تجمع بنات حبوب السيبوترم !

[DaLaL_Q8]

تجمع بنات حبوب السيبوترم الي حابة تبلش فيهم ووو الي تاخذهم من زماان .. شاركوناا !

شلونكم بنات
اكيد كلكم تعرفون حبوب سيبوترم المصرية
صراحة عندي مناسبة قريبة و بلشت فيها من اليوم
شرايكم الي حابة تشاركني هالتجمع تبلش معاي او حتى اذا اهي بادية من قبل عادي
المهم نتكلم وو نفضفض وو نسووولف و نشارك بعض بتجاربنا
:
انا بديت على طول بــ15 جم لان اقوى ويقولون ماله اثار جانبية
راح استمر عليه شهرين ان شاء الله تالي بقطع شهرين .. وارد مرة ثانية
:
البداية 7-10
النهاية 7-12
الوزن الحالي : 87,7 كيلو
الوزن المطلوب : 67 كيلو
يعني ودي اطيخ 20 كيلو ان شاء الله على الصحة والعافية
:
نظامي تخفيف مع شرب كوبين باليوم من ال green tea
واكل الخضراوات عشان ما تتعب بشرتي و يطيح شعري وشرب الكثير من الماء !
:
ادري بتسألون من وين شريته خذته من العضوة sharoo تقدرون تراسلونها
عالخاص وتوفرة لكم العلبة بــ 8 دنانير
وهذي صورته

هااا منو معاي ؟؟؟؟
:ggdw:​

 

[DaLaL_Q8]

بقولكم شلون كانت البداية
اليوم قعدت الساعة 12 الظهر بما اني بطالية توني متخرجة وبعدي ما اشتغلت
خذت حبة وحده عالريج مع قلاص ماي كبير

على الساعة 1 الظهر تغذيت قوطي روب كامل الدسم عشان اعوض الدهون
واوازن اكلي مهما كان ترى الجسم يحتاج للدهون بنسبة معتدلة

الحمدلله لي 5 العصر وانا مو حاسة بأي اعراض جانبية مثل الصداع او الخمول
لا عادي و بسويلي قرين تي بعد الشوي

ووو كل شوي بحط شيصير معاي اول بأول
:eh_s(6):​

 

[DaLaL_Q8]

وين تشجيعكم بنات ؟
معقولة كل هالي بالمنتدى ماكو وحده تستخدم هالحبوب
:eh_s(1):​

 

[DaLaL_Q8]

up
up
up​

 

[أحلى عيون]

اختي والله انصحج ما تستعملينهم لاني كلمه الدكتور عليهم وقالي والله موزينين اذا اكلتيهم انا اكلهم زوجي وصار فيه ضربات بالقلب وقال الدكتور هذي الحبوب مشكلتها انها تعطي المخ انه الشبع مكتفي ولكن ما تعطي المعده بالشبع والكل الي ياكلهم لازم يصير فيه صداع والم بالراس


انا قلت لج الي قاله لي الدكتور رجيم سنتر وروحي اساليه والله يوفقج ويحقق كل الي تبينه

وسوري على التدخل

 

[ام فجور 2008]

عاد توني ماكلة حبه بس انا مو 15 اخذت الي 10 جرام اخف
انا اليوم تريق توست وجبن وعصير اناناس واخذتها بعد الريوق وانشاءالله وبعد شوي بشرب نسكافيه
بس حاسه بصداع

 

[اللولو84]

ان شاء الله تضعفين
عليج بالمشي ساعه باليوم هو راح يضعفج اكثر

 

[SO3AD.Q8]

كملي الكورس اذا ما فيج ضغط !!!
موفقة

 

[DaLaL_Q8]

احلى عيون

مشكورة حبيبتي على حرصج والله انا لي ثاني من اخذتهم بس ما في اي اعراض
واهي تفرق من جسم لي ثاني .. وانا حاطه في بالي باخذهم فترة ماراح اطول فيهم
لين اوصل للوزن الي في بالي وبتركهم .. مشكورة مرة ثانية

ام فجور

الله يضعفج على الصحة والعافية ان شاء الله ..
ان شاء تنفع معاج وبشرينا بالنتايج .. وعلى الصداع ترى من قل الاكل
كثري خضرة !

اللولو

مشكورة حبيبتي .. ايي ان شاء الله المشي ببدي من اسبوع الياي
لان هالاسبوع كان كله عروووس !
مشكوره على مرورج حبيبتي

سعاد

لا الحمدلله ما فيني ضغط توني صغيرة عليه
الله يسلمج وابي تشجيعكم

​

 

[DaLaL_Q8]

ثاني يوم من اخذ حبة سيبوترم
قعدت الساعه 11 الصبح
اخذت الحبة مع قلاص ماي كبير
بعدها شربت حليب حار
وعلى 1 الظهر كليت لي تمرتين عشان شوي تكون عندي طاقة واقدر اتحرك وما ادووخ !

على الغدا سويتلي سلطة شمندر مع بقدونس عشان استفيد من الحديد وما يحوشني فقر دم
او يطيح شعري وو ويهي يبدي يصفر !

العصر شربت قرين تي كوب واحد

وبما اني رحت عرس اليوم .. كليت لي حبة وحده حلو قهوة مع فنيان قهوة
وبعد شوي باكلي روب وو اختمها بقرين تي


شدوووو حيلكم بنات
وو وازنوا اكلكم عشان ما يتضرر شعركم و بشرتكم
:ggdw:​

 

[BuNNy]

الله يوفقج ويتمم عليج والفال لنا
بس انصحج حجزي موعد عند طبيب تغديه وسألي عن الحبوب يمكن يصلحون لج و يمكن لأ
لاني وايد سمعت من صيدلانيين انها مو زينه وتسبب سرعه في دقات القلب
وكهربا بالمخ والله اعلم
وبالتووفيق حبيبتي وانا انشالله ببدا رجيم من يوم الاحد لان عرس عمي قرب 27\1\2010
ولااازم اقط 12 كيلو على الاقل
الطول : 165
وزني الحالي : 80 كيلو
الهدف الأول :74 كيلو
الهدف الثاني : 68 كيلو

الله يسهل علينا ويتمم علينا رجيمنا

 

[DaLaL_Q8]

Bunny
حبيبتي الله يوفقج ان شاء الله وو تضعفين على الصحة والعافية
الحبوب ان شاء الله ما منها مضرة دام الاكل صحي وو مفيد و الجسم ما يعاني
من امراض مثل ضغط الدم او امراض ثانية

موفقة حبيبتي شنو نوع رجيمج ؟
​

 

[DaLaL_Q8]

up
up
up ​

 

[al7noona]

انشالله تضعفين بصحه وعافيه وتوصلين للوزن المثالي

هالحبوب تسد الشهيه وانتي لما تاكلينها تحسين نفسج صج مسدوده شهيتج

لاني قبل جربت حبوب بس ماكانوا يسدون شهيتي

 

[DaLaL_Q8]

الحنونة
مشكورة حبيبتي عالتشجيع
:ggdw:​

 

[DaLaL_Q8]

اليوم الثالث مع حبة سيبوترم

قعدت وانا راسي بينفجر من الالم
قعدت على 12 الظهر وما كليت شي لي 4 العصر
كليت 5 تمرات و قوطي حليب قليل الدسم
قلت مابي اخذ الحبة لانه راسي قاعده اموت منه بنطر لين يخف
وراح الالم عال5 تغديت همبورجر قطعتين مع سلطة بعدها بساعة خذت
الحبة على 8 شربت فنيان قهوة عربية
وعال11 شربت قوطي حليب ثاني

والحين قاعدة اشرب قرين تي
:ggdw:​

 

[DaLaL_Q8]

اليوم الرابع

قعدت متأخر شوي .. عال1 الظهر تقريبا
كليت الحبة مع قلاصين ماي وبعد ساعة تغديت شوووية فتوش وحمص
بدون خبز !
بعدها بشوي شربت عصير برتقال فرش
وبعدها شربت ماي
لي 9 ماكليت شي رحت تعشيت بمطعم بيانو طلبت سلطة بروكلي ودياي كليت قطعة ونص
بدون ما اشرب شي

والحين قرين تي
بس الغريبة اليوم ما احس نفسي مسدووودة وايد !​

 

[العلياء]

يارب تنزلين لي الوزن اللي تبينه
انا ان شاءالله من باجر ببدى اكل الحبوب وزني مقارب لوزنج وان شاءالله نهايه الاسبوع برد عليج واقولج شنو صار معاي

 

[طالبه]

وانا بنضم معاكم
اليوم اول يوم اكلت فيه الحبه علا الريق الصبح وبعدها بنص ساعه تريقت حليب بالنسكافيه وتوست اسمر مع جبن
تغدين سلطه روب وخيار
احس بصداع شويه وثقل بالراس مادر ي قمت اوسوس من الحبوب لان حيل خايفه منهم
المهم
الوزن 68.8
الطول:170
الهدف 62 او 60 عاد اللي اقدر له وودي صج اصير عصله وخفيفه
والله يحفظنا انا عندي امتحان ادعولي بنات الثلاثا امتحاني بعدها راح ادخل معاكم واقول لكم عن التطورات

 

[طالبه]

بس خرعتيني ليش راسج بينفجر من الالم تهقين منها؟؟؟ يما خرعتيني بروحي علا طريف