تجمع طالبات الاداب ~ colleGe oF ARTS ~ حياكم =)

[أمل الدلوعة]

إالى طالبات كلية الآداب قسم اللغة العربية

إذا تبووون مدرس ثانوي دراسات عليا في قواعد النحو والصرف والبلاغة والعروض 94475443 أبو محمد
​

 

[Emmma]

ليش جدول الآداب كل مواد الانجليزي ايام الاثنين والأربعاء .. كله تعارض ... بنات الدكتور عبد السلام بهبهاني مقدمة أدب 170 شلون شرحه ودرجاته واسلوبه

 

[jen2n]

بموقع تقييم الدكاتره هذا مكتوب عنه

امبيييي شقول عن دكتور عبدالسلام؟؟ مو من احسن الدكاترة اللي خذيت عندهم لا. اهو احسن دكتور مريت عليه بحياتي, محترم حده و مؤدب ما يغلط على الطلبة بس أول يوم يوزع الguidelines و الطلبة يخترعون , بس اللي كاتبه شي عادي كل الدكاترة يكتبونه, يبي الطلبة يمشون معاه سيدة و اهو راح يكون أكثر من الاحسن معاهم. ما حب اي طالب يتأخر عن الكلاس, و اسلوبه بالشرح مو طبيعي نفهم منه اكثر من لما نقرا القصص بالبيت لانه يندمج بالشرح و يمثل و يغير صوته على حسب الشخصيات, والله انه يعطي من قلب قلبه. و على سالفة التكدش, اهو كل اسبوع او اسبوعين يخلينا نكتب essey و نسلمه يصلحها و يردلنا اياها نعدلها بعدين يرصد الدرجة يعني معطينا فرصة ما يرصد الدرجة اذا الessey مو زينة و هالشي بمصلحتنا نحس روحنا perfect in writing esseys و الماكسيموم صفحتين يعني وايد احسن من غيره. انصح فيييييييييييييه خذيت عنده +B

The professor is amazing and extremely respectful!!
never hesitate to take a course with him!!
you will know the real meaning of joy of study with him!!
he is awesome!



الدكتور جداً محترم ، و اللي يقولون انه مو زين ما معاهم حق كلللش ، كل المشكلة انه يشغل وايد ، يعني شغل يعتبر زين حق طلبة جامعة ، ما تبي تشتغل وتبي قريد لا تاخذ عنده ، امتحاناته زينة ، مو وايد صعبة ، الميدتيرم قال لنا عن شنو قبل الامتحان و الفاينل عطانا كل الأسئلة و جهزناها قبل الامتحان ، يعني انت تدش و انت تعرف الامتحان ، عاد هذي مشكلتكم اذا ما تبون تدورون الحل الا حزة الفاينل . بالدرجات لك عليه شوي ، يعني لازم تشارك لازم تقرأ الدرس قبل المحاضرة ، لازم يسأل و يحس انكم فاهمين القصة او القصيدة قبل ما يشرحها ، يعصب اذا سأل ومحد عرف يجاوب ، غير جذي مافيه أي عيب ، مسألة انه ما يتكلم عربي هذي مو مشكلة ، لما تكونون طلبة انجليزي لازم تتكلمون انجليزي ، ما تعرفون لا تتخصصون انجليزي.


Dr.A.B is amazing! I have learned in his two classes more than what I have learned in my 3 and a half years in this university! There is no room for boredom whatsoever during his lectures. He is so into what he teaches (especially Shakepeare),which made me into what I learn in his classes! BUT, only if you are serious and hard working, I advise you to enroll in his classes; but, if you are lazy or something, do NOT even dare to enroll!!!


الدكتور حده مجتهد و يحب يشوف هذا الشي في طلبته كان يخلينا نقرا فصل كامل من كل مسرحية قبل لا ندش المحاضرة لان يوميا فيه كويز على الي قريناه - ولما يعطينا الاسئلة ينبهنا نركز على الكتابة السليمة سواء مقاله او بحث لانهم كلهم مطلوبين منا هو صراحة كرفنا كراف درسنا 7 مسرحيات و الثامنة خلاها بحث بس استفدت من خبرته و كلامه اكثر من غيره ويعطي الدرجات بالملي


دكتور وايد هادي وشرحه وايد صعب
وايد يتحجى وامتحاناته دقيقه ويبي اجوبه اعجاز :s
ومايرتاح لمن يبقى بالكلاس 5 طلاب وبس
لازم كلهم يسحبون الماده ولا مايداومون وياخذون f


من ناحية شخصيته فهو دكتور جاد بعمله وهذا شي جيد ، لكن ما أنصح فيه بسبب تشدده الرهييييييييب بالتصحيح ، متطلب لأبعد الحدود ولا يعجبه شي بسهوله ، لكن الكلاس ممتع و وما يعطي فرصة للملل


الدكتور بصراحة هوايته يسقط الطلبة..

يعني لاتاخذون عنده..

انا اعرف 3 بنات خذوا عنده وخذوا بكرامتهم FA

الدكتور يشرح بضمير بس مشكلته ان عباله ان الشعبه كلها تخصص انجليزي و اللي بس تخصصهم انجليزي يكونون 5 ؟!؟! فا الباجي يتوهقون ؟ يرفع بالفاينل و امتحاناته كله كتابة عن اوبرا شوفتوها ؟ و يدقق وااااااااااااااااااااااااااااااااااااااااااااااااااااايد و الحضور و الغياب شي مهم
و اهم شي اقروا القصه لان يعطي كويز مفاجئ اهو شديد وايد ؟



الدكتور عبدالسلام دكتور مو متعاون ابدا مع الطلبه الضعاف بس الطلبه الفلته يساعدهم يعني متوقع انا الكل دارس انلجش عدل ويبلبل فيه واحنا بصراحه مو بيرفكت مثل ما اهوا يتوقع.....
يقطع حيلك بالهووم ورك وغير هاذا مايتاخر واذا دشيتي متاخره يجحت اشكره ....
حده مو فلكسبل واهوا مبين عليه يحب المثاليه في كل شى سوو يتوقع من الطلبه انهم يكونون مثالييين...
صج يعطينا سوال المقال ويخيلينا نكتبه بالبيت ونمتحن فيه ...بــس ... مو بهالسهوله لازم يكون مقالج بيرفيكت يعني تطلع روحج على صفحه وصفحتين ...وترد تكتبه مرتين او ثلاث.
اول يوم دراسه كان الشعبه 45 تقريبا بعد اسبوعين 17 طالبه فقط ...
يقرا لنا روايه من 300 صفحه في اسبوعين بس... يعني تروح البيت اتحضر 30 صفحه كل يوم..
بس فيه شى حلو انه يدرس من قلب من اول المحاضره لاخرها واهوا واقف يقرا بهالروايات...
ولكن لأ أنـــصح فـــــــيه ابــــــدا....

لأ هالدكتور شي ثاني و الواحد ما يعتبر انه جرب الأكاديميك لايف الا لمه ياخذ عنده
محاضراته غاية في المتعة وشرحه يشد الانتباه و امتحاناته سهله بس يبيلها شغل

.... بس تحذير تره يكرف واذا كنت من الطلبة اللي مالهم خلق لا تاخذ عنده

[..] ما يتكلم عربي ابد مادري على شنو كويتي
[..]
واهم شي كله يطرد
اكلمه بالعربي يرد (بالبريطاني)
امتحناته اتنح فيهم
يورينا اوبرا شطولها شعرضها بتلفزيون ويبينا نكتب عنها تقرير طبعا الاوبرا بالانجليزي والتقرير هم بالانجليزي ونكتب استعارات وتشبيهات ومادري شنو
وبالامتحان نحفظ التقرير الي كتبناه ونكتبه بالامتحان مع بعض الاسئله صج انه يقولكم شنو بالامتحان بس يحاسبكم على كل غلطه وحزته ماتعرفونه ولا يعرفكم
وانا احس انه صعب بس مادري من الدكتور ولا مني اكيد من الدكتور
وابي اقول ياخي شوي شوي علينا درينا انه تخصصنا انجليزي بس مو كلنا من مدارس انجليزيه
حددددددددددددكم داشين قوي

 

[Emmma]

jen2n

مشكورة على الرد بس أنا شفت التقييم ومحد قيمه لمادة مقدمة أدب 170 فلو في وحدة ماخذة عنده هالمادة يريت لو تجاوب على استفساري

وشكراً

 

[L A T T E]

عبدالسلام بهبهاني كل رفيجاتي خذوا عنده fa

اهوا زين.. بس بالدرجات نو كووومنت !!

 

[L A T T E]

تسجيلي يوم 17/7

ادعووولي ودي اخذ 6 مواد

 

[المحاربه]

السلام عليكم بنات ..

بنات انا دفعة 2008 وليلحين ما تخصصت لاني كنت بحول ومو مستوفيه ولا شروط من شروط التخصصات ما عدا العربي وانا مابي عربي

فاقدر اتخصص بعدين ولا..؟؟

وشكرا ..

 

[Emmma]

مواد الآداب انجليزي راح ينزل غيرها ولا بس هذا اللي بالجدول لأن أكثرها اثنين وأربعاء وعندي تعارض معاهم واللي أيام الاحد والثلاثا والخميس أكثره بالعصر

 

[SeLf^CoNfiDeNce]

عبدالسلام بهبهاني خذيت عنده و انا بكرامتي خذيت fa
الدكتور ما انكر ان زين و الحق بنقال بس الي مو توب بالانجليزي لا تاخذ عنده لان الدكتور يبيله مجابل عدل يعني انا خذيت عنده مقدمه في الادب العالمي مترجم
كان يعطينا روايات و انا بصراحه ما اقره الروايه لانها طويله و فوق ذا اغلب كلماتها ما فهمتها
حسيت اني ضايعه و خذيت fa
بس الي تحس نفسها ماشيه بالانجليزي و مستواا اكثر من العادي خل تاخذ عنده
الله يوفقكم
و بالنهايه اهوا دكتور زين يحب الالتزام و انا الي كنت داشه بقوه كنت مستجده و ماخذه 141 و مقدمه بالادب

 

[SeLf^CoNfiDeNce]

تسجيلي يوم 17/7

ادعووولي ودي اخذ 6 مواد

الله يوفقج حبيبتي بالتوفيييق

 

[SeLf^CoNfiDeNce]

بنات ابي جدول الصيفي بليز حطولي ياه

 

[المحاربه]

السلام عليكم بنات ..

بنات انا دفعة 2008 وليلحين ما تخصصت لاني كنت بحول ومو مستوفيه ولا شروط من شروط التخصصات ما عدا العربي وانا مابي عربي

فاقدر اتخصص بعدين ولا..؟؟

وشرايكم بتخصص عربي ..؟؟ شتنصحوني فيه اتخصص عربي ولا تاريخ ..؟؟

وشكرا ..

 

[عكروشه الشمري]

بناات قووه يقبلوني عندكم بالكليه....
نسبتي 76.24%....:eh_s(10):

 

[L A T T E]

التخصص اقل شي شروط الفلسفة.. تاخذين اي مادة فلسفة و تييبين فيها سي..

و مو ضروري تتخصصين الحين عادي لو بعدين.. انا تخصصي عربي و سهالات.. بس كمستقبل مو لي هناك.. :/ الا اذا بتدشين اوقاف

 

[L A T T E]

اختي مع الاسف الاداب تقبل ٧٨ للادبي و العلمي..

 

[L A T T E]

الله يوفقج حبيبتي بالتوفيييق

تسلمين ماي هاارت.. اجمعييين يااارب :eh_s(15):

 

[L A T T E]

بنات الجدول مو شي ولا يتهيألي؟؟!

الجدول ملييييييق و الاوقات كلهم الساعة 11 !!

:eh_s(16):

 

[SeLf^CoNfiDeNce]

لا حياتي ما يقبلون للأسف يقبلون 78و فوق
و الفوري 82
هذا الي اعرفه

 

[SeLf^CoNfiDeNce]

وين احصل الجدول ؟

 

[طالبة1990]

اذا قصدج الصيفي

http://www.reg.kuniv.edu.kw/registration/صيفي 09-10.pdf

واذا قصدج الكورس الاول

http://www.reg.kuniv.edu.kw/registration/schedule101.pdf