تجمع بنات كلية البنات الجامعيةcfw

[Never Be Lost With Doda]

امممممممممممم يلا بعد شورتج وهدايه الله ..

وسنوافيكم باخر المستجدات من موقع الحدث ....

ودعواتكم القا الي ابيييه

 

[Me SaRa]

بالتوفيق ان شاء الله


سي يووووووووو

 

[Me SaRa]

ها دودا عملتي ايه ؟ @@

 

[Never Be Lost With Doda]

ساره والله خانقتني العبره للحين مو مستوعبه مواقفهم السخيفه ..

الله يسلمج اول ما قلت لج بروح طلعت ..

واول ما رحت الله يسلمج مسكر الارشاد الاخوات ما شرفووو ...

هالحجي 8 او 8 الا ربع قعدنا بالكراسي الي برااا ونطرنااا ...

لما يووو وتخيلي البنات الي ياين بعدنا دشوو قبلنا امبيه صج قله ذوووق .. وكل وحده تسحب لج الف رقم لرفيجاتها وبنات يرانهاا .... الخ ..

ويلا بلعتها وسكت .. انطر انطر الساعه صارت 11 وما دخلت 11 وربع فرجت ودخلت وحاطه اماال بالمواد الي ابيهاا ..

والصدمه ماكوووووووووووو مواااااااااااد وكل شي مسكر وكل ما اقولها ماده تقول لي ماكو ...

وانا جدولي ما فيه الا مادتين وسجلتني مادتين من كيفهااااا امبيييييييييييييييه شكوووووووووووو

علوم بيئيه وعلم لغه شبي فيهم وانا مسكره حقلهم ؟؟؟؟

والماده الي مالت التخصص وميته عليها اساليب حوسبه قلت لها ابيهاا وحنيت قالت ماكو ما نقدر هذي فيها لاب ..
فا رحت البيت لانه فقدت الامل





والصدمه






رفيجتي دقت علي وقالت لي سجلو لهاا اهيا وجم بنت ...

بذمتج مو شي يقهر وين قاعدين انا يايه قبل وسالتكم قلتو ماكو ولما يو هالبنات عطيتوهم شالحكمه لي هاللحظه مو مستوعبه ...

بروح لهم الاثنين مالي شغل بقعد لهم قعده من قلب ...

صارت احداث وايد بس صج منفعله سوري حبيبتي تنحت صج ..

 

[Me SaRa]

امبييييه ليش جذي انا انقهرت اكثر منج

والله لو مكانج ارد لهم واسويلهم سالفة مايصير على ناس وناس

ترى دايما هذي حركاتهم .. تلاقين موظفة ماترضى والموطفة بالغرفة الثانية عادي تدخلهم

وضروري تروحين الاثنين تتصرفين لان حرام اذا خذيتي هالمادتين وانتي مسكره حقلهم معناته يروح عليج الاختيار الحر

وحرام الاختيار الحر في مواد اسهل تضمنين فيهم a

ماعليه انتي شوفي كل شوي دشي السستم يمكن تحصلين شي واذا ماكو شي روووووحي الاثنين مالج شغل فيهم وقولي اشكره

الخميس الساعة 11 مادخلتوني بالشعبة .. ولما رحت البيت دقت علي وحده وقالت دخلوا بنات بالشعبة ليش جذي على ناس وناس

الله يستر عيل انا شنو بيسوون فيني الاحد :-(

دشيتي عند اي موظفة شسمها ؟ واذا ماتعرفين اسمها اوصفيلي شكلها

 

[Never Be Lost With Doda]

اي والله شي يقهر يا ساره حدي مو مستوعبه اول مره يصير لي جذي ..

بس باذن الله الاثنين عندهم بنشف ريجهم عدل ..

والموضفه اهيا قصيره سمره مكتبهاا الي على اليمين اول واحد جنه قالو حصه انتي روحي حق الي جبالهاا احسن

وانتي تبين اي ماده صج عشان اشوف مبطله او لا لوووول خو حفظتهم .

ادعي لي القا الي ابييييييييييييييه حدي تضايقت والله ..

وان شااء الله لا رحتي تلقين لج شي ..

ونصيحه روحي من السبع وقعدي بالكراسي الي برااا يم الباب اول شي او خلج واقفه يم الباب لانه يبطلونه فجاه والبنات يدشوون ويسحبون لج عشرين الف رقم وانتي تطالعينهم وتبتسمين :d

 

[Me SaRa]

اي مشكوره حبيبتي عاد كنت احاتي متى اروح الساعة جم

وان شاء الله تلاقين يوم الاثنين المادة اللي تبينها .. اي هذي حصة اللي دشيتي عندها ..

عاد تدرين انا دايما يقولون لي روحي حق حصة وصج مره رحت لها لما تحنين عليها شوي تضيفج .. بس مو تيأسين من اول شي فهميها واخذيها باسلوب حلو حتى لو اهيه منفسة

عاد تدرين انا مادري آخذ اي مادة .. بس توه رفيجتي قاعده تسولف معاي تقول في مادة منظور اجتماعي في القضايا البيئية اهيه اللي تناسب جدولي

وعشان ابي اصكر مواد الكلية بفضى حق التخصص ودي آخذها .. عشان يبقالي بس مادة من الآرت ومادة اختيارية

فمادري شفتي في مكان بهالمادة ولا لأ ؟

 

[Never Be Lost With Doda]

الله يسمع منج ان شااء الله ...

اي حصه حليوه ما قلت شي بس ما تبرد القلب كل ما اقولها شي ماكو يننتني ..

والماده هذي اليوم رفيجتي ساحبتها

اي في بتلقين ان شاء الله ...

ساره انتي مره قلتي لي عن الاخلاقيات انه اذا كان الدكتور الي يدرس مال بيئه يصير اسجل فيها مووو !!!!!!

اليوم قلت لهم هالحجي ما رضو يسجلوني شسالفتهم ؟؟

 

[Me SaRa]

معقولة ؟

اخاف غيروا الشروط بعد

والله هذا اللي اعرفه دودا ان التغذية والتواصل شعبة الاخلاقيات لهم وحدة .. وباجي التخصصات شعبة الاخلاقيات لهم شعبة وحدة

بس يمكن ناوين يحطون حق كل تخصص شعبة اخلاقيات مايندرى .. كل يوم طالعين بشغلة

 

[Never Be Lost With Doda]

اي والله الحمدلله والشكر اقولج تدخلين عليهم بمود تطلعين بمود ثااااااااااااااااني ...
والله افكر اوقف قيدي هالكورس عشان هالجدول الي ما راح يفيدني ..
بس خيره شنسوي بعد ..

 

[Me SaRa]

لا ديري بالج لا توقفين عادي كلنا يصير لنا جذي مو دايما ناخذ المواد اللي نبيها

كلينتا كافي 5 سنين يالله يالله نتخرج من الكراف .. اذا وقفتي قيدج متى تتخرجين

عادي عادي تيك ات ايزي خليج قوية

وان شاء الله خير الاثنين ويصير اللي تبينه واذا ماصار لا تتحبطين عادي ترى علم اللغة سهل خذيته انا .. وهم علوم بيئية يقولون وايد سهل البنات انا ماخذيته

 

[Never Be Lost With Doda]

ان شااء الله i will

ادري انهم سهلين بس ما يفيدوني وان شااء الله خير خلاص ماني مفكره فيهم كييييييييييفهم .

 

[Boochy]

ويييي الله يعينج دودا

روحيلهم ولا تطلعين الا انتي مسجله اللي تبينه..


سااره..ترا منظور اجتماعي يقووولون سهله...
انا ما سجلتها... بس بسجلها الكورس الثاني ان شاء الله

 

[Me SaRa]

صج ؟

الله يبشرج بالخير

 

[ms.cfw]

دودا
شكوووووو يسجلوونج مواد انتي مخلصه الحقل مالهم !! ايييييي شي!!
انتي قلتيلها انج مخلصه الحقل!!!

روحي حق رئيسه الارشااد خل تشخلهم لج شووووووووي !! وين قاعدييين

وغصبن عليهم يضيفونج ماده التخصص

يوم الاحد روحي قولي حق نورية الكندري انا مخلصه هالحقل وضايفيني المواد منه!!!
وابي ماده تخصص يعني متى تتخرجييييييين !

برووحه كل مااده قبلها مليون ماده مسبقة !!


موووووووووووفقة يارب

 

[Me SaRa]

باجر راح اروح الباي فورس

مايندرى ارد متضايقه واشكي ولا ارد مستانسه

 

[Never Be Lost With Doda]

Boochy & ms.cfw
مشكورين ازرتوني والله وان شااء الله بروح الاثنين اشوف موضوعهم ..

وساره ان شاااااااااااااااا الله تلقين الي تبينه وتردين منهم مستانسه :d

 

[Me SaRa]

الموقع مو راضي يتبطل عشان اسحب المادة الاختيارية بكيفان

اذا ماسحبتها الحين ماراح اقدر اروح الباي فورس لاني 12 وحدة :-(

 

[Never Be Lost With Doda]

لا عادي انا رفيجتي مثلج راحت اهما سحبوها لهاا وضافو لها مادتين سوووووووو تيك ات ايزي :d

 

[Me SaRa]

بعد عمرررررررررررري انقذتيني كنت قاعده احاتي


بس هم ودي اسحبها عشان مايسوولي سوالف