**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[نيلفار]

ام عزوز الحمد لله على سلامة امج

 

[نيلفار]

وااااي مسكين توني عطيت حسون اعشاب شرب شوي منها وتالي شميت ريحتها وطلعت خربانه واااي احس روحي مجرمة

 

[بحر الغموض]

قرت عينج بام عزوز والحمدلله على سلامة الوالده

هلا فيج يام الصبيان شخبارج وسالت عنج العافيه

تمر حنا ان شاء الله بشرب وايد متضايقه لان البلاعيم لو يتلي تطيحني حيل

نيلفار اسم الله عليه
عطيه حليب اشوي

ولدي العيار قعد شربت حليبته ونام وقلت خل اغيرله البامبرز اخاف متروس غيرتله والا يقعد لعبته اشوي رجع نام حطيته بسريره ودقيقتين وقعد

وايد يحط ايدينه بحلجه ويبهذل عمره بالانهار الجاريه وارجع اغير له ملابسه زهقت

 

[نيلفار]

اي عطيته حليب توه شرب والحين نص نايم


انتي لا تغيرينه اذا كان نايم لان بس يحوشه الهوا راح يقعد

 

[بحر الغموض]

قلت ماني مغيرتله بس لان البامبرز مطول ما غيرت له فخت يصير فيه احمرار

غيرت له وصار اللي صار

والحين يبي يلعب وهم فيه نوم قلت له حدد موقفك

 

[نيلفار]

لوووول يحليله
قعدي لعبي معاه ليما يدوخ وينام

انا نايم وودي اقوم انام بس ادري ان نمت 10 دقايق وبيرد يقعد

 

[بحر الغموض]

لا بس عقب ما سولفت معاه من اشوي وقلت له حدد موقفك وانا مخليته بس كل اشوي اطل عليه للحين مانام بس مسترخي اشوي ومايندرى شنو خاشلي


لالا كاهو اشتغلت العوايه

 

[أم الصبيان الثلاثة]

الله يعينكم والله حبيباتي انتم السابقون ونحن اللاحقون
صار لي 6 سنوات مرتاحه من حنت اليهال واللويه اللي انتو فيها
يايني الدور الله يصبرني انشالله
بحر انا قاعده اشرب جاي فيه حبق ترى يونس جنه يطري البلاعيم جربيه
نيلفار حبيبتي اذا فيج النوم نامي خوو فرصه ولدج نايم على طول نامي انا اذكر انام انا وياه اذا قعد قعدت ولا ماراح يكون عندي طاقه

 

[نيلفار]

والله ودي انام بس اليوم من الساعه 12 وانا مخليته عند اختي عاد اهي للحين قاعده فشله اهدها وانام

 

[بحر الغموض]

انا اموت عالحبك

ومالي خلق اقوم اسويلي شي

خدامتي بعد ساعتين يمكن تقعد

وولدي اشوة نام انا احقره احيانا اذا كان قاعد بوقت المفروض يكون فيه نايم

نيلفار نامي حبيبتي اول ماتشوفينه نام

 

[نيلفار]

الحبق اهو الريحان صح ؟

 

[أم الصبيان الثلاثة]

اعتقد جذي بس اليابس انا عندي ماركة معجزة الشفاء حدى عجيب

 

[بحر الغموض]

لا النعناع بس ورقته تصير اطول وريحته ونكهته اقوى

 

[om_3adoOol]

السلاااااااااااااااااااااااااااااام عليـــــــــــــــــــــــــكم

:eh_s(6): شلونكم يالأمهات الحلوين :eh_s(6):


اهلييييين ام عزوز شخبارج وشلون عزوز؟

قرت عينج بوصول الوالدة والحمدلله على سلامتها

احنا الحمدلله بخير وعدول طعمته الأسبوع اللي فات وصخن يومين والحمدلله الحين زين

وعدوولي اليوم الصبح سواالي نفس سالفتج بالضبط
شوفي الله يسلمج اليوم الصبح كان مسويها وانا بدلت وخلصت بس باقي اغيرله واوديه بيت خالتي واروح الدوام

المهم غسلتله وغيرت فنيلته عاد انا قلت الحين ماراح يسوي شي توه مخلص سمالله عليه وانا قاعدة احط البوردة ولا اشووف النافورة شلت فنيلته على طول ونسيت البجامة والفوطة تحته ولا يضحك علي بعد وغسلته ولبسته البامبرز وسكرت فنيلته ولبسته شورته والدلاغ وكشخته وديته :ggdw:

عاد خالتي كله تقولي لا تلبسينه لبسيه بجامه او الأفارول عشان ينام بس اهو اللي يبي جذيه :dddds: :dddds:

 

[om_3adoOol]

مشكورين حبايبي


قمت كل نومه اغير راسه بس للحين يا يمين يا يسار مو قادره اخلي راسه سيده بس بسوي نفي بحور بلف فوطتين بحط وحده يمين ووحده يسار يمكن جذي يثبت ويخلي راسه سيده



انزين بنات انا ولدي للحين كله مجفس ريوله ما يسمتهم لمن ينام عادي هالشي ؟؟ وعلى فكره ترى اهو ما يحب يتمهد من احط المهاد عليه يموت من البجي وما يسكت الا لمن افجه

اهلين نيلفاز شلونج ؟؟
وشلون حسون ؟؟

يلا زين الحمدلله شوي شوي يتعود بعد

وعلى المهاد ميخالف لازم يتعود عشان جسمه يشد وخليه يبجي شوي وبعدين يتعود انا عدوول كان جذيه وخليته جم مره ليما تعود عليه

 

[om_3adoOol]

مرحباااا شلونكم بنات
ولدي صار له يومين مصحن كله مني سبحته العصر وبالليل رحنا بيت حمولتي والغرفه الي فيها الخدم واليهال تكيفها بارد ومن عقبها واهو يعاطس ويكح وديته الطبيب يقول صدره متروس بلغم وانا معاه مريضه بعد..والجو مايساعد كلش
الحمدلله على كل حال

اهلين تموره منوره حبيبتي

ماتشوفين شر انتي والنونو

سويله كمادات وعطيه ادول كل اربع ساعات وانشالله تقومون بالسلامه


حبيبتي لاتسبحينه اذا بتطلعين سبحيه لمن تكونين قاعدة بالبيت الصبح او قبل النوم احسن له وعشان لا يحوشه برد
وبعدين لبسيه بالحمام ونشفي شعره عدل بعدين طلعيه

وماتشوفون شر مره ثانيه

 

[om_3adoOol]

ياقلبووووووووووو ماتشوفون شر حبيبتي انتي ووليدج

انا بعد باديه البلاعيم معاي والنشله وولدي مسكين منشول ويتضايق لو نام وشربت حليبته

الله يشافيهم يارب

اسال الله العظيم رب العرش العظيم ان يشفيهم

اهليين بحورة شلونج وشخبارج
وشلون البيبي

 

[om_3adoOol]

الله يعينكم والله حبيباتي انتم السابقون ونحن اللاحقون
صار لي 6 سنوات مرتاحه من حنت اليهال واللويه اللي انتو فيها
يايني الدور الله يصبرني انشالله
بحر انا قاعده اشرب جاي فيه حبق ترى يونس جنه يطري البلاعيم جربيه
نيلفار حبيبتي اذا فيج النوم نامي خوو فرصه ولدج نايم على طول نامي انا اذكر انام انا وياه اذا قعد قعدت ولا ماراح يكون عندي طاقه

اهليين ام الصبيان شلونج وشلون العيال ؟؟

ها بشري انشالله اليوم احسن

يلا الله يسهل عليج الولادة وتقومين بالسلامة وتفرحين بعويناتها يارب

 

[daloola]

شلونكم بنات

ام عزوز
الحمدللة على سلامه الوالدة
شلون عزيزان؟

بحر
شلونج يالغالية؟ ماتشوفين شر

ام عدووول
تحطين بودر حق ولدج على جسمة والا بالحفاظة؟؟؟؟
ترا موزين بالحفاظة... وبجسمة حطي ومسحيه لا يدش بخشمة

عسى الله يحفظ عيالنا وعيالكم من كل شر

 

[om_3adoOol]

شلونكم بنات

ام عزوز
الحمدللة على سلامه الوالدة
شلون عزيزان؟

بحر
شلونج يالغالية؟ ماتشوفين شر

ام عدووول
تحطين بودر حق ولدج على جسمة والا بالحفاظة؟؟؟؟
ترا موزين بالحفاظة... وبجسمة حطي ومسحيه لا يدش بخشمة

عسى الله يحفظ عيالنا وعيالكم من كل شر

اهلين دلولة لا حبيبتي انا احطها على رقبته وظهره وصدره بس

لا الحفاظة ماحط شي غير سودو كريم

شلون العروسه وشمسويه مع التراجي الله يخليها لج يارب