**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[aso00ora]

قوة بناات شلونكم شخباركم ولهاااااااااانة عليكم كلكم كلكم فرداا فردااااا


سويت قرقيعان بنتي وااااايد فديته ايين وصورتها بملابس القرقيعاان كربونها ولله شكلها كبيييير بالصوره امي تقولي هل نتفه شكلها كبييييييير هههههه


وعن نومت بنتي الحيين صايرة تناام ساعه 1 وتقعد ساعه 8 وترد تنام وتقعد عال 11

انشالله بعد رمضاان بحاول انومها عال 10ونص 11

شسويتوو حق العيييييد ومن وين خذيتووو حق بيبياااااتكم ماعرف من وين اخذ حق بنتي شرايكم؟؟

 

[سموره 87]

اهلين اسوره شخبارج حبيبتي
اختي سوت حق بنتي قرقيعان مع ماكنت راضيه توها صغيره عمرها 15 يوم قلت على السنه تكون كبيره اسويلها احلى قرقيعان
وعلى نومة اخخخخخخخخخخخ ياحلو النوم بس قاعده متربعه مجابلتها واهيا نايمه اخاف انام ويصير شي بنتي عشان جذيه قاده مجابلتها لي الساعه 10 الصبح ولمن امي تقوم تاخذها وانا اروح انام طبعا اذ سمعتها تبجي اقوم اروحلها ركض وامي تزفني تقولي مالج شغل فيها وروحي نامي وانا قلبي يعورني عليها

 

[aso00ora]

هلا ام اماااار انا تمااااام ياقلبي


زيين سوت اختج سوتلها قرقيعاان ولله هذي من احلا العاداات عندناا بالكويييييييت

تصدقيين واااااايد استانس لكن ايوون اليهال يقرقعوون فبيتنا

بس اليوم مافي احد طق البااب وقرقع


المهم ريحي شوي من البيبي لان اذا رديتي بيتج محد بيشيله معاااج واهم شي اهم شي لاتعودونها عالشييييل ترا ولله تتاذيين

انا ماخذتلها الكرسي الهزاز واحطها فييه واخليها تجابل التلفزيوون

 

[سموره 87]

اسوره اليوم يونه يهال يقرقعون يوم اختي قالتلهم غنوا عن امار قاموا يطالعون بعض مستغربين من الاسم لوووووول

من صجج تدرين بس قاعده بحضني ولا امشي فيها امي اذا شافتني ودها تكفخني تيي تخذها مني وتحطها بسريرها تقولي خليها تبجي مافيها الا العافيه انتي وايد مدلعتها

 

[aso00ora]

لوووووول ديري بالج من الحضن انتي الحين مستانسه فيها بس بعدييين بتتعبيين معاهاا


ونااااااااسه احنا محد يه وانا قاعده بالصالة واسوي قرقيعان بنتي وازف ابوووووووي يبااااااااااه لييييش موشارررري قرقيعااااااااان هل سنه لووووووووووووووووول عااد جان يقولي عطيهم من قرقيعاااااااان بنتج لوووووووووول قلت له مابي

طراااره واتشرط لووول
وناااااااسه احنا باجر بنروح نقرقع بنت يدتيي

 

[سموره 87]

لا والله مومستانسه على قعدت الحضن بس احس اضمن واهيا بحضني خايفه عليها

لوووووووول اسوره اي والله تشرطين
باجر حفلة قرقيعان بنتي وحاجزين نطاطيه كبيره شعليها اموره خوالها مدلعينها

 

[أرووومه]

السلام بنات تصدقون اليوم دق المستوصف علينا يقول ان زوجي فيه انفلونزا الخنازير مع انه ما يحس بشي قبل 10ايام جت له حراره بس يوم واحد وحولوه الامراض الساريه وقالو له بعد يومين اذا مادقينا عليك يعني سليم والحين جايين عقب10 ايام يقولو ترا فيك المرض بس اللي مبين انك تعافيت صج خواره

 

[سموره 87]

اهلين ارومه من صجج
خلي يروح مستشفى خاص يسوي تحاليل احسن ترا الحكومه وايد خايرينه قطيعه

 

[أرووومه]

ام امار مافبه شي حتى هو يقول اليوم رحنا انا وياه مع عيالي حتى بنتي الصغيره اللي عمرها شهرين قالو خلاص ماراح نعطيهم علاج لان مافيهم حراره وانت تعافيت صراحه تعاملهم مومثل التهويل اللي قاعد يصيييير

 

[سموره 87]

زين اشوه عيل الحمدالله بس ديري بالج والحذر واجب

 

[eman84]

اي والله على النومه عفسه عفيسه انا ساعات اعطيها الحليب وعيوني مغمضة

رفيجتي تقول انها عدلة نومة بنتها قبل الاربعين كانت تقعدها من النوم بس حرااام


انزين شلون ما تعطينها حليب بعد الساعه 11 حرام ما تيووووع ؟؟

انا ادري الياهل كل ساعتين او 3 لازم يشرب؟؟

موو هذا هووو الياهل كل ساعتين وانا حسرت فيهاا وااي حبيبتي قزرتها ماي والا مصاصه بس يومين ماتحملت اكمل ايبين يوووعاااانه اعرف بجيتها يااعمري ..

-------

ام اماااااااااار هلالالالالالالالالالالالالا وغلالالالالالالالالالالالالا شلوونج حبيبة قلبي والله لج وحشه

 

[eman84]

اسووره فدييييييييييتهم والله اللي مصورين حق القرقيعان
انا سويت قرقيعانها بس ماحطيت صورتها اقوول ليش احط الصورة و الناس يمكن يقطونها يممممه كلبووووشتي هذي

و النوومة اصلا تتعدل عقب الاربعين بس مراات البيبيااات يفصلووون مووخوووش شي

انا اليوم طلعت ازور رفيجتي بالمستشفى ومادري اذا في احد طق الباب وقرقع يااحلو هالعاااده والله عندنا .. اليوم بودي لولو و قرقيعانها بيت خالتي و عقب بيت امي عشتوووو بعد تقرقع

====

اروومة مااتشوفون شر و ان شاء الله ماكو الا العافيه و مبارك عليج باجي الشهر

 

[eman84]

سكونووو ويينج يمه مالج حس ؟؟ والجوري شخبارها ولدت ؟؟ ماعندكم علووووم عنها

 

[Souly]

بنات انا طعمت ولدي عمره شهرين وحطوله موعد عقب شهر لايكون بعد ابر ؟
وياريت تفيدوني من متى تقعدون بيبياتكم على الكراسي ملوت اليهال ؟

 

[بحر الغموض]

بنات حبيباتي
قريت في مجله سيدتي للاطفال
ان مو زين تخلون البيبات يشوفون التلفزيون ياثر على ذكاؤهم وعلى تطور النمو العقلي لهم
ويخليهم منعزلين عن العالم الخارجي لان الالوان في التلفزيون والحركه اكثر شد لهم
غير تعب العيون والاعصاب

ياريت تديرون بالكم حيل من هالنقطه

بالنسبه للحليب وايد تغيرون الحليب للبيبيات ترى هالشي موزين لهم كلش يسوي لهم خربطه
وبعدين الطفل يحتاج لوقت على ما يتعود على الحليب اليديد بيصير فيه اسهال امساك توه با الحين يتعلم او يتعود عليه الا غيرتوا للي بعده
انتو مو عفستوهم الا خبصتو فيهم

اشوي اشوي لاتسوون بطونهم حقل تجارب اسئلوا الطبيب احسن
ارجع اقولهم كثره تبديل الحليب للبيبات يضر معدتهم

انا كنت سيميلاك ودكتور ولدي كله ينصحني بنوفولاك وبعد فتره حسيت بولدي حاشته غازات ومغص كالعاده للبيبيات
ورحت للجمعيه والا القى نوولاك له عده انواع في للاسهال في للامساك في للمغص في للحديد اظن المهم في بعد انواع له
فقلت خليني اجرب المغص

الحمدلله ياربي بطن ولدي واااااااااااااااي ارتاح والحين عمره خمسه ونص مرتاح علي النوفولاك

بالنسبه للتطعيم اي يكون ابر للشهر الثالث بس مايتعب البيبي من هالابره

 

[أرووومه]

علينا وعليج امونه وصاجه سكون مالها حس
اشلونج بحر

 

[بحر الغموض]

هلا فيج ارومه
انا بخير الله يسلمج
اتمنى تكونين بخير حبيبتي

 

[Anestazya]

بحر شلوووووووووونج

بسألج ولدج سخن على ابرة 4 شهوور ؟؟؟؟؟؟؟ وشسويتي له

 

[بحر الغموض]

انيستايا

اي حبوبه اربع اشهر الابر تكون على الفخوذ
اي يسخن وهالتطعيم ثقيل

اول ما يتطعم على طول اشتغلي عليه كمادات دافيه على مكان الابر وسوي مساج خفيف على مكانها علشان ما يتجمع الدوام ويحتقن بمكانه
سوي مساج علشان يمشي الدوام

لان اذا ماسويتي جذي راح يحتقن مكان الابر ويورم ويعور البيبي

عطيه الادول لما تشوفين ان حرارته بدت ترتفع لاتعطينه الادول واهو ماعنده حراره

خليج متابعه حرارته اول باول يمكن اول يوم ما يسخن بس بعدين بيسخن تقريبا كل خمس ساعات تلقينه يسخن وطبعا يختلف من طفل الى اخر

اذا ارتفعت حرارته عطيه الادول وسويله كمادات فاتره على جبهته وايدينه علشان تنزل حرارته

بس استمري على كمادات دافيه لمكان الابر عشان مايحزور مكان الابر

لما تغيرين له البامبزر انتبهي له اشوي اشوي حركي اريوله لانها بتعوره

بس قبل لا تعوره حاولي انج تخلينه يلعب بريوله ويحركهم علشان يمشي الدم بريوله والدوا بعد

انا لما كانت اريوله اشوي اتعوره كنت احاول احركها له بالراحه

ديري بالج لما تشيلينه ولاتلمسون مكان الابره الا لما تحطون له الكمادات الدافيه مع مساج خفيف

خليج يمه بهالوقت لان مسكين راح تتغير نفسيته ويرتاح لما يشوفج عنده وسولفي عليه وناغيله ترى ينسى الالم اشوي

ومايشوف شر حبيبي

 

[mariam_q8]

السلام عليكم
اشلونكم؟