* تجمع قراء breaking down ، الجزء الأخير من Twilight Saga

[soso.cute]

^
^
^
بالعكس الورايات كانت كلها حلووه والافلام كانت اختصار للروايات ..واسلوب الكاتبه يشووق وتخلصين الروايه بسرعه ..وعلى سالفه بيلا تشرب دم..نساااتها دم شتسوي الي ببطنها مو بشر ... وروايه اكلييبس كانت وااااااااايد حلووه والفلم هم كان حلوو ..وشخصيه بيلا حليوه بس فيها شوووووي انانيه..وانا اشوف انها مااذت احد الا جيكوب ..واهوه الي يحط روحه بهالسوالف ..اهيه تعتبره مثل اخوها بس اهوه مايبي! يبيها تحبه ..بس بطت جبدي بإكليبس ..بالمشهد الي ورا الخيمه ! كسر خاطري ادوارد :'(


والنااس اذواااااق

 

[م.بابونج]

رد : * تجمع قراء breaking down ، الجزء الأخير من Twilight Saga

soso.cute
حبيبي أنا ما قلت شي إذا نساتها دم .. بس في أشياء مو منطقية .. من البداية إهي شلون حملت أصلا ؟؟ بالجزء الأول ادوارد قايل لها إن مصاصين الدماء ما يقدرون إييبون عيال سواء كان ريال أو مرا .. شنو هالهجين العجيب هذا ؟
و بعدين إهي أصلا ما تحب منظر الدم و تطيح غشيانة بس تشوفه .. صارت تشربه و بوناسة بعد !!
و بالنسبة لجايكوب أنا شايفة إن الحق معاه كليا .. و إهو ما حط نفسه بشي .. إهي قصت عليه و تعلقت فيه يوم يي بيهدها , إهو قايل لها أنا أبيج .. خلاص ما تبينه هدي الولد بحاله .. مو ضروري تتعلقين فيه و تصعبين السالفة عليه , خاصة إن سالفة مسامحتها الفورية حق ادوارد ما تدش المخ !! :eh_s(10): و بالنسبة للمشهد اللي ورا الخيمة .. بصراحة أنا هني حقدت على بيلا جدا .. مو غلطة جايكوب و لا غلطة ادوارد , أنا اثنينهم أحسهم مظلومين بالسالفة , بس حسيت هني إن جايكوب كان وده يغير رايها فيه لأن جايكوب منقهر عليها .. عقب ما هداها ادوارد مادري جم شهر , و إهو كان الوحيد اللي فاهمها و حاس بمعاناتها , يرجع بسلامة عمره و يرد كل شي كما كان ؟؟!! هني أنا كرهتها بصراحة و صفيت مع جايكوب ضد ادوارد و إلى النهاية ما شفت سبب قنعني ليش إهي اختارت ادوارد على جايكوب ..

شكرا حبيبي على تعليقج :fun:و على قولتج الناس أذوااققق مع احترامي لجميع قراء السلسلة

 

[ابي قطوة ميوووو]

^
^
بابونج انا اوافقج الرااي باني اكره بيلاااااااااااااااا ما في احد ما اذتاااا
وهمن سالفت " غير منطقية بالذات لما تبدي تشرب الدم و تقول طعمه لذيذ !! هل هذه بيلا اللي عرفناها في twilight اللي منظر الدم يسبب لها لوعة و ما تتحمل تشوفه ؟؟ << أتكلم عن الرواية أنا .. "
همن ما دشت مخي
اممم بس ترى ادوارد بالجزء الاول كان قصدا عن البناات بس يعني بنات الفامبير ما يحملون بس الصبيان يحملون ..
اممم بس انا صراااااااحتااا احب توايلايت بشكل مو طبييييييييييعي

 

[Dr.Nouf]

رد: رد : * تجمع قراء breaking down ، الجزء الأخير من Twilight Saga

أنا قارية الكتب كلها من شهر7 من سنة 2010 .. استمريت فيهم 20 يوم ..طبعا أنا تحمست أقرا الرواية بعد ما عجبني الفلم الأول twilight جدا جدا
الجزء الأول من السلسلة كان بااااااااااااررررررررردددد جددداااا أحداثه بطيئة بشكل غير معقول .. كل الوقت سارحين في مخيلة البطلة و ماكو أحداث تمشي .. تحبطت جدا و فكرت ما أكمل السلسلة بس أنا قلت أبي أكملها خاصة إني ليلحين ما شفت الجزء الثاني .. الجزء الثاني شي رهيييييييببب وايد أحلى من الجزء الأول و فعلا فيه أحداث تمشي و بالذات إني جدا اعجبت بشخصية جايكوب الرهيبة و أنا فعلا معاه قلبا و قالبا
الجزء الثالث كان فيه أحداث حلوة و مشوقة بس للأسف كانت أبطأ بوايد من new moon بس هم فيها أحداث دام جايكوب موجود و قاعد يطالب بحقه بقوة و هذا اللي عجبني فيه ..
الجزء الرابع بصراحة كان تخييب للظن .. توقعت إنه مستوى new moon أو eclipse بس للأسف كان سقطة للكاتبة حتى تمنيت إنها ما تكتب مرة ثانية ..
كنت أقرا الكتاب بس عشان أخلصه مو لسبب ثاني .. الأحداث باردة و غير منطقية بالذات لما تبدي تشرب الدم و تقول طعمه لذيذ !! هل هذه بيلا اللي عرفناها في twilight اللي منظر الدم يسبب لها لوعة و ما تتحمل تشوفه ؟؟ << أتكلم عن الرواية أنا ..
و ما استوعبت ليش البطلة قدرت تحصل كللل شييي بغته على الرغم من أنها أذت قلوب وايد ناس المفروض على الاقل تذوق شي من التعاسة .. شخصية البطلة ما عجبتني بالمرة .. شخصية جايكوب إهي اللي خلتني أكمل الرواية على كل حال


آسفة على الاطالة و شكرا :aha:

لانه القراء يحبون ال HAPPY ENDINGS



وبعدين اتوقع ذاقت نصيبها من التعاسة والعذاب بمن ولدت + لمن تحولت

والكاتبه تبي تكسب القراء باي طريقه تناسب الرواية طبعا !
وهاذي مو اول رواية ناجحه للكاتبه على فكرة :eh_s(1): واهي حره بالنهاية الي تقررها وتشوفها مناسبة =)


عاد تصدقين شخصية جيك مو عاجبتني احسه متسلط وعصبي @ وساعات اناني


وخلاص لمن تكتبين رواية سوي النهاية الي عاجبتج !!




واكيد اختلاف الراي لا يفسد للود قضية







,

 

[ابي قطوة ميوووو]

نوووووووووووف
مو ناااوية تكمليييييييييييييييييييييييييين :$

 

[Dr.Nouf]

BAK:O_SHH_:




قريت فصل 19 !


بس تقريبا نصه اهوا نفسه فصل 18 بس من وجهه نظر بيلا عرفتوا ؟!


كان يقططع القلب، لانها قعد تقول تفاصيل الولادة وشنو كانت تحس فيه وشصار بجسمها !!






المهم ال RECAP

انه بيلا خلااص تحولت :eh_s(13):


حولها ادوارد ،




وطول هالمدة كانت مشلولة ، لانه تذكرون حبلها الشوكي مادري شصار فيه لمن ولدت !







المووهييييييييم ،







اهيا طول المدة قعد تسمع شنو قعد يصير حواليها ،



تسمع كلشي




تسمع حتى شنو يصير بالطابق السفلي ،




قواها السمعية صارت قوية
،





الألم خف عليها من اول , بس زاد الأحساس بالأحتراااق خاصة صووب قلبها !!







كارلايل رد من القنص ،



وادوارد كان خايف انه سوى شي غلط بالتحويل @@

لانه بيلا ما تحركت لحد الحين ، بس قلبها كان ينبض بشكل قوي !





واليس ارتااحت ماقامت تحس بصداع ،


وتقدر تشووف بيلا بووضووح بعد ما طلعت رنزمي ،






بيلا كانت كابته صرخااااااتها داخلها :27d66a9c24b146327bf وكانت قعد تعااني علشان تضل ALIVE حق كل الي يحبونها !!












وجنه بس ؟!



:ch12: سامحوني بنات مارح اقرى زيادة هالاسبوع عندي كويزين الله يستر علي مومبطله ولا كتاب :27d66a9c24b146327bf !

ادعولي :* وانشالله اكمل سوووووووووون !










,

 

[ابي قطوة ميوووو]

allla ewf8iiij

 

[Zozαĺiиaђ]

بالتوفيق =)

 

[Dr.Nouf]

اجمعين حبايبي :**

 

[Dr.Nouf]

بالتوفيق =)

لوووووووووووووووووووووووووووووول

:krkrkr:


فصلت على توقيعج !@@@

جيك لابس دشداشه امبي جنه مصري من الصعيد !!@ :krkrkr:











,

 

[م.بابونج]

رد : * تجمع قراء breaking down ، الجزء الأخير من Twilight Saga

الله يوفقج حبوبة ..
و على قولتج عشان تسويها نهاية سعيدة .. بانتظار تعليقاتج الحلوة يا قمر

 

[دلوعة المنتدى]

تسلمين يا نونو

 

[w0o0dy cullen]

مسويه برييييك ع اخر جزء ماني قاريته ولا راح اقرا اللي كاتبينه هههههههههههههههه
عشان ما احرقه علي
حالفه ما اقراه الا بسنه 2011 عشان ماتخلص الروايه واقعد ابجي عليها لوووووووول

من كثر الادمان الله يعينا ههههههههههههه

 

[soso.cute]

^
^
لوووووووول هذا ويهي اذا نطرتي ..اقريهاااااااا(6)
وودي welcome baaack وينج شهالغيييباااه !

 

[توته وزيتونه]

رد : * تجمع قراء breaking down ، الجزء الأخير من Twilight Saga

واااي انا قريتا وخلصتا وااي صج تضايقت لمن خلص ماكان ودي يخلص ابي بعد >>حلاو مو كتاب لووووووول
ناطرينج نوف الله يوفقج بس لاتنسينا انا احب ترجمتج للاحداث

 

[Zozαĺiиaђ]

لوووووووووووووووووووووووووووووول

:krkrkr:


فصلت على توقيعج !@@@

جيك لابس دشداشه امبي جنه مصري من الصعيد !!@ :krkrkr:











,

:eh_s(22):

هههههههههه

الله يخلي سوسو الي سوتلي ايااه

بلعكس اينن زقرتي بس ناقصه سكسوكه واي يصير عذاب لوول :eh_s(13):

 

[Zozαĺiиaђ]

اي صج شسويتي في كويزاتج انشالله تمام ؟

انا ولا جني بالجامعه لوول ما عندي شي اسويه

 

[Dr.Nouf]

^^^^^^^^^^

اهئ اهئ



لا كوزاتي عقب باجر والي عقبه ،


وكلسااع اطاااالع الكتب والكتب يطاالعووووووني ماني عارفه شلون ادرس ؟!!!!

اهئ لو الأمتحان رواية جان عرفت شالسالفه ، بس مادري شلووون طريقتهم !! متأزمة مادري شلون بقدم s=

الله يستر علي

 

[توته وزيتونه]

رد : * تجمع قراء breaking down ، الجزء الأخير من Twilight Saga

سوي الي عليج عشان ضميرج يرتاح ترا دايما جذي اول الامتحانات الواحد مايعرف يدرس

بالتوفيق ^_^

 

[كويتية و لكن]

موفقه حبيبتي