تجمع بداية حياة يديدة و رشاقة (نيو لوك العيد ) تعالو نشجع بعض

[noo7a]

لووول

انا ادرس بالعلوم بالخالديه
و امتحاني باجر تاريخ الكويت بكيفان

اي والله الحوسه بين مباني الكليات بهالجووو يعتبر عن مشي ساعه وونص <<< اي قصي على نفسج لوول

 

[دلع24]

اناااا نظااامي غيير هههههه


اناا اساااسا ما اتريق والغدا صمونتين جبنه بيضا او كرفت وبس

عليهاا لي العشااا

بس مشكلتي انا ادمااان البيبسي اشربه اكثر من الماي ههههههه

 

[fatma A]

اليوم بصراحه خربطت شوي

 

[سماء الاحساء]

مساء السعاده هلا فيكم عواااافي عليكم الأكل والدايت وكل شئ والله يوفقكم في الامتحانات ويصير سهل عليكم مثل شربة الماي

 

[سماء الاحساء]

عملت حق فطوري شربه شوفان كويكير وغدا عيالي رز مشخول ودياي بالفرن يخوفي اكل وانا مابي اكل رز

 

[بـ سـ كـ وتـ ة]

دلع24 مبروك ما ياج

انتي ترضعين طبيعي؟

إذا ترضعين حرام أكلج ترى مو مفيد لازم تاكلين خضار وفواكه وبروتين عشان يتغذى البيبي

والبيبسي شوفي له بدائل تحبين نوع معين من العصاير؟ حاولي ما تييبين إلا هالنوع ولا ادخلين البيبسي البيت

 

[دلع24]

بسكوووته الله يبااارك فيييج يااقلبي

لا انا اعطيه صنااعي

والله احااول امنع نفسي عن البيبسي بس صاايره خلاااص كلللش ما اقااومه خصوصا ان فترة نفااسي ما اشربه بالمرررره

واذا عن الاكل تصدقيين اغصب نفسي ع الاكل مااا اشتهي شي استغفرالله

ومع كل هاااذاا امتن ههههههه

واذا في مجااال اقعد قدااام السفره خلااااص تلقيني ما اقوووم


يعني اناا ماكوو حل وسط يااا ما اكل او اهجم ع الاكل ههههههههه

 

[BubbLe87]

اخت خالتهم شلونج

ممكان اشارك معاكم ؟

 

[حجيه هيونه]

صباحكم خير بنات


سوري ما دخلت اليومين الي فاتو اشتراك النت بالبيت تعبان مادري شفيه
اممم اليوم كان ريوقي ساندويتش امريكانا جبن حلوم مع الخضار تقريبا 270 كالوري مع شاي

الساعه 11 تقريبا راح اخذ كوب حليب خالي الدسم مع بسكوت او دايجستيف يعني شي جذي

والغدا هم خذيت ساندويتش من امريكانا دياي مع مادري شنو لووول

يبقي العشا

ماعندي اي فكرة شنو ممكن يكون

 

[نوفلتي]

صباح الخير...

انا الحمدلله طول الويك اند مواظبه على الرجيم وقست وزني بميزان اخوي الدايخ صار 70 يعني مجمل اللي نزلته من بداية الرجيم الحمدلله الحمدلله 5 كيلو ... بس شريت ميزان غير وخلاص باعتمد الوزن كل مره عليه طلع وزني 72.1 وخليته في بيت ابوي عشان ماقيس كل يوم كل يوم خرعه خخخخخخ

واليوم كان ريوقي بيضه مفيوحه وشريحيتين جبن لايت وكوب شاي بدون سكر والغدا بيكون سلطة كودو والعشا فواكه نوعين ...

 

[لله دري]

صبااااااحوووو

بالعافيه عليكم بنات

يومياتي كانت مو مزبوطه لول

الجمعه :
يوم لزواره طبعا لعبت لعب
اهوا ككاو وبطاط وخرابيط مالها اول ولا تالي
بس طاف عادي انا قبل كنت احط يوم كامل فري حقي ونزلت حيل عليه الحمدلله
بس هالاسبوع لاني مقزرتها يومين موكا ف زدتها الجمعه
بس ان شاءالله ماعيدها كل اسبوع عدا الجمعه فري

و اممممم يوم السبت :
كان تمام التمام كنت صايمه
ف تسحرت
نص خبزه سمره خفيفه اللي نصها يعادل حبتين توست
حشيتها لبنة وزعتر وخضار

وفطوري هم كنت مو مشتهيه شي
سويتلي نفس اللي فوق بس توست بدال الخبز + 3 تمرات وضليت عليها لي حزة السحور

واليوم الاحد هم صايمه
سحوري كان مثل الفطور لوول
صايره ادمان لبنة وزعتر

امممم ومادري شنو افطر بس حاليا اطقطق جوع

 

[الريم_85]

ما شالله ... الله يتمم لها على خير ان شالله والفال لكم يا رب

مشكوره حبيبتي :eh_s(22): بس احنه متزوجات وعندنا بيبيز الحمدلله :eh_s(17)::yaaaaaarb: والمتن يا منهم :eh_s(11):

طول الويكند متابعتكم من الفون وماحب اكتب فيه :ch12:
المهم
رحت للدكتور يوم الخميس ووزنت والحمدلله نزلت 1.200 كيلو يعني صار وزني 75.9 الحمدلله :eh_s(9): وكان عندي يوم الخميس وجبه العشا + يوم الجمعه (فرررررررررري) ..
وكلت ليمااااااااا طفحت :eh_s(11):وياني اسهال عزكم الله وعوار بطن

واليوم :
ريوقي جبن قليل الدسم +خيار وماي

لي رجعه :eh_s(8):


​

 

[الريم_85]

باااك​

الغـدا
سلطة كودووو + عصير بوليرو ( من مركز نيوترشن) :eh_s(15):​

​

بعد الغدا بنص ساعه
شاااي غراسو:eh_s(1):​

 

[سماء الاحساء]

عواااافي يالريم وان شالله توصلين للي تبينه والجميع انا صايمه ومحتاره شنو اكل

 

[noo7a]

مبروك الريم عالنزول


انا صارلي تقريبا من بديت الرجيم 3 اسابيع ما اكلت خبز كلش
فاليوم عالغدا اكلت توست اسمر قطعتين مع خس و خيار
فاحس نفسي.طفحانه

العشا بتعشى برتقاله.

 

[بـ سـ كـ وتـ ة]

عوافي بنات

دلع24 اهو عقب الولادة مادري شيصير بالشهية عادي فترة وتعدي ان شالله

الريم_85

الله يتمم لها على خير ويخليلكم عيالكم يا رب

أمس

ريوقي حليب وكورن فليكس ككاو مع بنتي ماكسيمم كليت 3 قفاش ويمكن أقل بعد

الغدا

جبدة مشوية من نايف مع شوية بطاط وكنت أغمس بالحمص

العشا من كل قطر أغنية

خبزة خفيفة قليت معاها بيضة وحدة وجبن

ربع حبة فلفل أحمر بارد

نص خيارة

حبتين فلاوة (فراولة) على قولة بنتي

وشربت معاه عصير تروبيكانا برتقال بس ما صورته

ما سويت رياضة أمس

 

[بـ سـ كـ وتـ ة]

الريم_85 صح مبروك عالنزول وعقبالنا

نوحا عليج بالعافية ... حلو إحساس إن كمية صغيرة من شي تاكلين منه على راحتج صارت وايد بالنسبة لج

عليج بألف عافية

العشا أمس



اليوم كنت مجهزة أكلي من الليل حق الدوام وما داومت فكليته بالبيت



الماعون الصغير مكسرات (Brazil Nuts مادري شسمهم بالعربي - لوز - جوز بيكان - أناناس مجفف)

والماعون الكبير خيارة وحبتين فراولة وربع حبة فلفل أحمر بارد

وناسة شعور حلو كل شي جاهز وواثقة من نظافته متى ما يعت طلعت من الثلاجة وكليت

ساندوتش لبنة ومرتديلا ما صورتها بصمون الهوت دوج

ريلي كان طالب من مطعم هندي كليت قفشتين عيش أحمر

وقطعتين دياي تكا

وسناك المغرب



كليت الفواكه والخضرة اللي كنت مجهزتها أمس

المكسرات ما كليتها ولا البسكوت بخليهم حق الداوم باجر ان شالله

وليلحين ما قررت شو أتعشى

 

[اخت خالتهم]

بنات باجر الميزان
ضروري كل وحده توزن
انا احس وزني ما نزل !!!! يمكن لان رجيمي فيه خبز

بقطع الخبز نهائيا مدة ١٠ ايام وان شاءالله يكون فيه فرق

اليوم غداي
قطعتين بطاط مشوي اصغر من نص كف اليد
مع ٤ حبات مشروم وجبن عليهم
تقريبا غداي ٤٠٠ كالوري

و قاعد اشرب نسكفيه ٨٠ كالوري
هذول ٤٨٠ او ٥٠٠
بقالي٤٠٠ بخليهم حق عشاي اللي اهو ريوقي لاني مخربطة نومي



ادعولي بنات
ضروري والله انزل عشره
عندي مناسبة مهمه
وابي اكون نيولوك بالعيد

 

[اخت خالتهم]

حياكم اللي بيشارك يشرفنا
نبي كل اللي يبون يسون نيولوك للعيد


الريم تبارك الرحمن الف الف مبروك

ممكن تكتبيلي نظامج اللي ماشية عليه اغلب شي ؟
انقذيني هههه

 

[اخت خالتهم]

انا بنات صايرة اطبخ العشا حق ريلي
قصدي قبل بس صمون
اللحين لا طباخ
و هالسوالف



بس الحمدلله انا ما اشتهي اكلي اللي اطبخه هههههه احب اشوف بس ردة فعل الناس