تجمع ام موودي والرشيقات

[om moOody]

انا تعشيت تمراتي واللبن

بس احس مليت باجر ما راح اسويه مادري شنو اشوي الخميس والجمعه يمكن الكورن فليكس

عشان صج مليت هالرجيم

لازم انوع

 

[om moOody]

المنتدى وايد بطئ اليوم لوع جبدي

اكيد امسوي فيكم نفس السالفه عشان جذي مختفين

 

[شيخة الغراشيب]

هيه المنتدى على الليل يصير بطئ كثييييير عشان جذه
انا ماحب ادخل قمت

البارحه سرنا بيت اهل زوج اختي عند امه واخته طبعا امايه ربي يحفظها لي مسويه
لقيمات وانا ماقدر اقاومه >>> بس ابشركم قاومته هههههههه وكان مسويه بعد معكرونه
بصراحه الكل يالس ياكل يقولي روووعه وحتى اخت زوج اختي اللي اونها باديه وياي
رجيم كلت اللقيمات ولاهماها هههههههههه وتمن الحريم يقولون تعالي اشعنه انتي الحين
تسوين رجيم قلت ماسوي بس واصله على العصر البيت ومتغديه وبعد وين احط الباجي
ههههههههههه وحليلها اخت زوج اختي ماقصرت جذه بعد قالت المهم اتعشن وانا تميت
اشرب قهوه وبعدين شربت شاي زنجبيل ورديت البيت ورقدت هيه نسيت اخبركم مشيت
البارحه لي ساعتين احس هلكت بس الحمدلله عشان ينزل هالوزن واللي زدته انزله
اليوم الصبح من قمت من النوم شربت ليمون شوي وبعده شاي زنجبيل ولين الحين
ماتريقت قلت يمكن اكل على العشر بيكون اليوم ريوقي عباره عن:-
بيضه +شريحتين مرتديلا+كوب شاي بدلت مع امس

 

[شيخة الغراشيب]

اتريق خلصت البيضه واشرب شاي بس بصراحه مصاخه بيض ومرتديلا مندون خبز خخخخخخخخخخ

 

[om moOody]

صباح الخير والاحساس والطيبه


شلونكم بنات


انا اليوم مادري شنو ابي اسوي

اليوم وباجر ضايعه ما عندي نظام معين
شربت الصبح عصير اناناس ومادري شنو اتريق

 

[شيخة الغراشيب]

صباح النور
بخير وعافيه غناتي من جداج
خلي سوائل لو مافي شي معين ببالج لو لااا اعتبري تخفيف يعني
خذي لج شريحة جبنة قليلة الدسم وحطيه بسليسه سمره واشربي شاي
بس والغده خلي دياي مشوي وياه سلطه او فاكهه بجذه بتكونين مخففه
والعشه كلي لج شي خفيف

 

[كراميلا مرة]

لا الحمدالله جسمي مو مترهل

بس انا محتاجه امش عشان يتنسق الجسم اكثر

كراميلا تبين 47 ؟؟


ليش جم طولج ؟

الحمدلله زين ان جسمج مو مترهل
بس سوي رياضه احسن عشان ينقص وزنج بسرعه وتفتكين
ترى مابقى شيء عليج
وبالنسبه لطولي
155ومره شايفه في منتدى ان وزني المثالي بين 53 و47 وانا ابقي الاقل عشان افتك ولا احاتي رجيم

 

[شيخة الغراشيب]

اشرب ماي سمعت كلام اختي كراميلا مو مره وحده اشرب لترين واداوم وانتوا بكرامه على الحمام هههههههههه
4 كاسات ماي باقي لي 4 خيييييييبه وايد مره وحده وافتك احسن لي ههههههههههههههه

 

[كراميلا مرة]

صباح الخير
اشتقت لكم
البارحه حاولت ادخل لاني ماطلعت بس المنتدى مافتح
والحمدلله البارحه ماخربطت ولا خربوطه


وزين بنات ماخربطتوا وزين شيخه ماخربتي خلاص على طول التزمي وخلي الاكل على جنب مراح يفيدك الا بيضرك
وام مووووي خلاص غير ي الرجيم ترى رجيم التمر واللبن يزهق
ومثل ماقالت شيخه سوي سوائل او تخفيف
ومن اسبوع الجاي اختاري رجيم يعجبج وسويه

 

[شيخة الغراشيب]

هيه غناتي صمدت والحمدلله والاكل لاحقييين علي بس بيني وبينج شفت من الاطباق ماطب ولذ
بس بعدين تذكرت اللي نصحتهم بالرجيم صاروا ارشق مني قاومت وقلت لازم اضعف ان شاءالله
السناك عندي حلاوة الرجيم وشاي او قهوه وانا ماعندي حلاوه شكلي بقوم اسير الجمعيه بجيب
لي والا الدكتور عندنا بس مب سايره اشتري من عنده بالجمعيه ارخص هع هع هع

 

[om moOody]

اي صاجه كراميلا وشيخه ماكو الا سوائل او شي خفيف

وتالي اشوف اي رجيم بسوي


الحمدالله امس كلنا ما خربطنا ولا خربوطه حلوه ولا خربوطه اعجبتني كراميلا

 

[كراميلا مرة]

اي اشوف ياشيخه احنا امس ماحد سووه حلويات لاني اصلا ماطلعت
وانتوا اللي سوووا حلويات عكسنا
وام مووودي شنو ناويه تجربين رجيم اسبوع الجاي

 

[om moOody]

عندي رجيم من فتره جربته كان حلو والله ماخذته من النت من زمان الحين اكتبه حق اللي وده يجربه معاي

 

[شيخة الغراشيب]

كلكم جربوا رجيمي >>> جيه غصب انا ان شاءالله يوم السبنت بيكون اخر يوم
لي بالاسبوع الاول ببلش بالاسبوع الثاني يوم الاحد وان شاءالله ننزل كلنا
بعد شوي ناويه اسير الجمعيه واشتري لي مستحضرات اللي ناقصتني وبرد
الدوام بعدييييييييين

 

[om moOody]

وصفة رجيم تنقص 7 كيلو في الاسبوع

اليوم الاول

جميع انواع الفواكه ما عدا الموز والمانجا

اليوم الثاني

الفطور : خيارتين وجزرتين وخس
الغداء : طبق خضار بدون لحم
العشاء : طبق فاكهه مشكل او سلطه

اليوم الثالث

الفطور : موزتان + كاس حليب قليل الدسم
الغداء والعشاء : 3 موزات + كاس حليب قليل الدسم

اليوم الرابع

الفطور : بيضتان مسلوقتان
الغداء : لحم او دجاج او سمك مشوي
العشاء : طبق سلطه خضراء او فاكهه

اليوم الخامس والسادس مثل اليوم الرابع


ترى هالوصفه فيها صعوبه شوي لانها تحتاج الى عزيمه وقوة اراده وقوه تحمل للجوع

 

[كراميلا مرة]

حلو بس احسه حيل صعب
بس خلاص بحفظه يمكن اجربه بعد فتره

 

[om moOody]

اي وايد صعب وانا احب الصعب مادري ليش مع انه ما منه فايده اللي تنزلينه يرد ابسرعه

بي انا ابي انزل ابسرعه مافيني صبر

بس ووناسه الكل قاعد يقولي خلاص جسمج حلو مالا داعي رجيم

هالشي يشجعني اكثر اني اوصل على الاقل 58 وايد زين حقي

واذا اقل خير وبركه بعد

 

[شيخة الغراشيب]

انا طالعه بعد الغده برجع لكم فداعة الله

 

[om moOody]

حافظج الله حبيبتي شيخه

 

[كراميلا مرة]

في امان الله شيخه
بس ام مووودي سوي رجيم ينقص اشوي اشوي
عشان مايرجع جسمك بسهوله
وتخلصين وتفتكين ترى ماباقي لج شيء وتوصلين لوزنج المثالي