رد : تجمع تخصص الانجليزي (تربيه + اداب) ّّ
للمستمرات بالتخصص واللي تخصصو انجلش ,
حابه اسئلكم /
شلون كان مستواكم باللغه الانجليزيه بعد التخرج من الثانوي ؟
هل بيرفكت ؟ ولا جيد جداً ؟
الدكاتره الزينين اللي خذيتي عندهم ؟
شنو احسن ماده وتحسينها مفهومه ؟
اصعب ماده ؟
احتجتي لتمهيدي ؟ ولا كنتي مجتازه القدرات ؟
دشيتي دورات تعليم اللغه مثل المجلس البريطاني و اكسبريشن ولا ما احتجتي ؟
وانطباعكم عن مستواكم بالتخصص بشكل عام .
مستواي كان مو بيرفكت بس فوق الجيد جدا
يعني درجاتي ماتنزل عن ال90 ابداا
ومع ذلك عانيت الامرين لين قدرت اتأقلم مع التخصص
يعني مو على مستواك في الثانوي
على حبك للماده واتقانك لها
اجتزت القدرات بس بعد جهد جهيد
يعني ماجبت السكور اللي يبونه الا عقب مادخلت الجامعة
يعني اول امتحاناتي للقدرات كانت 59
بس اخر واحد الحمدلله جبت فيه فوق ال70
احسن الدكاترة
عدنان جرجس
سندس العجيل
محمد فرغل
وفي غيرهم بس ناسيتهم
احلى المواد اللي مرت علي
سينتاكس ومورفولجي عند جرجس
كتابة بحث في اللغويات عند الزعبلاوي بس طلع من الجامعة
رايتنغ اسي
رايتنغ
انترودكشن تو لينغويستكس عند كميل شهرستان
ترجمة 3 عند الجنفاوي بس راحت عليه الجنفاوي صاااير اقشر الله يهديه
سوسيولينغويستيكس << تهبل هالماادة خذيتها عند بلقيس النجار بس ترا هالدكتورة ماش مو ذاك الزود بس الماده عجيبة
دورات ما دخلت في حياتي كلها
وكل اللي جربوها ماينصحون فيها ويقولون ماتفيد
مايفيد شي كثر الممارسة يعني لاتستحين حاولي حتى لو تغلطين
صدقيني اذا ماغلطتي وعرفتي غلطك بعدين عمرك ماراح تتعلمين خصوصا اللغة
وانصحك اسمعي قد ماتقدرين للغة
وانصح تسمعين برتش اكثر من الامريكان
لان البرتش هي اللغة المعتمدة والمستخدمة في التعليم الجامعي واللي مخرب علينا هالامريكان
يعني اسمعي لل بي بي سي <<< من جدك؟!
مو شرط تفهمين بس ع الاقل اذنك تتعود على اللغة والنطق السليم
واي سؤال حااضرة
وادعي لي انجح
مسجلة مواد صعبة وخايفة منها
