تجمع خاص للمسافرات علاج بالخارج لندن

[ملاك-77]

يسعد صباحم اليوم ودووووم
وينكم لا حس ولا خبر
اشتقت لطلتكم وأخباركم

لاتنسون الموضوع نبيه مرجع للعلاج بلندن

 

[H.Heavn]

هلا ملاك انا عن نفسب موجودة ويسعد صباحج
بس صار لي يومين مريضة

 

[hopesol]

اخواتي الغاليات الافنيوز وملاك جزاكم الله خير على دعائكم ويجعله ربي في ميزان حسناتكم

 

[ملاك-77]

هلا ملاك انا عن نفسب موجودة ويسعد صباحج
بس صار لي يومين مريضة

اهلين هيفن
بعد عمري سلااااامات ماتشوفين شر
كنت حاسه ان فيج شي لانج يوميا
كنتي معانا بالقسم وفجاة اختفيتي
وفقدتج وفقدت البنات بعد


اذا تحسنتي شوي لاتقاطعينا
نبي اخباركم وخبرتكم بكل شي بلندن



:tek:

 

[ملاك-77]

اخواتي الغاليات الافنيوز وملاك جزاكم الله خير على دعائكم ويجعله ربي في ميزان حسناتكم

هلا فيج :tek:

ماسوينا شي فديتج وعسى الله يتقبل دعائنا

حيااااااااااااااااج الله

 

[ملاك-77]

 

[عمر السنين]

مرحبا

بنات مو بلندن الحين ووين مكانكم خلونا نتجمع انا حدي طفشااااااااااااااانه

برووحي


متى رمضان

 

[moone GRL]

مشكوره وماقصرتي فديتج بس
مافهمت شنو (ومايحتاج تنطرون الفيزا)
ترى انا استيعابي لج عليه لووووول وسهرانه بعد!! يعني الله يعينج علي ههههههه
ووين وديتي كتاب الاجازة اي مكان.....الخ التفاصيل الدقيقه تكفين
انا مدرسة مثلج علميني فديتج

والفيزا صج لازم انا اروح بنفسي عشان البصمه؟

لا عادي انا بعد كان كلامي مو مفهوم على عيوني النووووم :ggdw:

شوفي حبوبه انا سألت ابوي لانه هو اللي سوالي الاوراق وقالي اول ما طلع قرار اللجنة ووفقوا على العلاج حطوا اسمي كمرافقه وسوو كتاب من وزارة الصحه تخاطب التربيه على اني مرافقه برحلة علاج وفيه تاريخ سفرتنا يعني تبدا الاجازة من يوم السفر عطاني اياه ابوي وسلمته للناظره وقلت لها بعد شنو اجرائكم قالت لي ولا شي بس جذي وفعلا داومت انا ليما قبل سفرتي بيوم ماطلبوا مني شي اسويه بالمدرسه

والفيزا لازم حظروج وحتى لو معاكم طفل لازم حظوره .. فيه بصمات وتصوير ويسألونج اذا تعرفين انجليزي تسألج جم سؤال بس ابوي لانه ما يعرف عادي طوفوا

 

[ام فهد.]

مرحبا يابنات شلونكم انا ويني عينكم لي 3 اسابيع بس زهقانه وحصلتلي مواقف عجيبه كرهتني بلندن واهلها عسى ربي بس يعجل بردتنا لديرتنا

 

[H.Heavn]

السلام عليكم بنات شلوووووونكم
ملوكة شلونج ان شاء الله طيبة ماخلتنا هالنشلة حسبي الله عليها امي عادتني انا وابوي عاد ابوي مسكين من ست اشهر ماسمعناه عطس الا اليومين اللي طافوا عاد قمنا ووديناه امس المستشفى على اساس يعطونا دوا ونمشي جان يقضبونا ويقولون يالله سوائل حق ابوي (لان ابوي عنده الكلى شوي تعبانة) عاد صار لي يومين ماادري عن النت اليوم صرت احسن وشبكت
ام فهد حياج الله ويانا ليش كرهتي لنددن شنو صار وياج؟؟

 

[ام فهد.]

هلا والله مادري شفيهم شيبانهم مادري عشاني منقبه يتكلمون علينا وحده تصرخ علينا في الباص وشايب يغطي وجه بالكبوس ماله مايبي يشوفنا شدعوه يا حافظ

 

[H.Heavn]

ويييييييييييي عطيهم طاف يا ام فهد وسوي مثلي كل ما انبطت جبدي منهم اقول ماردكم جهنم وبئس المصير

 

[WaChoCha]

بنات لندن اشلونكم .. وشاخباركم
H.Heavn

ها قربت السفرة ان شاء الله ... قريب اتييون وتترسون البيت علي ..ضيقة خلق البيت فاضي

توني اشوف موضوعكم .... واشوف سوالفكم مع الفيران ... ذكرتوني ايام دراستي في لندن طلع لي فار مرة بالشقة ..من الخرعة غيرت الشقة بكبرها .... بس قلت علشان اختي الصغيرونة H.Heavn وعلشانكم باقول لكم عن شي حلو اذا حطيتوه بالشقة بعد ما اييكم الفار ..انا استخدمته لما كنت ادرس في لندن الله وكيلكم ترست الشقة منه

في محل اسمه B&Q وهذا عنوان الموقع ماله على النت
http://www.diy.com/

اذا بتشوفون وين صاير مكان المحل دشو على هالصفحة
http://www.diy.com/diy/jsp/bq/templ...&linktype=topnav_storefinder&ts=1250859939086

وحطو البوست كود مال عنوانكم واهو يعطيكم اقرب محل يمكم

المحل يبيع مثل البلاك لي حطيته على الطوفة وشغلتيه يطلع صوت انتي ما تسمعينه بس يسمعه الفار لما يسمعه يحوشه انهيار عصبي لووووووووول وما يقرب يم شقتكم كل شقة يبي لها على الاقل 2 وهذا شكل البلاك

http://www.diy.com/diy/jsp/bq/nav.j...refview=search&ts=1250859869531&isSearch=true

 

[WaChoCha]

اتمنى اكون افدتكم ... امانة ادعولي بالذرية الصالحة الطيبة

 

[toto2006]

اشلونكم.. احنا الحين تونا صارلنا اسبوع بلندن .. شقتنا حلوه و نظيفه بس غاليه احنا يم الهلتون اسمها west end key اجارها 1500 بالاسبوع ادري غاليه بس شسوي هذا احسن شي لقيته الحين لان امي و اختي و اخوي و ابوي كلنا هني .. بعدين بيروحون و بقعد انا و ابوي وولدي .. انشوف يمكن نروح فندق الكمبرلاند .. ما يندرا متى بنخلص تونا اول موعد رحنا حق ولدي قال بنحدد لكم مواعيد حق الفحوصات و التحاليل .. شكلنا بنطول... شلون بتقضون رمضان هني .. الوقت شطوووووووووووووووووووله

 

[اخت فايز]

اللهم ياكريم شافي مرضاهم وشافي فواز الحربي ياارحم الراحمين وقر عين والديه بشفاءه اللهم أأأأأأأمين

 

[ملاك-77]

مبارك عليكم الشهر

وعساكم من عواده

 

[H.Heavn]

السلام عليكم
مبارك عليكم الشهر وعساكم من عواده

 

[toto2006]

مبارك عليكم الشهر .. واااااي يا طووووول الوقت

 

[H.Heavn]

اي والله توتو حده الوقت طويل بس الحمدلله بالنسبة لي كان الصيام اليوم خفيف