تجمع طـالبـات | الــــشــــريـــــعــــة | - الجديد

[ورور92]

نور المطيري
ماعندي فكرة عن عيد .. لكن ان شالله خير

اذا عدتيها و يبتي اعلى يرتفع معدلج

وديري بالج لا قدر الله تعيدينها للمرة الثالثة لانج ما راح تستفيدين شي ! بتصير Over load

وبالنسبة للـ د.جميل المنيّع ماعندي الا نوت علوم قرآن ...

الله يوفقج حبيبتي ..

---------


منو سألت عند العجمي عقيدة ؟؟ متأكدين اسمه محمد .. لان اللي اعرفه اسمه عبدالله

عشان افيدكم بطريقة د.عبدالله !

 

[نور المطيري]

ورور يعطيج العآفيه مآقصرتي والله ،، وأجمعين يارب ??

أنا سألت عن عبدالله العجمي بس طوطه غلطت باسمه !


بس سحبتها البنات قالولي شديد؟؟

 

[ورور92]

الله يعافيج حياتي ولو.. :**

شوفي انا من سنتين تقريبا ماخذة عنده

كانت طريقته امتحانات موضوعية صعبة ..

الحين صارت مقالية

اولا شرحه : ماشفت بحياتي اقوى و احلى و اروع من شرحه و معلوماته !!
يحسسج انج ولا شي بالعقيدة من معلوماته ما شالله ..

يعطيكم الغاز فيها تفكير .. وكان يقول محد يقدر ياخذ عندي بونص من قوة اسئلته..

مرات كنت اقرا قبل لا ادش القاعة من الكتاب او مصادر خارجية ..
ومرات من نفسي افكر .. سبحان الله اضربت معاي سبع بونصات!

حيل يحمسج بشرحه و يشغل تفكيرج و يزيد فضولج و يخلي بينه وبين الطالب تحدي وتشويق ..

يمكن المادة جامدة وتحسين مافيها شي بس معاه لها طعم ثاني ..

نظامه : بالنسبة للحضوروالغياب لج غياب يومين فري !

وايد ططيب و يضحك ويانا مرات

عنده تلخيص جزء من الكتاب المقرر او بوربوينت عن العقيدة ..

امتحاناته دقيققققققققققة حتى النخاع !!
ومن كثر ما درست له بالحرف طلعت بإمتحانه خطأ .. جبر هالخطأ و عطانا بونص درجة
ماكنت اييب علامات كاملة .. مع اني ادرس

وطريقة امتحاناته من النوت اللي يشرحه بالمحاضرة + الكتاب

نوته للحين عندي اذا ماني غلطانة ... محافطة عليه من معلوماته متحسفة لووووول

عموما شعبتي ماكانت شاطرة بس انا وبنت طلعنا ب a
الباجي سي و دي

وتوا رفيجتيي ماخذة عنده كلش مو شاطرة وماتدرس طلعت ب بي+

بشكل عام انصح فيه حييييييييل

الله يوفقج نور اي سؤال انا حاضرة :**

 

[نور المطيري]

بعد عمري ورور مآ قصرتي ربي يسعدج اهو الدكتور احسه زين بس انا

عايدتها لان الدكتور اللي ماخذه عنده من قبل امتخاناته موضوعيه وماحبيت


الأسئلة الموضوعيه لهذا المقرر فسحبت وسجلت عند عيد العازمي ان شاء الله يطلع


كويس وما يكون امتحانه موضوعي ??




بسألج عن جميل شلون اخذ الa غير سالفه الغياب لأني الحمدلله نادرا ما أغيب


وودي أشارك معاه بس اخاف يزف او اخورها بالاجابه او اقول أجابه نصها صح


واغلط بشغله ،،،،بنات للمره المليون اللي عندها جميل المنيع ثقافه اسلاميه لا تبخل


عليه فيه


وربي يجزاج خير ورور يووووفقج

 

[ورور92]

حبيبتي انتي ما سويت شي ..

دام ما تحبين موضوعي اخذي عند عبدالله .. بس ماعرف مستوى امتحاناته المقالية حاليا!

الا اني احس اسهل من الموضوعي .. ومثل ما ثلتلج توا رفيجتي هالكورس خلصتها منه وكلش ما تدل الشطارة اطلعت ب بي+

نصيحة مني غير الحضور والمشاركة حرصي انج تدرسين اول ب أول ..

انا ما كنت ادرس اول بأول .. بس لما ارد البيت ابطل النوت واقول معلوماته لخواني و اختبرهم .. لان صج غريبة و حلوة ..

ولو يحصل لي بحضر عنده استماع ...

شدي حيلج دام ثاني اعادة ... يمكن واحد تعرفينه اخير من اللي ما تعرفينه ..
وانصحج تستخيرين وتتوكلين على الله ..

او انج تاخذينها كورس اول لان فترة السحب طويلة..


وبالنسبة للدكتور جميل المنيّع ..

اولا : الاحترام ثم الاحترام ثم الاحترام ...

ثانيا : الحضوووور

ثالثا : مايحب اللي تألف او تشيّر اجابة او تحرف بآية ..الخ من باب كرهه للي يتجرأون بالدين و استسهلوا هالسالفة ..
يبي اجابات وافية و كاملة ومتاكدة منها 100%
واذا ما شاركتي عادي ما يحاسبج .. بالعربي :" قل خيرا او اصمت "
وهالشي حلو لان يعطي صبغة احترام للدين .. وبنفس الوقت مو حلو لان مرات نكون عبالنا اللي ببالنا صح واهو غلط !

واهو نهاية كل محاضرة يحن عليكم منو عندها سؤال .. و يبيكم تسألون ب أي شي ..
وجملته المشهورة ان العلم يضيع ما بين الخجل و الكبر ..

مرة وحدة بالكورس يفتح الكشف و بالأسماء يسألكم عن اللي بالنوت و يقيّمكم ..

وكلها اربع صفحات سهلين وتحفظينهم ..

كل دكتور له طريقة .. وانتي مطلوب عليج انج تمشين عليها اذا تبين القريد ..

مثلا : جميل مايحب اللي تقطع شرحه عشان تستأذن بتروح طلع وترد .. دايما يقول طلعي خلصي شغلج و ردي
في دكاترة غيرهم مثل سالم الشمري ما يرضى تطلعين لو بستاذان .. و عادل المطيرات و الدمخي ما تطلعين الا ب استئذان
وفي دكاترة مايحبون التاخير و في دكاترة عادي .. ومنهم اللي تهمه المشاركة ومنهم لا ..


وديري بالج بامتحان جميل حرصي ما يكون عندج اخطاء املائية او نحوية .. يقدس العربي ترى

ومايحب الغياب بالذات اطراف الاسبوع و قبل و بعد العطل ..

اممم سمعت ان ما يدخل بعد ما يدش .. بس لما خذيت عنده كان يدخل بعد فوق النص ساعة ومايقول شي
وشفت بنات يمسكون التلفونات و يسولفون مع اللي يمهم وضحك و ساكت !

و ترى يرفع 20 درجة تقريبا للبنت اللي تستاهل ..

وعيبه انه يا اسود يا ابيض الله يهديه .. اغلب درجاته A و F

عشان جذي يا مدح يا ذذم وسط ماكو

وبالنسبة للثقافة الاسلامية بشوف منو عندها النوت .. بس ليش تبينه دام ماخذة عنده.؟؟

حضرت له استماع العام اذكر كان يقول انه من كل مواضيع الشريعة ياخذ موضوع ( عقيدة - فقه - اخلاق - معاملات - حديث - علوم قران ...الخ)

الله يوفقج ان شالله .. ادري قرقت بس هذا اللي قدرت اذكره لوول

 

[نور المطيري]

لبى قلبج وروووحج ي بعد روحي انتي ما قصرتي ي ورور ??????

كفيتي ووفيتي الله يرزقج الجنه ❤


بمشي ع كلامج بالحرف جاوبتي ع اسئله كثيره براسي


وطمنتيني بكلامج باجتهد وأخليها ع الله حدي متخوفه بس والله ارتحت من كلامج


وبالنسبه للنوت ي طويله العمر ابي ادرس من كذا مرجع يعني انا جبت كتاب


مدخل إلى الثقافه الاسلاميه كتاب حلو مفيد ومبسط اربط مع شرح الدكتور جميل


واقرأ من نوت بنت اذا حصلته عشان استوعب ويكون عندي خلفيه عن المواضيع




اللي يطرحها ومشكوووووووووره للمره المليووووووون ?????????

 

[ورور92]

اللهم امين يارب اجمعين حياتي نوووور والله ما سويت شي :**

وبالنسبة للدكتور جميل ترى ما يحتاج اتعبين نفسج و تشوفين نوته ولا تقرين كتاب ثقافة لووول

ما يسوى تشتطين لمادته اصلا

كلها جم صفحة للميدتيرم .. وقبلها يسألكم و من كثر ما يعييد و يزيد بتحفظين ..

ما يطالبج بمعلومات خارجية او يحاسبج عليها ولا يبي مشاركة ..

يبي احترام + هدوء + ادب و انتي الحمدلله فيج كل هذا .. و حرصي على الحضور
ولو ان مادته 8 الصبح بس شدي حيلج لووول



ودراستج و حيلج كله حطيه عند د.عبدالله العجمي يوميا مشاركة و دراسة افضل لج عشان يثبتج و تاخذين بونصات
ان شالله لو عندي نوته بشوفه لج بعطيج اياه و باذن الله تاخذين ايه لان حتى عطسته مكتوبة لوووول

و اي سؤال انا حاضرة :**

 

[نور المطيري]

بعد عمري ورور بنفذ كلامج بالملي وجميل انا مشتطه لان ما يبي ع قولته مخيخ

تشتغل ������


وعبدالله العجمي سحبت من عنده لأني سألته وقالي امتحاناته موضوعي


وسجلتها عند عيد العازمي وألف حمد امتحاناته مقاليه ����


اكرر شكري والله كنت محتاره وضايعه لكن كلامج طمني يسلممو ي الغلآ ����❤

 

[ورور92]

حبيبتي ان شالله يارب و فالج الايه والامتياز ... و الخيرة فيما اختاره الله ..

الحمدلله الله يسخر د.عيد العازمي و تييبين ايه ..

لوووووول ضحكتيني وانتي تقولين مخيخ تشتغل .. ولهت على محاضرته يحليله :krkrkr:

الظاهر د.عبدالله عشان الصيفي اريح له الموضوعي من المقالي .. او جان رد على طريقته القديمة الله أعلم ..

لا تشكريني ولا شي اقل من الواجب .. ويارب تبشريني بأحلى نتايج :*:eh_s(17)::eh_s(17): ...

 

[نور المطيري]

حبيبتي ورور ان شاء الله ابشرج بالa والحمدلله وان شاء الله خيره مثل ما قلتي

????


وفالج بعد الaورورتي ❤❤

 

[ورور92]

الله يسمع منج يارب اجمعين .. :****

حبيت ورورتي :$$

 

[~ طـــواري ليل ~]

^^ يا زينكم
زين صار في حركة التجمع


ايي انا اللي ببالي عبدالله العجمي مال العقيدة
شلون كتبت محمد ما ادري



بنات احد سامع بمقرر معاوضات مالية ؟
صعب والا سهل ؟
ومنو احسن دكتور يعطي هالمادة ؟

رديت اقرى التجمع القديم بس ماكو المعلومات اللي ابيها

 

[نور المطيري]

طوطه حبيبتي مآ بمقرر معاوضات ماليه

بس اسالج طوطه رفيجاتي

 

[احساس قباني]

بنات شنو مواد التحويل للشريعه وابي بعد وين مجالات العمل ؟

واكون شاكره لكم

 

[~ طـــواري ليل ~]

بنات شنو مواد التحويل للشريعه وابي بعد وين مجالات العمل ؟

واكون شاكره لكم

انا محولة الكورس اللي طاف

ماكو مواد محدده ..

تخلصين 10 مواد = 30 وحدة

بمعدل 3 نقاط

وتنقبلين ..



إنتي جم معدلج ؟
وجم وحدة خلصتي ؟

 

[~ طـــواري ليل ~]

مجالات العمل متنوعة لخريجي الشريعة

وزارة التربية - وزارة الأوقاف - بيت الزكاة - وزارة العدل

وبعد فيه لكن ناسيتهم

القاهم وارد لج خبر ~

 

[احساس قباني]

انا محولة الكورس اللي طاف

ماكو مواد محدده ..

تخلصين 10 مواد = 30 وحدة

بمعدل 3 نقاط

وتنقبلين ..



إنتي جم معدلج ؟
وجم وحدة خلصتي ؟

انا توني قررت التحويل ودفعه 2012
وخذيت من الشريعة علوم قران وثقافه اسلاميه وانجليزي 161
والكورس الجاي شنو تنصحيني اخذ ؟
بالنسبه للانجليزي يتعادل صح مع انجليزي الشريعه
؟

 

[احساس قباني]

مجالات العمل متنوعة لخريجي الشريعة

وزارة التربية - وزارة الأوقاف - بيت الزكاة - وزارة العدل

وبعد فيه لكن ناسيتهم :d

القاهم وارد لج خبر ~

حلو .. الله يكتب اللي فيه الخير

 

[أم*سلمان]

آب

آب

لعيونكم

 

[~ طـــواري ليل ~]

انا توني قررت التحويل ودفعه 2012
وخذيت من الشريعة علوم قران وثقافه اسلاميه وانجليزي 161
والكورس الجاي شنو تنصحيني اخذ ؟
بالنسبه للانجليزي يتعادل صح مع انجليزي الشريعه
؟

كنتي علوم صح

الانجليزي يتعادل .. جم وحدة خلصتي ؟

وترى عادي لو ماخذه مواد من برا الشريعة من قبل تنحسب لج كمعدل ..


اخذي اذا بترفعين المعدل او ناقصتج وحدات

مدخل فقه اسلامي - د. عواطف العبدالهادي او د. وليد الربيع .
تتعادل مع تاريخ تشريع اسلامي للشريعه .

علوم حديث 1 - عند د. إيمان عبدالغني .

السيرة النبوية 1 - عند دكتور مصري ناسية اسمه بس فيه ( مبروك ) .. او عند د. سليمان معرفي .

هذيلا سهلين حيل والـ A تقدرين تجيبينها