تجمع لحملة الماجستير والدكتوراه

[dana1212]

حنين المسافر
الرد اللي كتبته يتعلق بكلية الدراسات العليا جامعه الكويت
اما بالنسبة لبرا الكويت ماعندي فكرة

 

[ما كو اسم]

اختي دانه انا مدرسه صار 11 لي سنه والحين رئيسة قسم وابي اكمل الماستر
رحت اليوم للتعليم العالي اسالهم عن الدراسه في بريطانيا وقالوا لازم قبول غير مشروووط وسالتهم عنالاوفست
وقالوا لي موقفينه حاليا
والله مادري من وين ابدا

يعني شنو قبول غير مشروط؟؟؟

 

[السمبتيك]

يعني تكون يايبه التوفل او الايلز قبل لا تقدم اوراقها

بجامعة الكويت يقبلون بعثه مشروطه يعني يقبلونج بعدين تييبين التوفل او الايلز

 

[قلب محتاج]

السلام عليكم ..

كيفكم بنات .. انا مخلصه ماجستير علم نفس ..

وحاليا اسعى للدراسه بمصر دكتوراه .. ابي اعرف شلون الاجواء هناك وكيف الوضع الامني وابي خبرات البنات اللي درسوا هناك ..
وليه التحطيم اكثر الناس يقولون شهاده مصر اي كلام رغم انها من الجامعات المعترف بها والوزاره حاطه خمس او ست جامعات معترفه فيها من ضمنهم القاهره وحلوان وعين شمس والاسكندريه ....)

حنا رايحين ندرس مو رايحين نلعب ونشتري شهادات لان بصراحه الغربه هناك برة شينه اربع سنين اوثلاث وانا ماعندي قدره للتحمل ..
فشيء محزن لما تجين من دوله عربيه موصى بها من قبل وزاره التعليم للدوله اللي باعثتك وتلاقين شاعات وكلام رايح جاي يقولك ان شهادتك غير معترف بها ..

لاكن لكل مجهتد نصيب والله يرزق من يشاء ... ومن يتوكل على الله فهو حسبه ...

يارب ارزقنا الحلال الطيب والعلم النافع ولا تجعلنا بحاجه احداً من خلقك ..

 

[errr111]

السلام عليكم
حبايبي ابي احد يساعدني انا معلمه علوم ورياضيات ابتدائي خبرة خمس سنوات خريجة جامعة الكويت معدل 3،76 امتياز مع مرتبه الشرف
ابي اكمل دراستي حاليا شنو الخطوات اللي لازم أسويها ؟
اختبار التوفل شرط للقبول ؟
الله يجزاكم خيرررر

 

[قلبي القرآن]

بنات عفيه أنا بكمل ماستر وانا خريجة علم نفس
معدلي العام اوكي بس معدل التخصص اقل بشوي
أقدر أعيد مواد من تخصصي وأرفع معدل التخصص ؟؟
وبنات التوفل صعب ولا سهل أنا اعرف انجليزي بس مو توب

 

[بنت العديليه الشقرديه]

ماجستير قانون شنو افضل تخصص وافضل جامعه في بريطانيا من حيث سهولة النظام

 

[zqertya]

انا انشالله بقدم على بعثه ولاحظت الاغلب محبط لييييييييييش؟؟ انا بقولكم على اللي اعرفه اذا كنتي معلمه وصارلج سنتين تقدرين تقديم بعثه عن طريق التنمية والتطوير بس راح تكون على حسابج بس راح ينزلج الراتب الاساسي + العلاوة الاجتماعية + 150 يصرفونها لج سنويا للكتب طبعا هذا اذا كنتي بتقديم خارج الكويت ماجستير

اذا كنتي معلمه وبتقديم ماجستير عن طريق جامعة الكويت لازم تكون عندج خبره 3 سنوات وباجي الشروط نفسها وطبعا المعدل 3 نقاط
اذا بتروحين بعثه على حساب التطبيقي طبعا موشرط تكون عندج خبره عادي ولازم المعدل 3 نقاط
وطبعا لازم التوفل والاولويه للي عندهم خبره

 

[vogue grl]

الله عقبالي الله يوفقكم

 

[zqertya]

انا حبيت اسال شرايكم الدراسه بامريكا ولا بريطانيا شنو الاحسن حق اماجستير سمعت ان امريكا احسن بالمسبه للمعيشه وشعبهم حبوب اكثر من بريطانيا وسهله اللي عندها خبره ياريت تفيدني وابي جامعه تكون سهله بامريكا او بريطانيا يعني قصدي مو متشددين وااايد

 

[Australia girl]

عندي سوال انا تخصصي انجليزي تربيه وماعندي خبره للحين ماتوظفت بس ناويه اكمل ماستر ان شالله سوالي اذا كنت بقدم على دراسة ماستر تخصص لغويات تطبيقيه انجليزي بدولة اجنبيه على حسابي الخاص هل لما ارد اذا ابي اشتغل معيده بالتطبيقي (((هل يشترطون مني الخبره او لا ))) ..واكون شاكرتلكم

 

[Australia girl]

اب اب

 

[عادت ذكرياتي]

خووووووش تجمع


بإذن الله يتسنى لي إكمال الدراسات العليا بأقرب وقت

 

[مدار البنفسج]

انا ماستر تعليم عالمي من جماعه فرامنقهام الولايات المتحدة

 

[Guest1979]

بنات انا ودي اكمل امريكا او بريطانيا ماستر ودكتوراه اذا ييت الكويت يصير اتعين عضو تدريس بالتطبيقي او الجامعه وشكرا

 

[Kuwaiti BW]

بنات اللي كملوا ماستر او دكتوراه..كلكم على حسابكم ولا على الدوله..

اذا على الدوله شنو الاجراءات؟؟ وين تروحون وشنو الشروط؟؟

الله يوفقكم

 

[ترف بابا]

ممكن اعرف جم مخصصات طالب الدراسات العليا بالبحرين

اللي يبتعث عن طريق وزارة التربية ؟؟؟

 

[ترف بابا]

وسؤال ثاني شكثر مدة الماستر بروحه والدكتوراه بروحها؟

وشلون نظام الدوام انا سمعت انه مره بالاسبوع صج؟

وهل لما يخلص الطالب يقدر يتعين بجامعة الكويت ؟

 

[dana1212]

وسؤال ثاني شكثر مدة الماستر بروحه والدكتوراه بروحها؟

وشلون نظام الدوام انا سمعت انه مره بالاسبوع صج؟

وهل لما يخلص الطالب يقدر يتعين بجامعة الكويت ؟

حبيبتي انا بجاوبج بخصوص جامعه الكويت و تقريبا اغلب الجامعات متشابهه بالنظام
الماستر تقريبا من سنتين الى سنتين ونص اي كورس زيادة حسب شطارتج و اذا خلصتي موادج بسرعه

الدكتوراة ماعندي علم فيها واتوقع سنتين 80%

نظام الدوام المادة مرة بالاسبوع

بالنسبة للتعيين بجامعه الكويت اكيد اذا الجامعه عندها شواغر تقدرين تقدمين طلب لها

 

[ترف بابا]

مشكورة

بس وين اسأل علي المخصصات ؟