تجمع رجيم دشتي الجزء الثاني

[سارووونـه]

20 جرام كاربوهيدرات
مسموح باليوم

 

[سارووونـه]

http://forum.hawaaworld.com/showthread.php?t=641454

شوفي هذا

 

[سارووونـه]

مثلا سكر سبلندا باكيت واحد = 1جرام
ملعقتين كوفي ميت مثل مامكتوب عليه =3.4جرام

 

[سارووونـه]

على فكرة انا وحيااة ضفنا بعض فالبي بي عشاننشجع بعض​

 

[pink sushi]

روحي تحبك >>> مشكوره حبيبتي على التوضيح :*

الله يسهل علينا و يتمم علينا بصحه و عافيه

 

[الدلع كله**]

يابعد عمري من ردت على زين مثل التونه احمسها مع بصل والله مايصير اول الايام الثلاث المايونيزاي نوع

انا بتعبكم بالاسئله ليما انا اتعب هههههههههه

 

[سارووونـه]

دلع اول ثلاث ايام التونه اكليها بس مع مايو ولاتكثرين ملعقتين باليوم والماركه اللي مافيها سكر هي امريكانا اللي غطاه ازرق وبالنسبه تسوينه مع بصل عقب الثلاث ايام واستخدمي البصل الاخضر لانه الكاربوهيدرات فيها قليله جدا بعكس البصل العادي
والبصل العادي مسموح لج باليوم بس حبه يعني سوي نص او ربع عشان النكهه لاتكثرين هاي عقب الثلاث ايام بروتين صافي

 

[pink sushi]

بنات شنو اقدر اكل سناك ؟؟ احس ابي شي حلو !!

 

[بنت الخبررر]

انا بعد بديت بروتين صافي
لاني خربتهاالاسبوع الي راح
افطرت متاخر بيض مقلي
وشكلي بتعشى دجاج على الفحم

 

[صبرت ومل الصبر]

هلا والله بالدلع كله وان شالله تستمرين معنا وهذي سارونه ماقصرت انا اقولج نفس كلامها

 

[صبرت ومل الصبر]

انا لي اليوم 3يوم بروتين صافي
اكلت بيض مقلي 2 وبيضه مسلوقه

والغداء تونه

 

[صبرت ومل الصبر]

المشتركات لحد الان اللي اعرف اوزانهم هم :::

سارونه 60

روحي تحبك 74


اخت بينك 74


منو بقى ماقال وزنه ؟؟؟؟؟

ايه صج ابي وزن بنت الخبر

عشان اضيف الاوزان مرة وحده في بدايه الموضوع

 

[صبرت ومل الصبر]

منقووووول






شريت من فترة كتاب الدكتور دشتي النسخة الجديدة

وفي واحد من الي جربو النظام ونزل ماشاءالله 44 كيلو خلال 8 شهور

راح احطلكم الي كتبه بالتفصيل ,,,,

وأتمنى من الي تحب تنقل الموضوع تذكر اني صاحبة الموضوع

************************

في هذا اليوم تم أخذ قرار اتباع جدول الرجيم الخاص بالدكتور الفاضل حسين دشتي بعد أن يئست من
محاولات عدة لانقاص الوزن ،، لقد قررت إجراء عملية ولكن اقترح علي أحد الزملاء في العمل باستشارة الدكتور حسين دشتي ، وعليه قمت بمقابلة الدكتور واستمعت الى إرشاداته ,,,,

في اليوم الأول 2/6/2004 كان الوزن 242 كيلو وقياس الخصر 177 سم
وبتاريخ 3/1/2005 كان وزني 198 كيلو

وقد لخصت البرنامج الغذائي يوميا فترة 8 أشهر ،، وحتى الآن مستمر في البرنامج وإليكم مقتطفات من البرنامج فترة 8 أشهر ,,,,


ملاحظات :
**********
_ في اليوم الأول توجد صعوبة في النوم بعد الغداء وصعوبة في تناول الأكل بدون الأرز والخبز ، تم الاستغناء عن الخبز واستبداله بأوراق الخـــس كبديل للخبز .

_ في اليوم الثالث وجود إمساك وبعض النرفزة بالنسبة للأمساك فقد أفاد الدكتور حسين أن تناول عدد 10 حبات من الزيتون بالاضافة إلى كوب ماء دافئ .

_ في اليوم السادس تمكنت من النوم بعد الغداء ، لكن بعد الاستيقاظ أحسست بصداع بسيط .

_ بتاريخ 26/6 وزني وصل الى 231 كجم أي نزول = 11 كيلو خلال 25 يوم .

_ بتاريخ 6/7 لوحظ أن الوزن 226 كجم أي نزول = 5 كيلو خلال 10 أيام وقياس الخصر155سم .

_ بتاريخ 24/7 كان وزني 223 أي نزول = 3 كيلو خلال 19 يوم .

_ بتاريخ 28/8 عملت آيس كريم يحتوي على علبة كريمة واحدة + ربع كوب حليب كامل الدسم + قطرتان من الفانيلا + 2 صفار بيض + 3 أكياس من السكرين .

_ بتاريخ 2/9 عملت آيس كريم يحتوي على 4 بيضات + كوب حليب + ماء + علبتان كريمة + 8 حبات فراولة مثلجة + 9 أكياس سويت أند لو سكرين .

_ بتاريخ 23/9 كان وزني 207 كجم أي نزول = 16 كيلو خلال شهرين .

_ بتاريخ 28/10 عملت مايونيز من صنع البيت (بيضة كاملة + 2صفار بيض+نصف كوب زيت دوار الشمس + ملعقتان كبيرة ليمون + ملعقة خردل + 3 قطرات خل .

_ بتاريخ 20/11 راجعت الدكتور حسين دشتي والوزن كان 204 كجم ثابت بعد شهر رمضان المبارك .

_ بتاريخ 3/1 الوزن 198 كجم أي نزول = 44 كيلو من بداية البرنااااامج

الشهر الأول


السبت

الفطور : 2بيض مسلوق + 1 خيار
الغداء : دجاجة مشوية + سلطة
العشاء : جبن أبيض + 1 طماطم


الأحد

الفطور : 2 بيضة مقلية + 10 حبات زيتون + كوب ماء دافئ
الغداء : لحم كفتة مقلية + سلطة خضار (باذنجان - كوسا - زهره -كرفس)
العشاء : جبن أبيض + خيار + خس + كوب شاي مع 2سويت اند لو


الأثنين

الفطور :10 حبات زيتون + 2بيض مسلوق + كوب ماء دافئ
الغداء : ستيك مشوي مع مشروم وبصل مقلي + سلطة
العشاء : جبن أبيض + 7 شرائح لحم سلامي + خس


الثلاثاء

الفطور : 2 بيض اومليت + 10 حبات زيتون + شاي
الغداء : دجاج مشوي + سلطة (خس - كوسا - زهره - كرفس)
العشاء : جبن أبيض + 5 شرائح سلامي + خس


الأربعاء

الفطور : 2 بيض مسلوق + 10 حبات زيتون + ماء دافئ
الغداء : همبرجر لحم + خس + بصل أخضر
العشاء : جبن أبيض + مرتديلا + خس


الخميس

الفطور : 2 بيض مسلوق + 10 حبات زيتون + ماء دافئ
الغداء : تونة + مايونيز + خس
العشاء : جبن أبيض + مرتديلا + خس


الجمعة

الفطور : جبن أبيض قريش + 10 حبات زيتون
الغداء : دجاج مشوي + سلطة + خس
العشاء : بيض أومليت + سلطة(خس - جبن أبيض - طماطم - بصل - نعناع - زيت زيتون)

 

[صبرت ومل الصبر]

بنات شرايكم بجدول الرجيم ودي اجربه وامشي عليه بالتمام وش رايكم

 

[صبرت ومل الصبر]

 

[قمراالجبيل]

موقفين بنات ودي اكون معاكم بس الين استرجع ارادتي دعواتكم لي أمانه ادعو ترجع ارادت ام علي معزمه بكره أبدا اذ حسيت حالي يكمل وبفيدكم جيت عشان ما اسوي احباط بالقروب الله يوفقكم وتنزلون بصحه وعافيه

 

[بنت الخبررر]

صبوره ارسلت لك
بعدين وشو جددول الرجيم
يمكن يغير الروتين الي مللني في دشتي

 

[بنت الخبررر]

قمرالجبيل ان شالله تسترجعينه باقرب ووقت
وترجعين معانااا

 

[Aci Hayat]

السلام عليكم


صباح الليل بنآآآت

فديتكم وحده وحده لاااازم نشجع بعض :eh_s(7):

سارونه
صبوره
روحي تحبك
بنت الخبر
دلع
بينك

شخباااركم ؟

قمر الجبيل
يا حيّ هالطله عاااااااااااااش من شاااااااااااااااااااافج :eh_s(11):

أنا يوم الجمعة 1/7

صحيت قبل الصلاة بساعة
صليت وشربت كوب نسكافيه الأحمر مع ملعقة كافيين ملعقة سبليندا
وشفت لي فيلم هندي لوول
ونمت ع 6 وقعدت 9
شربت كوب نسكافيه ثاني
وتعشيت ع 11ونص نص دجاجة مشوية ع الفحم مع نص علبة سفن آب دايت
والحين أشرب مااااي

شرآآآيكم بناااات ؟

وزني أتوقع 77 الى 79

بس إن شاءالله مستمررره
بكره بروح آآآخذ لي أغرااااااااض جديده حق الرجيم

 

[روحي تحبك...]

صباح الخير دشتيات

شلووونكم؟؟



انا من ساعه قعدت

شربت قلاصين ماي عالريق

وتريقت بيض اومليت عليه شوي جبن مواريلا وحبة خيار

والحمدلله احس نفسي شبعانه


ويمكن اتغدى تونه مع سلطة خضار ورقيه