عرفي في شي معورها او احد شايلها وماصع عظامها يعني لاتحطينها بايد اليهال

 

[أم الصبيان الثلاثة]

عورتي قلبي قمت احاتي قطيعه انا بنتي اللي انشالله بييبها شكر احاتيها من الحين عشان بخليها عند الخدامه عقب الولاده
الله يحفظهم هالكتاكيت شنو انسوي ماكو الا نستعين بالله ونتوكل عليه

ام عزوز شكلها هي كتكوته جنها اصغر وحده هني
عيل انا عيووزكم اهيء اهيء مع اني ضعيفه ومايبين علي عمري بس يقهر الموضوع
عاد ريلي يقول ودي احسج كبرتي للحيني احاتيج وكلع تبين تلعبين وتطلعين بس الشي الزين اللي فيج ماتخلين عيالي بروحهم
بس صايرلي فترة طويله كثر ماحن علي مالي خلق اطلع الا بالغصب او يمكن عشان نساتي مادري
امبيه قرقت وايد

 

[بحر الغموض]

الحنونه ديري بالج على بنتج ترى مو شرط يني وهالسوالف

شوفي بنتجيمكن احد مخرعها او مسوي لها شي

راقبيها حبيبتي واذا تتكلم حاولي تكلمج بالموضوع سحبي منها الكلام يعني كرري الجمله اللي تقولها لج علشان تكمل وتقول اللي بقلبها

مادري ليش انااشك ان الموضوع له علاقه بالجن او السحر

السالفه موجوده عندكم في احد مضايقها او مخرعها
وربي يطمن قلبج عليها يارب

شغلتي بالي عليها ربي يحفظها

 

[om__jana]

شلووونكم بنااااااااااااااااااااااااات ؟؟

 

[نيلفار]

في دوى غازات يديد يايبينه من امريكا على قوله الدكتوره اهوو صاير خااثر لونه ابيض اسمه dentinox
مرتين باليوم صايرلي يومين اعطيه زين

بس مادري خروجه اسود واايد ليلحين بطنه فيه وصااخه على قوله خاالتي بطنه ماانظف

عاد تدرين ريلي شرالي هالدوا ويوم بطلته ولقيته ابيض خاثر جان اقوله يايبلي دوا مخترب يعني صايدتها خخخخ:dddds:
بس زين قلتي علشان اجربه لان مسكين الغازات ذابحته

 

[أمونة الحلوة]

هاااااااااااااااي

 

[daloola]

هايات