تجمع لأولياء امور طلبه مدرسه الرساله ثنائيه اللغه

[ككاو بونجوم]

السلام عليكم امهات
شاخباركم مع التدريس واي انا تعبت ارهاق عشان الدوام بصوب وارجع ادرس بصوب لا والحلو ان احنا يامدارس الحكومه نطلع الثلاثاء الساعه 2 وولدي يطلع الساعه 1ونص مادري شسوى اليوم استأذنت عشانه وانا ماحب الباص خاصه عقب الفوضى اللي شفتها لما يمعون اليهال
جان زين يخلون طلعت الساعه 1 ونص يوم ثاني غير الثلاثاء

 

[BShaYeR]

رد : تجمع لأولياء امور طلبه مدرسه الرساله ثنائيه اللغه

مرحبا بنات شلونكم

بنتي عمرها 3سنوات ونص اقدر ادخلها الكورس الجاي؟ يعني تكون قريب من الاربع

وبجم رسوم المدرسه بالسنه كامله ؟

 

[ورد وردي]

رد : تجمع لأولياء امور طلبه مدرسه الرساله ثنائيه اللغه

شلونكم بنات حبيبتي شتقصدين بفوضة الباص؟؟؟؟؟؟؟لان انا اذا بدخل ولدي فيها شكلي بحط له باص لان مو طريج دوامي ونفسج انا تأزيم انا مدرسة وماعندي احد اييبة ويوديه؟؟؟؟؟؟؟؟؟

معاهم مشرفة ؟؟ وجم ياهل في الباص ؟؟؟

 

[ككاو بونجوم]

اهلين حبيبتي ورد
بالنسبة للباص اعتقد ان المدرسة متعاقده مع واحد عنده هالباصات لاني كذا مره اروح انطر ولدي اشوفهم ايون تالي والمشرفه هنديه والسايق هندي بس للأمانه مادري جم واحد يركب في الباص بس ايمعونهم داخل المدرسة بالساحه طبعا بالأسامي ويالله عالباص وركض بالرمل من يحجز قبل انا بصراحه مارتحت فيج تيين عالساعه 2 وعشر وتشوفين وبعدين اهو وعليه يطلع 2 وربع متى يوصل البيت متى يتغدى ويدرس

 

[ورد وردي]

رد : تجمع لأولياء امور طلبه مدرسه الرساله ثنائيه اللغه

ليش لي 2 وعشر اهم دوامهم متى يخلص؟؟؟؟؟

وبسألج بعد المناوبة الصبح متى يكونون موجودين ؟؟

انا حسبالي انهم نفس الحكومة من 7 ونص لي 1ونص ومابي اتأخر على ولدي عشان جذي فكرت بباص

الله يخليج ابي التفاصيل متى دوامهم ومتى المناوبة ؟؟؟؟؟

استغفر الله الدوام وايد طويييييييييل

 

[ككاو بونجوم]

شوفي حبيبتي عندهم 8 حصص باليوم ماعدا يوم الثلاثاء 7 يطلعون مبجر الساعه 1ونص يعني عكسنا
يعني الدوام الساعه 7 يبلش الطابور وباقي ايام الاسبوع الساعه 2 وثلث والفرصه بعد الحصه الثالثه فالولد لازم يتريق قبل يروح المدرسة والمدرسة ليم الحين اوكي بس احس الانجلش مستواه قوي اشوي خاصه ان ولدي كان بال kg بالفحيحيل النموذجية الله كريم انشالله مستواه يتحسن وسلامتج

 

[سر القلوب]

هلا بنات ونااااااسة صايرة في مشاركات وتبادل خبرات واراء اللله يعطيكم العافية والله :ggdw:

ودي اأيد الحلوة اللي طعمها يهبل كاكاو بونجوم يمي يمي ( مشتهيته )

انا نفس الشي الباصات ماارتحت لهم كلش المشرفات خدم البيوت ملوت سنين الطواعين ارتب منهم ملبسينهم دراريع خلاجين وملافع تسحب وراهم واشكالهم تييب اليهد وعلى قولت كاكاوة ركض بالتراب وهم انا بعد مادري جم واحد بالباص بس وحدة من الخوات مادري والله منو نسيت كانت قايلة اانها مشركة ولدها بالباص وماوصل لها الا الساعة 4 العصر وكل ماتدق عليهم مغلق يعني مو يووووووقف قلبي

انا لما قالو باص توقعت شي مرتب والمشرفة فلبينية او هندية وملبسينهم يونيفورم كلهم واحد اتوقع هذول حتى yes or no مايعرفون اشكالهم سيلانيات من القرى بعد لا لا لا ماانصحج :O_SHH_:

وانا بصراحة اعيب على المدرسة بهالنقطة لان الباص مشوه صورتها ومثل ماتهتم بلبس اليهال ولان يعتبر واجهه لها مع انها مو اهي اللي تفصله هم متعاملة مع مصنع يفصل لها على ذوقها واهي تتشرط على كيفها والا يفتح الله نفس الشي الباصات واجهه للمدرسة فالمفروض تحط شروطها والا يفتح الله لان اهو المتعهد المستفيد او الخسران :23_asmilies-com:

كاكاوة حبيبتي انتي تقولين ان مستوى الانجليزي قوي بس مافهمت قصدج قوي بالرسالة والا بالفحيحيل النموذجية ؟؟

وولدج اي صف نسيت !! لاتلوميني مظيعة هاليومين

سدومتي حبيبتي ليش الغيبة انا اوله عليج كل يوم طلي علينا وحتى لو مساء الورد وبنقولج مساء العسل والفل

انا اليوم جيكت على كتاب الرياضيات ونفس الشي ابيض بس اللي بط جبدي وفتفتها بعد ان في الخطة الاسبوعية كاتبين حل كتاب التمارين ص 20 يوم الاربعاء 6 /10 بالصف واليوم المدرسة حاطتله علامة استفهام وكاتبه 5/10 !!!!! ياسلام على كيفهم هذي السالفة يبيلها قعدة عدلة :flower::flower::flower:

هذا غير واجب العربي اللي كاتبتله اين الواجب والدفتر كان عندها صلا انا مادري شيصبرني ليما اللقاء التنويري !! هذا يبيلنا احنا اللي نورهم مو اهم اللي ينورونا صج لخبطة سنعة :bbbiu:

 

[ككاو بونجوم]

هلا والله بسر
فديتج لازم ايبلج كرتون من الككاو اللي احبه بونجوم:wqedqw:
بالنسبه للانجلش اقصد الرساله احس انه مستواه قوى شوي ولدي ب 1c يعني الكي جي موذاك الزود بالفحيحيل اللهم احرف وتطبيق كلمه كلمه على كل حرف تعلموه
دش الرساله ولا أخذ قصه اقراها اهو ماشي للأمانه بس أنا متخوفه وأحاتي وبعدين الهانم التيشر توقفه عالطوفه سألته ليش ماما قال أنا ضحكت وعصبت شسوي ماما طلعت غصب
كسر خاطري شهالعقاب انا ماراح اسكت المسكين يقولي تكسرت ريولي من الوقفه باجر طيران للأخصائية :RoadRunner:

 

[ورد وردي]

رد : تجمع لأولياء امور طلبه مدرسه الرساله ثنائيه اللغه

واي بنات جنة نقاشاتكم ماتشوق يلله الله كريم الله يكتب الي فيه الخير

 

[سر القلوب]

هلا واللا كاكاوة نجووومة

اشوه الرساله اقوى زين
مادام ماشي لاتحاتين احنا العام كان قصة ويتاتا وحتى الحين يتاتا بس حلو اهو مجرد تمرين على القراءة يعني طبيعي يتاتا ماراح يقراها سريع

ومدام ماشي ممتاز بس انصح بتركيز على القراءة بس مو بطريقة تملله من القراءة ويكرهها ويحسها فرض مفروض لا خليها بطريقة تشويق

شوفي بالنسبة للطوفة انا احب العقااااب لانه وااايد ينفع بس !!! على شرط !! مايهين ولايحرج الياهل ويكسر شخصيته
انتي عارفة اليهال يتمادون احيانا خاصة اذا لقو تشجيع من ربعهم وماينفع معاهم الا العقاب تدرين ليش! علشان ينتبه غصبن عليه ويركز بالدرس يعني لمصلحته
بس هم بعد مو تتكسر ريوله يعني فترة بسيطة ياهل وتوه ياي من روضة وصبيان طبيعي بتصير فيهم شطانه اشوي

حبيبتي ركزي على ولدج انه مايتشيطن ولاتقوليله انج بتكلمين الابلة عشان مايتشجع

والله يعين ان شاء الله

وانا وحدة مااحب اتعاسر مع الابلة والطبيب ههه احس مصلحتي بيدهم فدايما اتسايس معاهم الا اذا شي غير معقول وخارج عن المالوف
هذي وجهة نظري يمكن تكون غلط بنظر غيري بس انا مرتاحتلها وااايد (( خواااافة هههه ))
على فكرة العام وااايد مواد خسفو فينا بسبة السلوك وتفاجانا ديرو بالكم وحاسبوهم على السلوك تقولن رابعة ثانوي مو اولى ابتدائي والله قرصونا فيها قرصة خاااااااصة مس شهد منهج سلوكي

 

[سر القلوب]

ورد وردي حبيبتي لا مومو مسالة ماتشوق احن نتكلم عن الباص بس المدرسة واايد زينة حوووبي واهم شي استخيييري والله يكتب اللي فيه خير وصااالح

 

[سر القلوب]

كاكو تذكرت العام كان عندهم عقاب نا وااايد احبه ولما يقولي عاقبوني فيه استانس واقوله قلعتك هههههه مرت ابوه حشى مو امه لووووووول

واهم انهم يحرمونه من نزلة الفرصة ويتم مع المساعدة بالصف هذا لمايتشاااغب
واااااااي كانت مس مها تهبلللللل لابعد الحدود اله يردها بالسلامة اهي مسافرة الحين وبترجع السنة الياية وياحظ اللي ولدها بيكون عندها بالصف

 

[بنوته80]

رد : تجمع لأولياء امور طلبه مدرسه الرساله ثنائيه اللغه

مرحبااا شخباااركم .....اشلونج سر والله مو محلي التجمع الا طلتج الحلوه .....وبصراااحه استفدنا منج حيل .....واشلونج ككاو عاد انتي لازم اتصير زملا مو اعيالنا زملاء بالصف :balo:المهم اليوم حدي معصبه على المدرسه تخيلوا تاخرت 5 دقايق بس عااااد انا مالكم امل اتاخر عليه من النوع الوسواسيه اخاف عليه ...المهم لما جيت الا ولدي المسكين واقف على الباب ابروحه بدون لا حااارس ولا منااااوبه ....والله احس فيه اهمال كبير....يعني ياحارسين يصكون الباب الصبح والا ماكو احد في العده الله يحفظ اعيالنا والله الواحد مايدري وين يروح في اعياله:rerrerek:

 

[سر القلوب]

الله يحلي ايامج يابعد عمري بنوته

وكلنا نستفيد من بعضنا فيكم الخير والبركة والله

بس صج استغربت من هالتصرف اشلون جذي يخلونا بروحه مااايصير
انا جم مرة اتاخر عليه لان يكون ابوه ناسي ان الثلاثاء ويطلع متاخر وتخيلي انا بيتي بعبد الله المبارك يعني شوفي متى اوصل
ونلقاه يالساحة او مرات عند الادارة بالاستقبال ويدقون علينا بعد

لا لا لا تسكتين روحي المدرسة بنفسج وكوني حااازمة وجدية وشديدة بالموضوع ولاتكلمين الاخصائية طلبي مس سمية على طووول وطلميها مباشرة

واذا مالقيتيها كلمي الاخصائية وقوليلها انا ماراح اسكت على هالتصرف انا بلغتج الحين وراح ابلغ مس سمية بنفسي حطي رقمج عند سكرتيرتها واهي ماتقصر تدق عليج بنفسها انا مرة اتصلت علي بنفسها عن طريق السكرتيرة وحولتني عليها

قوليلهم يعني مافيكم صبر ولا عندكم مناوبة سنعة وامينة سلمو الولد المخفر ولا تخلونه بالشارع احد من عيال الحرام ياخذهوالا اييله جلب الله يعزكم ويزر عقله والا مايدرون ان مدرستهم بالبر
لا تسكتين ياوخيتي هذول قطعة من جبودنا وقاعدين ندفع دم قلوبنا (( تكتب شعر صارت )) نبي اكثر ماعندهم من دلال ورفاهية يعطونا اياها احنا مومدخلينهم تجنيد الزامي (( على فكرة في خطة بيرجعون التجنيد الالزامي يالله عاد اللي ريلها ماكمل الثلاثين هههه يباخذونه وانتو بتقعدون اطقون اصبع انا ريلي طاف الاربعين هههه اكلوها انتو )) شطت ونست السالفة وضيعت الصقلة بعد

والله حبيبتي حاسة فيج بس حبيت الطف الجو

 

[بنوته80]

رد : تجمع لأولياء امور طلبه مدرسه الرساله ثنائيه اللغه

<P><IMG class=inlineimg border=0 alt=0 src="http://q8yat.net/images/smilies/1/hjy5jewf.gif" smilieid="69]فديتج سر ضحكتيني من قلب لا ونسيت السالفه والله تصلحين يحطونج في العلاقات العامه.....لا تخافين يااقلبي ما راح اسكت بس لو يردون على التلفونات كان زين متنا من العنوه كل يوم .....وعلى طاري التجنيد ...اشوى عدى الثلاثين <IMG class=inlineimg border=0 alt=0 src="http://q8yat.net/images/smilies/1/n2006107.gif" smilieid="80]فكه مو ناقصين بعد</P>

 

[BShaYeR]

رد : تجمع لأولياء امور طلبه مدرسه الرساله ثنائيه اللغه

بنات ليش محد رد على اسألتي؟

 

[سر القلوب]

زين يوم عدى الثلاثين ههههه

بشورة حبيبتي اسمحيلي يمكن ماشفت اسئلتج امريني اش بغيتي
اهني انتي انت تامر واحنا نطامر لوووووووووول
حياج ياقلبي
وجنج في تجمع ماليد شهر مايو صح ؟؟ انا كنت معاكم بس انطردت هههه لا اقصد طيحت اجهضت والحمدلله على كل حال والله يتمم عليكم ياااارب

 

[سر القلوب]

اي اي اي صح شفت اسئلتج وكنت ناوية ارد بس نسيت حبيبتي اسمحيلي
اذا قبل شهر 3 يدخلون عادي يعني نفس حسبة الحكومة بالظبط والرسوم للروضة 1500 السنة كاملة على 3 دفعات 500 500 500

واسفة حبيبتي مومقصودة والله بس نسيت

 

[سر القلوب]

وينكم رحتو تنامون
اوكي
نوم العواافي وتصبحون على خير

 

[العيناء]

السلام عليكم شلونكم خواتي


الصراحه انا مستانسه هالسنه الكي جي احسن شفتوا لبس الابلات ؟
الحمدالله المديره على طول استجابت
ويا بنات اذا صار شيء والا ما عجبج لا تسكتين لما يتم توضيح الصوره
احنا قاطين فلوس وهذي مو حكومه دشي بادب ولا تسكتين


والاخت اللي وليدها بروحه شنو هذا واااااااااااااي الله لا يحطني بهذا الموقف يمكن اتهور واشب فيهم