تجمع قروب passion لرجيم اتكنز المرحله (1)

[passion.666]

ماشااااااء الله لاقوه الا بالله
تتهنين باااشن بالرشاقه والبشره والشعر امييين يااارب

مشكوره ياقلبي تسلمين
لازم نتعب علشان نوصل
واليوم انت اوكي تقريرج روعه ومرتب ومنظم
تعجبيني

 

[Jnaaaat]

شفتي انا شطووووره واسمع الكلااااام

 

[LadY BuG 80]

سلامممممممممم

يومياتكم تهبل .. بس عندي ملاحظه على نصايح

الببسي فيه كافين و الكافين يحفز الكبد على افراز الانسولين و يزيد اشهيه لنشويات

يعني راح تتعب انفسيه و تحسون بلحرمان

في زيرو كولا يعني زيرو شوجر و زيرو كافين

خليكم على اسفن اب اسلم

هم الكافين ممكن يثبت النزول او بيطئ انزول

اشورما الجاهزه عليها اضافات, ديروا بالكم
بنسبه لباشن نو بروبلم لانها ما تاكل خضار يعني مافي خوف عليها تتعدا ال 20 كارب . الي ياخذون حقهم الكافي من الكارب انتبهو من اي شي جاهز لانه يحطون اضافات

انا مره اكلت شورما جاهزه ... كلها دهنننننننن و اليوم اثاني زدت 200 جرام مع اني كنت انزل كل يوم 600 جرام

عندي وصفه شورمه هوم ميد و سهله ولذيذه حامضه و ثووم... نفس البناني بحط لكم ارسبي

هممم ايش بعد الجبن لا تاخذون راحتكم فيه لكم مقدار 30 جرام بليوم بعني كبر علبت الكبريت اذا مو اصغر

الي كلت بقصمات مع اصابع ادجاج :eh_s(16):انتبهي هلغلطه ممكن تزيد وزنك اكلنا كله بروتين بس شرط ما ندخل نشويات درجه اولى الي هي مشتقات القمح

في وحده قالت بس كلت بياض البيض ... حبيبتي اكليها كلها احنا نجتاح بروتين هاذا بس الي ناكله و عايشين عليهم لمن تحذفينه من وين جسمك يستمد اطاقه ؟؟؟

حاولي تاكلين البيضه كلها جسمك مجتاح بروتين عشان يحرق ادهون

و بتوفيق :eh_s(17):​

 

[dantella]

ماشاااء الله على باشن وعلى كل بنات التجمع الله يحفظنا من كل شر ويوفقنا ويعطينا على قد نياتنا

 

[ام أنوسه و رنود]

صباح الخير على الكل
اليوم الاثنين 3/10/2011
فطوري ..............
2بيض مقلي مع 1جبنه كيري وشربت كوب ماء وعلى الساعه 10 شربت كوفي

 

[dantella]

صباح الخير عالحلوين
اليوم الصبح شربت بطل ماي عالريج سعه 500مل
تالي فطرت بيض مقلي مع جبن تشدر وشرايح ديك رومي طلع طعمه وايد لذيذ
وعقبها اخذت حبه البانتوجار
وبعد شوي بسويلي خلطه سنفره شغل بيت

السنفره انا اسويها عباره عن زيت زيتون وملح ناعم طبعا احط كميه وعصير ليمونه واحط شوفان مع قفشتين روب مع شوي زيت اللوز مع هرده اخلطهم مع بعض واخليها ترتاح بو 10 دقايق
تالي اخذ دوش عادي وعقب الدوش ادهن فيها جسم وبالليفه العاديه افرك السنفره فيها واقعد فيها بو ربع ساعه او كثر ما اقدر
وايد حلوه تنعم وتبيض كنت استخدمها لمن ولدت طول فتره الاربعين وطيرت لي السواد بس طبعا لانها مواد طبيعيه فمفعولها يبين مع الاستعمال المتكرر

 

[simple.girly]

السلام عليكم ورحمة الله وبركاته*
هلا بناااااااااات شلونكم شخباركم*
لما الحين ان شاء الله احنا تمام عسى الله يتمم علينا ان شاء الله*

اليوم انا صايمة وبروح بعد شوي الافنيوز ابي سماعات وشكلي بمشي شوي*
وعسى الله يسهل ان شاء الله*

 

[dantella]

حبيت انقل لكم من موقع حسين دشتي وجبات مقترحه اكيد الاغلب شاف الموقع بس للتذكير
وجبات مقترحة للمرحلة الأولى

الفطور:
أطباق رئيسية :
بيض مقلي ومخلوط ، أو مقلي بالزبدة ، مع لحم الضأن مملح ، لحم فخذة الخروف ، نقانق عديمة السكر أو لحم خروف .
سمك مدخن نونا سكوتا أو سمك الحفش أو سمك أبيض أو أسماك مدخنة مخلوطة و2 اونس جبنة كريمة .
أطعمة متبقية من عشاء محضر .
وجبات خفيفة من قائمة الوجبات الخفيفة .
أومليت رئيسي.
جبن غروبير وسبانخ .
جبن الماعز والثوم المعتق ( يخزن لفترة طويلة في علب )
أومليت غربي.
أومليت أسباني.
لحم بقر مملح ( محفوظ بالملح ) أو أومليت بالبسطرمة ( نوع الأومليت ).
أو أي نوع آخر من الأومليت ( العجة ) قليل الكربوهيدرات.
أومليت بالجبن.
بيض مقلي مخلوط في صلصة الجبن مع النقانق .
بيض مقلي ومخلوط ، أو مقلي بالزبدة ، مع لحم الضأن مملح ، لحم فخذة الخروف ، نقانق عديمة السكر أو لحم خروف .
سمك مدخن نونا سكوتا أو سمك الحفش أو سمك أبيض أو أسماك مدخنة مخلوطة و2 اونس جبنة كريمة.
الغذاء :
تشيز بيرجر بالجبنة ، بلا مخلل حامض أو حلو.
مرق دجاج.
1-2 كوب من السلطة المخلوطة مع عدة إختيارات من السلطة الخضراء مع الزيت والخل ، صلصة الجبن ، صلصة الثوم المخفوقة.
تاكد بأن كل صلصات السلطة خالية من السكر.
قطع باردة ( متنوعة) ، جبن ، لسان ، سلامي ، لحم بقر ، مشوي ، دجاج، ديك رومي والسلطة كالمذكورة أعلاه .
قطع باردة ( متنوعة) ، جبن ، لسان ، سلامي ، لحم بقر ، مشوي ، دجاج، ديك رومي والسلطة كالمذكورة أعلاه.
سلطة شيف.
الخيار بالكريمة الحامضة .
أجزاء من الدجاج ، مشوي ، غير مغطاة بالخبز .
سلطة تونا ، سلطة الدجاج ، سلطة البيض ، سلطة الخضار.
لحم سلطعون ( سرطان ) أو سلطة الكركند (لوبستر) + مايونيز
كرفس مقطع مفروم ، بصل ، كرات ، وبيض مسلوق جيداً عند الرغبة .
العشاء Dinner
المشهيات والشوربات :
- سلطة الأطعمة البحرية .
- سلطة ربيان بارد مع المايونيز والخردل أو المايونيز والفجل
- كافيار وكريمة حامضة .
- فطيرة لحم أو سمك
- سمك هامور أو اي نوع من السمك
- سلمون مدخن .
-شوربة ( خضار باللحمة )

السلطات والصلصات:
- خضار مخلوطة مع لحم البقر)
- جميع أنواع الأجبان كاملة الدسم
- سلطة سيزر ( بدون قطع خبز محمص )
- سلطة تونا سلطة فطر .
- لحم خروف مملح .

أصناف رئيسية :
جميع الأنواع : ستيك ، مشويات ، مفروم (شرائح لحم مع الضلع) ، دجاج مشوي ، ديك رومي ، بط مع صلصة مرق لحم طبيعية . حم رقية
مجموعة متنوعة من الأسماك المشوية ، المسلوقة ، المقلية.
سلطة دجاج، لحم بقر ، فطر ، سلطة البقلة منكهة بالفجل الحار.
أطباق جانبية :
- 1 كوب من خضار، متنوعة أو نوع واحد من قائمة الخضار المسموح بها.
- جيليه خاص بالحمية + كريمة كثيفة مخفوقة محلاة صناعياً .




لاحظو ان مامنع البورجر مع العلم ان في اضافات
طبعا هذي اقتراحات للمرحله الاولى

 

[dantella]

السلام عليكم ورحمة الله وبركاته*
هلا بناااااااااات شلونكم شخباركم*
لما الحين ان شاء الله احنا تمام عسى الله يتمم علينا ان شاء الله*

اليوم انا صايمة وبروح بعد شوي الافنيوز ابي سماعات وشكلي بمشي شوي*
وعسى الله يسهل ان شاء الله*

عليكم السلام ورحمه الله احنا بخير انتي شلونج
عسى الله يتقبل بس دربالج لاتدوخين الافنيوز عود وانتي صايمه
شنو ناويه تتفطرين؟

 

[مملوحة وعسل]

مرحبا بنات شخباركم

امس ماقدرت انزل شي لان كان عندي استقبال
بس باقول لكم على السريع

مافي فطور بس كوفي

والغدا كان مشويات مشكله وسفن اب دايت

اما العشا كان سلطة مع زيت الزيتون وماي


************************************
وبالنسبة لليوم

الفطور كان ماي وكوفي

الغدا شيش طاووق وسفن اب دايت

والعشا احتمال بيض

 

[ام أنوسه و رنود]

غداي ......................... (دجاج حمسته على النار مع ملعقه زيت زيتون وفلفل اخضر وبقدونس)+سفن دايت شرب نصه وقبل الغداء شربت علبيه صغيره ماء وبعد الغداء بنص ساعه شربت علبه ماء صغيره


صورت الغداء في كاميره جوالي بس مالقيت الصوره سوري

 

[simple.girly]

السلام عليكم ورحمة الله وبركاته*
مساكم الله بالخير هلا والله *شكرا على الجدول اللي نزلتيه*

دنتيل ممم مشيت تقريبا ساعة ونص بالفنيوز لا ما دوخ الحمد الله ادوخ ديرة ولا ادوخ لوووووول*

الفطور احتمال قطع دياي او شاورما دياي طبعا بجون صمون بس احتمال راح اخره يكون عشى وفطور*


انتو بنات شلوتكم*

 

[simple.girly]

*ام انسة ومملوحة بالعافية وطرح ما يسرس يمري*


بنات ضاق خلقي انا امتن وحده وييييي عاد خلكم معاي لما اوصل الوزن المثالي*

 

[dantella]

*ام انسة ومملوحة بالعافية وطرح ما يسرس يمري*


بنات ضاق خلقي انا امتن وحده وييييي عاد خلكم معاي لما اوصل الوزن المثالي*

كلنا بالهوا سوا ياجمييييل:ggdw:

 

[اكينو]

هاي
بنات بسالكم الحين
حمسة البصل والطماط
يعني انا احمس بصل وطماط وبهار وشوي معجون طماط وجبن
واحط اي نوع خضره اما كوسا او بيديان
مسموح الطماط

 

[ام أنوسه و رنود]

بنات الله يسعدكم هذا الكوفي عادي ولا ممنوع

 

[dantella]

هاي
بنات بسالكم الحين
حمسة البصل والطماط
يعني انا احمس بصل وطماط وبهار وشوي معجون طماط وجبن
واحط اي نوع خضره اما كوسا او بيديان
مسموح الطماط

حبيبتي والله في بنات يقولون ممنووووووع بس عن نفسي لمن كنت اسوي هالنظام عادي كنت احطه باكلي وهم كان ينزل وزني والغريب اني هم كنت احط كتشب بالاكل وهم مايأثر على نزول الوزن وينزل وجنه البخت
بس يمكن جسم عن جسم يفرق

 

[Jnaaaat]

عادي اكل علجه من غير شكر

 

[dantella]

بنات الله يسعدكم هذا الكوفي عادي ولا ممنوع

حبيبتي ام انوسه اقري على العلبه المعلومات الغدائيه او النتريشن وشوفي نسبه الكاربوهايدرات جم وقوليلنا

 

[وشلون مغليك]

قوووه بناااات اشلونكم .... عسااكم علي القووه

اليوم الفطور..بيض وطمااط وقطعه جبنه

ورحت النادي ساعتين

والغداء... سويت سلطه سيزر دجاج مثل ماكدونالدز

وستعملت صلصه السلطه ثاوزيند ايلند بدون دسم

بنات الصلصه ممنوعه اولا

والحين الساعه 6 قاعده اتعشاا جوعانه

بيض مقلي وبصل وفلفل وخياره

وسلاامتكم