تجمع خريجات كلية البنات

[Thorny_Rose]

هااااااااي بنات كليية البنااات

هذا التجمع لناااا

شنو تفتقد بالكلية؟

او تذكرون المشاكل اللي واجهتكم بعد تخرجكم (الله يبعد عنا المشاكل) ؟



أنا أفتقد :
البنات - الدكاترة - الممرات الغرييبة - الكافتيريا والازعاج اللي فيها - المكتبة اللي تقمت - الكلاسااات المنتهية و الكمبيوترات واحد يشتغل عدل و الباقي بالغصب - و أهم الشي الكراااف اللي نكرفة و لا احد حاس فينا ( ما خليت شي صح؟ )


بالنسبة للمشاكل : ماكو بس للحين ما توظفت من تخرجت الكورس الثاني

بس لما قدمت في مكان الموظف لما شاف شهادتي يقولي "أنا أول مرة أسمع عن كلية البنات هذي جامعة؟" !!!!!معقووولة لهالدرجة مالها حس الكلية! ​

 

[MiSS B.K]

up لعيونكم

 

[MISS __Fato0]

ممكن اعرف شنو تخصصج لان وايد حلوه تخصصاتكم

 

[Thorny_Rose]

ممكن اعرف شنو تخصصج لان وايد حلوه تخصصاتكم

هلا والله MISS__Fato0 انا تخصصي ISC

 

[أم سليمان دشتي]

بنت isc وللحينج ما توظفتي !!!!
عالعموم الف مبروك التخرج يارب ومنها للاعلى
انا عن نفسي اقولج اذا حابة نطري الديوان بس لا تتاملين خير وايد
لان اغلب الخريجات من تخصص علوم المعلومات راحوا اماكن ما يدرون عن الوظيفة ولا البرمجة شيء

اذا حابة روحي قطاع خاص على طول يقبلونج ان شاء الله ربي يفتحها بويهج
قدمي بالوطنية وحدة قدمت يوم الاثنين سوولها مقابلة الاربعاء وتوظفت الاحد الي وراه
وما شاء الله حيل معاشها حلو وتماااام

الله يوفقج وبشريني عنج

 

[Thorny_Rose]

بنت isc وللحينج ما توظفتي !!!!
عالعموم الف مبروك التخرج يارب ومنها للاعلى
انا عن نفسي اقولج اذا حابة نطري الديوان بس لا تتاملين خير وايد
لان اغلب الخريجات من تخصص علوم المعلومات راحوا اماكن ما يدرون عن الوظيفة ولا البرمجة شيء

اذا حابة روحي قطاع خاص على طول يقبلونج ان شاء الله ربي يفتحها بويهج
قدمي بالوطنية وحدة قدمت يوم الاثنين سوولها مقابلة الاربعاء وتوظفت الاحد الي وراه
وما شاء الله حيل معاشها حلو وتماااام

الله يوفقج وبشريني عنج

تسلميييين الله يبارك فييج حبيبتي أم سليمان

و الحمدلله مقدمة على وظيفة و حاطة اسمي بالديوان و ناطرة خير و كل تأخيرة فيها خيرة ان شالله

أما القطاع الخاص شوي ظروفي ما تسمح لي أقدم فيه , و عاادي متعودة على سالفة ان الواحد ما يشتغل بمجالة بس ان شالله خير

 

[اجياد]

للرفع​

 

[اجياد]

السلام عليكم .....خوفتيني !!! انا كانت رغبتي الاولى هي كلية البنات ، حتى اتخصص علوم معلومات ، وهذا اول كورس لي بالكلية....!!! الله يعين

 

[MISS __Fato0]

شلون دراسه تخصص سهله ؟؟ هو يعني مثل it

 

[Thorny_Rose]

هلاا والله WELCOME TO CFW Girls

الكلية شوي كراف بس زينة تقدرين تمشين في دكاترة (البعض) يقدرون التعب

الدراسة فيها بالانجليزي ما عدا الحضارة و مادتين عربي و لج مادتين اختياري تاخذينهم برة او داخل الكلية

التخصص حلو للي تحب الكمبيوتر , صج يبيلة مجابل و شغل و شوي كرااف بس اللي راح تحب التخصص ما راح تتذمروايد و ترى بعض دكاترة القسم يقدرون التعب و يدعمون و ما يقصرون

طبعا كل مادة بروجكت و في مواد فيها لاب لي ال5 او 6 :
- أسس حوسبة (سي بلس بلس)
- أساليب حوسبة (مات لاب)
- برمجة و حل مسائل + هياكل بيانات (جافا)
- قاعدة بيانات (أوراكل أو MS SQL)
- نتوورك
- نظم تشغيل (لاينكس)
- و هذي مو لاب لاب بس فيها برمجه "تنظيم الحاسوب"
- برمجة ويب (تصميم مواقع راااح تحبووونها )

هذي تقريبا كل المواد اللي فيها برمجة

بالنسبة للشغل ترى مو الكل ما يشتغل بمجاله عادي و هالشي بكل التخصصات بس عادي في بنات وايد اشتغلو بمجالهم و في قلة راحت للتدريس

في بنات بعد خذوهم القطاع الخاص و جدا شغلهم بمجالهم و عاجبهم


ان شالله الله يوفقكم للي فيه خير و صالح لكم

و حااااضرة لأي استفساار