تجمع صيف ماليزيا 2012

[كوكا كولا]

احساس نادر

حياج الله ياحياتي سفرتج عقبنا يعني راح تستفيدين ان شاء الله من تجربتنا
خل أخلص من الرد عالبنات وراح احط الأماكن السياحية في كل من جزيرة لنكاوي وبينانق

 

[كوكا كولا]

ال بي

هههههههههههه الله يعينج شكلج خوافه من الطرق الوعره والجبال
انا معاج صح المكان حلو بس زوجي رافض لأن المشوار 4 ساعات فما تسوى يوم كامل كنسلناها
لأن كلها مزارع مع ان كانت بخاطري
يمكن يمكن احاول فيه هناك لي وصلنا نروح لها يمكن لي شاف الأجواء الحلوة بالمرتفعات يغير رأيه
منوره تجمعنا يا حياتي

 

[كوكا كولا]

نـازك الملائكة

اللللللللللله عجييييييييبه القرية الفرنسية المباني فيها توحي انك في فرنسا عجبتني حيل ودخلتها في جدولي مشكوووره حياتي
انا سمعت بعد عن القرية اليابانية بتأكد بس بالقرية الفرنسية فيها الحديقة اليابانية

 

[ال بي]

كوكا كولا

ايه والله خواااافه مرره الله يفكني من هالطبع ..
منور بوجودك ياقلبي تسلمين

 

[كوكا كولا]

*الهنوف*

اي شايفته هالموقع وايد حلو ومفيد للي أول مره يسافرون ماليزيا حيل استفدت منه بخصوص الأماكن السياحية
والمناطق وكل شي انصحكم تتصفحونه وايد فيه معلومات مهمة

 

[كوكا كولا]

ال بي

ليش نكنسل جنتنق ؟؟؟؟؟
المسافة بين جنتنق والقرية الفرنسية بالسيارة 20 دقيقه نخليهم اثنينهم بيوم واحد احسن واقرب
لأن جنتنق ما يسوا عليها يوم كامل كله ألعاب خاصه للي مثلي بس انا وزوجي مو مع عيالي ماراح نطول فيها وايد
ههههههههههههه يالخوافه ما الومج انا لما رحت السعودية ورحت الطايف يمممممه الدرب يخرع واحنا نصعد
وخاصة الشباب الي صادفناهم جدامنا عالجبل يقحصون يمممممممه مت من الخوف
يقحصون على الطريق الجبلي ما يخافون

 

[كوكا كولا]

احساس نادر

شوفي هالرابط فيه كل شي عن الجزيرتين وايد حلو

هذا دليل بينانق وادخلي عالكلام الي موجود اخر التقرير فيه الأماكن السياحية وصور عنها

http://www.daleel-malaysia.com/vb/tourism24507/


هذا دليل لنكاوي مع روابط للأماكن السياحية وصور عنها

http://www.daleel-malaysia.com/vb/tourism24498/



ان شاء الله تكون الروابط نفعتج ترا وايد حلوة واستفدت منها حيل للتخطيط لرحلتي لأن اول مره مثلج اروح لها

 

[كوكا كولا]

تصحيح معلومه عن عين ماليزيا (العجلة الدوارة)

اهي موجوده في كوالالمبور وهذا الرابط

http://www.daleel-malaysia.com/vb/tourism24421/

في 2 عين على ماليزيا الصغيره والكبيرة الي نفس لندن
الكبيرة والي اهي رمز ماليزيا موجودة في كوالالمبور
حتى جيكت على الخرايط لقيتها موجودة فعلا في كوالالمبور يم حديقة بحيرة بردانا المشهورة

 

[كوكا كولا]

بنات نصيحة تبون تكونون خبيرات اكثر
نزلوا جوجل ايرث والله فيه كل شي على الخريطة لما تكبرينها
يبين لج الأماكن كلها والأسواق والمطاعم بعد
بس لازم تثبتين عدل لأن راح تخربطين نفسي اول مره عقبها راح تعرفين
الحين عرفت مكان الحي الصيني والحي الهندي والسنترال ماركت كلهم يم بعض حيييييييل بصور لكم الصورة من الخريطة
والحلو انه يم فندقنا يعني نقدر نروح له مشي

 

[كوكا كولا]

شوفوا المسافه بين فندقنا بكوالالمبور (سويس جاردن) وقربه من السوق الصيني (china Town)

 

[نـازك الملائكة]

بنات كم بين القرية الفرنسية ومرتفعات فريزر ودي اروح لها بنفس اليوم
لانو جنيتغ يبي لها يوم كامل صراحه وخصوصًا عشان جوهااا واحنا عايله كبيره ماشاء الله 11 نفر ومعنا اطفال صعبه نطلع من الملاهي ونروح مشوار ثاني
ومالي خلق اضرب مشوار ساعه عشان القريه الفرنسية ويضيع يومنا
لانو جلستنا بكوالمبور اربع ايام على كذا ما قدر اروح السوق إلا مره

 

[احساس نادر]

تسلميييييين كوكاكولا ماقصررتي ي قلبي على الاماكن :tek:

تروحين وترين بسلامة ولا تنسين تزودينا بالاماكن السياحية الي تستحق الزيارة

 

[كوكا كولا]

نـازك الملائكة

مادري والله بس بعيده شفتها بالخريطة وايد بعيده الأقرب كوالالمبور او جنتنق

 

[كوكا كولا]

احساس نادر

أي اكيييييييييييييد ان شاء الله لا تحاتين بعلمكم كل شي وكل داعوس وممر هههههههههههه
وبسوي لكم أحلى تقرير مصور بإذن الله وفيه معلومات وايد وصور اهم شي وبسوي بعد موضوع
فيه كل صور مشترياتي لوووووول

 

[*الهنوف*]

*الهنوف*

انا سفرتي 11/6 يعني اسافر وانتي للحين في ماليزيا
بخصوص اغراضج وااااااااايد خليني انسقهم لج

انتي بتقعدين 15 يوم وانا بقعد 14 يوم
يوم الروحه والرجعه مو محسوبين لأنهم محروقين بالكامل سفر روحه ورده

الترنجات مالها داعي نصيحه
والبيجامات خفيفه عادي ماتاخذ وزن اذا خامتهم خفيفة
2 بدلة رسمية ونفنوف مالهم داعي خليج على العملي والمريح لأن يومج كله حركة بحركة وما تبين شي يضايقج بالمشي والحركة
6 بلايز واااااااااايد
الجينزات بعد 4 وايد (انا خذيت بس 2 جينز و 2 بنطلون خام خفيف ومريح+3 قمصان طوال للجينزات)
4 شحاطات وايد لأن راح تشترين من هناك اكيد كافي 2 بس
الكعب كنسليه لأن راح يتعبج اختي كانت ماخذه كعب واطي اخر شي شرت فلات وريحت رجولها لأنها ورمت من المشي
والجنطة الكروس (الطرزان على قولتج) وايد 3 اخذي وحده كافي لأن هناك وايد حلوين ورخاص حييييييييييل بتطير عيونج
اهم اهم شي اخذي فوط لا تستخدمين فوط الفندق انا ما احب استخدم فوط الفندق كللللللش حتى لو كان 10 نجوم

خلصنا من الملابس شنو بتاخذين اغراض معاج؟؟؟؟
اتوقع جذي خفت الجنطة لووووول وايد هدومج واذا بخاطرج تريننق اخذي واحد كافي
وبخصوص سؤالج عن العجلة الدوارة اتوقع التكاسي عارفين مكانها بالضبط وين بس قوليلهم eye on malaysia وراح يعرفونها

ثانكيو

لا انا اقامتي بس 15 يوم ولاسفرتي 17 يوم فشلت يومين الروحه والرده

شوفي مشكلتي ماعرف لازم اكشخ ومابي اوهق عمري بجنزين يتوصخون وانطر لاندري الفندق
لاني مجربه لاندري الفنادق اطول ويعلون القلب
النفنوف بشيله
البدله الرسميه اقصد جاكيت بس اللي البسه عالجنز ،يعني قلت اذا بننزل انتعشي بليل مابي ادش مطعم ببلوزه عاديه
(ذابحتها الكشخع ههههه)
شلت قميصين وجنز

بس ليش مانصحتيني بالترتق ،مادري احس اخف وذرب وينفع للتسوق والرحلات

بالنسبه للاغراض
ادويه -اوتي صغير (اخاف مو كل الفنادق يوفرون اوتي.)-مكياج يومي ماكثرت حق القز بالمجمعات لان ماتخيل وجهي بدون مكياج هخهخهخه
شمسيه انونه (واجد نصحوني اخلي معاي شمسيه)-
صبري ترى مبطله الجنطه وقاعده اكتب خخخخخ

 

[شيخة الحلوة]

بعد قلبي ما قصرتي كوكا كولا
وبالعكس انااقول كثرو هدوم خفيفه لان ع طول راح تبدلين هدومج وما يمديج تغسلين وايد هدوم هناك
ولا تاخذون الا جواتي رياضة مريحه ومخصصه حق المشي والله هناك كللللللللللللللللله مشي
واخذو اذا عندكم فلات مريح بس احس حتى الفلات يعور اذا كثرتي مشي فيه والا انا لان فيني فلات فوت مو اي جوتي وانتو بكرامة يوالمني

بس الهدوم بالعكس حطو الخفاف المريحين وحتى البنطرونات اقولكم شي ما تضحكون في بماركس سبنسر بنطرونات ملوت بجامات ع 11 دينار يهبلووووون حق السفر مريحين ولا جنج لابسه شي انا دايم اخذ منهم من عمر حق اي سفره اخذي اسود 3 واخذي رمادي واخذي بيج
وقولي ماقالت ام شيوخة والله اريح من الجينز لان هناك رطوبة حتى الجنز يكون متعب حيل
ماادري انا هذا رايي
جربو وقولولي

والله يوفقكم ويسهل دربكم يارب

 

[أم ركووووووو]

النور نورج حبيبتي كوكاكولا:aha::aha::aha::aha:شكررررررررررررررررا

 

[كراميلو]

ماشاء الله نشييطين الله يزيد ويبارك خخخ
حياالله كل من انضم معانا
كوكولا ...
عادني مصممه اصحح لك نعم عين ماليزيا كانت في كوالا وتم نقلها الى ولاية ملاك وووبعد ذالك تم قفلها ....
الهنوف ...
الله يعينك ع الشياكه ويعينك ع دفع الشحن هههههه
ودي..^_^

 

[كوكا كولا]

*الهنوف*

هههههههههههههه اي احسن جيكي على اغراضج
اذا التريننق خفيف اخذي 2 كافي لأن راح تشترين هناك وايد
اممممممم.... أوتي انصحج تشترين أوتي بخار انا توني شاريه اوتي بخار صغير من الكتروزان ب 7 دنانير يهببببببببببببل
الفنادق فيها اوتي اكيد بس اوتي عادي فالبخار احسن لج خاصه للقمصان والملافع والبلايز
انا ما احب اللاوندري مال الفنادق عقدتي يقطون هدومي مع كود هدوم الي بالفندق
فأحسن شي بشتري من هناك صابون صغير وكومفورت وعندي اوتي بخار وخلصت السالفة ههههههههههه
وبخصوص الشمسية لا تاخذين لأن اغلب الفنادق يوفرون شمسيات
وميك أب لووووول شي أساسي بس انا باخذ ميك أب ناعم مابي احط وايد لأن الجو ما يساعد فالناعم احلى

 

[كوكا كولا]

شيخة الحلوة

اي انا جذي مسويه ماخذه 2 جينز و 2 بنطلون خام خفيف
وماخذه 3 قمصان طوال بس كافي وشريت لي فنايل تراي القطن البيضه البسها تحت القميص علشان الحر والعرق تمتصه
وايد حلوين وخفيف القطن مالهم
لي قربت سفرتي بجهز الجنطة واقول لكم شنو بآخذ علشان غيري يستفيد بس اوتي البخاط عجييييييييييييييب عجيييييييييييب الي شريته
وبخصوص الجواتي عزج الله خذيت 2 سبورت وتوني شريت جوتي تومز حق المشي وايد مريح