تجمع : ( تغذية , حركة - ماكو سمنة ) = تحمس

[عليـاء]

رد : تجمع : ( تغذية , حركة - ماكو سمنة ) = تحمس

شدوا حيلكم
باقي حق العيد 12 يوم
اليوم خذت بدلة العيد , حلوة بس لو اضعف 5 كيلو بس قبل العيد بتصير روعة علي ههههههههههه
الله يقدر الجميع يارب

 

[حنونه بطبعها]

رد: رد : رد: رد : تجمع : ( تغذية , حركة - ماكو سمنة ) = تحمس

فديت قلبج وفديت كلامج ياقلبي
أول حاجة أن اخصائية بس لطلاب سبيشل نيد يعني احتياجات خاصة , تخيلي عاد الشغل مع هالفئة رغم حلاوته الا انه
متعب تعب شديد , ركضة - كتابة تقارير , تحليل حالات .......... الخ
عمري 28 حبيبتي , غير متزوجة هههههههههههه , عندي التهاب في القولون وهو مختلف بتاتا عن القولون العصبي يعني الله
يعزج افقد دم وقاعده اعوضه بالأدوية اللي اخذها ادوية قولون , تحاميل , حديد !
احيان اذا اكلت وجبة دسمة على طول قولوني مايستحمل ارجع وحالتي بين امساك واسهال
الحمدلله على كل حال والله يشفي الجميع , المشكلة الدكاترة يقولون مرض مزمن احيان يروح من نفسه بس لازم استمر على الأدوية
لأن مجرد اتركها تزيد الالتهابات وتعرفين الالتهابات لاسمح الله تسبب امور ثانية , الحمدلله
- الغياب مش وارد هالفترة لأني غبت من فترة عشان العمرة وانا صراحة مااقدر اترك شغلي ولو اغيب يوم الف اتصال شوفي ايش صار
ومدري ايش !
بس ان شاء الله باذن الله باسوي بنصايحج في الويكند , واسترخي اشوي
- اللي متعبني مب بس الدوام عندي ظروف ولله الحمد مآثرة على حياتي .
- عندي يقين وايمان ان الله سبحانه وتعالى بيهدي سري وبيريح بالي والجميع
- اعجبني فكرة التطريز روووعة بس مالي بالشغل اليدوي ,
- باحاول ارجع للمشي لأن كان له تأثير ايجابي في حياتي السنة اللي فاتت

الله يسهل امورج وينولج مرادج ياحنونة استانست لى كلامج حدي ياغلاي :eh_s(7):

السلام عليكم

الله ياجرج وظيفتج اجر بالدنيا واجر بالاخره اللهم يعينج ويقويج ويعطيك سعة الصدر اكثر واكثر

اللهم امين

للعلم عليا اختي الله يرحمها كانت اخصايية علاج طبيعي وكانت تتعامل مع ذوي الاحتياجات الخاصة المتعلقة

باعاقة حركيه وكانت مثلج تتعب بالشغل بس كانت مستمتعه لانها تدري ان هذا باب من بيبان الجنه (الله يسكنها الجنه اللهم امين)

وصديقتي عندها ماجستير صعوبات تعلم وحاولت اتطوع (رحت يوم واحد) لدور الرعاية من دخلت لحد ما طلعت وانا

ابجي قلبي وايد ضعيف من هالناحية عشان جذي الحين وايد اشجع عيالي يطوعون لهل الفئات هم اجر من رب العالمين

ان شاء الله وهم يقوى قلبهم فاااااااااللله ياجر كل من يشتغل بهالمجال.

 

[حنونه بطبعها]

بالعافيه بدلة العيد

يومياتي

لاني قعدت من النوم يوعانه اكلت بيضه وجبن ابيض وخيار وطمام وزعتر مع توستتين +حليب بزنجبيل

ما اخذت سناك

غداي دياي مشوي مع حمص وسلطه

سناك المغرب موزه صغيره

تعشيت حلويات (قطعة وربات قطعة زنود الست وقطعة عصملية ):lkmnkl:

 

[o$oOo$]

رد : تجمع : ( تغذية , حركة - ماكو سمنة ) = تحمس

قوه بناااااااااااااااااااااااااات شخبااااااااااااااااااااااااااااركم
بنااااااااااااااااااااااات انا لي اسبوع ادو ر تجمعنا وماشوفا ابد واليوم عرفته من اسم عليا
عليا شونج ياقلبي انا والله حزنت لما مالقيت تجمعنا والحمدالله لقيته
بنااااااااااااااااااات انا بكمل معاكم ....................................................

 

[حنونه بطبعها]

السلام عليكم

هلا سوسو حياج الله

اليوم الميزان


وزني 77 بالضبط

يالا نبي الارقام

جمعه مباركه

 

[حنونه بطبعها]

باجر بنكمل الشهر علي بداية التجمع

 

[عليـاء]

رد : تجمع : ( تغذية , حركة - ماكو سمنة ) = تحمس

هلا بنات شلونكم

حنونة فديتج اي والله الشغل ممتع وايد بس مثل ماقلتي تعب وعوار قلب
بس الحمدلله اهم شي الانسان يحكم الانسان ضميره ويشتغل بجد

انا مادخلت امس مع جمعة الاهل وطلعت وجذي فما كان في وقت جيت بالليل على طول نمت

سوسو
حياج الله ان شاء الله تكملين معانا وتضعفين بصحة وعافية

وزنت اليوم
وزني ثابت ههههههههههه

وزنتوا ولا ؟

 

[عليـاء]

رد : تجمع : ( تغذية , حركة - ماكو سمنة ) = تحمس

ريوقي
سويت لي مطارة فيها نعناع وقاعدة اشرب ههههه

 

[عليـاء]

رد : رد: تجمع : ( تغذية , حركة - ماكو سمنة ) = تحمس

باجر بنكمل الشهر علي بداية التجمع

اي والله بنكمل شهر
انا زعلانة من نفسي ماحققت ولا نتيجة وزني مثل ماهو

 

[عليـاء]

رد : تجمع : ( تغذية , حركة - ماكو سمنة ) = تحمس

من بكرة باسوي ريجيم يوسف خضر
هذا هو
http://www.q8yat.net/showthread.php?t=10626

 

[عليـاء]

رد : تجمع : ( تغذية , حركة - ماكو سمنة ) = تحمس

الريوق :
- شاي البابونج
- 5 حبات جزر صغيرة
- موزة

 

[عليـاء]

رد : تجمع : ( تغذية , حركة - ماكو سمنة ) = تحمس

باين مافي أحد بالتجمع

وزنت اليوم وزني 79
وباشوف يوم الجمعة كم وزني م ريجيم يوسف خضر

 

[حنونه بطبعها]

السلام عليكم

لا فيه انا وانت ولا حد تلاتنا هههه

بالنسبه لرجييم الخضر ان شاء الله ترتاحين عليه (العشا فيه وايد خفيف )


وزنج 79 الظاهر يبيلج رياضه عليا عشان يتحرك الميزان ( وسالفة الامساك ترى توقف الوزن)

عيالي بدت امتحاناتهم القصيره ومستوى التوتر ارتفع بالبيت ونتيجته اني اكل وايد ومن امس للحد ساعة كتابة اليوميات وانا هم هم هم

 

[حنونه بطبعها]

والاسبوع الياي اجازة العيد وراح تصير البلعة من قلب وخصوصا الجنك فود

وراه مباشره الامتحانات الفصليه يعني هم راح اكل

وكل تعب الشهر اللي طاف بيروح ........ما ادري شنو اسوي عشان اتفادي المرحلة الخطره اللي يايه

في مقترحات عليا

 

[حنونه بطبعها]

امس شفت وحده من اهلنا تسوي تخفيف بس بالتزام ماكو تزرق مني مناك وصج فرقت علي انا شفتها بالعيد وشفتها امس

الربع طار ما شاء الله ولا حول ولا قوه الا بالله

ما شاء الله تقول كل اسبوع اقط كيلو نظامها

الريوق حليب وتوسته بلحسة وشددت لحسه قليله بس عشان تغيير طعم التوسته (اي شي عسل مربى جبن )

الغدا من البيت (تقول احب العيش ةاخذ بمقدار تقريبا وصفتها بايدها صحن استكانه مليانه على الاخر)

العشا روب وسلطه ولا روب وفاكهه

قطعت الوجبات والبيبسي والكاوكاو ما عدا بالاستقبالات وحده بس وشاريه قاري بالبيت تلعب عليه وتصعد وتنزل الدري وايد

يعني لا نظام المطوع ولا الخضر ولا غيرهم

 

[zo'3a girl]

رد : تجمع : ( تغذية , حركة - ماكو سمنة ) = تحمس

موفقين يارب وعساكم تضعفون بصحه وعافيه يارب

 

[حنونه بطبعها]

شوفي هالرابط لمشاريع العشر من ذي الحجه منزلته وحده بقسم الاسلاميات

http://www.q8yat.net/showthread.php?t=734386

 

[عليـاء]

رد : رد: تجمع : ( تغذية , حركة - ماكو سمنة ) = تحمس

السلام عليكم

لا فيه انا وانت ولا حد تلاتنا هههه

بالنسبه لرجييم الخضر ان شاء الله ترتاحين عليه (العشا فيه وايد خفيف )


وزنج 79 الظاهر يبيلج رياضه عليا عشان يتحرك الميزان ( وسالفة الامساك ترى توقف الوزن)

عيالي بدت امتحاناتهم القصيره ومستوى التوتر ارتفع بالبيت ونتيجته اني اكل وايد ومن امس للحد ساعة كتابة اليوميات وانا هم هم هم

هههههههههههههههههه فديت قلبج والله استانس لما اشوفج لاتتركيني بنفسي هههههههههههههه
اي يبيلي مشي وامس مشيت عشرين دقيقة واليوم انا تقريبا 4 ساعات مشي بالمجمع ريولي تصرخ الحين هههههههههه
الله يعينج والله على الامتحانات احنا بكرة بيخلصون اختبارات الحمدلله انا مستوى القلق والتوتر زايد عندي لان اختي بتروح الحج
وعيالها عندي غير المسؤولية والعيد وكل شي بيكون على راسي لأني بالبيت العود الله يعين الجمي يارب
حاولي تلهين نفسج عشان ماتاكلين ياقلبي

 

[n_1]

باااك بناات شلوونكم :bbbiu:

انا لحد يسئلني عن الرجيم وعن الوزن :eh_s(11):

مادري شفيني كل يوم لاجا الليل اخربها واقول ابدا من باجر :ssssso:

المهم انا من اليوم ببدا صج مراح اخربها :n2006107:

طبعا برجع لرجيم اتكنز مانفع معاي الا هو لاني لما اجوع ان اكلت اي شي اشبع ومافكر بالاكل :yaaaaaarb:

المهم انا اليوم أعدت ترتيب اوراقي >>> خوش اسلوووب ههههههههه :balo:

وبرجع اقوا من اول وبرجع لنفس نظامي القديم اللي نقصت عليه

قبل شوي صحيت وشربت كوب قهوه :nbptr:

وان جعت باكل بيض مسلوق او مقلي بدون زيت

خل بس يعدون يومين على خير وبعدها كل شي مقدور عليه :ch12:

 

[عليـاء]

رد : رد: تجمع : ( تغذية , حركة - ماكو سمنة ) = تحمس

والاسبوع الياي اجازة العيد وراح تصير البلعة من قلب وخصوصا الجنك فود

وراه مباشره الامتحانات الفصليه يعني هم راح اكل

وكل تعب الشهر اللي طاف بيروح ........ما ادري شنو اسوي عشان اتفادي المرحلة الخطره اللي يايه

في مقترحات عليا

تصدقين نفس المعاناة اللي باكون فيها
المشكلة ان الله يضايقني اني افكر انزين بيجي العيد وباكل بعد
مدري شلون اشيل هالأفكار من بالي
لما اشوف اللي حولي واجسامهم اقول ليش ماعندي إرادة وإرادتي راحت