**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[3rosa]

هلا حبيبتي بحر بخير الحمد الله

اشلونج ام عدول

 

[3rosa]

اهلين الحنونه .. أنا قاعده سهاري انوم وليدي ...

عندي مشكلة في نومه مو عرافه اشلون اضبطها

 

[بحر الغموض]

ام الصبيان

انا دخت ادور ايضا وين مالقيتها ههههههههههههه

اي عادي سوالف تالي الليل الحلو سهران وانا دايخه احوس بينه الابتوب وبينه


الحنونه حبيبتي اخاف السالفه تطول معااها اعرضيها على مختص وياريت لو كان الخليفي وايد زين

ام عدول مايشوف شرررر اي انا اسال عن الشهر الثالث

 

[3rosa]

نوم عزيز ...

على طاري التطعيم .. بعد اسبوعين عنده تطعيم بو شهرين وين يطعمونه

 

[أمونة الحلوة]

بوشهرين يطعمونه بفخذه 3 ابر الله يعينه راح يصخن عليج

 

[3rosa]

وي فديته حبيبي ....

في اشياء انا سنعتها علشان ما يسخن انه ادهنه فكس قبل تطعيم

في احد ينصحني و اسويها ولا ؟؟؟

 

[بحر الغموض]

صباح الخير

عرووووسه حيبتي ديري بالج تحطين فكس مو زين قالوها بالتلفزيون بعد لان الفكس يسحب تاثير الدوا التطعيم

لاتحطين له فكس كلش

حطيله كمادات وراح يعطونج ادول

 

[om__jana]

شلونكم بناااااااااااات ؟؟

 

[هــلا الكويت]

السلام عليكم

اهلين ام جنى ..

احنا تمام .. انتي شخبارج ؟؟

اي والله عروسه حتى انا بعد اسبوع تطعيم بنتي .. ياليت تفيدونا بنصايح عن التطعيم ..

:s

 

[om__jana]

هلاااااا انا بخير قبل شوي مسكني عواااار في بطني وحصلتلي زفه من امي كل يوم نتناجر على التكييف انا اقصر واهي تعلي

 

[هــلا الكويت]

لا خلي بالج على نفسج .. ترى الهوا مو زين للنفاس .. حاولي تصبرين هالكم يوم عالاقل ..

و دفي نفسج عدل .. البنطلون الطويل لا تقطينه ابدا ليما تخلصين الاربعين ..

 

[om__jana]

والله لابسه عدل بس جسمي حيل يعرق ينقط ماي واااي لايعه جبدي من روحي

انتي شلونج؟؟ قظيتي اذان بنتج والا بعد؟؟

 

[om_3azoz]

قوه شلونكم شخباركم ؟؟
ام جنى خو عادي لوول انا كنت جذي وانا ماحب البس طويل بس استحملت وحر وخيسه وجسمي كان يعرق واايدبس الحمدالله عدت على خير

ام الصبيان شخبارج شلون الصبيان الحلوين ؟؟
الحنونه شلون بناتج ؟؟

 

[om__jana]

هلا ام عزوز انزبن شلون اذا ريلج يبي ايي وانتي بهالحاله مو حلوه

 

[هــلا الكويت]

لا ام جنى للحين ما قضيت اذونها .. كله يقولون لي صغيره خليها تو الناس .. ناطره على رمضان ان شاءالله يكون عمرها

3 شهور و نص اقضهم ..

لوووووووووول اي عادي الخيسه مؤقته .. احسن علشان الريجيم سونا طبيعي ..

اذا يبي يشوفج ريلج بدلي ملابس و تنظفي .. و عادي .. خو انتي نفاس بعد .. لازم يقدر اهو ..

احسن علشان لما تطلعين من الاربعين ان شاءالله يبين الفرق ..

 

[om__jana]

على قولتج سونا طبيعي وين ناويه تقضين اذانها ؟؟

انا قاعده افكر بالتراجي من الحين خخخخخخ

 

[هــلا الكويت]

أكيد بالصيدلية ام جنى .. اي صيدلية فيها دكتور اهو يقض الاذون ..

و بالنسبة للتراجي .. انا جابتهم لي جدتها هدية .. ارتحت

 

[om_3azoz]

ام جنى والله انا عادي ,, كان ايي ويشوفني بهل حاله ,, لان انا ساكنه في بيت اهلي فايي اي وقت شنو كل ماابي اقعد ابدل لوووول
عادي لان اهو يدري انا بالنفااس ,, حتى لمن اقوول حر يزفني يقولي استحملي ,,

بس صج مره امي كانت رايحه السوق مع ابوي رحت وعليت على السنترال عاد انا غبيه مادري نمت عاد وبرد لووووووووول
ولا امي ترد وقعدت وجذي ويقولون برد منوو معلي عليه وانا سويت نقسي مومسويه شي قتلهم ايي والله جنى صار برد شويه

عاد بليل صار راسي كان بينفجر جنه احط قاعد يطق مسمار ومطرقه من كثر العوار وبليل صخنت صخونه والله اتوقع وصل 41
ناايمه انا احس تحتي شي يغلي وكله عرق ايي شي ريلي حاول فيني اوديج المستشفى قتله لا ماابي
بس طلع مو من البرد ,, دمي كااان نااااازل لان بعدين رحت دكتورتي قالتلي دمج ناازل واايد

 

[هــلا الكويت]

اي ام عزوز عدل كلامج والوحدة لازم تتحمل هالفترة .. ترى والله تعدي .. و بعدين نقول ياليت سوينا كذا و ياليت

سوينا كذا .. :s

 

[om__jana]

يحليلكم انا وراي مشواااااااااي خخخخخخ توني ثامن يوم الله يعين