تجمع قروب(والله وتحقق منايا) لمده 3 اشهر من 90 الى 70 كيلوو

[shams2008]

يمامه


العمر كله انا بنتي العوده بالثانويه
متزوجه صغيره

سماء

اي والله جانزين استمر علي جذي كافي اني مرتاحه واحس بطني فاضي لامنغثه ولاشي

يومي


قعدت شربت نسكافيه


الغدا والعشا وجبه وحده كانت الساعه 6
ماعون شيش طاووق مع ماعون تبوله من غير زيت حطيت قفشه خل تفاح وقفشه بذره الكتان عليها
حبه جزر شرايح



رحت الممشي مشيت ساعه تقريبا
لبست تحت ملابسي لبس نايلون عشان اعرق

رديت خذيت شور
واكلت 3 حبات تمر ونسكافيه


وليلحين بس

راضيه عن نفسي
بنات نسيت اقولكم انا معاي خمول بالغده وزني ماينزل

نسيت اقولكم اليوم شاربه 3 بطول ماي صحه الصغيره وناسه



الحمدالله علي كل حال

 

[مدرسة طفشانة]

هلا حبيبتي يمامة
الشر ما ييج يا قلبي
انتي اشلونج مع الريجيم ان شاء الله مستمرة؟
الله يوفقكم يا رب

 

[الحــــالمة]

هااااااااااااااي غيرلز

شلووووووونكم

انا الحمدلله ماشية على الرجيم اليوووووووم

توني تعشيت عصير برتقاااااال

+

خس المدور وحدة كبيرة

وبس

 

[جنان2006]

عوافي على قلوبكم أحلى قروب

ورا الفطور بساعة ونص شربت جاي أخضر بالنعناع وقبل اشوي كليت برتقالة + حبة وحدة كيوي + روب خالي الدسم

 

[أحلى عيون]

هلا فيج يالغالية :hjy5jewf:
كان ودي اشارككم التجمع الحلو هذا
الله يتمم عليكم يا رب وتضعفون بصحة وعافية :yaaaaaarb:
انا يا محفوظة السلامة ماقدر اسوي ريجيم الا بعد العملية بشهر تقريبا
يعني باقي لي اسبوعين ان شاء الله من التخفيف وبعدين يكون الريجيم اللي هوه
يا ريت احط يومياتي عشان تتابعيني وما اخربط ما عليج أمر؟
لأني خايفة ارجع الكيلوات اللي نزلتهم على سالفة (اكلي وتغذي واللحم ما يرده الا اللحم)
ومن هالكلام اللي تعرفينه وانا ان شاء الله اخفف هالفترة يمكن انزل فيهم شوي
وبعدين ابتدي معاكم الريجيمات حتى لو ما ادخل النتايج المهم نتواصل ونشجع بعض

هلالا والله وغلالا يا قلبي حياج الله وعادي حبوبه نزلي يومياتج ولا يهمج وشنو العمليه الي بتسوينها يا قلبي ما تشوفين شر

 

[shams2008]

شربت شاي اخضر

وبطل ماي صغير

 

[أحلى عيون]

نـــــــــــــداء نـــــــــــــــــــــداء

الى الاخت احلى عيون فديتها

يالغاليه لا هنتي شرايج تسويلنا شعار على صورة معاي عشان نعرف بعض ونذكر بعض

وهم تكتبين عليه اسم قروبنا

فديتج شرايج

هلالا يا قلبي من عيوني انتي قصدج الصوره الشخصيه الي تحت الاسم ولا يهمج اذا البنات يبون انا ماراح اقصر ان شاء الله

 

[رسَــيــل]

هلا ىبنوتات شلونكم .. ان شاء الله بخير ..


الحمد الله الحمد الله الحمد الله .. اليوووم عدى على خير ...
وبديت بريجيم المطوع ..



الريوق : صمونه صغيرة سمرة + جبنه لايت + دايت
سناك : كيتكات ميني ..
الغدا : عصير كيوي واناناس فررررررررش ...
سناك : مارس ميني وقهوة
العشا : توسته سمرة .. + جبنه لايت + لبن خالي + حبة كيويه



وبث

 

[جنان2006]

هلا وغلا بأحلى عيون اشلونج واشلون موعدج اليوم ؟؟ إن شاءالله خير والله يوفقج يااارب

ماعليج أمر بسإلج برجيمنا خلال هالثلاث شهور في وجبة وحدة فري وإلا لأ ... لا تخافين بإذن الله انا ملتزمة بس قلت أتأكد منج يعني إذا في يوم فري بخليه وقت زوارتي بيت حمولتي وإذا مافي أحاول قد ما أقدر ما أخربط يومها

 

[جنان2006]

رسيل

هني وعافية ان شاءالله والله يتمم عليج وتنزلين بصحة وعافية ياااارب

 

[pink Engineerah]

السلااااااااااااااااااام شخباركم

صراحه يومياتكم مشرفه الله يثبتكم انشا الله حبيباتي

انا لي 3 وانا بالدوتم على ماااااي بس

الغدا 5 قفشات عيش مع لبن خالي الدسم

العشا مشاوي ودايت سفن

مشيت نص ساعه

 

[رسَــيــل]

جنااااااااااااااااااااااااااااااااااااااان

الله يعاافيج خيتو .. وما قصرتي ...


والفري .. انا بريجيماتي لازم يوم فري بالاسبوووع ... ما أتحمل والله ..

بس هالاسبوووعين عقاااب .. على جووكليت بااار << بس والله منزلين هوت جوكليت بالايس كريم وبرااوني مو طبيعي


:tek:

 

[جنان2006]

بنك

هلا وغلا ولكم باك وانتي بعد ماشاءالله يومج حلو عليج بألف عافية إن شاءالله والله يتمم عليج


رسيل

انا لأني ماشية على رجيم المطوع واهوا في يوم واحد بالأسبوع وجبة فري فقلت أتأكد من أحلى عيون وإذا مسموح بخلي ببيت حمولتي لأنهم يدققون وايد أو أخليه حق الطوارئ عزيمة يمعه شي جذي

 

[ام عفاف الكويت]

اليوم اكلت لي وجبه غدا وعشا مع بعض وهي
بطاطه مفيوحه وحده وخضار سويته على زبده قليله الدسم ورشيت فوقه جبن قليل الدسم
وشريت للكرشه مشروب غضن البان واليوم اول يوم اجربه بعد الوجبه
يقولون ان ماخاب ظني يسبب سهال اعزكم الله بس نجرب شورانا

 

[shams2008]

رسيل
عجبني رجيمج كله ككاو

وااااااااي اموت علي الككاو
بالعافيه والله يتمم عليج

 

[ام عفاف الكويت]

تصبحون على خير بعدل نومي

 

[اللولو84]

صباااااااح الخير



انا تريقت نص برتقاله وبيضتين مسلوقتين

والغدا تفااااح

والعشا مشوياااات

والعصر بمشي ساعه

مدرسه ... الله يوفقج وتضعفين وانتي بصحه وعافيه

 

[اللولو84]

شفيه التوقيع ليش مايطلع

 

[جنان2006]

صباح الخير

أم عفاف
عليج بالعافية إن شاءالله


اللولو
صباح النور
هني وعافية إن شاءالله والله مادري اشفيه التوقيع !! يمكن من المنتدى

 

[جنان2006]

ريوقي : 2توست أسمر + 1سلايس قليل الدسم + طماط وخس وفلفل بارد + عصير أناناس