تجمع بنات الـ Canon G9

[جاي وحليب]

السلام عليكم..

Canon G9

بنات بما ان العدد زاد للي يملكون هالكاميرا
عندنا بالمنتدى...

وبعده زادت التساؤلات والاستفسارات
فـ قلت افتح لكم هالـ موضوع وفيه تتم النقاشات بينكم
وبهالنقاشات والاسأله تستفيدون من بعض ان شالله

يالله اصحاب كانون G9
كل وحده منكم تدش تقول من متى عندها الكاميرا..
وشنو المميزات اللي عاجبتها فيها وحبتها في هالكاميرا

وشنو المواقف اللي صارت لها وتعلمت منها..
وتنصح البنات الباجي اللي عندهم هالكاميرا

واذا عندكم استفسارات واسأله كتبوهم وان شالله
تساعدون بعض وتجاوبون على استفسارات بعض

وشكراً





**موضوع مهم له علاقه لازم تشوفونه......


كانون G9 الصغيرة تبوح باسرارها الكبيرة!


والشكر موصول للاخت اللي كاتبه الموضوع

ً

 

[NoWay2know]

في البيت عندنا هالكاميرا،، وجربت اصور فيها، وفعلا الصور طلعت حلوه وواقعية واابعادها والوانها صافية. باختصار تصويرها عجيب
وشكرا على التجمع

 

[سلطـ زمانها ــانة]

وووووووووووينكم

 

[غنوة ستايل]

بنات على جم هذه الكاميرا ؟

 

[غنوة ستايل]

على جم بنات هذه الكاميرا ؟
و اقدر انقل معلوماتي في الكمبيوتر ؟
و تصور فيديوا ؟؟

 

[سلطـ زمانها ــانة]

انا الكاميرا شريتها قبل يومين

من يوريكا الفحيحيل


الكاميرا بـ175

وشريت جنطه بـ6

وميموري كارد 4 قيقا بـ5

يعني كلها تقريبا 185

والكاميرا مبدئا حلووه

انا بما اني مبتدئة فللحين قاعدة اجرب فيها وان شاء الله اتعلم لها

ودايما حاطه عوضع الاوتو تصويرهاااا حلووووو وصااااااااااافي

 

[غنوة ستايل]

انا حصلت الكاميرا من بره مو من الكويت مع الذاكرة الكبيره علىى 140 دينار
اشتريها ؟؟
لان الكاميرا تجي بذاكره 32
وهم مسوين معاها عرض على الذاكره الكبيره شرااايكم ؟؟ اشتري 140 دينار
ووزن 10 دناير يعني حلوووو 150 دينار ؟

 

[الفرح كله]

يعطيج العافيه مشرفتنا

وهذي مساعده مني حقكم

دليل الكامره بالعربي حملوه من هالموقع

http://www.2shared.com/file/3483383/f0c2e668/PS_G9_Arb.html

 

[pink butterfly]

آنا طلبتها من النت وان شاء الله بعد اسبوعين وااصله ..

بس ما اخترتها الا بعد ما قريت مميزاتها واهي حدها روووووووعه ..

=) .. بالتوفيق للكل ونتمنى اكيد نشوف صوركم فيها حبيباتي​

 

[Q8stylle]

بجم هالكاميرا

 

[غنوة ستايل]

هذه الكاميرا ما فيها فيديوا صح ؟

 

[kuwaiteya1984]

بنات عفيه حطوا خاصيه الغاء التوقيع بالرد
/ الرد كلمتين والتوقيـع صفحـه اشدعواا / والله جذي ضعنا بين الرد والتوقيع !!


؛


اللـي خذت الكــاميــرا من يوريكــا بجم خذتهــا ..........؟ // وفي نزل بعدهــا من نفس النوع ولا لا ..


وشكرا ..

 

[pink butterfly]

حبيبتي كويتيه ..

أعتقد g9 .. آخر اصدار منها لأن g7 قبلها

=) .. إن شاء الله أكون فدتج حبيبتي

 

[M&M]

انا عندي هل الكاميرا صار لها 8 شهور تقريبا وديتها معاي وايد اماكن تصويرها عجيب و صافي نقاوة الصوره حيل عاليه و هذي من مميزات الكانون
انا هوايتي التصوير و دايما متابعه معاكم و دايما اقول بنزل الصور اللي عندي لاكن الوقت ما يسعفني كلش انا بغربه مع ريلي و عيالي و ماشاء الله ماخذين وقتي كله لكن اوعدكم اني انزل الصور
الكاميرا انا شاريتها من كندا مع ميموري كارد 4 قيقا
و ان شاء الله في طريقي اني اشتري d400

 

[أنثى إستثنائية]

بنات الكاميرا مره روعة وتصويرها كثير أعحبني ..

بالذات بالعزل وخاصية الألوان شي مره رهيب..


وهذي صور لها .. من تصويري

وهذي تصوير ماكرو لعروسة صغينوونة عندي قد الإصبع تقريبا

​

 

[kuwaiteya1984]

صورة العروس مو طالعــه عندي




/ انا اذا سويت خاصية عزل الألون تطلع اوكي بس الصوره نفسها مو واضحه !!


ياريت بنات اتحطون شرح التصوير الليلي / تصوير خلفية الغبش / وتصوير العادي للمباني والمناظر الطبيعيه / وطريقة تصوير قطرات الماي / وشرح القوائم الموجوده في الكاميرا ..




ههههههههههه مو جني كثرت طلبات عليكم :dddds:
















مشرفتنــا / جاي وحليب ..,


بما ان صاروا البنات وايد في هالقسم اللي يستخدمون كاميرة جي ناين / ليش ما نبطل موضوع خاص (مثبت ) لصور اللي التقطت بواسطة هالكاميرا ..
يــكــون نفس الألبوم لنا ..

وبهالموضوع اللي احنا فيه حاليـآ / انخليه بس للمناقشه والدروس وتبادل الخبرات والأراء :gathering:

همـ عشان ماتضيع صور العضوات بين الصفحات على مدار الأيام


وبسسسسسس اشرايكمـ بإقتراحي _03BA:



​

 

[kuwaiteya1984]

بنات شوفوا هالصوره / عزل اللون مو راضي يضبط معاي ومادري ليش احس وضوح الصوره مو شي :0bee2e8d89:





تندمت اني خذيت كانون :cxxxp:​

 

[ام عبدالله72]

مرحبا بكم بحيت اسأل وياريت تفيدوني 0أنا عندى G9 لما أصور فيها تطلع الصوره حلوة بس وايد منقطه قولولي شنو الحل ؟ويعطيكم العافيه.

 

[أنثى إستثنائية]

kuwaiteya1984


هلا قلبي طيب قولي لنا وش الإعدادات عشان نقدر نساعدك

ليش العزل يطلع معك بهالشكل ..؟؟




إختي أم عبدالله .. أكيد مخلية الـ ISO عالي ..

هو اللي بالغالب يخلي الصورة منقطة هذا اللي اعرفه ياقلبي..

حولي تختارين ايسو اقل مثلا 100 او 80 وشوفي وش يكون معك ..؟؟

 

[kuwaiteya1984]

اختار scn
وبعدين mf
وبعدين اختار العلامه A واحدد اللون اللي ابيه ,, وبعدها اصور ...



,,



العدسه الموجوده فوق الشاشه يمها شغله نفس العجله هذي لشنو ..........؟؟