تجمع ... بنات تخصص المكتبات ( كلية التربية الأساسية )

[جيلاان]

هذا التجمع لكم بنات
عشان نستفيد منه
كل سشى يخص التخصص نكتبه هني
وأي استفسار تقدرون تكتبونه

و ان شاء الله نستفيد منكم ...

و شكرًا

 

[سمح المحيا]

يشرفني اكون اول من يرد
ومششششكورة جيلان على هالتجمع

ان شاء الله نستفيد من بعض

 

[جيلاان]

تسلمين سمح المحيا

وينكم بنوتات ؟!

انا هالكورس ماخذه ثلاث مواد تخصص
بناء وتنميه عند مها عقيل
مصادر معلومات في التراث عند منى المسلم
وفهرسه وصفيه عند نهلآء

سوري اذا خربطت بأسم المواد هههههههههه

 

[جيلاان]

بنات تخصصي
شرايكم بالدكتوره نهله ؟؟؟!

فيدوني بليييز

 

[غلا،،]

السلام عليكم وانا معاكم

ثاني سنه لي

وبخصوص دكتوره نهلاء مادري صراحه ما مدحوها لي بس انا ما جربتها وكنت متخوفه تطلعلي هي بمدخل تحليل موضوعي بس حمدلله طلع عبدلله ابل


مها زوينه

منى مسلم محد مدحها لي بس انتي شدي حيلج معاها واكيد تعطيج حقج

انا خلصت تراث عند عبدالرزاق جوهر خوش دكتور ♥

 

[غلا،،]

بنات قولوا شنو خلصتوا مواد تخصص


انا مخلصه
مدخل مكتبات
مصادر معلومات وخدماته
مصادر تراث عربي
بناء وتنميه
مدخل فهرسه
اداره مكتبات

والحين ماخذه حاسوب تمهيدي/تحليل موضوعي


باقيلي بس مادة خدمات واقفل عالبوكس الأول وحصلتها عند د.اقبال العثيمين ومابيها مو زينه نزل معدلي بسبتها هي ومحمد الشطي انشالله صيفي بسجلها

 

[سمح المحيا]

ياهلا
انا مخلصه مدخل مكتبات
ومصادر معلومات
وبناء وتنميه
بس
هالكورس مسجله اداره عند حسن بو عباس مادري شرايكم فيه
وفهرسه عن شهاب الفضلي
الله يستر

 

[قلبي ابوي]

يا حلات تجمعنا والله
انا ثاني سنة لي بالتخصص
ومسجلة ادارة مكتبات عند حسن بو عباس

 

[قلبي ابوي]

كنت ناوية اسجل فهرسة بس مالقيتها عند احد سنع

 

[^^طالبه^^]

بنات وجهات النظر تختلف من شخص الي اخر
وانا وجهة نظري ان تخصص مكتبات + تكنولوجيا تعليم ما احس فيهم معني التعب
يعني تخيلي مثلا وحده تخصصها فنيه ولا تصميم داخلي تدرس نفسج و تجيب اغراض من المكتب نفسج و ترسم بكليه وتتعب
ولمي تجي تتوظف تتوظف بمسمى مدرسه ولها كادر ولها معاش اكثر من معاشج
وانتي تعينين علي انج اداريه ومعاشج 800 دينار في فرق اكثر من 220 دينار ترى اذا مو اكثر
هذي وجهة نظري بتهالتخصصين ولو يقولولي دشي التربيه وماراح يقبلونج الا هالتخصصين ما ادخلهم لان احس مالهم معنى
وتقبلو وجهة نظري واتمني طرح الرأي مو فرضه علي الشخص والنقاش

 

[قلبي ابوي]

بنات وجهات النظر تختلف من شخص الي اخر
وانا وجهة نظري ان تخصص مكتبات + تكنولوجيا تعليم ما احس فيهم معني التعب
يعني تخيلي مثلا وحده تخصصها فنيه ولا تصميم داخلي تدرس نفسج و تجيب اغراض من المكتب نفسج و ترسم بكليه وتتعب
ولمي تجي تتوظف تتوظف بمسمى مدرسه ولها كادر ولها معاش اكثر من معاشج
وانتي تعينين علي انج اداريه ومعاشج 800 دينار في فرق اكثر من 220 دينار ترى اذا مو اكثر
هذي وجهة نظري بتهالتخصصين ولو يقولولي دشي التربيه وماراح يقبلونج الا هالتخصصين ما ادخلهم لان احس مالهم معنى
وتقبلو وجهة نظري واتمني طرح الرأي مو فرضه علي الشخص والنقاش

حبيبتي كل وحدة وميولها انا عن نفسي حابة اني اكون اداريه شلي بالمدرسة تعب وضيم ع 200 دينار زيادة ع معاشي هذيل ال200 اشتري فيهم راحتي وال 800 نعمة ولله الحمد

 

[غلا،،]

الي مسجلين عند حسن بو عباس ... يجننننننننننن عججججيب هالدكتور واحلى شي خذيتوا عنده اداره
..انا حظي خذيت اداره عند اقبال ونزلت معدلي

وفهرسه أهم شي ما تاخذونها عند محمد الشطي وووع

 

[غلا،،]

طالبه ^^


حبيبتي كل واحد وميوله اهم شي الواحد يدش تخصص هو حابه ويحب مجاله ♥
انا عن نفسي استغنيت عن الجامعه ودشيت هالتخصص لاني حابته وحابه المجال وهذا مكاني ...
ومعدلي بعد كان يسمح لي احول لاي تخصص ثاني بس انا مابي
فبعيد عن الماده اهم شي الراحه وحبج للتخصص

بالنهايه كل تخصص وراه وظيفه وبتخدمين فيها الناس وحلو توظفين بمكان انتي حابته ومعاشنا الحمدلله يكفي ويوفي مقابل راحتنا ؛)

 

[سلطانه q8]

قوه بنات مشكورين على الموضوع

منو ماخذ عند حسن ابو عباس نظم اتصال شلون هالدكتور ماتدرون داوم الاسبوع اللي طاف والا لا

وقاعه 6 وينها ؟

 

[غلا،،]

سلطانه خووووش دكتور حسن بو عباس ما يتطوف ♥

وايه كان مداوم شفته كذا مره

وقاعه 6 اذا مو فوق بالقسم تحصلينها تحت صوب المختبرات واعتقد تحت لان فوق بس لرقم 5

 

[قلبي ابوي]

غلا..

اي حسن مدحوه لي الحمدلله والله يعوضج بالمادة اللي نزلت معدلج ... وبالنسبة للفهرسه اي مالقيتها الا عند الشطي وحلفت ماخذه مايمدحونه

 

[اميرة بكلمتي]

مرحبآء بنات

بسألكم مادة سيكلوجيه اتصال ومنهجيه قراءة والتربيه والمكتبه

تأثر على أي معدل التخصص ؤلا الفصلي

 

[جيلاان]

أميره ما ادري بس هذي ما يأخذها إلا المكتبات اعتقد


بنات أنا حدي متوهقه نهله ما عندها كتاب شلون بدرس للامتحان تقول طلعوا معلومات من النت و ادرسوها وإذا سحبتها راح أتأخر لانها تفتح مواد ويصير عدد وحداتي ١٠ حرام شوي ������
فيدوني بليز وش اسوي

 

[قلبي ابوي]

لا تسحبينها حرام .. عادي طلعي معلومات ودرسيهم واذا شاكة بالمعلومات اللي طلعتيهم روحي سأليها

 

[جيلاان]

تكاليف منى المسلم تهد الحيل ?و حيل تعبت
و نهله لازم كل محاضره واجب حيل تعبت و أنا متزوجه ???
عسى يعدي هالكورس على خير يا رب