تجمع خاص للمسافرات علاج بالخارج لندن

[فديت حبايبي]

السلام عليكم بنات شلونكم منو فيكم اتعرف جمعيه رخيصه و اغراضها زينه[/Q

حبيبتي عندج سمر فلد وهم التيسكو وعندج سينزبيرز هذيل الرخاص بس جيكي عن الحلال والحرام خنزير او ذبح غير اسلامي
اتمنى اني فدتج:eh_s(6):

 

[ملاك-77]

صباح الخير ام دلال

شلون الجو عندكم ؟

 

[عسولة الكويت]

الله يشافي مرضاكم ومرضى المسلمين ياااااااااااااااااااارب ويردكم دييرتكم سااااالمين غانمين امييييييين

 

[H.Heavn]

السلام عليكم صبايا شلونكم

مون غيرل افا عليج زهبي الجنطة واخذج وياي

 

[الافنيوز]

بنات اشلونكم شخباركم اشلون مرضاكم؟؟؟

هيفين شالبشاره الحلوه ردت الكويت قربت اله يتمم عليكم وتردون سالمين غانمين
وانا ان شاءالله قربت رجعتى بس ماتحدد التاريخ خلاص راح انجيكم لندن قبل السفر بيومين
زوجى عنده شغل وبعدين نسافر الكويت

ام فويزان فى محل كل شى على واحد باوند اكيد عندكم فرع منه مافى اكل بس فى كل احتياجات المنزل اى شى يخطر على بالك كانه السوق الشعبى عنده صابون منظفات كريمات ادوات مطبخ كلشى اذا عرفت اسمه راح اكتبلك اياه
حتى راح ادور شغلات منه حق الخدم

ان شاءاله يكون موجود بلندن

ملاك اشلونك شخبارك متى روحتج لندن ان شاءالله توفقتكم بحجز السكن


عمر السنين وينج شخبارك اشلوتك مع ضيقه الصدر ان شاءالله تاقلمتى مع الوضع !! الله يساعدكم على المستشقيات ومجابل المرضى كله باجره الله يهون عليكم الغربه ويسهلها ويطويها ويشافى مرضاكم

 

[H.Heavn]

الافنيوز تسلمين يا قلبي يالله ان شاء الله تكونين وياي بالطيارة

 

[ام فويزان]

السلام عليكم بنات شلونكم منو فيكم اتعرف جمعيه رخيصه و اغراضها زينه[/Q

حبيبتي عندج سمر فلد وهم التيسكو وعندج سينزبيرز هذيل الرخاص بس جيكي عن الحلال والحرام خنزير او ذبح غير اسلامي
اتمنى اني فدتج:eh_s(6):

عمري مشكوره

 

[ام فويزان]

بنات اشلونكم شخباركم اشلون مرضاكم؟؟؟


ام فويزان فى محل كل شى على واحد باوند اكيد عندكم فرع منه مافى اكل بس فى كل احتياجات المنزل اى شى يخطر على بالك كانه السوق الشعبى عنده صابون منظفات كريمات ادوات مطبخ كلشى اذا عرفت اسمه راح اكتبلك اياه
حتى راح ادور شغلات منه حق الخدم

ان شاءاله يكون موجود بلندن


ايي عمري عرفته صاير ورا الجسر صوب الهلتون بس مافي اكل

 

[لميس^^]

السلام عليكم بنات شلونكم منو فيكم اتعرف جمعيه رخيصه و اغراضها زينه[/Q


شوفي في جمعيه اسمها ليدل هذه بعيدة ,, يعني ساعه الا ربع بالباص تاخذين باص 16 من اجوررود جنج بتروحين سوق السبت وتظلين بالباص لين يووقف باخر محطة له وراح يقولكم تنزلوون وتعبرون الشارع تمشوون اشويه سيدة تلقينه على ايدج اليمن ...

هذه الجمعيه ارخيييصه كرتون البيبسي اللي فيه 30 حبه اب 5 باوند بس ..

ولازم اتودين معاج العربانه ....

اتمنى اني فدتج ...

 

[فديت حبايبي]

صباح الخير ام دلال

شلون الجو عندكم ؟[/quot
هلا يا قلبي صبحج لله بالخير والنوير والحين احنا ليل مسى الورد
حبيبتي الحين الجو بارد شوي وغيم بس ماكو مطر
جو روووووووووووووووعه
واااااااااااااااي يا بنات مو مصدقه باقي يوم على الرده يوم الاثنين برد لاحلى ديره فديت ترابج ياكويت
راجع بشوقي ولهفتي راجع لربعي وديرتي محبوتي
انا رديت لعيونج انا رديت
ادعولي ان ارجع بالسلامه واوصل على خير وربي مايطول عليكم الغربه وتردون انشالله بسرع وقت
مشتاقه لج يا دلووووووووووووولتي مشتاقه المج على صدري

 

[H.Heavn]

ام دلال انتم السابقون ونحن اللاحقون
احنا ان شاءالله بنرد على 3/9 يعني لي الحين تو الناس بس بعد شنسوي عشان الوالد بقى له موعد اخير ويا الطبيب بعد اسبوعين وعسى يرجعنا ديرتنا سالمييييييييييييييين وغانمييييييييين اميييييييييييييييييييي يا رب العالمين

 

[ملاك-77]

الافنيوز

هلا والله
انا سيفت عندي اللي عجبني من السكن والاماكن بالنوتنق هيل
والايرلز كورت وبوند ستريت وبيكر ستريت ونيسدون ودوليز هيل
وسيفت اسعارهم بس انطر لما نروح نشوف انظف وحده فيهم ونحجزها باذن الله
وبالنسبة لاول مانوصل بنكون ان شاءالله حاجزين بفندق مارليبون
اللي قالت عنه الاخت ام بدرا ماقصرت وشفته بالسايت والليلة 110 باوند
لكن اشوف اسعاره مو ثابته يعني اول 9 يزيد السعر مع ان المفروض انه يقل
بس للحين ننطر الفاكس والله كريم

 

[ملاك-77]

بنات لندن قولولنا اشلون سويتوا الفيزا بنفسكم يعني
والا من مكتب يسويها لكم؟
وانا سمعت انها فيزا طبيه وجم مدتها وتنتهي؟
من حسابكم تسوونها؟ والا منهم؟ومتى يعطونكم اوراق اللي تودونها لمكان عملكم؟
تسونها بعد ماتدزون الفاكس مباشرة والا لما يتحدد موعد مراجعتكم ؟
احس نفسي متلخبطه ومتدودهه وموعارفه أسئل!؟ خخخخخ
بس اكيد فهمتوا اللي ابي اعرفه عن موضوع الفيزا وتفاصيلها

تكفون بنات لاتطولون علي انتظركم ضروري
ومشكورين وعسى الله لايخيب رجاكم ويرزقكم باللي تتمنونه ويشفي مرضاكم

 

[H.Heavn]

حبيبتي ملاك
افيزا انتي تسوينها ومدتها مع الاسف الشديد ست اشهر بس!! احنا بغينا نتوهق اهني والسبة انه فرزتنا تخلص 3/9 وبغينا نجدد بس قالوا لنا على كل جواز ندفع 500 باوند وانها يبيلها شهرين ثلاثة على ما تستوي!!!
احنا سوينها لمن حددنا موعد الطبيب وموعد السفر قبلها ماخلونا نسويها بس لاتحاتين راح يمديج تسوين اوراقج اللي لازن تودينها مكان عملج لاني انا سويتها بيوم

 

[الافنيوز]

السلام عليكم بنات اشلونكم شخباركم
ام دلال ... كتبتلج كلام وايد بس كله انمسح خخخخخ
مشاعرج اللى الحين اتحسين فيها ماره على يوم كنت مرافقه مع الوالده الله لايعود الشر زهقت عمرى من قعدت لندن
صج مثل مايقولون مجابل المريض مريض والله ماالومكم مجربه هالمشاعر
ابى ارجع باى طريقه للديره بس بعدين مع المرحوم حماى لا اتعودت لانه فتره قصيره
والحين المشاعر غير لانها سياحه مااحس باملل الا يوم قرب الشهر الفضيل احس خلاص مافى اجواء روحانيه احس احنا بعالم واهلنا بالكويت عالم ثانى واستعداد للشهر الفضيل
يالله الله يرجعج انتى وهيفين بالسلامه وتكحلون عيونكم بشوفت الكويت واعيالكم وكل من تحبون

ملاك حبيبتى ان شاءالله اتوفقين بسكن نظيف ومريح وعطينا اخبارك اول باول انا الخميس رايحه لندن واحتمال نسكن فى بيكر ستريت يم هارودز بس يومين ونرجع منطقتنا وراح اشوف المستوى واقولج
موفقين والله يسهل اموركم جميعا

لميس ..خوش معلومات عندك مشكوره عالافاده

 

[moone GRL]

ملاك

الفيزا 6 شهور وتطلع باسبوع او اقل بعد وطبعا من حسابج احنا حتى الدكتور اللي راح معانا من الكويت ابوي اللي دفع فيزته مع انه مو ملزوم فيه


وبالنسبة للدوام مجرد ما يطلع قرار اللجنة الطبية بالسفر يخاطبون مكان عملج بكتاب رسمي انج مرافقه او برحلة علاج وما يحتاج تنطرون الفيزا .. انا جذي صار معاي الفيزا طلعت قبل سفرتنا بيوم بس كتاب الاجازة استلمته قبلها وسلمته لمدرستي

 

[ملاك-77]

حبيبتي ملاك
افيزا انتي تسوينها ومدتها مع الاسف الشديد ست اشهر بس!! احنا بغينا نتوهق اهني والسبة انه فرزتنا تخلص 3/9 وبغينا نجدد بس قالوا لنا على كل جواز ندفع 500 باوند وانها يبيلها شهرين ثلاثة على ما تستوي!!!
احنا سوينها لمن حددنا موعد الطبيب وموعد السفر قبلها ماخلونا نسويها بس لاتحاتين راح يمديج تسوين اوراقج اللي لازن تودينها مكان عملج لاني انا سويتها بيوم

مشكورة ماقصرتي الله يوفقج يارب

 

[ملاك-77]

ملاك حبيبتى ان شاءالله اتوفقين بسكن نظيف ومريح وعطينا اخبارك اول باول انا الخميس رايحه لندن واحتمال نسكن فى بيكر ستريت يم هارودز بس يومين ونرجع منطقتنا وراح اشوف المستوى واقولج
موفقين والله يسهل اموركم جميعا

الله كريم ونلقى السكن النظيف المريح
والله يسهل امورن جميعا ان شاءالله
وانتظر رايج في سكن بيكر ستريت

 

[ملاك-77]

ملاك

الفيزا 6 شهور وتطلع باسبوع او اقل بعد وطبعا من حسابج احنا حتى الدكتور اللي راح معانا من الكويت ابوي اللي دفع فيزته مع انه مو ملزوم فيه


وبالنسبة للدوام مجرد ما يطلع قرار اللجنة الطبية بالسفر يخاطبون مكان عملج بكتاب رسمي انج مرافقه او برحلة علاج وما يحتاج تنطرون الفيزا .. انا جذي صار معاي الفيزا طلعت قبل سفرتنا بيوم بس كتاب الاجازة استلمته قبلها وسلمته لمدرستي

مشكوره وماقصرتي فديتج بس
مافهمت شنو (ومايحتاج تنطرون الفيزا)
ترى انا استيعابي لج عليه لووووول وسهرانه بعد!! يعني الله يعينج علي ههههههه
ووين وديتي كتاب الاجازة اي مكان.....الخ التفاصيل الدقيقه تكفين
انا مدرسة مثلج علميني فديتج

والفيزا صج لازم انا اروح بنفسي عشان البصمه؟

 

[ملاك-77]

صباح الخير بنات
وينكم مابينتوا امس كلش!!!
عسى المانع خير