تجمع للمسافرات لالمانيا والنمسا وسويسرا بصيف 21012

[mashmoshi]

السلام عليكم انا حجزت حق سلوفينيا هذي الديرة قليل من الناس راحوا لها لانها مو معروفه عند السفريات بس عليها طبيعة ومناظر رووعه وراح اسكن في قرية فيها بحيرة اسمها بليد تصك على زيلاميسي مليوون مرة ومن بليد اروح ميونيخ مسافة 4 ساعات وراح اروح النمسا وايطاليا
حجزت على الطيران التركي والفنادق اخذتها من بوكينج دوت كوم ومدة الرحلة انشاء الله 21 يوم وعدد الاشخاص 7

 

[q8nina]

منو بيكون معاي انا تاريخ 28 -6 ان شالله لمدة 21 المتجه الى فرانكفورت ان شالله

رست 3 ايام
انترلاكن 6 ايام
فلاخاو 12 يوم
فرانكفورت 3 ايام

 

[فيفالدي]

لوفتهانزا تاريخ ٦/يوليو منو معاي

فرنكفورت بس بستقر بميونخ

اروح سالزبورغ و زلمسي وكابرون

 

[دانه الخليج]

صباح الخير بنات ماحد رد علي استفسار الخط مال التلفون حق المانيا والنمسا وسويسرا اشلون اول ديرة تأخذينه وبعدين نكمل فيه باقي الدول ولا لازم بكل دولة خط يديد ؟؟؟؟؟؟؟؟؟؟؟؟؟؟

 

[maryam_q8]

شلون اقدر اروح ميلانو من ميونخ وجم مسافه الطريج

 

[REEYOM]

REEYOM
كــويــتــيــة جــديــدة
*


كويتيات رد: تجمع للمسافرات لالمانيا والنمسا وسويسرا بصيف 21012

سلام عليكم ياحلوات شلونكم واخبار السفر ؟؟
ابي مساعده ولي عافيكم ردوا علي بسرعه موقع booking
ماني عارفه احجز منه اول ماادخل خانت الوصول مااقدر اكتب فيها شي حاولت كذا مره واطق عل الليالي ماقاعد تزيد ولا تنقص ليش شالمشكله؟؟؟

ردوا بليز مالي غيركم 

 

[REEYOM]

انا وياج دانه الخليج الخط شلون عليه نبي نعرف ؟؟؟

 

[مارون جلاسيه]

ابي سكن ضرووووري والي عافيكم في زلمسي وانترلاكن

 

[دانه الخليج]

هلا بنات كيف حالكم بخصوص الخط الخاص بالموبيل ترا ردوا علي جزاهم الله خير وحبيت افيدكم الخط مايعتبر دولي بس اهم شي اخذوا خط وبعدين يفتح معاج باي مكان فيه نت وتسولفين بالتانقو وال فايبر ووتس اب النت عندهم قووووي ........

 

[فيفالدي]

لان شكثر سالوا عن المسافه

تفضلوا

من فيينا ل سالزبوغ ٣٠٠ كيلو
من فيينا ل زلمسي ٣٧٧ كيلو
من سالزبوغ ل زلمسي ٨٠ كيلو

من سالزبوغ ل ميونخ ١٤٥ كم
من زلمسي ل ميونخ ١٨٢ كم
من ميونخ ل فينيسيا ٥٠٥ كم
من ميونخ ل ميلان ٤٩٨ كم
من ميونخ ل ريتشوني ٦٨٢ كم

 

[مارون جلاسيه]

يعيييج العافيه..
بس ودي سكن حق انترلاكن وين تنصحوني

 

[فيفالدي]

لاتنسون بادن بادن ديره روعه

 

[فيفالدي]

يعيييج العافيه..
بس ودي سكن حق انترلاكن وين تنصحوني

فنادق خمسة نجوم

Grand Hotel Beau Rivage
Telefon: +41 (0)33 826 70 07
الموقع الالكتروني : اضغط هنا


Victoria-Jungfrau Grand Hotel & Spa
Telefon: +41 (0)33 828 28 28
الموقع الالكتروني : اضغط هنا


فنادق اربعة نجوم

Hotel Du Lac
Telefon: +41 (0)33 822 29 22
الموقع الالكتروني : اضغط هنا


Hotel Du Nord
Telefon: +41 (0)33 827 50 50
الموقع الالكتروني : اضغط هنا او هنا

Hotel Interlaken
Telefon: +41 (0)33 826 68 68
الموقع الالكتروني : اضغط هنا

 

[&بريق ألماس&]

شلون الجو في زلمسي وفينا وميونخ شهر6 ؟

انا العام كنت في هالدول والصراحه برررررد انا اقولج لاني من النوع اللي يبرد بزياده كنت البس جاكيت

 

[&بريق ألماس&]

مساعده حبيباتي انا بسكن شقق فندقيه ان شاء الله
وابي اطبخ ..
١-اخذ معكرونه شعيريه اجبان ؟؟ والا شنو اخذ عدة مطبخ؟؟

٢- والقهوة وتوابعها الهيل وووووشنو حطيتوها فيه؟؟ علب والا اكياس؟؟ وخذيتو مطاطيرً؟؟ وبعد؟؟

٣- شنو اخذ لعيالي اعمارهم (١٢-٨-٤) ملابس ؟؟ بناطيل؟؟ والا برمودات ؟؟

٤-من وين اخذ ال ( رين كوت) ؟؟ هل موجود بالكويت؟؟؟

الله يعينكم ع اسإلتي ����������������

 

[seppecha]

ابي سكن ضرووووري والي عافيكم في زلمسي وانترلاكن

living max hotel b zell am see
o grand hayat hotel 3ala 6ol 3al bu7aira

 

[Jooryxd]

تروحين تدوتردين بالسلامه خيتو

 

[randomy]

ايه اخذي معاج الفهوة والجاي والعده كلها ....انا كنت حاطتها بالمرطبانات مالتها ( المعدن احسن)

اخذي معلبات..معجون طماط.. مكعبات ماجي ....عيش...بهارات .... سكر ...ملح( علشان لاتفرين وايد بالسوبر ماركت)

الخضرة تلقينها هناك .. والمعكرونه موجوده ... بس اخذي معاج جيس معكرونه واحد ...وشعيريه اخذي ماشفت هناك عندهم شعيريه

وبالتوفيق

 

[&بريق ألماس&]

ايه اخذي معاج الفهوة والجاي والعده كلها ....انا كنت حاطتها بالمرطبانات مالتها ( المعدن احسن)

اخذي معلبات..معجون طماط.. مكعبات ماجي ....عيش...بهارات .... سكر ...ملح( علشان لاتفرين وايد بالسوبر ماركت)

الخضرة تلقينها هناك .. والمعكرونه موجوده ... بس اخذي معاج جيس معكرونه واحد ...وشعيريه اخذي ماشفت هناك عندهم شعيريه

وبالتوفيق

مشكوووره حبيبتي

 

[طالبة0218]

يعطيكم العافيه على هالموضوع ... انشالله بسافر بعطلة العيد انا وزوجي بنروح بازل وميلانو وزلمسي وميونخ اول مره ازور هالدول وحاسه نفسي ضايعه كل مدينه راح نقعد فيها 4 ايام ..وحبيت اسال صج سوق ميلانو يصك شهر 8 !!