تجمع لأولياء امور طلبه مدرسه الرساله ثنائيه اللغه

[ككاو بونجوم]

السلام عليكم
انا دقيت عليهم قالولي اولى يوم الاثنين

 

[سر القلوب]

السلام عليكم

اشلونكم

انا الحين مصارعة مع ولدي نام لاتنام

ان شاء الله من باجر يتعدل نومه عدل
باجر انا بوديه المدرسه وبشوف وةين يحطونه اي صف لان اذكر قالو العام ان 1 ب بيوزعونهم والله يعين

منو موجود من البنات الو الو

 

[secret sauce]

مرحبا بنات شرايكم بهالمدرسه لذوي الاحتياجات الخاصه

 

[روض81]

رد : تجمع لأولياء امور طلبه مدرسه الرساله ثنائيه اللغه

الحين دوام kg2 الاربعاء و باجر اولى ابتدائ

 

[sadeem yam yam]

السلاام عليكم امهات وكل عام وانتوا بخير
ويااارب هالسنه تكون افضل من السنه الي طافت من جميع النوااحي
والله يوفق عيالنا يااارب

نور .. حبيبتي انا ولدي مو kg2 انا مستوى ثاني ابتدائي
فما اقدر افيدج يالغاليه بخصوص الروضه وابلاتها لانه العام اولى ابتدائي وماعرف في ابلات الروضه ولا وحده للاسف وماعندي فكره عن تدريس هالمرحله .. ادري سببت لج احباط
بس والله كان خاطري افيدج وانا ماعندي المعلومات عن هالمرحله .. فيه جم وحده من الخوات عيالهم بالروضه ومايقصرون ان شاءالله سأليهم


سرووووره وووينج يابنت وين غاااطه هاااه .. شلوون عيالج .. والله جنج انا ياسر من اليوم مصارعه لوووول
ارده فراشه عقب ماشوف الا داش مبتسم مايبي ينام .. جان اقوله عيل ماكو دوام باجر << الحين متقطعين يبون المدرسه عقب يومين بيبجون يبون الغياب لوووول
المهم من السااعه 9 احاول فيه يالله عالساعه 12 نام الله يهداه

بسألكم تتوقعون باجر يعطونهم دروس
صراحه احترت شنو احط بجنطته .. جان اقوم احط له كشكولين احتياط + المقلمه ( الغرام الاول والاخير) كل شي بالبيت حاطه بهالمقلمه لوول

والله يوفقهم باااجر ..
سر تعالي يابنت عاوزه أئولك حاجه .. ايه سر التوئيع .. عملتيها يابت وماؤلتيليش؟؟ << عسا فهمتي شي لوووول

 

[سر القلوب]

هههههاااااي سدومة اي والله سويتها وانصدمت مو لاني ماابي لا بالعكس انتي تدرين بالظروف بس انصدمت لاني ماتوقعت الظاهر انفتح الطريج الحمدلله والفال لج ان شاء الله وهالمرة بنت يااارب

وانا نفسج والله دخلته فراشه 9 ومانام الا 12 بس اليوم احسن نام ابجر
وماعطوهم كتب وقايلين ان الدفاتر عليهم ولاحظتي ان مس الفنية ماحطوها ليلحين الظاهر مس اسراء اطلعت

انا ولدي حطوه 2ب انتي ولدج وين حطوه

ومس خوله تدرس 2 ايه وانا ودي فيها اشرايج انقله والا انطر يمكن ابلتهم زينه ؟؟


بالنسبة لذوي الاحتيلجات الخاصة ماعندي فكرة والله بس الادارة وااايد تخاف الله وملتزمة

والروضة اخوي ولده فيها ويمدحهم واهو دكتور بالجامعة يعني شهادته لهم او عليهم تؤخذ بعين الاعتبار
وبالنسبة للعملة اللي عملتها ياسديم وماقلتلج اول ماحطيت التوقيع كنت ناطرة تعليقج لووووول

 

[sadeem yam yam]

هههههه فطست من الضحك على ردج
ياحياااااتي ياسرر الف مبروووووووك والله يتمم لج على خير ويقر عينج (بشوفتها) بصحه وعافيه << لووول مصره الا بنت
تصدقين سر الظاهر ياوخيتج انج نفس وضعي بس انا الحين مابي خل الصغير يكبر شووي << فدددديته ابيه يتدلع وياخذ حقه واااي الله يعين من داومت وانا مو صوبه كلش لا والحين داوم اخوه وتدريس وعباله متى ياخذ الصغير حقه واعليه

والله اني فرحت لج يالغاليه فديتج والله انتبهي لنفسج تكفين ماحب هالمرحله وااايد حساسه

بالنسبه حق المدرسه ماشااااءالله اولياء الامور هالسنه زاادو بشكل ملحوظ والطلاب بعد
ولدي طبعاً 1a
والمدرسات ستاف يديد وااااي ضاااق صدري حييييل ليش ان مس اسراء راحت
وولدي انصدم وااايد يحبها .. شدعووووه عاد شحلاتها مس اسراء ليش ماجددوا عقدها < محتره منهم الصراحه
والابلاات قالوا راح يكون فيه لقاء تنويري شهر 10 وراح نتعرف عليهم
بس الي تاكدت انهم بيدرسونه .. مس خوله << ياحلووووها اول مادش ولدي المدرسه راح يركض صوبها ويبوسها
ومس عايده << امووت فيهم هالابلتيييين يهبلووووون
وللاسف مس هدى ماراح تدرسه حاشني احباط لانها بس حق اولى
وبصراحه واايد متخوفه من الستاف اليديد .. ان شاءالله يكونون من احسن من يكون لعيالنا ويدرسونهم زين

ورد ولدي طبعاً لا ورقه ولا كتب ولا شي .. جان زين معطينهم ورقه الطلبات
بعدين سر من قالج ان الدفاتر عليهم << رحت المكتبه وخمطت من هالدفاتر الين اهما الي قالوا بسس

 

[sadeem yam yam]

ويييييي صج ماعندي سالفه .. امس ادور بجنطه ولدي مو معطينه شي
والحين بطلت دفتر ولا خاش ورقه الجدول فيه
امبيييييه انصدمت .. مس عااايده ماتدرسه عاد اليوم قالوا لي اهي تدرسهم قرآن
لاااا قمه الاحباااااااط صراحه

واااااي ضاق خلقي صجج
عسا مايشيلون مس خوله بعد



بنات بسألكم تكفون الي تعرف رقم مدرس خصوصي زييين حق الابتدائي تبلغني فديتكم

 

[سر القلوب]

سدووووومة حبيبتي انا بالنسبة للصغير واايد كسر خاطري اول ماحملت لانه مامداه يتدلع مثل اخوه خذا حقه وزيادة بس يالله نسبق الوقت اللي طافنا ولاني موموظفة فالمس\شكلة عندي بتكون اهون منج

الله يعين ان شاء الله

وبالنسبة لولدج قصدج 2 اي مو 1 ايه صح ؟

واحنا عطونا ورقة الطلبات والجدول وكاتبين بالورقة التعريفية ان المدرسة ستزود الطلبة بكراريس للواجبات الصفية والمنزلية ماقريتيها

وبورقة الطلبات ماطلبونا غير 2 دفتر انجليزي والباجي بس ملفات

اشرايج سدووومة انقله 1 اي عشان مس خولة خصوصا انها تعرف مستواه وعارفتله والا اجرب هالمدرسة اليديدة ؟؟ والله محتارة ابي رايج ياوخيتي

وبالنسبة للمدرس الخصوصي والله والله والله ماانصحج ابد اخذيها من اخت تحبج ووتغليج لاتعودينه وترى اذا دشيتي بهالمعمعة ماراح تفجين منها

المدرسات قاعدين يشرحون احسن شرح بعدين اهو راح يتعود انه يسرح ويطنش بالصف لانه بينشرحله الدرس مرة ثانية فروحة الدوام بتكون شكلية حراااام خليه يتعود انه يركز ويطلع نفسه نصيحة والله الدروس الخصوصية مظيعة للوقت والفلوس ولو منها فايدة جان الفلوس ماهمت

واستخيري حبيبتي ماودي لج الا بالزين هذا وليدي مو بس وليج الله يخليه ويحفظه يارب ويعافيه


تعالي صج بتشتركون بوجبات المقصف ؟؟

انا شكلي ماني مشتركة لانها العام كانت موشي يا كرواسون اوبيتزا وولدي مايحب البيتزا قلت انا احطله اكل وأنوعله احسن

 

[sadeem yam yam]

الحمدلله والشكر شفيني فاصله :/
اي اقصد 2a لوووول

وبالنسبه حق ورقه الطلبات الحلوو مضيعها .. الجدول وزين لقيته بعد



وبالنسبه حق المدرس ياسر .. ولدي يصلح له التعليم الفردي اكثر من الجماعي .. تعالي شوفيه بالحلبيه ممتاااز والله انه يحفظ ويعرف اكثر من المدرسه
وانا لمن ادرسه مايعطيني ويه ومايركز معاي << على ابو ميااانه

وهالنصيحه نصحوها لي ابلاته لمن شفت تقريره ومستواه .. خصوصاً ان التركيز عنده مأثر عليه الدواء فصاير كلششش مايركز .. واهو يقولي ابي استااذ يدرسني وحاب هالشي
فليش اظلمه خصوصاً انه طلع من اولى ناسي اغلب الي خذاه .. وهالشي مو بيده حبيبي .. وانا ماعرف اوصله. المعلومه عدل .. فلمصلحته اولاً واخيراً ابي مدرس وعقب لي وقف الدواء حزتها ان شاءالله يعتمد على نفسه بالتدريج .. بس اهم شي عندي هالفتره لانها تأسيس

والله يكتب الخيره يارب

وبالنسبه حق الوجبه المدرسيه لاوالله ماراح اشركه .. احط له الريوق الي يبي واشكل له واحط له معاهم كيكه صغيره وفوق هذا اعطيه نص دينار يمكن خاطره بشي من المقصف

وبث

 

[sadeem yam yam]

ايييي صح نسيت :/ < مو اقولج فاصله

بالنسبه حق ولدج مممممم والله انا لو مكانج بنقله حق الابله الي تعرف مستواه وعارفه شخصيته وتراعيه والاهم متعود عليها
بس بنفس الوقت مابي يتغير عليه ربعه الي بالصف اذا اهما نفسهم العام

وصراحه بالنسبه لي كااافي كل الستاف تغير اللهم مس هند ومس شهد
بعد ماضحي كلش بمس خوله
انصدمت بالجدول من الاسامي كلللهم يدد
ياحلاااات مس هدى ومس عبير ومس عايده ومس اسراء ومس شروق تهبل بعد جنه ماغيروها اشوا

وانتي استخيري افضل والله يكتب له الخيره *

 

[سر القلوب]

الله كريم والله محتارة ياسديم بس ماكو احسن من الاستخارة ان شاء الله اليوم بستخير واشوف

 

[سر القلوب]

وين باجي الامهات جنه رجعنا انا وياج نقرق وبس شكلنا بنزعل زبنروح رسايل خاصة خل يدورونا عاد لوووووووول تهدد

 

[حلم الطفولة]

ممممم ؟؟؟!!! وآنا معاكم عالخاص !!
سر شلونج ؟؟ مبروك الله يتمم عليج بالخير ،، أولدي بتاريخ ميلادي عاد ماوصّيج !!
سدّومه شالأخبار ؟؟ بشرو عنكم .

 

[sadeem yam yam]

هلا سر .. اي والله ياختج استخيري والله يكتب الخيره .. والله خاطري يكون بصف ولدي ... وناااااسه حتى نفيد بعض اكثر لووول . بس هم مابيه يتضايق من التغيير وانتي بعد سأليه تعرف احد ب2a<< اتوقع يعرفهم لان مسوين تغيير قبل بالصفوف وعموماً الصبيان ماعندهم تقيد بهالشي تلاقينهم يعرفون الكل لوووول


اي والله ياسر سبحان الله قبل لا اقرا ردج .. كنت افكر اليوم الصبح جنه صار صخه والامهات اختفوا ..
شدعوه شاركونا ارائكم وشصار على عيالكم وشنو انطباعكم
ولا ترا بنزعل ونروح الخاص << لوووول خوش تهديد ماينفع

حلم الطفوله شلوونج حبيبتي .. حياج تعالي ويانا عالخاص لوووول

ولا اذا ماشفنا ردة فعل بنصكر الموضوع << قووويه هذا التهديد الي ينفع

اتغشمر لاحد يزعل مني .. اكيد لكل ام ظروفها ومشاغلها .. ويمكن مايلحقون عندهم اكثر من واحد بالمدارس .. والله يعينهم ان شاءالله ويلاقون وقت وينورونا بمشاركاتهم *

 

[سر القلوب]

هلا حلومة انا بخير الحمدلله وعلميني متى ميلادج وانا اولد فيه هههههه على كيفي
الله كريم ويسهل الولادة يارب
والله انا اقول ياسدومتي يعني لي متى بلحق مس خولة انزين والسنة الياية واللي وراها خلاص خلينا نجرب والله كريم

 

[سر القلوب]

وينكم ليش التجمع ميت

سدومة حبيبتي ويييينج فاقدتج عسى المانع خير

 

[sadeem yam yam]

السلام عليكم
سر شلونج يالغاليه وشلون عيالج بشريني عنكم
ماتفقدين غالي ياااارب
لهيت والله هالفتره لوووعه الدوامات ماتلحقين

وفي عطله الاسبوع غلفت كتب ولدي لان العام ماغلفتهم وعفسهم عفااس
هالسنه صراحه غلفت الي شفته .. والي هم الرياضيات والعربي بسسسس لا والعربي شفته يوم واحد وعقب اختفى !!!
شالسالفه وين كتب الاسلاميه والوطنيه والعربي شي غريب صراحه ... ولمن سالتهم قالوا تونا موزعين الكتب عالابلات وحزه حصه كل ماده المعلمه اهي تعطيهم الكتاب .. ومرات يقولي يمه لمن يقرب دوري يقولون خلصت الكتب ؟!!
وعقب مادقيت ولاعت جبدي .. اخيراً شفنا الرياضيات ولكن للاسف أختفى العربي!! :/
ياليت ياسر اذا عندج خلفيه بلغيني .. يمكن انتي تروحين تاخذين ولدج نهاية الدوام فتستفسرين
ودفاتر العربي جم دفتر عشان اعطي ولدي الفلوس ؟ واحد ولاثنين ولا خمسه .. ادق يقولون مادري سألي ابله العربي < واااي تعبت مو صج

وعلى طاري انج تاخذين ولدج من المدرسه .. الحبيب كله يحن يبي الباص والعام كان مشترك
المهم سجلناه .. وقالوا الظهر يرده البيت ومن باجر يبتدي ياخذهم الصبح
واكلم المسؤل. واشرحله ظروف ولدي .. وعلى اساس يوصل الباص 3 الا ثلث .. بس ماشفنا احد !
صارت 3 وربع ماكووو حس للباص..ادق موبايلاتهم مغلقه والمدرسه محد يرد امبيه شي مو طبيعي كرهت نفسي
مادري وين اروح وعلى هالوضع الين صارت الساعه 4 تخيلي ياسر .. لا وانا مو قايله حق ابوه .. اقول حق عمري اول يوم واكيد السايق جديد .. بس لمن صارت 4 خلاااص ماقدرت جان يستخف ابوه ويطلع بيدوره اقوله وين بتروح بالضبط وين تدور .. وضع مأساووي الصراحه مع انه تكرر العام
ولمن صارت 4ونص وصل الغالي .. الله لايحرمني من دخلته علي حبيبي .. انا خلاااص ماقدرت خذيت رقم السايق والمسؤل .. مع ان الي عندي مغلق .. وكلمته وطلعت الي بجبدي
انزين عندك عطله اسبوع درب السواويق عالبيوت والله حاله .. طبعاً اعتذر وتأسف .. بس انا الموقف كان للحين مأثر فيني .. ونام مبجر حبيبي جنه طايح من السما

 

[سر القلوب]

امبيه سديييم والله شي يخرع وااااااااي الله رحم حالج لو انا جان استخفيت والف فكرة وفكرة يت فبالي

مسكين وااايد تاخر لاتشركينه فالباص بروح حالته الصحية حساسة
الله لايحرمج منه ومن دخلته عليج وتشوفينه داش عليج مع عياله يارب ولحيته تارسه ويهه قولي امين :ioljnmlk:

انا بيتي بقلعة وادرين واقول يتاخر وضايق خلقي ويوصلني 3 وموعاجبني مع انه ابوه اللي اييبه مو باص :RoadRunner:

بالنسبة للكتب احنا الاسبوع اللي فات عطونا العربي
وبعدها الرياضيات والوطنية وامس عطونا جزء عم ودفتر متابعة القران وكلهم جلدناهم
وباقي الاسلامية ماشفناه
وبالنسبة للدفاتر اهم قالو نعطينهم دينارين ونص تشمل دفاتر كل المواد وانا نسيت ماعطيته امس واليوم عطيته



تصدقين سدومتي ينزل علي افراز وردي مع الحركة وعلى طول معاي عوار مثل الم الدورة وخايفة الله يستر انا اول مراجعة لي باجر الثلاثاء ادعيلي لاتنسيني
اي صج بتروحين اللقاء التنويري اذا بتروحين ودي اشوفج اشرايج والا ممنوع بس التجمع وبس !!:s141:

 

[pink Engineerah]

السلااااااااان عليكم شلونكم

سوري لانقطاعي بس لاني نفاس باركولي يبت بنوته والحمدالله بالف خير وعافيه والفال لكم

ما اطول عليكم انا عيالي اسم الله عليهم واحد ب كي جي 2 ومرتاااااااااااااحه من وضعه ومستوى مدرساته والصف يهببببببببل وكل شي عاجبني الحمدالله

ولدي الثاني قريد ون (1 بي ) عند مس اسمها هدير مالت الانجليزي وحدددددده باطه جبدي ودي اشوف اذا احد منكم يعرفها اخاف اكون ظالمتها لان وايد نفسيتها تلووع الجبد وتحر وبروحي نفاس ورايحه وراده وهذي تكلمن من رااس خشمها ؟؟؟

بقول لكم اسامي ابلات ولدي واللي عندها فكره عنهم لو توصفها لي بكلمه اكون شاكره لكم

العربي : هدى
الانجليزي :هدير
رياضيات : خوله
قران: عايده و ساميه
كمبيوتر:ايمان
اجتماعيات: هند
مهارات سلوكيه:شهد
بدنيه: نهى


ومشكورين مقدما حبيباتي وعسى الله يوفق عيالنا يا رب