(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[bobo lover]

بتي مبرووووك و الله تستاهلين
بغيت أسألج شنو تخصصج ؟ و المساند و بأي سنة أدري فضولية بس غ=بغيت أتعرف عليج و اشوفج بالكلية على يوم ان شاءالله

 

[Betty]

حبيبتي انتي انا ما جذبت قلت الصج عيونج تينن يا قمر
اووكي اقولج السالفه
السالفه يا محفوظه السلامه ان الاتحاد الوطني لطلبه جامعه الكويت بالاشتراك مع جمعيات نفع عام ثانيه حطوا بيان يبرؤوون فيه حركه حماس الفلسطينيه اللي سوت مجالس عزاء و تأبين للمقبور صدام حسين و يقولون انها مع الكويت
فالقائمه المستقلة حالها حال الشعب الكويتي ما رضوا شنو هذا ؟ تحسنون صوره ناس سووا مجالس عزا حق صدام و عياله بس لأنكم تتبعون نفس الحزب حزب الاخوان المسلمين ؟ يعني نسيتوا الغزو ؟ نسيتوا الدمار؟ نسيتوا شسووا صداموو و يا ربعه ؟
هذي السالفه باختصار
هاه عسى فهمتي يا عسل ؟

 

[Betty]

هلا و الله bobo lover لج وحشه يالغاليه وينج غاطه الله يهداج ماتبينين كلش حسي فينا حسحسينا شوي
انا اعلام سنه ثانيه توني صغيرونه لايغرج الشكل بس للحين مارسيت على مساند
ويح قلبي مواعد علني

 

[esTanosh]

مادري بصرااحه ماصاار معلووم :\ ادري بيننج بس يعني المستقله شايشيين على الناس الي وقفو مع صدام مادري فلسطيين مادري شسالفه شنو :\ مافهمت شي هههههههه

 

[Betty]

اي شايشين على الاتحاد بكبره لأنه قاعد يدافع عن الفلسطينيين اللي سووا مجالس عزاء و تأبين حق صداموو و عياله
الحين صار فيه معلوم شويه ؟

 

[Betty]

بنات طلعوا مكرميني الاداره عشان عن قسم الطالبات
وااي وناسه يعطيهم العافيه ماقصروا عساهم عالقوه يارب

 

[Betty]

حاطيني بلوحه الشرف وييه شخباري من زمان عنها يعطيهم العافيه ونسوني لأني ادري بالجامعه مالي امل اشوف اسمي على لوحه شرف
http://q8yat.net/announcement.php?f=75

 

[esTanosh]

اي اي اي حتى انا ضد الي سووه الكوييت باطيين جبدي بعض الشباب والبنات معلقين على سياييرهم جماغ مادري شسمه هذا كوفيه نسيت اسمه وحاطيين احنا معاج يا غزه انا امي نعصب اذا شفنا جذيييييييي امي تقول نسوو شسوو فينا الفلسطينيين بالغزو


المهم مبروك ع وسام العضوه المتمييزه حاطيين اسمج من ضمن الائحه <<<<<<متعوب على الائحه

 

[Betty]

اي وناسه حاطيني انا و توته
الا صج وينها ؟ بروح ادورها

 

[bobo lover]

هلا و الله bobo lover لج وحشه يالغاليه وينج غاطه الله يهداج ماتبينين كلش حسي فينا حسحسينا شوي
انا اعلام سنه ثانيه توني صغيرونه لايغرج الشكل بس للحين مارسيت على مساند
ويح قلبي مواعد علني

ههههههه ..:krkrkr:
والله موجودة بس ما أحب أدش هالقسم:krkrkr: يسبب لي كآبة قطييعة بالذات وقت التسجيل ..بس الحين مستعدة ما عندي مشكلة ..لأني سجلت و افتكيت من الهم:eh_s(1):
ان شاءالله نهاية هالكورس أحول آداب و أفتك ..بس بغيت أعرف في مقرر 142 انجلش صيفي ؟ ( الحين ماخذه مقرر 110 انجلش و يعادل 141 بالاداب ) خوفي لما احول اتأخر عن التسجيل للصييفي و ما ألقى هالمادة و هذي ضرورية بالنسبة لي صراحة
وبغيت أسأل بعد اذا الحين خلصت 142 و اخذت الكورس اللي بعده مقدمة في الادب و اللغة اقدم اوراق التخصص و لا بعد ما اخلص هالمادتين ؟ :eh_s(1): sorry

وبعد :krkrkr: المتفوقين شنو مكافأتهم؟

 

[Betty]

ليش كآبه شدعوه يا حافظ مو سجن اهوا بالعكس من احلى الاقسام بس لا تيبين فيه طاري الدراسه
اي ينزلون 142 بالصيفي و لازم تاخذين ماده مقدمه في الادب العالمي مترجما او ماده الادب و الفنون عشان تتشعبين وعادي تاخذينهم مع 142 يعني لازم تخلصينهم بعدين تاخذين تقدمين اوراقج و تخصصين و تاخذين مقدمه بالادب و مقدمه بعلم اللغه
لا تأسفين هاو من صجج ؟ حاسه فيج كنت مستجده و محد حس فيتي خنت حيلي انا
المتفوقين مكافأتهم ماديه و هي مبلغ و قدره 1200 بس حق المتفوقين الاوائل من كل تخصص
يعني ياخذون من كل تخصص 2 او 3 بالكثير بس
بس انتي قدها و قدود شدي حيلج و عسى الله يوفقج و يسهل عليج يارب

 

[Betty]

شدعوه بنات الحين مسويه دعايه حق موضوعي و لا تمرون ولا تجبرون خاطري بكلمه افا

 

[Artya 【ツ】●]

اي موضوع بتي ولا تزعلين؟

بس آنا دايخه شوي لوووووووول

 

[Betty]

اوه الحلوه هني و انا مادري الموضوع ماغيره اللي علقتي عليه اضفت فيه معلومات يديده

 

[Artya 【ツ】●]

لووووووول

خلاص ولا يهمج ،، إن شاء الله لمن اقعد من النوم وأركز بالحجي أرد عليه

الحين فيني النوم و مخي قافل

 

[Betty]

حياتي انتي رديتي ماقصرتي عساج عالقوه
روحي نامي يا قمرقاعده اشوفج تطقين رووس

 

[Betty]

ترا الحين قاعد يأذن صلي و نامي
قوموا صلوا << تزف بعد

 

[bobo lover]

مشكورة بيتي ما قصرتي

 

[Betty]

العفو حياتي و لو
موفقه يا قمر

 

[me my self and I]

بنااات شنو هذا

انا بس مسجله مادتيييييين

راح يسحبووون جدولي جذي

ماكو قسم ما رحتله

كله يقولون مصكر

عيل ليش سمووووووه باي فووورس

افففففففف بوقف قيدي شكلي

وي حرام انا الكورس اللي فات وقفو قيدي كنت نفسج روحي لهم اول يوم دوام قولي لهم ان بس عندج مادتين اكيد يضيفونج روحي عماده التسجيل

والله يوفقج انشالله