تجمع حوامل الرحم ذو القرنين تعالي نتبادل خبرات

[CheeSeCaKe]

السلام عليكم ورحمة الله وبركاته

قوه حواملنا شلونكم ؟ ان شاء الله اموركم كلها بخير !؟

حبيت اسوي هالتجمع وبعد البحث ما لقيت في تجمع حق حوامل هذا النوع من الأرحام وهو " الرحم ذو القرنين او ذو الفلقتين " وشلون كل وحدة واجهة حملها وشنو النصائح اللي ممكن تمدنها فيها ...؟؟

طبعا انتو عارفين أن هذا النوع من الرحم لا يمنع الحمل ولكن يكون عرضة للإجهاض أو الولادة المبكرة وربما أيضا تكمل حملها بدون مشاكل .. يا ليت كل وحدة تتكلم عن مراحل حملها وشلون تعاملت معاه او قاعدة تتعامل حاليا ..

ومتى عرفت بحالتها بعد الولادة او قبل ..؟؟
وهل كملت شهورها ال 9 ؟؟
وهل احتاجت ربط لعنق الرحم أو مثبتات ؟؟

اتمنى يكون هذا مرجعنا طول فترة حملنا نتحاور ونتسامر ونتبادل النصائح والخبرات


حياكم الله ،،

 

[CheeSeCaKe]

آنا أول وحدة ببلش

آنا حامل حاليا بالأسبوع 11 وحملي هذا صار بعد سنتين زواج بسبب أن زوجي كان يعاني من دوالي الخصية والحمد الله تعالج..وصار الحمل طبيعي

وعرفت أن عندي هذا النوع من الرحم واللي اهو الرحم ذو القرنين لأني سويت فحوصات علشان نعرف سبب تأخير الحمل ..

وحملي حاليا بالجزء الأيمن .. وكل شي تمام لحد الحين .. في اول حملي لمدة 14 يوم عطتني تحاميل بروجسترون على الرغم من أن مستواه زين عندي ووصفتلي حبوب دوفستون ..قالتلي زيادة حرص ..

كل اسبوعين قاعده اراجعها لأن حالتي تحتاج متابعة .. عنق الرحم مغلق والحمد الله .. لكن قالتلي راح اسويلج عملية ربط عنق الرحم بنهاية االسبوع 12 وهذا راح يكون يوم السبت 9 أبريل 2011

طبعا ما مانعت لأن هذا اول حمل لي وياني بعد سنتين .. فراح أكون حريصة اتبع أي وسيلة تحافظ على جنيني ..

حاليا في شد بالرحم وبدت آلام بأسفل الظهر .. شد رهيب بالساق أثناء النوم .. وشد عضلي مستمر بأعلى فخذي اليمين قاعده احاول اسويله مساج علشان يرتخي..

واتمنى يكون هالأحساس طبيعي لحد الحين



​

 

[Q.8.h.2]

ماعندي علم

بس الله يتمم عليكم وسهل عليكم الحمل يارب

 

[CheeSeCaKe]

Q.8.h.2

شكرا على المرور والتعليق
والله يتمم عليج حملج مشكوره ما قصرتي


كويتيات معقولة مافي حوامل للرحم ذو القرنين لحد الحين !!
حتى لو كانت حاليا مو حامل وولدت على الأقل تقول لنا عن تجربتها

​

 

[tho tho]

اول مره اسمع بهالشي ،،، و منكم نستفيد
الله يتمم عليكم يارب و يفرح قلوبكم بشوفة البيبي

 

[CheeSeCaKe]

tho tho

أهلين

وآنا بعد ما سمعت فيه الا يوم دريت عن حالتي اهو بالمختصر أن الرحم العادي له تجويف واحد آنا عندي تجويفين والحمل يكون بواحد منهم او حتى يكون كل تجويف في بيبي يعني توائم ..

علشان جذي احتمال التجويف الواحد ما يسع البيبي أثناء نموه ويؤدي إلى توسع عنق الرحم مع الوقت ويؤدي إلى ولادات مبكرة ولكن ليس بالضرورة ..المتعارف أن هذا النوع أكثر عرضه ..

والحمد الله على كل حال إذا ربج أراد له يتمم شهوره ال 9 راح يكمل ..

مشكوره على المرور والدعوة الحلوه آمين أجمعين ​

 

[tho tho]

tho tho

أهلين

وآنا بعد ما سمعت فيه الا يوم دريت عن حالتي اهو بالمختصر أن الرحم العادي له تجويف واحد آنا عندي تجويفين والحمل يكون بواحد منهم او حتى يكون كل تجويف في بيبي يعني توائم ..

علشان جذي احتمال التجويف الواحد ما يسع البيبي أثناء نموه ويؤدي إلى توسع عنق الرحم مع الوقت ويؤدي إلى ولادات مبكرة ولكن ليس بالضرورة ..المتعارف أن هذا النوع أكثر عرضه ..

والحمد الله على كل حال إذا ربج أراد له يتمم شهوره ال 9 راح يكمل ..

مشكوره على المرور والدعوة الحلوه آمين أجمعين ​

و انتي بعد مشكوره عالمعلومات
ان شاء الله باذن الله تفرحين بشوفة البيبي يارب :yaaaaaarb:
بس عليج بالرقيه و سورة مريم و سورة الانبياء ،،، عن تجربه

 

[noo7a]

الله يتمم عليج بخير
و تكملين التسع اشهر و تشوفين بعدها البيبي بحضنج

 

[sweet-love]

الله يتمم عليج يارب

 

[CheeSeCaKe]

tho tho

تسلمين يا قلبي وان شاء الله راح امشي على نصيحتج وحياج الله

noo7a

هلا بالطش والرش
تسلمين يا بعد عمري ما قصرتي آمين أجمعين


sweet-love

آمين مشكوره حبيبتي ما قصرتي

 

[حبيبي عبووودي]

الله يتمم عليج حياتي وسوي الربط عشان لا تحاتين شي

 

[CheeSeCaKe]

حبيبي عبووودي

الله يسلمج يا قلبي .. أي آنا قلت ما راح أغامر هذا حملي الأول وراح آخذ احتياطاتي اللي اقدر عليها خصوصا أن الربط بعد ما قريت عنا شي سهالات والحمد الله على كل حال
حياج الله

 

[نكهةالبرتقال]

الله يتمم عليكم و تحملون و تولدون طبيعي يارب

 

[حمرة الورد]

تشيز انا نفسج بالضبط

 

[لطوفه الحلوه]

الله يتمم عليييح. أختي وحبيبتي جيزكيك بتجمع

وانشالله تفرحيين في البيبي يأرب انتي وريلج

أنا بعد يمكن أسوي ربط بس أنا اختلف عن حالتج
مثل ماقلت لج من قبل أنا بسوي لأني أجهضت من قبل

وانشالله يأرب ما احتاج
بس انتي هالله هالله براحه

وبنااات إلي عنده معلووومات خل يفيد جيزكيك ترى صديقتي من التجمع مال شهر 10
نصحوها ترى بجر ؛)

 

[UNICORNA]

اول مره اسمع عنه !!!

موفقه حبيبتى انتى وبقيه الحلوات (=

 

[brat]

الله يتمم عليج بخير ياااا رب

 

[Hadawii]

اول مره اسمع فيه
الله يتتم عليكم ان شاء الله على خير

 

[CheeSeCaKe]

نكهةالبرتقال

الله يسلمج ما تقصرين يا قلبي على الدعوة الحلوه

ام نيرمانا

هلا حبيبتي
في تجمع في ركن تأخر الأنجاب وايد كانوا بس تلقين السبب من الزوج غالبا .. واكتشفت كل ما اسولف مع وحدة تطلع بنت خالتها او احد تعرفه يعني هذا شي شائع جدا .. في ناس تكتشفه عن طريق اشعة الصبغة للحمل .. وفي ناس ما اكتشفته الا بعد الولادة الدكتور يلاحظ هالشي ..آما بالسونار عادي جدا ماكو فرق بين العادية ..!!
الله يتمم عليج يا قلبي ناس وايد كملوا شهرهم التاسع كله . والله يتمم علينا جميعا

لطوفه الحلوه

أهلا يا حلو ..
تسلمين يا قلبي الله يتمم علينا جميعا .. ونولد بالسلامة ..
آنا ترى كتبتلج تجربتي بالتجمع عن العملية لأني ادري انج تحاتين .. ترى العملية سهالات .. والربط ممكن تحتاجه حالات كثيرة علشان يتمم حملها شهوره كامله ..

آنا قالتلي ما تحتاجين كل شي تمام حاليا عنق الرحم طويل ومسكر بس انا قلت لها سويلي ما اضمن ما يتوسع عنق الرحم بعدين :/

والحمد الله على الصحة والعافية .. ما قصرتي يا قلبي

UNICORNA -brat - DALLOOLA86

اهلين تسلمون ما قصرتوا والله يوفقكم دنيا وآخره ..وفي انواع اكثر من الأرحام .. راح تتعجبون من خلقه الله سبحانه وحكمته في الدنيا ... والنعم بالله

 

[حمرة الورد]

تشيز انا عرفته بالصبغه فعلا مثل ماقلتي ولا تحاتين انا عندي اربعه الحمدلله ولي اول التاسع اولد مع نزيف وتعب والحمدلله على كل حال بس اهم شي البيبي سليم مابي شي واي استفسار من عيوني خبره انا