تجمع رشيقات صيف 2011 Yes We Can Do It " Lets Go Girls

[Zain_ALZain]

رد : تجمع رشيقات صيف 2011 Yes We Can Do It " Lets Go Girls

اشوه عيل بشيل فكرة اني اجربه شكرا بنات

بالعافيه حراير

يلا باااي وقت المدرسه

 

[ضي]

صبااااح الخير

شلونكم بنات؟

بالعاااافيه اللي كليتوه

 

[LadY BuG 80]

رد : تجمع رشيقات صيف 2011 Yes We Can Do It " Lets Go Girls

زين الزين و ام عيال

الحين بقولكم يوم بيوم معاي الي اكله تاكلونه و الي ما تحب اي شي منه تقولي و ادور لها البديل

و لاتتوقعون اتكنز يعني دهوون و قلي لاا اسمه دايت ,,, بس اهو يقول يعني اذا خربطتوا انه ادهون من المسموحات ,, تدرون اتكنز مافيه خربطه لانه نحول نظام الحرق في الجسم ,, يعني التزام بلمسموح

و مرضى اسكري راح يقل اسكر في ادم ,, و الي يعانون من الكلسترول راح يقل عندهم و ممكن يتشافون منه تماما خلال كم شهر

في بنات الله يهداهم دشتي عندهم يعني دهوون و مقالي ,,, غلططططط اصلا حتى اللحم الاحمر لاتكثرون منه مو صحي الاكثار

د:اتكنز قال مرتين في الاسبوع ,,, و انا اشوفهم مطيحين على لحم البرجر ؟؟؟

انا اجيب لحم عجل عمره اسبوعين و اشيل اشحم تماااااااام و اشوحه بشويه زيت ,, و اخاف من كثر الحم مرتين في الاسبوع فقط ,,,, البرجر مووووو صحيييي هاذا مرضضضضض 65% شحم

هنا اخصائين اصحه يقولون الطفل لا ياكل برجر اكثر من مرتين شهريا ,, كثر ما انتشر سرطانات الاطفال ,,, بلله اشلون بنات مسوين دايت و ياكلون كل يوم 2 لحم برجر ؟؟؟ انا ما اكله بشهور

روحوا على اليوتوب و اكتبي how do thay make beef burger و شوفوا العجب

ما علينا

اتكنز يعني بروتينات( سمك, دجاج , لحم, بيض ) اطبخيه بطريقه صحيه + سلطات و خضار

ام عيال اذا الاتيه مسوينه بسكر دايت مسموح شوفي في الجدول الغذائي كم فيه كاربهيدرات

بيشوو : اووه نسيت انتي على شركة دايت الحين كم المده؟

المنيو بكره

انشا الله بكره فطورنا يكون بيض شكشوكه ,, عيون ,, مسلوق ,, الي تبين

انا راح افطر بيضتين شكشوكه ( مقلي بشويه دهن ) الي تحب شطه تسوي الكرستال


اليوم جهزوا دايت 7up (انا كرتوني جاهز )

امس جبت دجاجه شوايه مربربه و محمره و حطيتها في الثلاجه

راح افتح 3 علب تونه بلماء و اعصر المويه عدل و اخلطهم مع 3 ملاعق مايونيز شويه ملح شويه فلفل اسود و احطهم في علبه بلاستك و في اثلاجه ,

,, راح اسوي اليوم مرق دجاج فرش ( صايره مثل مرقت ماجي انتم تسمونها شربه صح )

البيض كليه في اي وقت (اختي تسلق 7 بيضات و تاكل سناك وقت ما تجوع )

طولت اليوم كل ما تجوعين اكلي انشا الله 6 وجبات ,, اول 3 ايام ممنوووووع الجووووع

المشروبات اول 3 ايام ,,, نسكافي كووووب واحد سكر دايت او شاي او شاي اخضر (اشاي بدون حليب ,,, الكوفي اول 3 ايام بدون مبيض )

مسموح اسماك مأكولات بحريه لحوووم حمرا بيضا اول 3 ايام بروتين صافي الكاربهيدرات صفر

لييييييش ... لانه جسمنا طبيعنه يحرق كارب عشان نعيش نتنفس نتحرك نمشي ,,

احنا اول ثلاث ايام راح نقوله ستوبببب ,,,, احرق شحوووم و دهوون و خذ منها طاقه

في الثلاث ايام جسمك راح يدور كارب .... ماكو ... راح يدور المصدر اثاني الي هو ادهوون و يحرق من المخزون

و بيتدي يحرق من ادهون الي تاكلينها عشان كذا دهون و بروتين اول 3 ايام ,,( مو تشربين زيت شرب ,و كافي ازيت الي تطبخين فيه معلقتين ثلاث ,, او المايونيز الي نضيفه )

و بعد اثلاث ايام ندخل الخضار و اسلطه بشكل تدريجي ,,, ماراح تندمووون من اليوم الخامس اذا الكل ما قالك جسمك يننحت نحت . ما اكون انا كوتن بنت كاندي :ggdw:

الاشياء المتوقعه

- اول يومين صدااااااع ,,, غثيان ,,, ماودك تاكلين بروتين من لوعت انفس بس تغصبي لازم تاكلين مو تقولين مالي نفس بنام ,,, لاااااااا اتركي ادايت احسن اذا مارح تاكلين ,, لانه نقص الاكل يسبب خمول وانوم هاذا مو طبيعي و جسمك راح يحرق عضل و يترك اشحووم غلططط

- راح تشتهين نشويا خبز حلووو بشكل جنوني اول 3 ايام بس راح يتلاشا و ما تشتهين الحلو و الشوكلت ابددددددددد
صدقوني

( الا وقت ادوره لوووول وحام على الحلو )

- نزووووول سريع اول اسبوعين راح تحسين انه خسارت الوزن شي تافه و سهل

و الي تبغا خسف في الميزان و تدبل انزول اول السبوعين ,,,, تمشي 45 دقيقه لانه اول اسبوعين مارح يتكررون سو استغليهم ... و بعد كذا راح يكون نزولك 3 كيلو اسبوعيا الاسبوعين الي وراهم ,,و ثم تستقرين على 2 كيلوا السبوعيا مع المشي او رياضه ,,,, (مشي سريع لمن تعرقين من تتمخطرين في المول )

من يستطيع معي صبرا ؟؟؟؟؟ ​

 

[om l3yal]

كوتن بتوكل علا الله وانا معاج
بس اللاتيه يون مهاه سكمد ملك عادي؟؟؟؟
والدياية شسويتي فيها بس جذي بالثلاجة؟؟؟؟
انا ماحب التونة ولا السمج شلون؟؟؟؟

 

[LadY BuG 80]

رد : تجمع رشيقات صيف 2011 Yes We Can Do It " Lets Go Girls

حرووور . ايه في بنات ما ارسلوا اوزانهم بس عادي على راحتهم يمكم مايبون راح انزل الي عندي الحين

زين ازين : لا حليب اصويا ما يمتن بس هاذا خاص لناس الي عندهم حساسيه من حليب البقر ​

​

يقولون طعمه غريب ,,, هو بديل عن حليب البقر ,,, سيم سيم


ضي: يسعد صباحك


ام عموور : فيه العافيه و الله يعينك على شلع اضروس بس من العوار ماراح تاكلين عدل يومين و راح تقولين احسن لووووول

حمسة السبانخ سهله : احمس البصل مع زيت زيتون بس يذبل لاتحمرينه و ضيفي شويه طماط اذا تبين و اذا تبين استبدليه شويه معجون طماطم حوالي معلقه صغيره

بهاراته ,,, فلفل اسود ملح كمون سماق و حطي اسبانخ مقطع وسط ,, حمسي لين ينزل (يذبل )

ممكن تحطين لحم مفروم .بعد ما يستوي اسبانخ . انا اكون مشوحه الحم من قبل بدون زيت حطيه في المقلى لمن تنشف المويه سوي عليه بهار ( بصل , ثوم , كمون , فلفل ملح , شويه قرفه كل البهارات جافه ) و شوحيه في ادهن الي يطله منه ما يحتاج تضيفين يصير طعمه الذ بدون زيت

اسوي الحمسه هاذي العرايس , فطاير , ابشر عليه جبنه و اكله بشوكه لذيييييييييييذ ,, بس الي محتاجه حديد لاتسوين جبن

و صحتين ​

 

[Queen of Sadnes]

السلام بنات شلونكم

بالعافيه عليكم اللي اكلتوه

انا لليلحين ما تريقت وما ادري موحاسه اني باكل شي

تم ارسال الوزن الحمد لله وبالتوفيق لكل البنات ان شاء الله كلنا نازلين بصحه وعافيه يارب

اخليكم الحين ولي رجعه

 

[خدوجہ]

،

السلآم عليكم ورحمة الله وبركآته

أنا تو أشوف الموضوع، أختي نصحتني انه مع البنات فيه حماس اكثر

وراح أجرب معكم، بس الغريب انه مافيه نظـام موحد لكم .. كل بنت لحالها نظـام

يَ رب ع الصيف اوصل للهـدف اللي محددتـه <~

والله يعطيكم اللي تتمنـون يَ بنــاات وانتـوا ب صحـة وسسلاامـه

،
​

 

[LadY BuG 80]

رد : رد: تجمع رشيقات صيف 2011 Yes We Can Do It " Lets Go Girls

كوتن بتوكل علا الله وانا معاج
بس اللاتيه يون مهاه سكمد ملك عادي؟؟؟؟
والدياية شسويتي فيها بس جذي بالثلاجة؟؟؟؟
انا ماحب التونة ولا السمج شلون؟؟؟؟

ادجاجه الله يسلمج كل ما احتاج حنان اروح اعطيها بوسه و اعيش قصت حب و امصمص عضامها لوووووول

لوقت الحاجه اذا مو فاضيه اطبخ ,,, اخذ جناح رجل مثل الي يسوي دايت و لمن يجوع ياكل تفاحه ولا برتقاله سناك يعني

ليش اتونه صحيه للقلب و الاسماك بعد فيها اوميغا 3 و احماض مهمه

و هي الحووم الوحييييده الي لو ناكلها ليل نهار تزيد الفايده ولا تضر ابد

جربيها مع المايونيز ( قودي , ادايت او العادي كلهم 0 كارب ) طعمها روعه نفس الي في اصاب واي ) تونه سالد اسمها لذيييذه مع سفن اب واااو ​

 

[brat]

هاي بنات، شخباركم؟ عليكم بالعافيه

اليوم الصبح كنت حدي مشغولة، بس قريت سوالفكم ودزيت وزني حق كوتن

رحت الجامعة أسلم شغلي وحست بالمكتبة، وشريت من هناك بطل ماي شربته بالباص قبل لا أتريق، وهم شريت بيض ويا رشاد ومايونيز ساندوج (توست أسمر) لأن ما مداني أتريق بالبيت

وبعد نص ساعة بروح الجيم إنشالله

كوتن زين إنج حطيتي طريقة السبانخ نسيت أسألج عن طريقتها، وممكن طريقة شوربة الشوفان باللحم بليز؟ شكلها حده يشوق

 

[شوكولاته&فانيلا]

مساء الخير بنات

سوري انا ماقدر احط وزني لأن ماوزنت وماعندي ميزان لازم اوزن بصيدلية

لي فترة اوزن وزني متنح آخر مره وزنت كنت 69 لذلك قلت بقاطع الميزان الين احس اني نزلت صج ويارب انزل تعبت والله

وانا على هالوزن..بس ارجع واقول الحمد لله على كل حال تخلصت من الكثير ومابقى الا اقل من القليل ربي لك الحمد

موفقين بنات وانا وياكم ..

اليوم تريقت حليب فقط

وتغديت صدر دياي +برتقاله

والعشاء مادري لحد الحين

​

 

[LadY BuG 80]

رد : رد: تجمع رشيقات صيف 2011 Yes We Can Do It " Lets Go Girls

،​

السلآم عليكم ورحمة الله وبركآته​

أنا تو أشوف الموضوع، أختي نصحتني انه مع البنات فيه حماس اكثر

وراح أجرب معكم، بس الغريب انه مافيه نظـام موحد لكم .. كل بنت لحالها نظـام ​

يَ رب ع الصيف اوصل للهـدف اللي محددتـه <~

والله يعطيكم اللي تتمنـون يَ بنــاات وانتـوا ب صحـة وسسلاامـه

​

،​

هلا خدوجه ,,, كل وحده ادرا بجسمها عشان كذا ما وحدنا اجسامنا تختلف ,,, حريه تامه

اقلطي معانا حياك الله :eh_s(7):​

 

[ضي]

خدوووجه حييياح حبيبتي معانا

برات وشوكولاته بالعااااافيه

كوين صححح النوم

 

[LadY BuG 80]

رد : رد: تجمع رشيقات صيف 2011 Yes We Can Do It " Lets Go Girls

هاي بنات، شخباركم؟ عليكم بالعافيه

اليوم الصبح كنت حدي مشغولة، بس قريت سوالفكم ودزيت وزني حق كوتن

رحت الجامعة أسلم شغلي وحست بالمكتبة، وشريت من هناك بطل ماي شربته بالباص قبل لا أتريق، وهم شريت بيض ويا رشاد ومايونيز ساندوج (توست أسمر) لأن ما مداني أتريق بالبيت

وبعد نص ساعة بروح الجيم إنشالله

كوتن زين إنج حطيتي طريقة السبانخ نسيت أسألج عن طريقتها، وممكن طريقة شوربة الشوفان باللحم بليز؟ شكلها حده يشوق

اشربه مثل شربت رمضان ,,, ناس تسويها بدجاج احنا بلحمه فقط ما تطلعا عدل الا الحمه

حمسي بصل لين يشقر ثم لحم مقطع كبر الفروله حوسي لمن يقرب ينشف المويه سوي البهار

ملح فلفل اسود كمون فقط لمن تنشف المويه حمسيها شوي و ضيفه الطماط و و الثوم
( اطماط مفروم ناعم و اثوم مدقوق أو كلهم في الخلاط الكهربه على كيفك ) و 2 م طعام معجون طماطم و خليه لين ينشف و ضيفي المويه و خليه يطبخ 40 دقيقه تقريبا لمن يستوي الحم

حوالي كوب شوفان منقوع في ماء دافي 10 دقائق و صبيه على شربه الحم ,,, انا امس سويته ثخيييين ,, ولا احنا نخففه عادتا ,, لمن ينطبخ الشوفان حوالي 15 دقيقه ضيفي كزبره خصرا مفرومه ( اكزبره ضروري نكهتها عجيييبه عليها ) و بس

عند اتقديم حلاتها مع ليمون او شطه كرستا ,,, فر رمضان من الاساسيات كل يوم شربه شوفان

و صحتين :eh_s(7):​

 

[brat]

الله يعافيج ضيونه


يمي يمي، مشكورة عالطريقة كوتن

 

[LadY BuG 80]

رد : تجمع رشيقات صيف 2011 Yes We Can Do It " Lets Go Girls

brat

الوزن السابق

110


الحالي

106.700


الخساره


3.300
:ggdw:




ام عيال



الوزن السابق

99.900


الحالي

98.600


الخساره

1.300

:ggdw:




ام عامر



الوزن السابق


67

الحالي


67

الخساره

0

:eh_s(7):



حراير



الوزن السابق

ما ادري


الحالي

65.55


الخساره


ما ادري بس مشا الله وصلتي ال 65 انجاااز حروور :ggdw:


Cotten Candy



الوزن السابق

66.600


الحالي


65.200

الخساره


1.400
مافي :ggdw: لاني انزل الي زدته :eh_s(14):


Biishooo



الوزن السابق

ما ادري :eh_s(2):

الحالي

109.100


الخساره

ما ادري



زين الزين



الوزن السابق

112


الحالي

111


الخساره

1

:ggdw:


Queen Of Sadness


الوزن السابق

55.600


الحالي

55.200


الخساره

00.400

:ggdw:



ضي



الوزن السابق

106


الحالي

104.300


الخساره

1.700

:ggdw:​

مبروووووووووووووك الكل نزل مايهم مقدار انزول اهم شي مافي احد زاد

ام عمور ثابت ولا زياده :eh_s(8):

اسفه الي ما حطيت مقدار نزولهم يمكن حاطين اوزانكم اول اتجمع بس اعذروني ما اقدر ادور في 40 صفحه :eh_s(2):

ضي خربطتيني حاطه وزنك ارقام عربي :eh_s(4): الاصفار و انقاط مثل بعض اثلاثه انجليزي و الاربعه لخبطونه ,,, بغيت اصيح يالله عرفت اكتب وزنك :eh_s(1):​

 

[أم عامر]

مبروك النزول

كوتن الله يسمع منج واصير بالستينات :ggdw:

غلطانه بوزني كاتبه 67

والصحيح 76 :eh_s(2):


اما عن أخبار سني العزيز المفقود :eh_s(2):

تم خلعه والحمد لله ما عورني مثل ماكنت متوقعه

والحين يعورني بس أكلت مسكن للألم

وكنك تدرين كوتن احسن ماراح آكل

 

[om l3yal]

مبروك النزول

كوتن الله يسمع منج واصير بالستينات :ggdw:

غلطانه بوزني كاتبه 67

والصحيح 76 :eh_s(2):


اما عن أخبار سني العزيز المفقود :eh_s(2):

تم خلعه والحمد لله ما عورني مثل ماكنت متوقعه

والحين يعورني بس أكلت مسكن للألم

وكنك تدرين كوتن احسن ماراح آكل

ماعليج شر ام عمور عساه اجر وعافية يالغالية

 

[om l3yal]

كوتن يعطيج العافية حبيبتي ماقصرتي على الطريقة

 

[om l3yal]

بنااااااااااااااااااااااااااااااااااااااااااات مبروك النزول يالرشيقاااااااااااااااااااااااااااااااااااات

 

[BiiShOoO]

اهليييين كوتن توني ما صارلي اسبوع