**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

تمر حناا
عادي عندنا وعندج خير .. الحين ينام وبليل من اتصير الساعه 2 يقعد لي الساعه 5 ونص .. يبجي ومااينام
وانا صايرله يومين مومخرج امس الفير خرج جاان اصرخ هيااا ولدي خرج ( بس طبعاا ماقلت خرج قلت الكلمه الثانيه )

وكله بجي مادري شفيه .. انا حق الغازات اعطيه دوى gas وايد زين ..
امبين امس ماقدرت اتمااك اعصاابي قاعد يبجي يبجي جان احطه على الفراش عندي واقوله تبي تبجي ابج مالي شغل فيك زين ..
ولاريلي يقوم يقولي عطيني ايااه قتله مابي خله يبجي .. قالي انتي شفيج قتله ولاشي
بس مو قصدي انه مالي خلقه بس عور قلبي واهوو يبجي حاولت اسكته بجم طريقه موراضي يبجي بجي مو طبيعي ومادري شفيه
انومه على بطنه يبجي احطه على صدري يبجي اغنيله اقوله قصه كل شي ماكو موراضي ..
اخر شي خذيته ورحت الصاله قلت عشان ريلي ينام عنده دوام .. رحت الصاله ليلحين يبجي جان ابجي معاه واحاول اسكته مااسكت
حطيته على صدري سكت وقعد يطالع يمين ويسار قلت يالله سكتخل اروح الدار انومه رحت الدار ولا اشويه ويرد يبجي يالله ..
يأست حدي اخر شي نمت وحطيته عندي على ايدي ونومته يالله نام على 5 ونص

صج صج عذاااااااب موطبيعي .. الله يعيناا

 

[بحر الغموض]

امبييييييييييييييييييييه الحمدلله يعني مو بس انا اللي لو اخرج ولدها تسوي حفله

ههههههههههه تصدقين انا مثلج لما يخرج اقعد اصفق وافرح واقول ولدي ... حبيبي ..... ايواااااااااا عاشوووووووووووووا

اختي تطالعني وتقول الحمدلله والشكر ينت واقعدت

اقولها بلى ماتدرين العذاب اللي نشوفه الين ما يخرج لانه من يخرج خلاص يرتاح ويريحني اشوي معاه

ههههه مساكين فرحتنا متعلقه بالبامبرز هههههههههههههههاي

المهم

ام عزوز انا ولدي صار له فتره مثل ماتقولين اعطيه دوا قاز وماي غريب بس احس ماي الغريب احسن
على فكره حاولي تحطين ماي مع الدوا و مع الغريب لان انتي بنفسج لو شربتي الدوا بتشوفين انه شيييييييييره حيل خلطي معاه ماي او بعد ما يشرب عطيه قطرتين ماي مادري ليش مسوينه جذي شيره موزين

ومرت علي فتره يقعد يبجي وانا من قله حيلتي وتعبي اقعد ابجي معاه احس ظهري انقص وانا شايلته ومحتاسه فيه

وبعدي حبيبتي انا سويت مثل ما قالتلي ام مضاوي عالجي نفسج لان البيبي ماتصير معاه غازات الا من الام
فبالفعل سويت اللي قالت عليه اخذت حبتين ملين وحبتين الصبح وبليل حبوب الفحم للغازات
وشربت شاي اعشاب مع حبه حلوه
ومن باجريه البيبي مرتاح واليوم اللي بعده
انا صج ارتحت واذكر انه نام زين وقتها

وبعدين لو اعتفس علي بليل اطلع من غرفتي معاه واروح الصاله اشغل التلفزيون واسوي الجو كانه الصبح عادي اشرب شي واقعد معاه واقول ماكو نوم والعبه اشوي واغير البامبرز ولا اتنرفز مثل ما تقولي امي البيبي يحس فيج او كنتي متنرفزه والله صج
لان اسويله كل شي مايبي ولا يرضى ومن تطلع امي من غرفتها وتاخذه تضفه لصدرها وتسمي عليه بهدوء يقعد يطالعها ويسكت @@
فصرت اسوي جذي والحمدلله احس احسن

على فكره ترى انام بره غرفتي لو بجي ما ارد لغرفتي لو نام لان لورديت مادري ليش يقعد فصرت اخذ فراشي وانام عالقنفه بالصاله معاه


اليوم حبيبي طلع من خشمه اشويه دم معقوله جرحته وانا اشفط خشمه؟ مافي شي حاد ولازم انظف خشمه لانه كله يصب ويصكر عليه ويختنق حبيبي كاسرخاطري

 

[om_3azoz]

لووول بحوره .. اي والله لان من كثر ماايبجي ويرعص نفسه اقوله يالله الحين يسويهاا اشووف ولا لا ماكو شي ..
اقوله لا حول الله ششسالفه .. ولمن يفلت اقول يالله سويهاا ولا لا ماكو شي لوول ..

والله انا مافيني غازات شلون اهوو فيه مادري لوول .. صايره اتجنب اشياء اللي تسوي غازات بالحليب ..
يعني بطاط انا كنت اكل بس يوم قالوو انه موزين يسوي حق البيبي غازات ماقمت اكل .. وانا حياتي بطاط لوول

وامي اتقول يمكن من حليبج ماايطيح عليه لان اهياا على اخوي الكبير ماطاح حليبهاا عليه والدكتوره قالها عطيه صناعي وفعلاا طاح عليه صناعي

انا عزوز الحين يناام ووبليل يقعد .. يعني نومته بالظهر بس وبليل كله قاعده .. مادري شلون اغير نومته الحين اهوو نايم ودي اقعده عشان ينام بليل بس قلبي يعورني اذا قعدته .. شنسوي لازم نتحمل على مايكبر البيبي توه النااس ليلحين بنمر بمرااحل طويله وعويصه توه الناااس
ليلحين بنشقى ونتعب لين يصير عمره سنه وشي .. يالله يتعدل

 

[om_3azoz]

ديربالج وانتي تنظفين خشمه لاتجرحينه وانتي ماتدرين .. انا الحين عندي اظاافر اخاف لمن البسه ولا اغير بامبرزه اني اشمخه لوول بس مابي اقصهم وريلي كله ينزفني اقوله شنو يعني اقصهم انا حااطه بالي عدل ..

 

[سراج الليل]

قوووه بنات شخباركم ؟


نمووووووووووووووووووور انا القاطعه ؟؟؟؟؟؟؟؟؟؟؟؟ انتي اللي صايره ماتنشافين موليه والله كل مادخلت المسن ماأحصلج وهم خفت جياتي عالمسن

بشريني عنج شخبارج ؟؟؟؟؟؟؟؟؟؟؟؟؟؟؟؟؟؟؟؟؟؟

 

[3rosa]

السلام عليكم ... اشلونكم امهات حبيباتي

 

[om_3azoz]

اهلييييييين عروسه شخباارج حبيبتي ؟

 

[بحر الغموض]

انا والله ودي اقص اظافري بس عندي عرس اختي بس يخلص بروح احشهم حش
لان بصراحه احس لما يطولون اتعب نفسيها مادري ليش

هلا فيكم بنات اشلونكم وهلا عروسه من زمان ماشفتج

 

[om_3azoz]

بحر
انا ريلي كان يزفني قتله انزين خل اخلص الاربعين بعدين اقصهم وماقصيتهم عندنا عرس ولد خالتي ابي اظافر لووول
ترى انا قبل مااكان عندي اظاافر كله اكلهم لووول وايدي كاانت جني صبي هذاا قبل لا اتزوج من تزوجت وجذي شويشوي قمت اوخر وكل مااحط ايدي في حلجي ريلي يطقني على ايدي لوول لين تعلمت انه مااحط ايدي في حلجي ..
والحين ماااحب اقرضهم لووول

 

[استبرق أم علاوي]

قوة يا امهات


انا بعد وياكم
ولدي يتسلط علي الليل كله
والمشكله انا اللي اطبخ الغدا كل يوم نتغدا 5 او 6 المغرب

 

[تمر حنا]

بنات مو ملاحظين شي ؟؟
كلنا عيالنا نفس الحاله امساك وغازات وبجي؟؟؟ والحين موضه يديده صارله يومين ماقام ينام وايد نفس قبل يغط نص ساعه ويقعد

 

[استبرق أم علاوي]

تعالو
بذكركم بشي
شنو بتسون حق القرقيعان
ومن وين بتشترون؟
والله انا من الحين قاعده افكر

 

[ام مضاوي]

شلونكم بنات؟


ابي انااااااااااااااااااااااااااااااااام

والله حدي مرهقه

واي احد يشوفني يقولي شكلج شكل وحده توها والده مو بآخلر النفاس وايد تعبانه

ورحت اخذت ابرة نظاره اليوم ذبحتتتتني جنه ماي يفور داخل ويهي

شسوي مابي اطلع وويهي تعبان واصفر

الله بس يهدي ولدي وينام

 

[الفنانه79]

السلاااااااااااااااااااااااام عليكم

واي ياحلو هالتجمع من زمااااااااااااااااااااااااااااااان مادخلت تجمعات من تجمع الحمل مادخلت

المهم اقبلووني معاكم ادخل اهذر واطلع

ممكن ؟؟

 

[الفنانه79]

امممممممممممممممممممممممممم

والله انا اقووول ياحلو البنت من عقب الصبيان اتهبببببببببببببببببببببببببببببببببببببل دلوووعه حدها هالبنت قاطعه قلبي والله شي موطبيعي

المهم والله انا من الحين راح ابدي ادورلهم حق القرقيعان انا واعيالي وبنتي واشتري بعد اغراض القرقيعان من علب وغيره ويبقى بس الكاكاو لي صار وقتها ان شاء الله اعبيه

وانتوا يالله عاد نبي افكار وصور وشغلات حلوه

 

[al7noona]

بنات مو ملاحظين شي ؟؟
كلنا عيالنا نفس الحاله امساك وغازات وبجي؟؟؟ والحين موضه يديده صارله يومين ماقام ينام وايد نفس قبل يغط نص ساعه ويقعد

اي امبيه اتصدقين كلنا نفس الحاله انا كانت ذابحتني بالغازات والامساك وصرااااااااااااااااااااااااااااااااااخ بالساعات
والحين بالقصب انومها ولما تنام تقع بعد ربع ساعه لووووووووووووووول وان كثرت نامت بس نص ساعه :krkrkr::krkrkr:

الله يخليهم ويحفظهم

 

[al7noona]

تعالو
بذكركم بشي
شنو بتسون حق القرقيعان
ومن وين بتشترون؟
والله انا من الحين قاعده افكر

اي والله انا بعد محتاره شلون اسوي القرقيعان :eh_s(1): عطونا افكاار
ومن وين تشترون حق عيالكم لبس القرقيعان؟

 

[al7noona]

شلونكم بنات؟


ابي انااااااااااااااااااااااااااااااااام

والله حدي مرهقه

واي احد يشوفني يقولي شكلج شكل وحده توها والده مو بآخلر النفاس وايد تعبانه

ورحت اخذت ابرة نظاره اليوم ذبحتتتتني جنه ماي يفور داخل ويهي

شسوي مابي اطلع وويهي تعبان واصفر

الله بس يهدي ولدي وينام

عطي ولدج ماي غريب 3 مرات باليوم يقولون الياهل راح ينام على طول ومايقعد :dddds::dddds:
وقوليلنا نتايج ابره النظاره وتسوى نسويها ولالا ووين سويتها؟

 

[al7noona]

http://q8yat.net/showthread.php?t=219282
هذا موضوعي توزيعات بنتي بالقرقيعان رمضان الي طاف بس ترى يكلف وايد بس كلهم عجبتهم الفكره واستفادوا منه

 

[om_3azoz]

السلام شخباااركم .. شلون البيبياات الحلوين

على طاري القرقيعان انا من الحين قاعده افكر شنو اسوي بس ماعندي افكااار ..

وعزوز له قرقيعانين انا بسويله وخالتي ام ريلي بتسويله .. قاايم حظه .. انا ببدي من الحين اذا لقيت شي حلو ببدي اسووي لان مابقى شي

امس رحت الطبيب غيرت حبوب الماانع لان اللي اخذهم 28 حبه ونزلت علي الدوره قلت اروح اغيرهم احسن .. وصفتلي الياسميين

بناات منو تستخدم اليااسمين ؟؟