تجمع بداية حياة يديدة و رشاقة (نيو لوك العيد ) تعالو نشجع بعض

[سماء الاحساء]

هلا فيكم صباحكم طاعه وعباده ومبارك عليكم شهر الخير

 

[سماء الاحساء]

وزني ثابت وبصراحه مؤ ملتزمه اهئ اهئ

 

[سماء الاحساء]

صباحكم طاعه وعباده في اجمل الشهور

 

[بـ سـ كـ وتـ ة]

صباح الورد

تصدقين آنا عكسج ... رمضان سهل جدا أسوي كنترول

عالفطور أشبع بسرعة

وأقدر أعتمد على وجبة وحدة بس

أتسحر شي خفيف بس اقتداء بالسنة ولا لو علي أكتفي بالفطور وبس

وفطورنا غالبا طبق رئيسي وبس

× × × × × × × × ×

اليوم يتني أول يوم تريقت قطعة بيتزا من فطور أمس (شغل بيت)

وأومليت بالجبن وشوية هوت دوج مع خبز لبناني بس لأني من بدا رمضان خاطري فيه ولا آنا شبعت من البيتزا هههه

والعصر موزة وحدة مع بطل ماي

وعالفطور قطعتين بيتزا شغل بيت وميرندا فراولة

 

[سماء الاحساء]

أهنيكم بمناسبة القرقيعان وينعاد عليكم كل عام بالخير والمسرات

 

[نوفلتي]

صباح الخير ..

انا تركت الرجيم فتره وراح ارجع له عقب رمضان ان شاءالله وبقوووووه لاني احس زدت شوي وماعندي جرأه اني اوزن اخاف انهار خخخخخ .. والحمدلله اللهم لااعتراض من اسبوعين اجهضت ..

 

[سماء الاحساء]

هلا فيكم أخباركم وينكم

 

[سماء الاحساء]

سلامات وماتشوفين شر نوفلتي والله يعوضك خير

 

[سماء الاحساء]

جهزتوا للعيد

 

[حنان1983]

حقيقه. أنا نفسي أضعف وصارلي سنين ما سويت رجيم اتمني نبتدئ مع بعض من بعد العيد واللي حاب ينضم لي ونشجع بعض

 

[فديت قلب ابوي]

مرحباا اخت خالتهم
الاسم: عبوش الظفيري
الوزن: 67
الطول : 145
الهدف الاول :40
الهدف الاخير: 50

بتوفيق للجميع

 

[سماء الاحساء]

صباحكم خيراااات ومغفرة من الله

 

[Dana.Qtr]

مساكم الله بالخير
انشغلنا برمضان وصار هدوء
وزني ع ماهو 68 والمشكله اني مسافره رابع العيد
فلازم اشد من همتي هالاسبوع واطيح كم كيلو

 

[سماء الاحساء]

هلا فيكم يااجمل تجمع كل عام وأنتوا بخير وعيدكم مبارك وانا وزني نقص قليل ورجع وبصراحه موواثقه من ميزاني أتوقع فيه خلل

 

[سماء الاحساء]

هلا فيكم أخباركم مع العيد والزوارات

 

[بـ سـ كـ وتـ ة]

كل عام وانتو بخير

سما الإحساء محد غيرج مواصل ما شالله عليج

آنا بحاول أنزل يومياتي نفس قبل

وإذا شفت ما في تفاعل اهني بفتح لي موضوع ثاني أستمر فيه

 

[بـ سـ كـ وتـ ة]

نوفلتي

الحمدلله على سلامتج ولا تشدين على نفسج وايد الإجهاض يهد الحيل آنا مجربته

دانة قطر

ألف مبروك النزول الفال لنا ان شالله

 

[سماء الاحساء]

وانتي بخير بسكوته والجميع وصلكم يالغلا لابد مانقطعه وان شالله ماننقطع من شر