تجمع للمسافرات لامريكا هالصيف

[rawona]

انا محتاجه لاب توب وريلي يقولي اشتري من هناك وهم انا من محبين السوني مثل روونه ,شفت المواصفات اللي ابيها اهني مسوين عرض يطلع ب 360 وحطيت نفس المواصفات بسايت السوني يطلع تقريبا ب 270 ونفس سعر الكويت اييب مواصفات وايد احسن.​

اي حبوبه الافضل تاخذينه من اهناك ..

انا ماخذه لاب توبي من سوني من امريكا بس انا ماخذته غالي انا طالبه فيه مواصفات معينه يمكن طلع على ب 1000 دينار بس والله لي يومج مانزلت مواصفاته الكويت!!

واهناك في محل اسمه best buy سالي عنه اذا وصلتي فيه اجهزة كمبيوتر واي بود وسوالف اتينن واسعاره وايد حلوه وعنده سوني واتش بي وكومباك وتوشيبا وللكاميرات كانون ووايد سوالف والله راح تستانسين عليه ​

 

[rawona]

بسالكم ؟؟؟

عادي اخذ معاي نسكافية 3in1 بالطيارة واحط علبة بالجنطة ؟
لان انا ادمان قهوة


والجاكيتات الخفيفة باخذها حق نياجرا فولس (تنفع؟)

والله انا ما افضل تاخذين معاج هالسوالف علشان ما تفتحين على عمرج باب ساعات والله يتنيحسون ويسون سوالف اذا حابه حطيه بالجنطه الكبيره اللي بتنشحن واخذي حق الطياره 2 اصغار قطيهم بجنطتج واذا تبين بعد قهوه طلبيها منهم لووول ​

 

[rawona]

راونا ام سوني .. لاجديد عن ربعكم وفيزتهم
خل يكلمونهم اذا عندكم وقت خل يسحبونهم او يرجعون يقدمون مره ثانيه .

لا والله لا جديد اعيزوا واهم ايدقون اهم مو رافضينهم بس هالسنه زحمة طلبات لامريكا من حظهم والتأخير صاير من اهنااااااااااااااااااااك ..

بينطرون لاخر لحظه واذا مافي يمكن يروحون يا استراليا يا ماليزيا بس انشالله انشالله تطلع هل الاسبوووووووووووووووووووووووووووووووووووع قولواااا اميييييييييييين :eh_s(1):​

 

[rawona]

مرحبا بنات متابعتكم انا من فتره للثانيه ولمن شفت كلامكم عن فندق شيراتون فيزيتانا قلت خل اقولكم الى عندى مع ان ماشاءالله عليها روانا ماقصرت كل شى قالته انا تونى راده من اورلاندو وكنت ساكنه هالفندق والشى الحلو تو فاتح مطعم فلافل جدامه عند السوبر ماركت وشفتكم تتكلمون عن اوقات الحدائق ومتى تصكر ترا يختلف احنا حاشنا يوم واحد صكرت 7ونص كنا باليونيفرسال وباجى الايام 9 او 10 حسب يمكن لان وقت رحلتى على وقت 4جولاى هذا اليوم الوطنى عندهم وصج صج ممتعه حدها اورلاندو بس الجو ليصارت 1 ليما 4 الله لايوريكم يعض الايام رطوبه حدها وحر بس سبحان الله من يطق المطر الجو يتعدل ولا يطوفكم فيكتوريا سيكرت بالاوت لت مسوى سيل حلو 75 بالمايه يابلاش ويهبل وبد اند باث مسوى تنزيلا تحلوه بس خلصت وارجو انى افدتكم

هلا والله حبوبه ..

الحمدلله على سلامتج ... اي اورلاندو جوها بايخ اشوي بس اخر 8 على اول 9 يبتدي يتعدل ..

حسافه تنزيلات فيكتوريا خلصت بس انشالله انحصل جم شغله بالاوت لت لوووول "العاده اللي يبقى من السيل يحطونه على جنب لين يخلص "

والله يسهل انشالله ​

 

[rawona]

اوركيدا ...

انا ناوية اروح ميامي انشالله 3-4 ايام سمعت عن aventura mall و ال dolphin mall ياريت اتفيديني اكثر بميامي ..

وين اسكن؟؟ شنو الاماكن اللي لازم اروحلها يعني هالسوالف ..


ملكة صح كلام ناو ناو الافضل ما تاخذين معاج لحوم او فواكهه لا يسوولج سالفه اهناااك وترى عندهم اهناك كل شي انا اول كنت باخذ اشياء وايد من اهني والحين هونت ..


وشكلي باوزع الاغراض بالجناط لان صج مره صارت فيني ونسوا اجناطي بمطار شيكاغو بس كنت رايحة على الكويتيه حزتها :tomato2:


وناو ناو انا اهناك ما احط ميك اب كلش احرص على كريماتي واهم شي الحمايه بس ساعات عرااات احط كحل داخل العين وماسكارا وقلوس علشان صوري تطلع حلوه لوووول وساعات مو دايما اذا بنروح mall at mellinia اكشخ اشوي مادري احس اوله على الكشخة واحس هالمكان مال كشخه لانه راقي ..

بس شكلي هالسنه طااااااااااااااااااااف لان معاي عنونتي الينيه لووول ويني وين الكشخه هيهيهي

وعلى سالفة اجناااط الرحلات صاجين والله ملكة اخذي من اهنااك ايهبلوون انا باخذ من اهني لان صارلي 4 اسنين اروح واشتري من اهناااك فتكودوا عندي ابي احللهم اشوي _03BA:


اي صج بنااااات بالنسبه لتحميض او طباعة الصور ملكة وكل البنااات حمضوا اهناااااااااااك وايد ارخص روحوا walmart عندهم تحميض حطوا الصور بسي دي ودخلوه بالمشين واختاروا الصور اللي تبونها وحطوا برنت وتطلع بعد يومين سعرها 15 سنت واذا تبون بعد ساعه بسعر 20 سنت الصوره الوحده طبعا .. يعني ارخص من الكويت بوايد ..

يالله اذا ذكرت شي باقولكم :tek:​

 

[sunlight-q8]

اي حبوبه الافضل تاخذينه من اهناك ..

انا ماخذه لاب توبي من سوني من امريكا بس انا ماخذته غالي انا طالبه فيه مواصفات معينه يمكن طلع على ب 1000 دينار بس والله لي يومج مانزلت مواصفاته الكويت!!

واهناك في محل اسمه best buy سالي عنه اذا وصلتي فيه اجهزة كمبيوتر واي بود وسوالف اتينن واسعاره وايد حلوه وعنده سوني واتش بي وكومباك وتوشيبا وللكاميرات كانون ووايد سوالف والله راح تستانسين عليه ​

بعد عمري روونه تبردين القلب ومشكووره عالمعلومات:fun:

 

[اوركيدا]

اوركيدا ...

انا ناوية اروح ميامي انشالله 3-4 ايام سمعت عن aventura mall و ال dolphin mall ياريت اتفيديني اكثر بميامي ..

وين اسكن؟؟ شنو الاماكن اللي لازم اروحلها يعني هالسوالف ..

وناو ناو انا اهناك ما احط ميك اب كلش احرص على كريماتي واهم شي الحمايه بس ساعات عرااات احط كحل داخل العين وماسكارا وقلوس علشان صوري تطلع حلوه لوووول وساعات مو دايما اذا بنروح mall at mellinia اكشخ اشوي مادري احس اوله على الكشخة واحس هالمكان مال كشخه لانه راقي ..

:tek:​

هلا حبيبتي راونا .. بالنسبه حق ميامي .. السكن احسن شي يكون على البحر ..
الفندق اللي حطيته واااااااااااايد حلو .. او يمه الريتز بعد فضيـــع او شوفي اي فندق على صفتهم ..
هذي الفندقين يميزهم انه يمهم Ocean Drive اللي فيه المطاعم والمحلات او مجابلج البحر او وراج بالضبط((كلهم تروحين لهم مشي))
Lincon Road .. هذا حق بالليل . ميامي خطره شوي كانو دايما يقولون لنا لانزلون الداون تاون بالليل فعندج هالشارع نفس طريقة السوليدير مال لبنان .. مسكر ماتدخله السيارات .. او كله مطاعم او قعدات برى او محلات ..

اما الاسواق افنتورتا فيه وايد اشيا ..

او عندج بعد BaySide mall يبعد اقل من 5 دقايق عن الفنادق اللي قلت لج عنها الحلو فيه انه في جزء مسكر او جزء نفس البازار مفتوح او يبيعون فيه اشيا من امريكا الجنوبيه .. او سوفنيرات .. اما المجمع نفسه ففيه المحلات الامريكيه Gap Victoria Secret foot locker او جم محل بعد او مطاعم ..

هالصوره من صوب المجمع .. مالقيت صوره اوضح للاسف ..

هالصوره تبين لج قسم البازار ..

يعني بضايعهم من هالنوع

انصحج تروحين له بالليل .. وااااااااايد حلو اما النهار خلوه للبحر او دولفين مول روحو يوم واحد

عندج الـ بيل هابر مول .. هالمجمع اهوا الصالحيه مالهم .. كــــــــــــــــــله ماركات .. بس فضيـــع لازم تشوفينه ..

COCO WALK .. هذا مجمع صغيـــــــر بس حلو او فيه Cheese Cake Factory او جم محل اذكر منهم فيكتوريا سيكرت ..

اما دولفين مول فاهوا نفس نظام فلوريدا مول بس كل محلاته اوت لت .. كبيــــر وايد او فيه فود كورت او المحلات اللي اهناك كبيره .. فيه اوت لت نيمون ماركوس .. او Bebe او فكتوريا سيكرت وااايد اماكن .. واهوا الابعد فيهم يمكن الطريج نص ساعه زايد قاصر ...


اي شي ثاني انا حاضره


------------------------------------

اما بالنسبه للميك اب .. مرت خالي كانت مسافره ويانا اولت العام .. او كنا كلنا ويهنا كامل يسيح من الحر الا اهيا ماشاءلله عليها ولا يتغير .. الكحل والشدو والبلاشر كلشي على حطته .. سألتها شسالفه او قالت لي انه سحرها المثبت من ماك .. ولا يسييييييح مكياجها ماشاءلله ..
او صج لولا الصور جان ماحطينا في ويهنا شي لكن حرام الصور تطلع مو حلوه :cxxxp:

 

[اوركيدا]

حبيبتي هانا مونتانا اي شيراتون فيستانا تقصدين الريسورت ولا الفيلاج ,لأن دار راسي في واحد منهم البنات ما مدحوه وانا لي الحين محتارة بين الفنادق مادري شحجز ابي فندق حلو ويونس حق اليهال.واهم شي يكون فيه هاوس كيبنج
بنات اشتنصحوني فيه ​

حبيبتي فهمتي غلط ..
في واحد اسمه شيراتون فيستانا ريزورت .. هذا اللي الكل تكلم عنه ..
محد سكن بـ شيراتون فيستانا فيليج فالتجارب اللي سمعتيها كلها عن شيراتون فيستانا ريزورت ..
داخل الريزورت نفسه فيه فيليجز .. اهما مقسمينه يعني حق قرى .. اظن اهما اربع قرى .. كل وحده من هالقرى مستواها غير فاللي مامدحوه اهوا السبرنق والفول ..
اما كاسكيد فاهوا الاحسن .. فانتي لما تروحين اهناك لازم تأكدين عليهم انج تسكنين بالكاسكيد .. بس هذا الفرق .. وان شاءلله هانا مونتانا تقولج تجربتها بتفاصيل اكثر ..

:tek:

 

[malekatsabaa]

غلطاااااااااااانه ...
لاتفكرين تدخليين معاج لحوم بامريكا..الكلب بالمطار اييج يركض اذا شم اكل ممنوع دخوله مثل الفواكه واللحوم والاجبان
وليش هاللويه احلي الاجبان والعصاير كلها موجوده هني

زين قلتيلي

مشكوووره حبيبتي!

 

[malekatsabaa]

روونا

ملكة صح كلام ناو ناو الافضل ما تاخذين معاج لحوم او فواكهه لا يسوولج سالفه اهناااك وترى عندهم اهناك كل شي انا اول كنت باخذ اشياء وايد من اهني والحين هونت ..

انزين اللحوم مانوديها وحتى الاجبان؟؟
اخاف عيالي ما يعجبهم..المشكله ان لو ابروحي عادي بس اليهال يتنحون احياناً..
ولدي العود يوم در ان ماراح ناكل لحومهم ..
قالي يما كل يوم سويلنا لحم ودياي غدا وعشا عشان نشبع..فصيلة الجوارج..لوول

يلا ..تتغزر انشالله..سي يو

 

[ام _خلودي]

قووووه
شلوونكم ولهت عليكم لاب توووب عطاكم عمره فارحت وشريتلى لاب توب يديد خذيتلى سووونى كروكوداااى
بناات انا انشاء يوم السبيت الساعه 9 الصبح طاااايره (طاااير من الفرح طاااير)
حدددى متحمسه

 

[rawona]

اوركيدا ..

مشكوره وايد على هالمعلومات الحلوه وانشالله تنكتب لنا روحه لميامي ..


ملكة طفحي اعيالج وشبعيهم عدل لان ما تسوى عليج تاخذين لحوم وهالسوالف ويشرشحونج تالي بالمطار ..:eh_s(1):



ام خلودي تروحين وتردين بالسلامة والفال للبقية :ggdw:

ماقلتيلنا وين بتسكنين؟؟ ولي متى قاعده؟؟ ووين بتروحين سولفي اشوي لول oster_av1:

​

 

[ام _خلودي]

بليززز بناات ابي احجز ليلتين نيويورك بس مو عااارفه اى فندق الهلتون وايد غالى تنصحونى بشنووو

 

[sunlight-q8]

حبيبتي فهمتي غلط ..
في واحد اسمه شيراتون فيستانا ريزورت .. هذا اللي الكل تكلم عنه ..
محد سكن بـ شيراتون فيستانا فيليج فالتجارب اللي سمعتيها كلها عن شيراتون فيستانا ريزورت ..
داخل الريزورت نفسه فيه فيليجز .. اهما مقسمينه يعني حق قرى .. اظن اهما اربع قرى .. كل وحده من هالقرى مستواها غير فاللي مامدحوه اهوا السبرنق والفول ..
اما كاسكيد فاهوا الاحسن .. فانتي لما تروحين اهناك لازم تأكدين عليهم انج تسكنين بالكاسكيد .. بس هذا الفرق .. وان شاءلله هانا مونتانا تقولج تجربتها بتفاصيل اكثر ..

:tek:

مشكوره اوركيده حبيبتي والله ,المشكلة ان فنادقهم وايد والواحد يحتار,الله يسهل واستقر على فندق زين ​

 

[malekatsabaa]

لووووووووووووووووووووول

اي والله وانتي الصاجه!!

 

[اوركيدا]

احنا اليوم حصلنا Deal احسن
او غيرنا فندقنا .. بنسكن بالماريوت جراند فيستا ..

http://www.marriott.com/hotels/travel/mcogv-marriotts-grande-vista/

 

[rawona]

بليززز بناات ابي احجز ليلتين نيويورك بس مو عااارفه اى فندق الهلتون وايد غالى تنصحونى بشنووو

والله مادري ياقلبي انشالله البنات يفيدونج انا رايحة نيويورك سنة 1997 وما اذكر اي فندق سكنت فيهبس اللي اذكره بالتايم سكوير ..

ووين بتروحين بعد غير نيويورك؟؟​

 

[rawona]

احنا اليوم حصلنا Deal احسن
او غيرنا فندقنا .. بنسكن بالماريوت جراند فيستا ..

http://www.marriott.com/hotels/travel/mcogv-marriotts-grande-vista/

وايد حلو ماشالله والله يهنيكم انشالله ​

 

[أم بنوته]

صباح الخير بنات آنا متابعة الموضوع من بدايته بس هاذي أول مرة أشارك وياكم
آنا رايحة أورلاندو إنشا الله يوم 5-8-2008 ، آنا و زوجي و اليهال ،آنا أول مرة أروح بس زوجي رايح وايد بس مو أورلاندو أماكن ثانية و الحمد الله حجزنا الفنادق و التذاكر بس شنو التأمين اللي
إذكروه بعض البنات؟؟؟؟؟؟؟؟؟ و بالنسبة للسيارة إحنا للحين ما أجرناها و ناوين نأجرها لما نوصل ؟ عادي راح نحصل سيارة و لا لازم نحجزها قبل فترة؟؟؟؟؟؟

 

[أم بنوته]

لو سمحتي اختي nawnaw شلون رحتو للجريت سموكي ماونتن من أورلاندو؟؟؟؟؟؟؟ و بشنو رحتو ؟؟؟ و كم يبعد عن أورلاندو ( الوقت) ؟ و كم يوم قعدتو هناك ؟؟؟؟؟ أدري أسئلتي وايد بس ميخالف اتحمليني لأني دورت بوايد منتديات و ما لقيت عنهم شي
أتمنى لج رحلة سعيدة ، و إنشا الله تستانسين بسفرتج