للأسف ماعندي خبرة بدكاترة الانجليزي عشان افيد اللي محتاج يعرف, بس اللي جربت عندهم:
ايمان القلاف (مقدمه في الادب) : حقانية, تحب اللي يقرا وايد واول باول معاها, تهتم للمناقشة والمشاركة وقت المحاضرة, تحب تسمع اراء الطلاب بالقصص والمسرحيات والقصائد, تصليحها لل critical responses دقيق شوي فلازم تسمعون كل تعليماتها وتسئلونها اذا ما عرفتو شي, وايد طيبة وتصير كانها رفيجة الطالبات اكثر من دكتورتهم, تحب الاجتهاد وتقدر اللي يهتم للمادة وياها, راح تلقونها تتاخر كل مرة 10 دقايق فلا تطلعون من لكلاس (صارت وايد), وامتحاناتها سهله مافيها تعقيد ابد, عطتنا بريزنتيشن واحد بالكورس, ولو يحصلي اخذ مادة ثانية عندها اخذ لانها بصراحة دكتورة محترمة!
موسى قاسم: بدون لا اجرب باجي دكاترة القسم اقدر اقول ان هذا افضل دكتور! يتعب ويجتهد ويسوي كل شي بس عشان يسهل عالطلبة ويساعدهم وبالاخير للاسف ينكرون هالشي والسبب اهمالهم اهم! استغرب لما اقرى البنات شكاتبين عنه, بصراحة ناس تكتب بدون ضمير, الدكتور موسى يشرح بطريقة يخلي كل شي سهل, واذا اندمجتي معاه وشافج مجتهده مايقصر وياج, واهو مايقصر بحد احد, اللي تقول ان اهو ظالم ولا عنصري ولا معرفش ايش قالوعنه.. انا متاكده 100% انها وحده من اللي نايمين على نفسهم بالمحاضرة ويغيبون واخر شي يقطون الذنب عالدكتور! seriously people grow up and stop blaming others for your mistakes, امتحاناته مااااااي وكلها من السلايدات اللي يشرحهم بالمحاضرة, يرفع ويعطي بونسات واااايد, يعامل الطلبة بكل احترام ويسمع لهم ويناقشهم ويجاوب على كل اسئلتهم.
نصيحة: لا تاخذون براي البنات في الدكاتره, كل شخص يختلف طريقة واسلوبه عن الاخر, فعلى سبيل المثال وحده تبي دكتور مايدري شالدنيا وبس يعطي درجات ومايشرح, ووحده تبي تفهم وتبي شرح عدل وصج تستحق درجاتها, الناس تختلف وايد, وعلى فكره اغلب اللي يدشون عالنت ويقيمون الدكاتره يكونون من فئة اللي معصبين على دكتور فيطلعون حرتهم بالنت, وتلقون اهما الغلطانين بس للاسف اغلب البنات الحين كله بالشين الدكاتره بكل شي واهي ما شا الله طول الكورس مو مداومة ولا تدري وين الله قاطها, الله يهدي الجميع ان شا الله!
بالنهاية انا مو بمكان اني اقيم احد, بس هذا من وجهه نظري فقط وليس تقييم!! والدكاتره اللي ذكرتهم الكلمات هذي مقصره واااايد بحقهم بس حاولت اني اشرح بايجاز عن طريقتهم فقط.
