(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[احلى_حلاوه]

بنات منو احسن دكتور لجماليات الادب
غير مرسل العجمي وهيفاء السنعوسي لان الشعبه مصكره

 

[بصْمةُ ضِيَاءْ]

^^
وجيه اسماعيل - زكريا

جاوبي على سؤالي اذا تعرفين

 

[احلى_حلاوه]

والله مادري ما اعرف
انشالله البنات يفيدونج
انزين محمد العنزي زين ولا لا

 

[بصْمةُ ضِيَاءْ]

--------------------------------------------------------------------------------

د.محمد العنزي..

مدرس جيد في شرحه بس واجباته واجد ما تخلص وامتحاناته معقده بس يراعي في التصحيح.

....

الدكتور محمد مافي منه صراااحه
شرح ممتاز وحبوب ويعطي بونس وانا استغرب من اللي ينتقده ويقول واايد يعطي حفظ لازم تشدوون حيلكم شوي يعني تبون قرييد ابلاااش والله انا عن نفسي انصح فيه .. اخذوا عنده وماراح تندموون .. صدقووني حبيت البلااغه من الدكتووور ووايد يعطي امثله حلوه وامتحاناته ماتطلع براا امثلته كل شي من شرحه
الله يوفقك يادكتوور محمد

....

بصراحه انا اخذت عند الدكتور محمد الكورس الصيفي اللي طاف وعطانا سوره الانسان حفظ وقصايد وامثله والميدتيرم الاول قال بيدبله مع الميد تيرم الثاني وتالي خون فينا وقال مراح اقدر ادبله ... وانا جايب في الفاينل 40 من خمسين وخذيت عنده دي بلس وتالي عقب الصراخ عطاني سي .. ورفض اني اشوووف الميد تيرم الثاني عشاني احس جايب فيه درجه زينه وبصراحه دكتور غثيث ما يحب احد يكلمه عن الدرجات يقووول اكتبووها في ورقه وانا اشوفها عقب ما ارصد الدرجه ...

ما انصح فييييييييييه ......

انحشوووووووووووووو منه ...

......

الدكتور وايد زين و شرحه بعد وايد وايد زين.. يبدي بالشرح من اول شي يعني من اللي خذيناه بالابتدائي عشان نكون فاهمين=)
وايد اشياء بالنحو كنت مو فاهمتها و ما اعرفها و اهوا فهمنا اياها..
و المحاظرة ممتعة يعني فيها ضحك و وناسه..
يعطي نشاط خارجي عليه بونص.. و عطانا كويز و ميد تيرمين =)
الميد تيرم الاول كان وايد سهل.. بس الثاني ما توقعته جذي كان حدده صعب =$
و ليلحين انا ما ادري جم خذيت فيه بس صج كنت مبدعة =)
اسألة الامتحان بالميدتيرم الاول كان كله موضوعي,, بس الميدتيرم الثاني كان اغلبيته موضوعي و فيه جم سؤال اعراب..
و الفاينل كان سهل و حلوو=)
ولا تغيبون عنده لان كل غياب بدرجتين و ما يقبل الطبية.. و انا طبعا بدعت بالغياب على كييفي =)
بس اهوا عطانا بونص 9 درجات هذا اللي انا اعرفه و يمكن زايدنا اكثر بعد
المهم ان الدكتور وايد زين و شرحه حلوو و ترى يحببكم بالنحو =)
و حديي انصح فيييه

.....

الدكتور : في احسن منه وايد
شرحه : صعب و في قصائد وايد حفظ
طباعه : للامانه يضحك و غشمرجي

** لا انصح فيه **

خذيت عنده -c
......

أسلوبه رائع ... الله يوفقه بس امتحاناته صعبة و مذكراته كبيرة

الدكتور يتعامل معنا كأننا طلبة دراسات عليا و ليس طلبة جامعة يعنى يا دكتوري الفاضل ( ارحموا من بالأرض )

.........

 

[احلى_حلاوه]

مشكوره حبيبتي
يعني اشرايج اخذ عنده ولا لا

 

[بصْمةُ ضِيَاءْ]

حسب كلام الكل انه يفهم عددل لكن انه شوي مذكرته كبيره ويحرص عالغياب وانا اقوول كل الدكاتره جذي اهم شيء انه يفهم اخذييه وان شاءالله تتوفقين بالماده

 

[احلى_حلاوه]

انشالله
شنسوي بعد باخذ عنده
انتي سلجتي ولا لا

 

[بصْمةُ ضِيَاءْ]

ولا ماده مبطله او ان غير مستوفي الشرووط والله اذا ما فتح خييره انا ابيها من الله مابي صيفي بساافر احسن

 

[صب القفشه]

بناااات شلوون الاستاذه زاهيه العوضي 142 بلييييز ردو علي

 

[احلى_حلاوه]

لوووول
انشالله تلقين
علشان تقعدين معانا بالحر مو بس احنا نقعد بروحنا

 

[بصْمةُ ضِيَاءْ]

هههههههههههههه
ما اتووقع لان الموااد فووول مستتحييل تفتح

صب القفشه زاهيه العوضي سألت البناات محد يعرفها يا انها منتدب او يديده والله اعلم

بس ترى داااااااايم اليدد يعطوون بونص ويسهلون الماده بحكم انهم توهم فما يبون ينحشون الطبه من الاول

 

[صب القفشه]

مشكؤؤؤره عضون الصمت

 

[بصْمةُ ضِيَاءْ]

العفوو, والله يوفقج ان شاءالله

 

[صب القفشه]

اجمعيين ان شاء اللهـ

 

[أم منيـرة]

بنــااات

سجلت عند عبدالله المهنا جمـآليات شلووونه من دكتوور ؟؟

 

[تحدي الحياة]

بنات شلووونكم ؟
شلون الدكتورة بشاير الصانع ,, مدخل إلى علم الإعلام؟؟ الدكترة يديدة

 

[تحدي الحياة]

عبدالله المهنا ,, أذكر ما يمدحونه ,, في وايد دكاتره أحسن منه

 

[أم منيـرة]

والله شكلي بسحبها ، لان كل شي مصكر شسوي :/

،

واصلا بعد حزتها مو شي الساعه 8 !!

هاا بنات شرايكم؟

 

[أم منيـرة]

دورت لج عن بشاير الصانع بقيم مدرسك ، مالقيت شي شكلها جديده ..!

 

[تحدي الحياة]

اي هي متعينه هالسنة ,, و كلما أسأل ما حد يعرفها ..
و مشكورة أم منيرة ما قصرتي