تجمع خاص للمسافرات علاج بالخارج لندن

[نجمة فجر]

السلام عليكم

اخباركم خواتي

انا بعد رايحه لندن الاسبوع الجاي علاج
بمستشفى الكروم ويل
والسكن راح ايكون في الشقق اللي جنبيها بس مو متأكده شنهي


ابي اسئلكم اخبار ارمضان معاكم
وايد احاتي

الله يشفي مرضاكم ومرضانا

 

[H.Heavn]

هلا نجمة الفجر وعليكم السلام

رمضان اهني حلو والله بس للاسف قدرت اصوم يوم واحد لاني طحت مريضة
النهار طويل لكنه يعدي لاتحاتين

 

[ام فهد.]

مرحبا بنوتات شلونكم مع البرد هنيه بنات وين تطلعون بعد الفطور ملينا من القعده بالشقه ؟
هيفن شنو الضرايب اللي تسويها امج فيدينا

 

[toto2006]

كله قاعدين بالشقه يالله خل نطلع يوم بعد الفطور ..تبون كوستا او ستاربكس

 

[H.Heavn]

هلا ام فهد

الله يا لضرايب اللي امي قاعد تسويها اشكثررررررررررر الله يسلمج هارودز ماركس وسبنسر نيولوك كلاركس.....الخ الخ وايد
ماغير كل محل رحنا له يمعنا فواتيره ونروح صوب التاكس فيري نسويهم وناخذهم بالمطار
اي استفسار ثاني انا حاضرة

توتو وي توني اشوف ردج عاد اليوم طلعنا انا وامي وابوي (اخيرا طلعناه مسكين) رحنا الويست فيلد وتونا رادين حدنا مدشدشين وحصلنا شبه زفه وتحلطم من ابوي بس عادي

 

[نجمة فجر]

بشركم الله بالخير

يوم الأحد بنوصل ان شاء الله

 

[H.Heavn]

توصلين بالسلالمة يا نجمة الفجر
انتي اتيين واحنا نغادر

 

[ام فهد.]

سوري هيفن باذيج بس هم ماعرفت احنا مجمعينهم بس قالوا نسويهم بالمطار شنو هذا اللي صوب التاكس فيري
نوريني ومنكم نستفيد

 

[بييسان]

السلام عليكم بنات
ويعطيكم العافيه تكفون بنات انا انشالله مسافره لندن بعد اسبوعين للعلاج عشان بنتي في مستشفا the portland consulting room
عند الكتور روبرت هيل تكفون اللي تعرف شي عن المستشفا تبلغني وابي اسكن في شارع البورت لاند شرايكم بالشقق هناك وشلون الاسعار واللي لها تجربه هناك ياريت تفيدنا
ومشكورين مقدما

 

[H.Heavn]

السلام عليكم

اختي ام فهد شفتي الفواتير اللي انتي اميمعتهم تودينهم حق المحل اللي شريتي منه اغراض
مثال: عندج فواتير ماركس سبنسر تروحين حقه اللي باكسفورد الطابق الثالث اكو قسم اسمه تاكس فيري تروحين لهم وتقولين لهم ابي اسوي التاكس فيري وطبعا هذا قولي قبل السفر بيوم فتعطيج اوراق التاكس فيري ولمن تروحون المطار اهناك يعطونج الفلوس اللي طلعت لج
اتمنى اني اكون افدتج واذا تبين تسالين زيادة عادي لاتستحين سالي انا بالخدمة

 

[ام فهد.]

اها جذي فهمت بس شالحق عليه طيب ماينفع مره وحده من المطار شكثرهم عندي
بعد عمري ماقصرتي

 

[ام فهد.]

هلا اختي بيسان مستشفى البورتلند انا سويت حق ولدي عمليه عندهم وفحص
مستوى زين لاباس فيه وقريب من الاجوووا رود والمكتب الصحي بس اذيه بالترجمه لازم تتفقين مع مترجم من بره عكس المستشفى اللي احنا فيه جريت اورمند مترجمينهم منهم وفيهم خدمه من المستشفى

 

[ام فويزان]

قوه بنات اشلونكم حدي مغلقه اذبحونه هل مكتب الصحي متخيلين شهر انحوس و راهم جنه انطر اول شهر بل غصب المراجعات بعدين قريب سفرتنا الدكتور قال ما اقدر اشوف امج بطلع اجازه و حسنا على ما مددنا غير الي دفعناه و بعدين كل ما انكلم المكتب الصحي يلعبون فينه انقول لهم شوفو دكتور ثاني او كلمو الدكتور اخذو لنا موعد امطنشين و عقب اقولون لنا انتو تفاهمو معاهم و عطونا رقم و حده انكلمها اسبوعين اترقصنا و ما تعطينه كلمه و يوم الاثنين اخلص التمديد يوم شفنه ماكو فايده ردينه حق دكتور المكتب الصحي امس جان اقول انتو وينكم ما تراجعون جان انقوله انت قلت انكلم هذي و نتابع معاها جان ادزنا على وحده ثانيه و تحط لنا موعد الجمعه خو جان منزمان و نقول لهم اخر يوم تمديد اليمعه اقولون كلمو الدكتور و بعدين اصير خير و الله حوسه مرمطونه

 

[toto2006]

انا الحين خلصنا الجزء الاول من الاختبارات و التحاليل و باجر بنشوف دكتور الاعصاب حق ولدي و بيقول لنا شنو انسوي .. و دكتوره العلاج الطبيعي تقول ولدج يحتاج علاج طبيعي و المكتب كاتبين زياره وحده بس انا قلتلها اذا اهو يحتاج كتبي و اذا ما وافقوا انا بدفعله على حسابي .. الله يسهل انشالله و يعين الجميع

 

[بييسان]

مشكوره ام فهد ماتقصرين بس بغيت اسألج اي احسن مستشفى بورت لاند او جريت اورمند عشان بنتي بسويلها عملية تطويل اوتار
ومشكوره يالغاليه واللي عندها فكره عن الموضوع ياريت تفيدنا

 

[moone GRL]

قوه بنات شخباركم

هيفن اكيد رجعتي الديرة اتذكر قايله 3 سبتمبر ..

واللي يشتكون من المكتب الصحي اخخخخخخخخخ شقول بس قلبي متروووسه منهم خخخخخخخخخخخخخخخخخخخخخ الله يفكنا بس جنه جايين نطر منهم

اتذكر وحده بالردود سألت عن احسن مستشفى اطفال .. بورتلند احسن شي مستشفى متخصص بالاطفال والامهات وعنايتهم حيل زينة

توتو ... اذا مريضكم بس محتاج علاج طبيعي المكتب الصحي بيمرمطكم .. اسأليني انا
الله يعينا ويشافي مرضانا ومرضاكم

 

[ملاك-77]

هلا بنات اشلونكم وحشتوني انا الحين بلندن

بالموت لقينا شقة وللاسف قال بس اسبوع وما امدد لكم اكثر

ومضطرين ندور غيرها .. التعب فينا فينا والله المستعان

ورمضان عادي ماحسينا بجوع ولاعطش مع ان النهار طويل سبحان الله


مون غيرل
توبكج حطمني توني احس فيه

 

[بييسان]

مشكوره حبيبتي مون جيرل ريحتيني انتي وام فهد عساكم عالقوه انشالله

 

[H.Heavn]

السلام عليكم بنات شلونكم شخباركم

الحمدلله الذي تتم بنعمته الصالحات انا وصلت الديرة بتاريخ 3/9 وي يا حلااااااااااااااااااااااتها صار لي ست اشهر ماشفتها وكلمن فرق علي
عاد باجر بداوم واي توني رادة بس شنسوي بعد
ملاك شلونج وشلون لندن وياج ان شاء الله امورج تمام
ام فهد العفو ما سويت شي
توتو الله يشافي وليدج يا رب
مون غيرل شلونج حبيبتي ان شاء الله بخير

 

[تشتوشا]

السلام عليكم

اشلونكم بنات شخباركم انا في لندن من شهر 6 وقاعدين لي شهر 3 اذا الله سهل ان شاء الله شمسوين برمضان انا وايد فاقدة اللمة بس شنسوي تعودنا خلاص