تجمع كاس آسيا و مآزرة الأزرق .. 2011 وتكتـك على تك تم تـك ..~

[bitter-sweetness]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

اخت خالتهم لووول وانتي الصاجه p;

مشاري المطيري - الرياضية - أكد حارس المنتخب الوطني نواف الخالدي انه لا يفكر في الاعتزال الدولي وقال انه يستطيع ان يحمي عرين الازرق لمدة خمس سنوات قادمة واضاف ان بطولة آسيا هي الاسوء له في حياته وذلك لعدم تقديم المستوى المطلوب منه خلال مباريات البطولة .

الحمدالله

 

[ذهـبـيـة ~]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

هلووو بنات ،،

وااي انشغلت بالدراسة عندي امتحان بري كالكلس :eh_s(16):

المهــم ..

هاردلك خسارة المنتخب ،، قلبي متروس حجي ..

إلي أقدر أقوله عمااار يا نواف الخالدي .. اعتزل أبرك لك :eh_s(16):

ولا إذا بتحجى عن كل لاعب بالتفصيل ماراح أخلص ..

 

[اخت خالتهم]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

نواف مع اني قدساااويه ومتعصبه بس اتوقع ممكن نلقى احسن منه
والله يوفق الكل

و في انتظـاااار لقاءات طلال الفهد اتمنى يسوون معاه لقاء اليوم ياااااااارب

 

[اخت خالتهم]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

اي باركولـي عطلــت واخيـــرررراااااا

 

[Velvet-RoseQ8]

مبرووووووك اخت خالتهم
والله اللاعبين ماقصروا بعدين أهم دفاعين ماكانوا موجودين عشان جذي تعب نواف وهو يحاول
وبعدين بطولتين من أصل ثلاثه أكبر نعمة من رب العالمين ولا منتخب حقق هالشي
وبعدين لكل جوادٍ كبوه وهذي كبوه وراح نعديها
احنا بالامتحانات نسوي عدل بكل المواد وتطلعلج ماده عله يعني موغلط اللي قاعد يصير
بس أنا ضد اللي يقولون خل يستقيل المدرب وخل يغيرون اللاعبين
ياحبايبي هذيلا الاعبين اللي فرحوكم من بعد المعاناة اللي عانيناها 12 سنه
وفي الأخير الحمدالله على كل حال
ولعله خير
والله يوفق الأزرق مهما سوا

 

[قطــرات مطــر]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

مبروووووووووووك اخت عاد شحلات القعده بالبيت بالبرد لوووووووووول

 

[اخت خالتهم]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

اي والله
ومبروكييين المنحه

 

[bitter-sweetness]

رد : رد: تجمع كاس آسيا و مآزرة الأزرق .. 2011 وتكتـك على تك تم تـك ..~

والله اللاعبين ماقصروا بعدين أهم دفاعين ماكانوا موجودين عشان جذي تعب نواف وهو يحاول
وبعدين بطولتين من أصل ثلاثه أكبر نعمة من رب العالمين ولا منتخب حقق هالشي

معاج 1000%
و بالضبط هذا اللي كنت بقوله
نواف حيل ماقصر
وبعدين لو تفكرون فيها منطقيا
لي 5-12 واحنا نقول نواف الجسور ونمدحه
معقوله راح يتغير وينزل مستواه بأقل من شهر؟
معقوله قبل شهر كان ليلحين صغير و جدامه مستقبل والحين لا والله خلاص كبر
لا والله مو معقول
وحتى الدفاع ما اعتب عليهم لأنهم ماعندهم خبرة
بس عدم وجود مساعد و محمد راشد هذا اثر تأثير كبير
بس هاذي الزبدة


واخت خالتهم
مبروووووووووووووووووووك حيااتي :*

 

[Velvet-RoseQ8]

ياناس شفي الشارع الرياضي
والله انصدمت لما شفتهم يطالبون باعتزال نواف الخالدي
لا وألحين يبون الشيخ طلال الفهد يستقيييييييييييل
شالسالفه كل واحد مسوي روحه فاهم بالرياضه
والله الشيخ طلال تاج على الراس غصبن على اللي مايرضا
توا ماسك الاتحاد وياب بطولتين الحمدالله بعد الله سبحانه ثم الشيخ طلال
ولا كل واحد يفكر بنفسه أكثر من المنتخب والكويت
الله يديمك ياشيخ للقادسية والأزرق

 

[اخت خالتهم]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

حبيبتي بقولج شي اللي يبي الشيخ طلال الفهد يستقيل اهم جريده الراي
ولييش ؟؟؟

لانهم واقفين مع مرزوق الغانم يوم رفعو على الشيخ طلال و النوادي الباجي انهم غير شرعيين عرفتي ؟؟

لما فزنا بخليجي 20 و غرب اسيا ما فرحوا

ولما خسرنا قالو استقيل باختصار يبون الزله


يعني مرزوق الغانم انا احبه و احترمه و احترم رايه .. لكن بخصوص الرياضة انا ضده

 

[Velvet-RoseQ8]

اي والله صاجه اهمه لو يحبون الكويت يفكرون بمصلحتها مو مصلحتهم الشخصية
انشالله الرياضه ماتطلع من عيال الشهيد الى اذا هم شافوا ان في واحد يستاهل و يفكر بالكويت أولا ً

 

[bitter-sweetness]

رد : تجمع كاس آسيا و مآزرة الأزرق .. 2011 وتكتـك على تك تم تـك ..~

اي والله انا حيل مستغربه منهم
الهجوم على نواف ظلم
شذنبه اذا خط الدفاع مو متفاهم؟
اي نعم كانت الربكه و الخوف واضح على ويهه
وهاذي النقطة الوحيدة اللي انقد عليه فيها (المفروض الكابتن مايبين خوفه)
بس الريال سوا اللي عليه واكثر بعد

وهم مستغربه زيادة من اللي يبون الشيخ طلال الفهد يستقيل
يعني واهو ماسك المنصب
يابلكم بطولتين من اصل 3
ولما خسرنا قلتو مانبيه؟!

:s