تجمع خاص للي وزنها بالثيمانينات وباقي الاوزان عامة

[ام منوله]

اى والله صاجه العيال اهما الخراب انا مرات يطلبون بليل الساعه وحده واقعد كل صمونه قرمه اشوى والبطاط بطنى شالى ودرنى الا هالحركات


لو حارمه نفسى واعيالى جان ابرك حتى بنتى متينه تكسر الخاطر الحين مسويتلها دايت معاى بس على الخفيف

وفكره حلوه عصير الاناناس مع الكيوى بس ما ادرى الكي ديدي احسه متروس شكر عكس الربيع وايد احبه وتروبيكانا


انا دايمن محد قالى واكل برتقاله بليل وتفاحه وجربت الحلقات ملوت مركز سلطان الانانس المقصوص الجاهز شسوااا فينى بطنى مشى عدل مدل


حتى لمن اكل ملين مو مثل الحلقات الاناناس رهيييييييب


انصحج تجربينه

 

[ام فجور 2008]

صح كلامج مال كي ديدي اكثر شكر جربي مال الربيع
وعلى اناناس مركز السلطان عجيب والله مرات اتعنى واروح اخذ من عندهم جربت ملوت الجمعيه عادي اما مال مركز سلطان تحسينه يقرص الحلج

 

[ام فجور 2008]

ام منولة بنتج جم عمرها ؟؟؟

بنات انا شربت النسكافيه والريوق ان شاءالله بيكون عالساعه عشر الى 11 وبيكون كرواسون جبن فيتا مع دايت

 

[ام منوله]

ام فجوره ... اذكر انا من زمان قبل ما اسوى رجيم ودايت كنت اخذه شهوه ما يسوى معاى جذى وصح يقرس اللسان


هالمره انا اللى خذيته اصفر يعنى شحلااته تاكلينه وانتى تتلذين فيه مو مثل الاناناس اللى مايل على بياض هذا اللى يقرص اللسان ومو حلو وانتى تاكلينه


ما احب اى شى كى ديدي احب الربيع وتروبيكانا وسيزر ونادك بس مو كل شى من نادك عندج الفراوله عجيب منه وايد احبه بس مو وقته الحين كلش




ما قلتيلى اشرايج باكلى ..؟

 

[ام منوله]

بنتى عمرها 10 بالصف الرابع ..وزنها 50 الحين بس مو قزمه فيها طول بس ويها اكثر شى متين يا حياتى مليانه

 

[ام فجور 2008]

ام منولة اكلج زين بس خفي لاتاكلين مع العيال هههههههههه ترى خراب
وليش ما تمشين على رجيم معين ؟؟ راح تحسين بفرق اذا تبين رجيم مافيه حرمان سوي مال المطوع
ام منولة انتي تشتغلين
الله يخلي لج بنيتج وخليها تمشي معاج قبل لا تمتن نفسنا باجر لي كبرت تتحسر على عمرها نفس حالتي ههههههههه

 

[شيخة الغراشيب]

صبحج الله بالخير
ام فجور ربي يوفقج وياه قروبج ان شاءالله توصلون للوزن المطلوب وانتوا
بصحه وسلامه وربي يعطيني الاراده قبل يمكن كنت تذكريني كنت اسوي ومهلكه نفسي
من ملجت احس اكل شرات البهايم >>> زوجها ضعيف هيكل هههههههه
المهم ادعي لي بظهر الغيب ربي يرد لي الاراده والعزيمه وعرسي مابقى له شي
شهرين وشويه
بكتب لكم يومياتي عشان اتشجع
اليوم مشيت لي ساعه على المشين وتوني شاربه كوفي ميت قليل الدسم مع نسكافيه طبعاً بشكر الرجيم
وغداي قلت حق الوالده تسوي لي صدر دياي بالفرن مع الخضروات وبجذه بخفف وان شاءالله انزل والعشه
بحاول اكل لي فاكهتين او وحده او الغي شي اسمه عشه

 

[ام فجور 2008]

شيخة مبروك على الزواج وماقلتي جم وزنج ؟؟
ودامج بتزوجين لا تهملين نفسج بالاكل وتنسين عمرج <<<<<<<<نفس حالتها

 

[ام منوله]

ام فجوره ما احب امشى على شى معين سبحان الله هذا طبعى حزن يصير عندى بالتقيد اى والله بنتى يا حياتى احاول انزل وزنها اشوى اشوى ميخالف تكسر خاطرى مرات اذا طلعنا اخليها تاكل ما احب احرمها بس وجبه اطفال اقل يعنى ...

شيخه صباح الرشاقه والستر باقرب وقت يتحصلينهم ان شاء الله وزين تسوين وموفقه

 

[ام فجور 2008]

ام منولة على الاقل سوي لج رجيم خاص كل اسبوع غيره او رجيم السعرات الحرارية وايد حلو وتاكلين الي تبينه
وراح ينفع حق بنتج اكثر خصوصا انج ماتحرمينها من شي

وين ودكم تسافرون​

 

[ام منوله]

ام فجوره ماشيه اخيتج على البركه بس حازمه نفسى وأحس ان جسمى وايد تعدل تدرين انا قبل كان جم وزنى ؟؟؟؟ تتوقعين جم قولى

 

[ام فجور 2008]

والله مادري ام منولة
بس ترى حتى انا وزني ماكان هين هههههههههههههه
كان 106 مادري شكثر
يالله الحمدلله على كل حال
والله مرات اقول زين زوجي صابر علي يوم كان وزني 106 خخخخخخخخخخخخ
ماينلامون يطلعون يشوفون هالاجسام ويردون يلاقون متن وشحوم ولحوم والله كان يضيق خلقي بس يالله الحمدلله الي قدرت انزل وزني

 

[ام منوله]

انا خاطرى بمصر والزوج يبى ماليزيا بس انتى تقولين حر ما افكر فيها ويع

 

[ام منوله]

جم صرتى الحين ؟

تبين الصج انا اذا طلعت طارت اعيونى اشحالهم اهما وعليا رياييلنا محرومه ونزعل بعد ونتدلع على شنو يا حظى



وتونى اصحى على نفسى وانتبه وينى طول هالسنين يمكن الان لاهيا بتربيه اعيالى والحين اكبروا يمكن؟


الحين ابى اضعف واعندى اصرار وعزيمه ...

 

[ام فجور 2008]

ام ممنول مصر حلوة حق تسوق كل شي فيها رخيص بس صايرين نفسيه على الكويتيين
ماليزيا حلوة حق وناسة وطبيعه

انا الحين وزني 84 حاطة صورة الميزان

تبين الصج انا اذا طلعت طارت اعيونى اشحالهم اهما وعليا رياييلنا محرومه ونزعل بعد ونتدلع على شنو يا حظى

صاجة والله

وتونى اصحى على نفسى وانتبه وينى طول هالسنين يمكن الان لاهيا بتربيه اعيالى والحين اكبروا يمكن؟

الحمدلله انج صحيتي احسن من صدمة تصحيج خليها على الله

 

[شيخة الغراشيب]

شيخة مبروك على الزواج وماقلتي جم وزنج ؟؟
ودامج بتزوجين لا تهملين نفسج بالاكل وتنسين عمرج <<<<<<<<نفس حالتها

الله يبارك بحياتج غناتي
والله الحين ماعرف ماوزنت بس قبل حفلة الملجه كان وزني 63.9 وبعد ماشفت عمري زددت وسويت شويت تخفيف بس
مندون ماوزن يمكن من عشرايام لين وزنت شفت عمري واصله 65 :ch12: والله غناتي يوم اسوي ولين يييني ريلي
مايخليني اسوي يقول عاجبني جسمج بس هو ضعيف وحتى خواته انا المربربه عندهم ههههههههههه امس لين سرت ايب
البوم حفلة الملجه شفت الصور بصراحه حلو جسمي كان عشان جذه قلت بقلل وبثبت رغم مادري كم صار بس ان شاءالله
ماكنت زايده يارب ... طولي تعرفينه طبعا 160

ام منوله صباح النور والرضا من رب العباد
غناتي الله يسمع منج غناتي ولج بالمثل تعرفين بنتج مثل بنت اخوي ربي يحفظهن ان شاءالله بس هذيك
وزنها 30 وقالها الدكتور لازم تنزل 10 كيلو بس وربي تغمضني لين اشوفها تقولي عمو ماماتي وباباتي
يقولون لي لاتاكلين لازم تسوين رجيم معقدينها قلت لها لا حبيبتي كلي بس لا تاكلين حلويات وشكر عموا
شوفي عمتج انا كيف تعبانه الحين اسوي رجيم عشان لين تكبرين ماتتعبيييين مثلي :eh_s(22):

 

[ام منوله]

برافوا ما شاء الله عليج كملى نزلتى وايد

انا كان وزنى 116 والحين 90 تقريبا وابى اشوف 80 متى يارب ادعيلى


وبخصوص السفر ما ابى التسوق شبعانه ومليانه والكباته فايضه ابى جو ونساه وسياحه

 

[ام منوله]

شيخه ما شاء الله جسمج حلو مع طولج بس انا انصحج بعد تضعفين علشان اذا تزوجتوا تطلعين مطاعم وما يتغير وزنج يصير اهوا المطلوب

والبنات الصغار يكسرون الخاطر البطوط يا حياتى منهم بنتى وفى وايد معاها لما اروح مدرستها اشوف امتن منها بس يكسرون خاطرى


انا بنتى ابيها من الحين تنزل احسن ..؟ ان شاء الله اقدر عليها

 

[ام فجور 2008]

شيخة وزنج زوين مو متينه وايد يبيلج شوي

ام منولة بنتج الله يحفظها سوي لها ريجم السعرات الحرارية طلي عليه وشوفي

 

[ام فجور 2008]

شيخة ماعليج امر سوي لي جدول بسيط حق دبي خاطري اروح دبي بس محتارة شلون انظم السفرة
ابي الاماكن القريبة من بعض شنو عالشان اخلي زوارتي لها بهذا اليوم​