بسم الله
اهلييين وسهلييين بنات
شخباركم وكيف الأحوال ؟؟
البنات إلي مسوين عمليات تجميل بالأنف
بشروني عن أخباركم؟؟؟
كم مضى على العمليه من سويتوها
وين سويتوها وعند مين؟
وكيف النتيجه ؟
☆☆☆☆
بحمد الله مضت 10 شهور من سويت العمليه .. سويتها بمشهد إيران .. عند دكتور أفشار
الآن لاحظت تحسن كبير بالتنفس ..
بحمد الله صار أفضل من قبل
والآن لمن ألبس النفاب الوضع رجع طبيعي مافي ألم كلش.. قبل كنت احس بعصه شوي ... واحس بوجع لمن ألبس النقاب لعدة ساعات متواصله..
وقبل اي لمسه خفيفه على أنفي احس فيها
الآن بدأ الوضع يرجع طبيعي
وحتى بالنوم ... أي وضعيه انام فيها الآن ... اقعد ومافي أي ألم بالأنف ... قبل كنت احس بألم خفيف شوي لمن أنام على جنب
وقبل كنت لمن انام واصحى .. خشمي يكون متورم ..
الآن الحمد لله اقعد والأنف ألاحظ شكله طبيعي ..
لكن بالنسبع لملمسه .. مرات يكون قاسي ومرا لين .. فهنا أحس لسه مابعد تروح الأورام بالكامل
هاذي المقارنات إلي لاحظتها بخشمي
بعد مامضى كم شهر
وبالنسبه للجرح إلي تحت الأرنبه
تقريبا ألتأم .. بس بقى أثر خفيف لمن اقرب من المرايه أشووفه
عانيت من الحب والرؤوس السوداء .. عقده ..
استخدمت لزقات احسهم نفعوا
لكن رجعوا الرؤوس .. فقلت اطنشهم
لكن مو واضحيم كثير
والله يوفق كل بنت تحلم تسوي العمليه.. بالنجاح
الحمد لله رب العالمين على توفيقه
ما شاء الله تبارك الله .. لاحول ولاقوة إلا بالله العلي العظيم .. اللهم صل على محمد وآل محمد
