تجمع للحوامل اللي ياخذون أبر كلاكسين وبيبي أسبرين

[خلود ناصر]

بنات شنو اعراض بيبي اسبرين احس بمغص
بنات انا عندي اجهاضات سويت كل التحاليل الا الاجسام المضاده سويتها مره وضاعت نتيجته و غيروا دكتورتي ماكانت مهتمه حسبي الله ونعم الوكيل عليها طبعا اتكمل عن الصباح

 

[# غنوجة بيبي #]

حبيبتي الابر و الحبوب ماتسبب مغص

انتي في اي شهر؟؟

 

[خلود ناصر]

توني بالشهر الثاني

 

[# غنوجة بيبي #]

الله يتمم عليج يا رب و يثبته

ترى اول ثلاث شهور مغص الدوره طبيعي

 

[خلود ناصر]

سؤال يصير اجسام مضاد بعد ولاده الطفل الاول

 

[# غنوجة بيبي #]

اي يصير

سوي تحليل خلود و طمنينا عنج

سوي حق الاجسام المضاده + سيولة الدم

انا اجهضت قبل هالمره بسبب سيولة الدم كانت اقل من الطبيعي و مافيني اجسام مضاده

اثنينهم يسببون اجهاض
و الغده بعد اذا مو طبيعيه تسبب اجهاض

و اذا حملتي على هرمون حليب هم سمعت انه يسبب اجهاض

و ضعف بطانة الرحم

الله يرزقج باللي تتمنينه يا رب و يعوضج خيررر

و انصحج بالدكتور ناهض حماديه بالمواساة
ز بتروحيله و تدعيلي ان شاء الله

 

[خلود ناصر]

غنوجه انا يموت ببطني ماينزل سويت الغده اوكي
ومادري شنو التحسس همن اوكي
وهرمون الحليب اوكي
انا مسويه تنظيفات والدوره تعرفين خفيفه
سيوله مادري واجسام مضاده مادري ماسويتهم
لو بطانةالرحم ضعيفه جان نزل البيبي

 

[خلود ناصر]

غنوجه تند منو تراجعين

 

[زوجي تاج راسي]

بنات منو تعرف اذا فصيله دميa+ يصير فيني اجسام مضاده ؟؟؟

 

[# غنوجة بيبي #]

هلا خلود انا اراجع عند زكريا بدار الشفاء


زوجي تاج راسي .. والله مادري لان مافيني اجسام مضاده..حتى الدكتور شاك ان مافيني تجلطات.. لان سوولي تحليل الدم بعد عملية التنظيفات و طلع زايد بس شخطه و على كلامه طبيعي بعد العمليه.. يعني يمكن اخذ الابر عالفاضي الحين .. بس بعيد التحليل بعد الولاده بفتره اتأكد ان شاءالله..و الحين ما اقدر اهدهم لاني على ويه ولاده و اخاف على جنيني

 

[خلود ناصر]

غنوووجه سوويت الفيروسات تطلع يوم الاثنين انشاء الله
اما سيوله وتخثر و اجسام مضاده بعد اربيعين يوم التنظيفات
تعبت من التنظيفات الحمدالله علي كل حل حال بنات انا من التنظفات اول مره لما اخلص دوره تنزل علي افرازات بنيه مع حكه
الحين بعد ماطهرت ردت تنزل مع حكه بكلم الطبيب
غنوووجه انتي اي اشهر تجهضي
انزين يوقف النمو فجأه انا جذي ماينزل علي دم اروح انصدم صار عندي فوبيا من السونار

 

[# غنوجة بيبي #]

هلا خلود معوضه خير يا رب.. اجهضت بالاسبوع 13

لا ما يموت ولا يوقف النمو .. رحت قبل الاجهاض بيوم كان في نبض

بس يوم الاجهاض انبط الماي و اجهضته

ماجوره حبيبتي ..بس اتوقع فيج تابعه او اجسام مضاده

 

[زوجي تاج راسي]

غنوووجه سوويت الفيروسات تطلع يوم الاثنين انشاء الله
اما سيوله وتخثر و اجسام مضاده بعد اربيعين يوم التنظيفات
تعبت من التنظيفات الحمدالله علي كل حل حال بنات انا من التنظفات اول مره لما اخلص دوره تنزل علي افرازات بنيه مع حكه
الحين بعد ماطهرت ردت تنزل مع حكه بكلم الطبيب
غنوووجه انتي اي اشهر تجهضي
انزين يوقف النمو فجأه انا جذي ماينزل علي دم اروح انصدم صار عندي فوبيا من السونار

الله يعوضج ان شالله

جم اجهاض ؟
ومتي يوقف النبض اي اسبوع علشان اقدر افيدج بشغلات صارت معاي

اول ينزل دم عليج زتجهضين ؟

 

[خلود ناصر]

اجهاضاتي بالاعمار مختلفه مره بالاسبوع ١٦و خمس ايام
و مرتين بالاسبوع السادس
لا ماينزل علي دم و لا شي و حس نفسي خفيفه ولا عوار
سألت عن التابعه بالاسلام طلع مافيه شي اسمه تابعه و تاكدوا بنفسكم بن باز و مشايخ دين كثار انكروها
بس انا متاكده من عين وحده اعرفها عدل
الحين هابه تسألني ريلج يحبج كل ماشافتني الله يستر ماطلقني بعد استغفر الله

 

[زوجي تاج راسي]

التابعه موجوووده في بعض الشيوخ مايعترفون فيهااااا


ان شالله ماتكون فيج بس لازم تسوين تحاليل شامله يمكن تجلط بالمشيمه او يمكن اجسام مضاده

واذا علي النفس والعين عليج بسوره البقره علاج لكل شي

اهم شي تلتزمين بالمثبتات والراحه وسوره البقره راح تشوفين حملج ثبت وولدتي بالسلامه

 

[خلود ناصر]

حياتي تاج يا رب فرح قلبي بطفل سليم
تاج انا عندي ولد شلون اجسام مضاده بعد البيبي الاول
اتوقع سيوله لانه صج بحمل مره جرحت نفسي جرح خفيف طلع منه شكثرر دم

 

[زوجي تاج راسي]

اي فيه تحاليل الدكاتره غافلين عنها

الاجسام المضاده انوواااااااع فيه

والله يطمن قلبج حبيبتي ويترس بيتج يهال

 

[mi corazon]

واي تعبت لين خلصت كل الصفحات

تصدقون بنات عبالي بس انا اللي أخذ كورتيزون طلع الوضع منتشر!!!


المهم

العمر حاليا : 31
عدد مرات الحمل :3
مرات الإجهاض:2 المره الاولى في نهاية الشهر الخامس والثانيه في بداية الرابع
سبب الإجهاض: غير معروف حسب كلام اكثر الدكاتره اللي رحتلهم وآخرهم ناهض حماديه
العلاجات خلال هذا الحمل: بيبي أسبرين - ميدرول4 مج- كلاكسين 4000- تحاميل سابكلوجيست - كالسيوم - فوليك أسيد - بريجنابلان
العلاجات التي تم إيقافها لي عند دخول الشهر الرابع : الكالسيوم - إبر الكلاكسين - الفوليك أسيد

خضعت لعملية ربط عنق الرحم في الاسبوع 12 والدكتور عطاني حبوب ادالات اول يومين لتهدئة الرحم

الأدوية الحالية : حبوب الفحم علشان ذبحني الإمساك - تحاميل سايكلوجست - اوماثروسين مضاد الى اخر الحمل - هيموفيت حديد - بريجنابلان - حبوب كرانبيري تحسبا لأي التهابات - إبر بريملوت مرتين أسبوعيا بالعضل

لان الدكتور يقول احتمال سبب اجهاضي التهابات غير ظاهره بالتحليل

علما بان حايشني التهاب بول عزكم الله في الحمل الثاني وماتم إعلامي بنتيجة التحليل لأنهم مضيعين رقمي

حاليا انا باخر الرابع وأدعو ربي ان يتمملي ولكل حامل ويرزق كل محرومه

 

[# غنوجة بيبي #]

مي الله يتمم عليج لي التاسع يا رب و تفرحين بشوفة ضناج

 

[# غنوجة بيبي #]

خلود طمنينا عن تحاليلج