(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[Betty]

مساء الخير بنوتات
هلا مرمر انا بخير دامج بخير حياتي
خوش الله يبشرج بالخير حلو خدمه اجتماعيه و بخصوص الاعلام انا علاقات عامه و مثل ما قالت بنوته بعض الشعب تكون مشتركه و موفقه
هلا استنوش لووول ضحكتيني اي و الله اليوم الجو عجيييب
و هذي عدد الوحدات
قواعد التحويل بين الكليات


يجوز للطالب التحويل من كلية إلى أخرى ولمرة واحدة فقط بشرط ألا يزيد عدد الوحدات التي اجتازها عن 45 وحدة دراسية وذلك وفقا للضوابط المعتمدة من لجنة العمداء . ويجوز للجنة الشؤون الطلابية النظر في حالات الطلبة الذين اجتازوا أكثر من 45 وحدة دراسية


اهلين حبيبتي بسمه امل هذي الكويت صل على النبي اهيا ديرتنا و فيها اللي نبي
هههه عاد الجو تعدل عقب صار زين حسافه
oranGe~Girl هلا حبيبتي تسلمين
اي انا طلعت من المحاضره و لا اشوف الجو اعتفس الحمد الله على كل حال
بنوته هلا بالقمر

 

[oranGe~Girl]

oranGe~Girl هلا حبيبتي تسلمين
اي انا طلعت من المحاضره و لا اشوف الجو اعتفس الحمد الله على كل حال

^

^

الله يسلمج من كل شر

وعلى قولتج هذي الكويت صل على النبي تهبل بحرها وببردها وغبارها وكل فصولها الاربعه ههههههههههههه

 

[Betty]

هههه ذكرتيني بمسلسل سوري اسمه الفصول الاربعه اي و الله ايام
بنات الاسبوع الياي راح يشيلون المكتبات صح ؟ صراحه صايره الممرات زحمه مو قادرين نمر كلش

 

[Asrarie]

هلا وغلا بنات شلونكم؟؟

بطووطه ادري ينتتج اليوم قاعده اسولف مع وحده وكانت نفس حالتي موعارفه شتبي ,, المهم اهي متزوجه وعندها ولد , قالتلي انا ريلي ملتزم واهي نفسي تلبس عباه تقولي تخصص اذاعه وتلفزيون سهل ومافي شغل واايد كله عمل جماعي انا قبل عبالي يعني اصير مذيعه وماادري شنو قامت تضحك علي:krkrkr::krkrkr: تقولي من قالج بالعكس سهل ومافيه شي عادي ,, اشرايكم؟؟

انا مابي المواد تضيع علي اذا باخذ خدمه راح تضيع علي

 

[Betty]

لووول مرمر ضحكتيني و الله
شوفي انتي اخذي مدخل الى علم الاعلام و شوفيه يعجبج و لا لأ و استخيري و موفقه خيتو

 

[oranGe~Girl]

اي بيتي محطوط التاريخ اخر يوم 12\3

يعني ع الاسبوع الياي ماكو مكاتب فكه صج مسوين زحمه عاد طريج محاظراتي كله اهناك

 

[Asrarie]

 

[Betty]

oranGe~Girl حياتي الله يبشرج بالخير يارب صراحه لاعت جبدي زحمه و مايخلونج تمرين كلش
مرمر شفيج خيتو ؟

 

[esTanosh]

انا يييييييييييييييييييييييييييييييت
صبايا جم غياب لي وبعدين حرماان؟
بيوتي @@ يعني جم وحده بالضبط مافهمت؟؟ عادي 15 وحده ؟؟ولا اكثر يبون؟

 

[esTanosh]

بروح اسال بتجمع الاجتماعيه يمكن يعرفون اكثر :>

 

[Betty]

هلا استنوش بعد 6 غيابات حرمان
مو متأكده حبيبتي دورت مالقيت بس جنه عقب ما تخلصين 15 وحده و انه ماتزيد عن 45 وحده
سألي العماده و تأكدي و موفقه خيتو

 

[esTanosh]

هععععععععع امبييييييييييييييييييييييييييييييه ياسااااااااااااااااااااااتر @@ انا بالتمهيدي للحيين غايبه 3 مراااااااااااااات رباااااااااااااااااااااااااااااااااااااااااااااااااااااااااااااااه ياالاهيييييييييييييييييييي ويح قلبي ويحااه هذا وماصاار لنا شهر امبييه اكييد 6 :|

 

[Betty]

لقيته
من موقع العماده

أولا: الشروط الموحدة للتحويل بين كليات الجامعة:

اجتياز الطالب عددا من الوحدات الدراسية لا يقل عن 15 وحدة دراسية ولا يزيد عن 45 وحدة دراسية وتحدد الكلية المعنية عدد الوحدات المطلوبة للتحويل.

ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو أربعة فصول دراسية للكليات الأخرى.

ألا يقل المعدل العام الطالب عند التقدم للتحويل عن (C) ، نقطتين ، وللكلية تحديد المعدل العام المطلوب للتحويل إليها.

أن يجتاز الطالب بعض المقررات من مستوى 100 و200 المطلوبة في صحائف التخرج للكلية المراد التحويل إليها على ألا تقل معدلاته في كل منها عن (c) ، وتحدد الكلية المعنية المقررات المطلوب اجتيازها .

 

[Betty]

استنوش اي اكيد لا تغيبين مره ثانيه الا للضروره القصوى و موفقه

 

[esTanosh]

ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو أربعة فصول دراسية للكليات الأخرى.

قصدهم كورس ولا سنه؟؟؟ <<<<<<<انصدمت
يعني لازم جم كورس لي اقعد بالاداب عشان احول؟؟؟ امبيه يبيلي وايد اذا انا للحيين مماااخذت الا 3 وحدات @@


بيوتي يننتج وياي بعد عمري ماقصرتي :*

 

[oranGe~Girl]

حبيتي استنووش شوفي

انا مثلج اول كورس بس 3 وحدات بس نقيت تخصص بالاداب نفس مواد تخصص ثاني بالتربيه

طبعا التدريس حلم الطفوله وان شاء الله اسلاميه

طبعا نقيت عربي بالاداب والتربيه اسلامية مساند عربي راح احول السنه اليايه وعندي عادي لان ماراح تضيع علي الموا

وانتي حاولي تاخذين مواد بالتخصص من الاجتماعيه قريب من الاداب انا اللي فهمته من كلامج تبين علوم اجتماعيه داام جذي ياسوي نفسي او روحي سالني اضمن لج

وموفقه ان شاء الله

 

[esTanosh]

حبيبتي موفقه انشالله ياا ابله ماقصرتي :*

اي حياتي انا قاع اسال ههههه دشيت على تجمع الاجتماعيه وماقصرو وحتى بيوتي حبيبتي ماتقصر

 

[oranGe~Girl]

اجمعين يا قلبي

احسن لج والله واضمن

والله يعطينا ع قد نيتنا

 

[Betty]

استنوش حياتي الكورس الياي اخذي 5 مواد و راح تصير عدد وحداتج 18 و اذا خذيتي 4 مواد راح يصيرون 15 يعني حده حده بس تقدرين تحولين
الكلام اللي انتي اقتبستيه حاطين
ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية

انتي ماخذه تمهيدي يعني عادي ثلاث فصول

 

[Betty]

oranGe~Girl حياتي عسى الله يوفقج و يسهل عليج يارب ابلتنا العزيزه